Month: March 2026

ഡാളസ് ചെങ്ങന്നൂർ: സെന്റ് ജോർജ് ഓർത്തഡോക്സ് ഇടവക മുൻ ട്രസ്റ്റിയും സുനിൽ ഫിലിപ്പിന്റെ പിതാവുമായ ചെങ്ങന്നൂർ മലക്കര കടവനാലിൽ എബ്രഹാം ഫിലിപ്പ് (80) ഇന്ന് ചെങ്ങന്നൂരിൽ നിര്യാതനായി. സംസ്‌കാരം പിന്നീട്. ഭാര്യ: ഏലിയാമ്മ ഫിലിപ്പ് (പത്തനാപുരം ചിറ്റാർ വള്ളിയാനിക്കുന്ന് കുടുംബാംഗം). മക്കൾ: സുനിൽ ഫിലിപ്പ് (ഡാളസ്), അനിൽ ഫിലിപ്പ് (അയർലൻഡ്) മരുമക്കൾ: അനിത സുനിൽ (ഡാളസ്), ഷീന അനിൽ (അയർലൻഡ്) കൊച്ചുമക്കൾ: അൽവിൻ ഫിലിപ്പ്, ആഷ്‌ലി ഫിലിപ്പ്, സിബിൻ ഫിലിപ്പ്, ഓസ്റ്റിൻ ഫിലിപ്പ്, ആഞ്ചലിൻ ഫിലിപ്പ്, ആഷർ ഫിലിപ്പ് (അയർലൻഡ്). സെന്റ് ജോർജ് ഓർത്തഡോക്സ് മുൻ ഇടവക അംഗമായ എബ്രഹാം ഫിലിപ്പിന്റെ വിയോഗത്തിൽ വികാരി വെരി റവ രാജു ഡാനിയേൽ കോർ എപ്പിസ്കോപ്പ അനുശോചിച്ചു. കൂടുതൽ വിവരങ്ങൾക്കു: സുനിൽ ഫിലിപ്പ് (ഡാളസ് ) 214 603 1277

തിരുവനന്തപുരം: ഔദ്യോഗിക പ്രഖ്യാപനം വന്നിട്ടില്ലെങ്കിലും വട്ടിയൂർക്കാവ് മണ്ഡലത്തിൽ മൂന്ന് മുന്നണികളിലെയും സ്ഥാനാർത്ഥികൾ പ്രചാരണത്തിൽ സജീവമാണ്. കോർപ്പറേഷനിലെ 24 വാർഡുകൾ ഉൾപ്പെടുന്നതാണ് വട്ടിയൂർക്കാവ് മണ്ഡലം. ഔദ്യോഗിക പ്രഖ്യാപനത്തിന് മുമ്പുതന്നെ കെ. മുരളീധരനെ അനുകൂലിക്കുന്ന ചുവരെഴുത്തുകൾ മണ്ഡലത്തിൽ ആരംഭിച്ചു കഴിഞ്ഞു. കോൺഗ്രസ് വാർഡ് കമ്മിറ്റികളെ സജീവമാക്കുന്നതിനുള്ള പ്രവർത്തനങ്ങൾ ഇപ്പോൾ പുരോഗമിക്കുകയാണ്. മുരളീധരൻ തന്നെയാണ് വാർഡ് കമ്മിറ്റികൾ വിളിക്കുന്നത്. ഔദ്യോഗിക സ്ഥാനാർത്ഥി പ്രഖ്യാപനത്തിന് ശേഷം മാത്രമേ യു.ഡി.എഫ് എന്ന നിലയിൽ പ്രവർത്തനങ്ങൾ ഊർജിതമാക്കൂ. നേരത്തെ വിജയിച്ച മണ്ഡലത്തിൽ മുരളീധരന് വലിയ ജനപ്രീതിയുണ്ട്. മാത്രമല്ല, നഗരസഭയിലെ യു.ഡി.എഫിന്റെ തദ്ദേശ സ്വയംഭരണ തിരഞ്ഞെടുപ്പിന്റെ പൂർണ ഉത്തരവാദിത്തം മുരളീധരൻ ഏറ്റെടുത്തിരുന്നു. കഴിഞ്ഞ കൗൺസിലിലെ യു.ഡി.എഫിന്റെ അംഗസംഖ്യ 10 ൽ നിന്ന് 20 ആയി ഉയർത്തുന്നതിൽ അദ്ദേഹത്തിന്റെ നേതൃത്വം നിർണായകമായിരുന്നു. സിറ്റിംഗ് എംഎൽഎ വി.കെ. പ്രശാന്ത് എൽ.ഡി.എഫ് സ്ഥാനാർത്ഥിയായി തുടരും. ഔദ്യോഗിക പ്രഖ്യാപനം വന്നിട്ടില്ലെങ്കിലും, എല്ലാ ഇടതുപക്ഷ…

ഡെന്റൺ:ഡെന്റണിൽ പോലീസിനു നേരെ ഇരുമ്പ് വടികൊണ്ട് ആക്രമണത്തിന് മുതിർന്നയാൾ വെടിയേറ്റ് മരിച്ചു അമേരിക്കയിലെ ടെക്സസിലുള്ള ഡെന്റണിലെ പിക്കിൾബോൾ കോർട്ടിൽ ഞായറാഴ്ച ഉച്ചയോടെയാണ് സംഭവം നടന്നത്. മദ്യപിച്ച നിലയിലുള്ള ഒരാളെക്കുറിച്ച് ലഭിച്ച പരാതിയെത്തുടർന്ന് സ്ഥലത്തെത്തിയതായിരുന്നു പോലീസ്. കൈയ്യിൽ ഇരുമ്പ് വടിയുമായി കോർട്ടിന് മുകളിലെ വേലിയിൽ കയറി നിന്ന വ്യക്തി, തന്നെ കൊല്ലാൻ പോലീസിനെ വെല്ലുവിളിക്കുകയും ഭീഷണിപ്പെടുത്തുകയും ചെയ്തു. പോലീസുകാർ അനുനയിപ്പിക്കാൻ ശ്രമിച്ചെങ്കിലും ഇയാൾ വേലിയിൽ നിന്ന് താഴെയിറങ്ങി ഇരുമ്പ് വടിയുമായി ഉദ്യോഗസ്ഥർക്ക് നേരെ പാഞ്ഞടുത്തു. പ്രതിയെ തടയാൻ ടേസർ (Taser) തോക്ക് ഉപയോഗിച്ചെങ്കിലും ഫലമുണ്ടായില്ല. തുടർന്ന് മറ്റൊരു ഉദ്യോഗസ്ഥൻ വെടിയുതിർക്കുകയായിരുന്നു. പരിക്കേറ്റയാളെ ഉടൻ ആശുപത്രിയിൽ എത്തിച്ചെങ്കിലും മരണം സംഭവിച്ചു. ഇയാളുടെ പേരുവിവരങ്ങൾ പുറത്തുവിട്ടിട്ടില്ല. സംഭവത്തിൽ ഉദ്യോഗസ്ഥർക്കോ മറ്റ് ആളുകൾക്കോ പരിക്കേറ്റിട്ടില്ല. വെടിയുതിർത്ത ഉദ്യോഗസ്ഥനെ ഔദ്യോഗിക നടപടികളുടെ ഭാഗമായി അവധിയിൽ പ്രവേശിപ്പിച്ചു. ടെക്സസ് റേഞ്ചേഴ്‌സ് (Texas Rangers) സംഭവത്തിൽ അന്വേഷണം…

ടാമ്പ: മലയാളി അസോസിയേഷന്‍ ഓഫ് ടാമ്പായുടെ പ്രവര്‍ത്തനോദ്ഘാടനം വൈവിദ്ധ്യമാര്‍ന്നതും വര്‍ണ്ണോജ്വലവുമായ കലാപരിപാടികള്‍ കൊണ്ടും വമ്പിച്ച ജനപങ്കാളിത്തം കൊണ്ടും അസ്സോസിയേഷന്റെ ചരിത്രത്തില്‍ പുതിയൊരു അദ്ധ്യായം എഴുതിച്ചേര്‍ത്തു. ഫെബ്രുവരി 28 ശനിയാഴ്ച വൈകീട്ട് 6 മണിയോടുകൂടിയാണ് ടാമ്പാ ക്നാനായ കമ്മ്യൂറ്റി സെന്‍ററില്‍ ആഘോഷ പരിപാടികള്‍ക്കു തുടക്കമായത്. അമേരിക്കയുടെ വിവിധ സംസ്ഥാനങ്ങളില്‍ നിന്ന് എത്തിച്ചേര്‍ന്ന സാംസ്കാരിക-സാമുദായിക പ്രതിനിധികളുടെയും, ഫൊക്കാന, ഫോമാ പ്രതിനിധികളുടെയും സാന്നിദ്ധ്യം ശ്രദ്ധേയമായി. മുന്‍ പ്രസിഡന്റ് ജോണ്‍ കല്ലോലിക്കല്‍ തന്‍റെ ആമുഖ പ്രസംഗത്തിനുശേഷം നിയുക്ത ഭാരവാഹികളെ സ്റ്റേജിലേക്കു ക്ഷണിച്ചു. വിശിഷ്ടാതിഥികളായി എത്തിയ ഡോ. സൗമ്യ വിശ്വനാഥ്, ഗിരീഷ് നാരായണന്‍ എന്നിവരോടൊപ്പം വാദ്യഘോഷങ്ങളുടെ അകമ്പടിയോടെ പുതുതായി തെരഞ്ഞെടുക്കപ്പെട്ട പ്രസിഡന്റ് ബിജോയ് ജോസഫും കമ്മിറ്റി അംഗങ്ങളും വേദിയിലെത്തി. മുന്‍ പ്രസിഡന്റ് ശ്രീമതി സുനിതാ ഫ്ളൗവര്‍ഹില്‍ ചൊല്ലിക്കൊടുത്ത സത്യവാചകം ഏറ്റുചൊല്ലി അവര്‍ ചുമതലയേറ്റു. ക്ഷണിക്കപ്പെട്ട അതിഥികളോടൊപ്പം ഭദ്രദീപം തെളിയിച്ചതിനുശേഷം പ്രസിഡന്റ് ബിജോയ് ജോസഫ് തന്നില്‍…