Month: April 2026

കാലിഫോര്‍ണിയ: യേശുക്രിസ്തുവിന്‍റെ ജറുസലേം പ്രവേശനത്തിന്‍റെ ഓര്‍മ്മ പുതുക്കി ക്രൈസ്തവര്‍ ഈ വര്‍ഷത്തെ ഓശാന പെരുന്നാള്‍ ആഘോഷിച്ചു. ഇതോടനുബന്ധിച്ച് പള്ളികളില്‍ പ്രത്യേക പ്രാര്‍ത്ഥനകളും കുരുത്തോല പ്രദക്ഷിണവും നടത്തി. കാലിഫോര്‍ണിയായിലെ സാക്രമെന്‍റോ സെന്‍റ് ബേസില്‍ സിറിയക് ഓര്‍ത്തഡോക്സ് ദേവാലയത്തില്‍ ഈ വര്‍ഷം നടന്ന ഹോശാന പെരുന്നാളിന് അമേരിക്കന്‍ ഭദ്രാസന മെത്രാപ്പോലീത്ത യെല്‍ദോ മോര്‍ തീത്തോസ് തിരുമേനി മുഖ്യകാര്‍മ്മികനായിരുന്നു. പള്ളി വികാരി റവ.ഫാ. തോമസ് കോരയും റവ.ഫാ. രഞ്ജന്‍ മാത്യുവും സഹകാര്‍മ്മികരായിരുന്നു. നീതിമാനും ജയശാലിയും താഴ്മയുള്ളവനും വിനയത്തിന്‍റെയും ക്ഷമയുടെയും മുഖമുദ്രയുമായിരുന്നു യേശുതമ്പുരാന്‍.  

മിഷിഗൺ: സെന്റ് ജോൺസ് മാർത്തോമ്മാ ഇടവക ആതിഥേയത്വം വഹിക്കുന്ന 29-ാം മാർത്തോമ്മാ ക്വയർ ഫെസ്റ്റിവലിന്റെ ലോഗോ പ്രകാശനം ചെയ്തു. സെന്റ് ജോൺസ് മാർത്തോമ പള്ളിയിൽ ആരാധനയെ തുടർന്നു നടന്ന സമ്മേളനത്തിൽ വെച്ച് ക്വയർ ഫെസ്റ്റിവൽ കമ്മിറ്റി പ്രസിഡന്റ് റവ. സഞ്ചോ പി വർഗീസ് ലോഗോ പ്രകാശനം നിർവ്വഹിച്ചു. ജൂലൈ 25 ശനിയാഴ്ച വൈകിട്ട് 3.30 മുതൽ നടത്തപ്പെടുന്ന ഈ വർഷത്തെ ക്വയർ ഫെസ്റ്റിവലിന്റെ ചിന്താവിഷയം EL-Sela 2026 (psalms 18:2) എന്നതാണ്. ചിക്കാഗോ, കാനഡ, ഡിട്രോയിറ്റ് എന്നിവിടങ്ങളിൽ നിന്നുള്ള പത്തോളം മലയാളം, ഇംഗ്ലീഷ് ഗായകസംഘങ്ങൾ ഈ സംഗീതോത്സവത്തിൽ പങ്കെടുക്കും. ക്വയർ ഫെസ്റ്റിവലിന്റെ ക്രമീകരണങ്ങൾക്കായ് റവ. സഞ്ചോ പി വർഗീസ് (പ്രസിഡന്റ്), ജോൺ വർഗീസ്-ജോജി (ജനറൽ കൺവീനർ), ഷാജി ഈപ്പൻ (പ്രോഗ്രാം), ഇസബെൽ സാം, സിബി ബിനു (റിസപ്ഷൻ), അനിൽ സാം (ഫുഡ്), സോണി മാത്യൂസ്(ഓപ്പറേഷൻസ് & അറേൻജ്‌മെൻറ്സ്),…

നേറ്റോയിൽ നിന്ന് യുഎസിനെ പിൻവലിക്കുന്നതിനെക്കുറിച്ച് ഗൗരവമായി ആലോചിക്കുന്നുണ്ടെന്ന് യുഎസ് പ്രസിഡന്റ് ട്രംപ് ഒരു അഭിമുഖത്തിൽ പറഞ്ഞു. നേറ്റോയെ വെറും “കടലാസ് പുലി” എന്ന് വിശേഷിപ്പിച്ച അദ്ദേഹം യൂറോപ്യൻ രാജ്യങ്ങളുടെ നിഷ്ക്രിയത്വത്തിൽ അതൃപ്തി പ്രകടിപ്പിച്ചു. വാഷിംഗ്ടണ്‍: നേറ്റോയിൽ നിന്ന് യുഎസിനെ പിൻവലിക്കുന്നതിനെക്കുറിച്ച് ഗൗരവമായി ആലോചിക്കുന്നുണ്ടെന്ന് പ്രസിഡന്റ് ഡോണാള്‍ഡ് ട്രം‌പ്. ബ്രിട്ടനിലെ ഡെയ്‌ലി ടെലിഗ്രാഫ് പത്രത്തിന് നൽകിയ അഭിമുഖത്തിലാണ് അദ്ദേഹം ഈ അഭിപ്രായം പങ്കുവെച്ചത്. നേറ്റോയെ ഒരു “കടലാസ് പുലി” എന്ന് വിശേഷിപ്പിച്ച അദ്ദേഹം, യൂറോപ്യൻ രാജ്യങ്ങളുടെ നിഷ്‌ക്രിയത്വത്തിൽ അതൃപ്തി പ്രകടിപ്പിച്ചു. ഇറാൻ യുദ്ധത്തിലും ഹോർമുസ് കടലിടുക്ക് വിഷയത്തിലും സഹകരണമില്ലായ്മയ്ക്ക് ശേഷമാണ് അദ്ദേഹത്തിന്റെ ഈ പ്രസ്താവന. നേറ്റോയുടെ വിശ്വാസ്യതയിൽ തനിക്ക് വളരെക്കാലമായി സംശയമുണ്ടെന്ന് ട്രംപ് പറഞ്ഞു. ഇറാൻ സംഘർഷത്തിനുശേഷം സഖ്യത്തിലെ അമേരിക്കയുടെ അംഗത്വം പുനഃപരിശോധിക്കുമോ എന്ന് ചോദിച്ചപ്പോൾ, “അതെ, അത് പുനർവിചിന്തനത്തിന് അപ്പുറമാണ്” എന്ന് അദ്ദേഹം മറുപടി നൽകി. “നേറ്റോയിൽ…

ന്യൂജേഴ്‌സി : മിഡ്‌ലാൻഡ്‌ പാർക്ക്‌ സെന്റ്‌ സ്റ്റീഫൻസ് ഓർത്തഡോൿസ്‌ ദേവാലയത്തിൽ കഷ്ടാനുഭാഴ്ച ശ്രുശൂഷകൾ റവ.ഫാ. കെ ജി അലക്സാണ്ടർ (അടൂർ ഭദ്രാസനം), ഇടവക വികാരി റവ.ഫാ.ഡോ. ബാബു.കെ.മാത്യു എന്നിവരുടെ വിശുദ്ധ കാർമീകത്വത്തിൽ ക്രമീകരിച്ചിരിക്കുന്നു. ഏപ്രിൽ ഒന്ന് ബുധനാഴ്ച വൈകുന്നേരം പെസഹാവ്യാഴാഴ്ച ശ്രുശൂഷയുടെ ഭാഗമായി ഏഴു മണിക്ക് സന്ധ്യാ നമസ്കാരവും തുടർന്ന് വിശുദ്ധ കുർബാനയും, ഒൻപതു മണിക്ക് പെസഹാ അപ്പം വാഴ്ത്തൽ ശ്രുശൂഷയും ദൈവതിരുനാമത്തിൽ ക്രമീകരിച്ചിട്ടുണ്ട്. ഏപ്രിൽ രണ്ടു വ്യാഴാഴ്ച വൈകുന്നേരം ഏഴു മണിക്ക് സന്ധ്യാ നമസ്കാരം. ഏപ്രിൽ മൂന്ന്, ദുഃഖവെള്ളിയാഴ്ച പ്രാർഥനാക്രമങ്ങൾ രാവിലെ എട്ടര മണിക്ക് ആരംഭിക്കും. വിശുദ്ധ കർമങ്ങളിൽ പങ്കെടുക്കുന്ന എല്ലാ വിശ്വാസികൾക്കും വിശുദ്ധക്രമങ്ങൾക്ക്‌ ശേഷം ലഘു ഭക്ഷണവും സജീകരിച്ചിട്ടുണ്ട്. ഏപ്രിൽ നാല്, ദുഃഖ ശനിയാഴ്ച, പത്തര മണിക്ക് ഉച്ച നമസ്കാരവും, തുടർന്ന് വിശുദ്ധകുർബാനയും, വൈകുന്നേരം ആറു മണിക്ക് സന്ധ്യാ നമസ്കാരവും ഉണ്ടായിരിക്കുന്നതാണ്. ഏപ്രിൽ അഞ്ചു…