Month: March 2026

ചിക്കാഗോ: ബെൻസൻവിൽ സേക്രഡ് ഹാർട്ട് ഇടവകയിൽ വലിയ നോമ്പിനോടനുബന്ധിച്ച് വാർഷികധ്യാനം മാർച്ച് 13 മുതൽ 15 വരെ നടത്തപ്പെടുന്നു. പ്രശസ്ത ധ്യാനഗുരുവും വയനാട്ടിലുള്ള മക്കിയാട് ബെനഡിക്റ്റൈൻ ധ്യാനമന്ദിരത്തിൻ്റെ ഡയറക്ടറുമായ ഫാ. ജോയ് ചെമ്പകശ്ശേരിയാണ് മുതിർന്നവർക്കായുള്ള ദിവ്യകാരുണ്യആത്മാഭിഷേകധ്യാനത്തിന് നേതൃത്വം നൽകുന്നത്. കുട്ടികൾക്കുംയുവജനങ്ങൾക്കുമായി അനോയ്‌ൻ്റിങ് ഫയർ കാത്തലിക് യൂത്ത് മിനിസ്ട്രിയുടെ ആഭിമുഖ്യത്തിൽ ധ്യാനശുശ്രൂഷകൾ പ്രത്യേകമായി ക്രമീകരിച്ചിട്ടുണ്ടെന്നും വികാരി ഫാ. അബ്രാഹം കളരിയ്ക്കൽ അറിയിച്ചു. ട്രസ്റ്റിമാരായ തോമസ് കുന്നുംപുറത്ത്, മത്തിയാസ് പുല്ലാപ്പള്ളി, അബ്രാഹം അരീച്ചിറയിൽ, ജെയ്മോൻ പടിഞ്ഞാറേൽ, എബിൻ കുളത്തിൽകരോട്ട് എന്നിവർ ധ്യാനക്രമീകരണങ്ങൾക്ക് നേതൃത്വം നൽകും. നോമ്പിൻ്റെ ചൈതന്യമുൾക്കൊണ്ട് ആത്മവിശുദ്ധീകരണത്തിനും ജീവിതനവീകരണത്തിനുമുതകുന്ന ഈ ധ്യാനത്തിൽ മുഴുവൻ സമയവും പങ്കെടുത്ത് ഈസ്റററിനൊരുങ്ങാൻ എല്ലാ ഇടവകാംഗങ്ങൾക്കും കഴിയട്ടെ എന്നു പ്രാർത്ഥിയ്ക്കുന്നതായും കുട്ടികളുടെയുംയുവജനങ്ങളുടെയും ധ്യാനദിവസങ്ങളായ ശനി, ഞായർ ദിവസങ്ങളിൽ അവരുടെ സാന്നിദ്ധ്യം മാതാപിതാക്കൾ ഉറപ്പുവരുത്തണമെന്നും വികാരി ഫാ. അബ്രാഹം കളരിയ്ക്കൽ ഓർമിപ്പിച്ചു.

കണ്ണൂർ: മൂന്നു മതങ്ങളും ഇത്രയധികം സഹജീവിതം നടത്തുന്ന സഹിഷ്ണുതയുള്ള സമൂഹമായി കേരളം നിലനിൽക്കുന്നതിനു പിന്നിൽ വായന നൽകിയ സംസ്‌കാരമാണെന്ന് എഴുത്തുകാരൻ സക്കറിയ. കൈരളി ബുക്സ് പ്രസിദ്ധീകരിക്കുന്ന കനേഡിയൻ മലയാളി എഴുത്തുകാരനായ ജോൺ ഇളമതയുടെ ‘സൂഫികളും സുൽത്താന്മാരും’ എന്ന പുസ്‌തകം കഥാകൃത്ത് പി.കെ.പാറക്കടവന് നൽകി പ്രകാശനം ചെയ്തുകൊണ്ട് സംസാരിക്കുകയായിരുന്നു അദ്ദേഹം. മറ്റു മതങ്ങളെ അപമാനിക്കാത്ത, ഒപ്പം ജീവിക്കാൻ അനുവദിക്കുന്ന, മതഭ്രാന്തില്ലാത്ത, വർഗീയഭ്രാന്തില്ലാത്ത ഒരു സമൂഹമായി കേരളം ഇപ്പോഴും നിലനിൽക്കുന്നു. ഇതിനെല്ലാം പിന്നിൽ വിദ്യാലയങ്ങളും നന്മയുള്ള അധ്യാപകരും വായനയുമെല്ലാം ഉണ്ടാക്കിയ സംസ്കാരമാണെന്ന് അദ്ദേഹം പറഞ്ഞു. കൈരളി ബുക്സ് മാനേജിംഗ് ഡയറക്ട‌ർ ഒ. അശോക്കുമാർ അദ്ധ്യക്ഷത വഹിച്ചു. എ.വി.പവിത്രൻ, പി.കെ.പാറക്കടവ് , സതീശൻ മോറായി, ഷുക്കൂർ പെടയങ്ങോട്, രാജേഷ് തെക്കന്മാർ, എ.കെ.ബിജുരാജ് എന്നിവർ പ്രസംഗിച്ചു. ജോൺ ഇളമത മറുപടി പ്രസംഗം നടത്തി. പ്രശസ്ത ലോക സഞ്ചാരിയായ ഇബ്ൻ ബത്തൂത്തയുടെ സഞ്ചാരത്തെ ആസ്പദമാക്കി…

ഡാളസ് :പത്തനംതിട്ട മല്ലിശേരി പുത്തൻപറമ്പിൽ മാത്യുക്കുട്ടി ഡാനിയേൽ (70) മാർച്ച് 7-ന്  അന്തരിച്ചു. വാർദ്ധക്യസഹജമായ അസുഖങ്ങളെത്തുടർന്ന് ചികിത്സയിലായിരുന്നു.സെന്റ് മേരീസ് ഓർത്തഡോക്സ് വലിയപള്ളി ഇടവകാംഗമാണ് ഭാര്യ: ഏലിയാമ്മ  മാത്യു മക്കൾ: ജോബിൻ ഡാനിയേൽ, ജിബിൻ ഡാനിയേൽ മരുമക്കൾ  ഡാലിയ സൂസൻ ,റിയാ തോമസ് സംസ്കാരം: സംസ്കാര ചടങ്ങുകളെക്കുറിച്ചുള്ള വിവരങ്ങൾ പിന്നീട്

തിരുവനന്തപുരം: മുതിർന്ന കോൺഗ്രസ് നേതാവും എഐസിസി ജനറൽ സെക്രട്ടറിയുമായ കെസി വേണുഗോപാൽ വരാനിരിക്കുന്ന കേരള നിയമസഭാ തെരഞ്ഞെടുപ്പിൽ മത്സരിച്ചേക്കുമെന്ന് സൂചന. സംസ്ഥാനത്ത് പാർട്ടി തങ്ങളുടെ സ്ഥാനം ശക്തിപ്പെടുത്താൻ ശ്രമിക്കുമ്പോൾ ദേശീയ രാഷ്ട്രീയത്തിൽ നിന്ന് സംസ്ഥാന രാഷ്ട്രീയത്തിലേക്കുള്ള മാറ്റത്തിന്റെ സൂചനയാണിത്. ആലപ്പുഴ നിയമസഭാ മണ്ഡലത്തിൽ നിന്ന് വേണുഗോപാലിനെ മത്സരിപ്പിക്കുന്ന കാര്യം ഇന്ത്യൻ നാഷണൽ കോൺഗ്രസ് ഹൈക്കമാൻഡ് പരിഗണിക്കുന്നുണ്ടെന്ന് പാർട്ടി വൃത്തങ്ങൾ അറിയിച്ചു. അടുത്തിടെ പുറത്തുവന്ന ആഭ്യന്തര സർവേകൾ പ്രകാരം അദ്ദേഹത്തിന്റെ സ്ഥാനാർത്ഥിത്വം കോൺഗ്രസ് നയിക്കുന്ന യുണൈറ്റഡ് ഡെമോക്രാറ്റിക് ഫ്രണ്ടിന്റെ (യുഡിഎഫ്) സാധ്യതകളെ ഗണ്യമായി വർദ്ധിപ്പിക്കുമെന്ന് റിപ്പോർട്ട് ചെയ്യപ്പെട്ടിട്ടുണ്ട്, പ്രത്യേകിച്ച് അദ്ദേഹത്തിന്റെ സ്വന്തം നാട്ടിൽ. വേണുഗോപാൽ നിലവിൽ ലോക്സഭയിൽ ആലപ്പുഴയെ പ്രതിനിധീകരിക്കുന്നു. നിയമസഭാ തെരഞ്ഞെടുപ്പിൽ യുഡിഎഫിന് ഭൂരിപക്ഷം ലഭിച്ചാൽ, സംസ്ഥാനത്തെ പാർട്ടിയുടെ ഏറ്റവും മുതിർന്ന സംഘടനാ നേതാക്കളിൽ ഒരാളായി കണക്കാക്കപ്പെടുന്ന വേണുഗോപാൽ മുഖ്യമന്ത്രി സ്ഥാനത്തേക്ക് ഉയർന്നുവരുമെന്ന് ചില കോൺഗ്രസ് വൃത്തങ്ങൾ…