Month: May 2026

മലപ്പുറം: മുസ്ലീം ലീഗ് ഉപമുഖ്യമന്ത്രി സ്ഥാനം ആവശ്യപ്പെട്ടിട്ടില്ലെന്ന് പാർട്ടി സംസ്ഥാന പ്രസിഡന്റ് പാണക്കാട് സാദിഖലി തങ്ങൾ വ്യക്തമാക്കി. സോഷ്യൽ മീഡിയയിൽ ഇത്തരം പരാമർശങ്ങൾ നടക്കുന്നുണ്ടെന്നും അദ്ദേഹം പറഞ്ഞു. ഒരു വാർത്താ ചാനലിനോട് പ്രതികരിക്കവേ, മന്ത്രി സ്ഥാനം സംബന്ധിച്ച അന്തിമ തീരുമാനം കോൺഗ്രസുമായി ചർച്ച ചെയ്ത ശേഷമായിരിക്കുമെന്ന് അദ്ദേഹം വ്യക്തമാക്കി. ലീഗുമായി ചർച്ച ചെയ്ത ശേഷം മുഖ്യമന്ത്രി വിഷയത്തിൽ കോൺഗ്രസ് തീരുമാനമെടുക്കുമെന്ന് പ്രതീക്ഷിക്കുന്നതായും അദ്ദേഹം പറഞ്ഞു. വെള്ളാപ്പള്ളിയുടെ പരാമർശം അനുചിതമായിയെന്നും അതിന് ജനങ്ങൾ അര്‍ഹിക്കുന്ന മറുപടി നൽകിയിട്ടുണ്ടെന്നും സാദിഖലി തങ്ങൾ പറഞ്ഞു. വനിതാ സ്ഥാനാർത്ഥികളെ നിർത്തിയതിന് ലീഗിനെ വിമർശിച്ചവർക്കുള്ള മറുപടിയാണ് ഫാത്തിമ തെഹ്ലിയയുടെ വിജയം. അത്തരം വിമർശനങ്ങൾ അപ്രസക്തമാണെന്ന് ഈ വിജയത്തോടെ മനസ്സിലായിക്കാണുമെന്നും അദ്ദേഹം പറഞ്ഞു. മുഖ്യമന്ത്രിയെ തീരുമാനിക്കേണ്ടത് കോൺഗ്രസ് ആണ്. യുഡിഎഫിലെ ഉൾപ്പോരിനെക്കുറിച്ച് ആശങ്കപ്പെടേണ്ടതില്ല. ഇത്തരം മോശം പ്രവണതകളിലേക്ക് പോകുന്നത് ജനങ്ങളോടുള്ള വെല്ലുവിളിയാണ്. പ്രതിപക്ഷ നേതൃസ്ഥാനം ഏറ്റെടുത്തതിനുശേഷം…

തിരുവനന്തപുരം: തിരഞ്ഞെടുപ്പില്‍ കനത്ത പരാജയം ഏറ്റുവാങ്ങിയ സിപിഐഎമ്മിൽ പുതിയ നേതൃത്വത്തിന് ആവശ്യമുയരുന്നു. സംഘടനയുടെ നേതൃത്വത്തിൽ മാറ്റം അനിവാര്യമാണെന്നാണ് മുതിർന്ന നേതാക്കൾ ആവശ്യപ്പെടുന്നത്. അസാധാരണമായ ഒരു സാഹചര്യം നേരിടാൻ അസാധാരണ നടപടികൾ ആവശ്യമാണെന്ന് ഭൂരിപക്ഷവും അഭിപ്രായപ്പെട്ടു. പരാജയത്തിന്റെ ഉത്തരവാദിത്തം ഏറ്റെടുത്ത് പിണറായി വിജയൻ മാറണമെന്ന ആവശ്യവും ശക്തിയാര്‍ജ്ജിക്കുകയാണ്. തിരഞ്ഞെടുപ്പിലെ പരാജയം വിലയിരുത്താൻ സിപിഐ, സിപിഐഎം നേതൃയോഗങ്ങൾ നാളെ ആരംഭിക്കും. അതേസമയം, പിണറായി വിജയനും എംവി ഗോവിന്ദനുമെതിരെ കണ്ണൂരിൽ ഫ്ലെക്സുകള്‍ ഉയർന്നു. കണ്ണൂരിലെ കോളയാട് ഈരായികൊല്ലിയിലാണ് ഫ്ലെക്സുകള്‍ ഉയര്‍ന്നത്. നേതാക്കളല്ല, പാർട്ടിയാണ് വലുത് എന്ന് ഫ്ലെക്സിൽ പറയുന്നു. പി ജയരാജന്റെയും എം സ്വരാജിന്റെയും ചിത്രങ്ങളാണ് ഫ്ലെക്സിലുള്ളത്. നയിക്കാൻ ഇവര്‍ ഉണ്ടെങ്കിൽ ഞങ്ങളും കൂടെയുണ്ട് എന്നാണ് ഫ്ലെക്സ് ബോർഡിൽ പറയുന്നത്. നിയമസഭാ തെരഞ്ഞെടുപ്പിൽ പാർട്ടി ശക്തികേന്ദ്രങ്ങളുടെ തകർച്ചയിൽ സിപിഎമ്മിന് വലിയ തിരിച്ചടി നേരിട്ടു. കണ്ണൂരിൽ കേഡർ വോട്ടുകളിൽ വൻ ചോർച്ചയുണ്ടായി. പാർട്ടി…

തിരുവനന്തപുരം: പൊതുജനവികാരം മനസ്സിലാക്കി പുതിയ സർക്കാർ പ്രവർത്തിക്കണമെന്ന് മുതിർന്ന കോൺഗ്രസ് നേതാവ് എ.കെ. ആന്റണി പറഞ്ഞു. സാമ്പത്തിക സ്ഥിതി മെച്ചപ്പെടുത്തുക എന്നതായിരിക്കണം പ്രഥമ പരിഗണന. തിരഞ്ഞെടുപ്പ് വാഗ്ദാനങ്ങൾ നടപ്പിലാക്കണമെന്നും, സി.പി.എം ചെയ്ത അതേ തെറ്റ് യു.ഡി.എഫ് ചെയ്യരുതെന്നും അദ്ദേഹം പറഞ്ഞു. “കേരളത്തിൽ നമ്മൾ കണ്ടത് ശക്തമായ സർക്കാരിനെതിരെയുള്ള കൊടുങ്കാറ്റാണ്. കാസർഗോഡ് മുതൽ തിരുവനന്തപുരം വരെയുള്ള പരമ്പരാഗത മാർക്സിസ്റ്റ് ശക്തികേന്ദ്രങ്ങൾക്ക് ഈ കൊടുങ്കാറ്റിനെ അതിജീവിക്കാനുള്ള ശക്തി നഷ്ടപ്പെട്ടിരിക്കുന്നു. മാർക്സിസ്റ്റ് പാർട്ടിയുടെ തകർച്ചയെ കുറ്റപ്പെടുത്തുന്നതിൽ അർത്ഥമില്ല. സി.പി.ഐ.എം അതിന്റെ തെറ്റായ നടപടികൾ തിരുത്തണം,” അദ്ദേഹം പറഞ്ഞു. മുഖ്യമന്ത്രിയെക്കുറിച്ചോ മന്ത്രിമാരെക്കുറിച്ചോ അഭിപ്രായം പറയാൻ കഴിയില്ലെന്നും അദ്ദേഹം പറഞ്ഞു. ഇപ്പോൾ കേൾക്കുന്ന മൂന്ന് പേരെയും തനിക്ക് ഇഷ്ടമാണെന്നും മൂന്ന് പേരും യോഗ്യരാണെന്നും എ കെ ആന്റണി പറഞ്ഞു. ഗാന്ധിയുടെയും നെഹ്‌റുവിന്റെയും കാലം മുതൽ മുഖ്യമന്ത്രിയെച്ചൊല്ലി തർക്കമുണ്ടായിരുന്നു. എല്ലാവരുടെയും വാക്കുകൾ കേട്ട ശേഷം ഹൈക്കമാൻഡ്…

തിരുവനന്തപുരം: ഇത്തവണ നിയമസഭയില്‍ കോണ്‍ഗ്രസ് വനിതാ എം‌എല്‍‌എമാരുടെ പ്രാതിനിധ്യം കൗതുകമുണര്‍ത്തുന്ന കാഴ്ചയായിരിക്കും. കൊല്ലത്ത് നിന്ന് ബിന്ദു കൃഷ്ണ, എലത്തൂരിൽ നിന്ന് വിദ്യാ ബാലകൃഷ്ണന്‍, കോങ്ങാട് നിന്ന് ഉജ്ജ്വല വിജയം കൈവരിച്ച തുളസി ടീച്ചർ, മാനനന്തവാടിയിൽ മന്ത്രി ഒ.ആർ. കേളുവിനെ പരാജയപ്പെടുത്തിയ ഉഷാ വിജയൻ എന്നിവരും, നാട്ടികയിൽ നിന്ന് എൽ.ഡി.എഫിന്റെ ഗീത ഗോപിയും ആറ്റിങ്ങലിൽ നിന്ന് ഒ.എസ്. അംബികയും നിയമസഭയിലെത്തും. ചരിത്രത്തിലാദ്യമായി മുസ്ലീം ലീഗിന്റെ ആദ്യത്തെ വനിതാ എം‌എല്‍‌എയായി പേരാമ്പ്രയിൽ നിന്നുള്ള ഫാത്തിമ തഹിലിയ എത്തുന്നതും ഇത്തവണത്തെ തിരഞ്ഞെടുപ്പിന്റെ പ്രത്യേകതയാണ്. എൽഡിഎഫ് കൺവീനർ ടി.പി. രാമകൃഷ്ണനെ പരാജയപ്പെടുത്തിയാണ് ഫാത്തിമ നിയമസഭയിലെത്തുന്നത്. തൃക്കാക്കരയിൽ നിന്നുള്ള യുഡിഎഫിന്റെ ഉമ തോമസ് നിയമസഭാ തിരഞ്ഞെടുപ്പിലെ ഉപതെരഞ്ഞെടുപ്പിൽ വിജയം ആവർത്തിച്ചു. മറുവശത്ത്, യു.ഡി.എഫിന്റെ പിന്തുണയോടെ വടകരയിൽ കെ.കെ. രമ വീണ്ടും തന്റെ ശക്തി തെളിയിച്ചു. അരൂരിൽ എൽഡിഎഫിന്റെ സിറ്റിംഗ് സീറ്റ് തിരിച്ചുപിടിച്ചാണ് യു.ഡി.എഫിന്റെ ഷാനി…

കേരളത്തിൽ യുഡിഎഫ് വിജയിച്ചതിനെത്തുടർന്ന്, കോൺഗ്രസ് പാർട്ടിക്കുള്ളിൽ മുഖ്യമന്ത്രി സ്ഥാനം സംബന്ധിച്ച തർക്കം കൂടുതൽ രൂക്ഷമായി. മൂന്ന് പ്രമുഖ നേതാക്കൾ തമ്മിലുള്ള മത്സരം ഉൾപ്പാർട്ടി സംഘർഷം വർദ്ധിപ്പിച്ചിട്ടുണ്ട്, അന്തിമ തീരുമാനം ഹൈക്കമാൻഡിന്റേതാണ്. തിരുവനന്തപുരം: 2026 ലെ കേരള നിയമസഭാ തെരഞ്ഞെടുപ്പിൽ യു.ഡി.എഫ് (യുണൈറ്റഡ് ഡെമോക്രാറ്റിക് ഫ്രണ്ട്) സഖ്യം വൻ വിജയം നേടി, സംസ്ഥാനത്ത് അവർ സർക്കാർ രൂപീകരിക്കുമെന്ന് ഏതാണ്ട് ഉറപ്പാണ്. എന്നാല്‍, ഈ വിജയം പാർട്ടിക്കുള്ളിൽ ഒരു പുതിയ അസ്വസ്ഥതയ്ക്ക് കാരണമായിട്ടുണ്ട്. ആഘോഷങ്ങൾക്ക് മുമ്പുതന്നെ, ഏറ്റവും വലിയ ചോദ്യം ഉയർന്നുവന്നിട്ടുണ്ട്: ആര് മുഖ്യമന്ത്രിയാകും? ഈ വിഷയം പാർട്ടിക്കുള്ളിൽ അസ്വാരസ്യം സൃഷ്ടിച്ചിരിക്കുകയാണ്. വിജയത്തിനുശേഷം അനുയായികൾ ആഹ്ലാദഭരിതരാണെങ്കിലും, മുതിർന്ന പാർട്ടി നേതാക്കൾക്കിടയിൽ നേതൃത്വ തർക്കം രൂക്ഷമായി. പോസ്റ്ററുകൾ മുതൽ ഡൽഹിയിലെ മീറ്റിംഗുകൾ വരെ എല്ലായിടത്തും ഈ വിഷയം ചർച്ച ചെയ്യപ്പെടുന്നു. നിലവിൽ, മൂന്ന് പ്രമുഖ നേതാക്കളെയാണ് മുഖ്യമന്ത്രി സ്ഥാനത്തേക്ക് പരിഗണിക്കുന്നത്. മുഖ്യമന്ത്രി…