Month: February 2026

തിരുവനന്തപുരം: നെല്ലുൽപാദനം ആവശ്യത്തിലധികം ഉയർന്നതായും സംഭരണത്തിനും വിതരണത്തിനുമുള്ള ചെലവ് പൊതു ഖജനാവിന് ഒരു ഭാരമായി മാറുമെന്നുമുള്ള കേന്ദ്ര ധനകാര്യ മന്ത്രാലയത്തിന്റെ റിപ്പോര്‍ട്ട് കേരള സര്‍ക്കാര്‍ തള്ളി. നെല്ലിന് അധിക പ്രോത്സാഹന ബോണസ് നൽകുന്നത് നിർത്തിവയ്ക്കാനും പകരം പയർവർഗ്ഗങ്ങളുടെയും തിനയുടെയും കൃഷി പ്രോത്സാഹിപ്പിക്കാനുമാണ് കേന്ദ്രം നിർദ്ദേശിച്ചത്. എന്നാല്‍, പ്രോത്സാഹന ബോണസ് തുടരുമെന്ന് സംസ്ഥാന സർക്കാർ കേന്ദ്രത്തെ ഔദ്യോഗികമായി അറിയിക്കാൻ തീരുമാനിച്ചു. കൃഷി സംസ്ഥാന സർക്കാരിന്റെ അധികാരപരിധിയിലാണെന്നാണ് സംസ്ഥാനത്തിന്റെ വാദം. അതിനാൽ, കർഷകർക്ക് ബോണസ് നൽകുന്നത് നിർത്താന്‍ സംസ്ഥാനത്തെ നിർദ്ദേശിക്കാൻ കേന്ദ്രത്തിന് അധികാരമില്ലെന്നും സര്‍ക്കാര്‍ അറിയിച്ചു. തെരഞ്ഞെടുപ്പ് അടുത്തുവരുന്ന സാഹചര്യത്തിൽ, എൽഡിഎഫ് സർക്കാരും ഈ വിഷയം കേന്ദ്രത്തിനെതിരെ രാഷ്ട്രീയമായി ഉപയോഗിക്കുമെന്ന് പ്രതീക്ഷിക്കുന്നു. ചോദ്യോത്തര വേളയിൽ ഈ വിഷയം ഉന്നയിക്കേണ്ട ദിവസം നിയമസഭ ബഹിഷ്‌കരിച്ചതിലൂടെ പ്രതിപക്ഷം കർഷകരോടുള്ള അവഗണനയാണ് കാണിച്ചതെന്ന് കൃഷി മന്ത്രി പി. പ്രസാദ് നേരത്തെ ആരോപിച്ചിരുന്നു. സംഭരണ ​​പദ്ധതി…

ഹൂസ്റ്റണ്‍: യുഎസിലെ ഹൂസ്റ്റണ്‍ ആസ്ഥാനമായി പ്രവര്‍ത്തിക്കുന്ന പ്രമുഖ ബിസിനസ് സംഘടനയായ സൗത്ത് ഇന്ത്യന്‍ യുഎസ് ചേംബര്‍ ഓഫ് കൊമേഴ്‌സിന്റെ (SIUCC) പുതിയ ഭാരവാഹികളെ തിരഞ്ഞെടുത്തു. സാമൂഹിക പ്രവര്‍ത്തകനും മാധ്യമപ്രവര്‍ത്തകനുമായ ഡോ. ജോര്‍ജ്ജ് എം. കാക്കനാട് ആണ് പുതിയ പ്രസിഡന്റ്. ബ്രൂസ് കൊളംബേലിനെ സെക്രട്ടറിയായും സണ്ണി കാരിയ്ക്കലിനെ ട്രഷററായും ഐകകണ്‌ഠ്യേന തിരഞ്ഞെടുത്തു. അമേരിക്കയിലെ ഇന്ത്യന്‍ ബിസിനസ് സമൂഹത്തിന്റെ വളര്‍ച്ചയ്ക്കും ഉന്നമനത്തിനുമായി പ്രതിജ്ഞാബദ്ധമായ സംഘടനയെ വരും വര്‍ഷങ്ങളില്‍ കൂടുതല്‍ കരുത്തോടെ മുന്നോട്ട് നയിക്കാന്‍ പുതിയ ഭരണസമിതിക്ക് സാധിക്കുമെന്ന് യോഗം വിലയിരുത്തി. പതിനഞ്ചാം വാര്‍ഷികവും ബിസിനസ് കോണ്‍ക്ലേവും കഴിഞ്ഞ 15 വര്‍ഷത്തിലേറെയായി ഹൂസ്റ്റണിലെ ബിസിനസ് മേഖലയില്‍ നിര്‍ണ്ണായക സ്വാധീനമായി മാറിയ SIUCC, പുതിയ സംരംഭകര്‍ക്ക് മാര്‍ഗനിര്‍ദ്ദേശങ്ങള്‍ നല്‍കുന്നതിലും ബിസിനസ് സൗഹൃദ നയങ്ങള്‍ക്കായി വാദിക്കുന്നതിലും മുന്‍പന്തിയിലുണ്ട്. സംഘടനയുടെ 15-ാം വാര്‍ഷികത്തോടനുബന്ധിച്ച് വിപുലമായ രീതിയിലുള്ള ബിസിനസ് കോണ്‍ക്ലേവ് സംഘടിപ്പിക്കുമെന്ന് സെക്രട്ടറി ബ്രൂസ് കൊളംബേല്‍ അറിയിച്ചു.…

മിലാനോ കോർട്ടിന: നിലവിലെ ശൈത്യകാല ഒളിമ്പിക്സിൽ അമേരിക്കയെ പ്രതിനിധീകരിക്കുന്നതിൽ തനിക്ക് “മിശ്രവികാരം”  ആണെന്ന പ്രസ്താവന നടത്തിയ യുഎസ് ഫ്രീസ്റ്റൈൽ സ്കീയിംഗ് താരം ഹണ്ടർ ഹെസിനെ രൂക്ഷമായി വിമർശിച്ച് പ്രസിഡന്റ് ഡൊണാൾഡ് ട്രംപ്. ഹെസിനെ ഒരു ‘ലൂസർ’  എന്ന് വിശേഷിപ്പിച്ച ട്രംപ്, ഇത്തരക്കാർക്കായി ആർപ്പുവിളിക്കാൻ പ്രയാസമാണെന്നും തന്റെ സോഷ്യൽ മീഡിയ പ്ലാറ്റ്‌ഫോമിൽ കുറിച്ചു. ഇറ്റലിയിലെ ഉദ്ഘാടന ചടങ്ങിന് മുന്നോടിയായി നടന്ന വാർത്താ സമ്മേളനത്തിലാണ് ഹണ്ടർ ഹെസ് വിവാദ പരാമർശം നടത്തിയത്. “അമേരിക്കയിൽ നടക്കുന്ന പല കാര്യങ്ങളുടെയും വലിയ ആരാധകനല്ല ഞാൻ. പതാക ധരിക്കുന്നത് കൊണ്ട് അമേരിക്കയിൽ നടക്കുന്ന എല്ലാ കാര്യങ്ങളെയും ഞാൻ പ്രതിനിധീകരിക്കുന്നു എന്ന് അർത്ഥമില്ല,” എന്നായിരുന്നു ഹെസിന്റെ വാക്കുകൾ. തന്റെ ധാർമ്മിക മൂല്യങ്ങൾക്കൊപ്പം നിൽക്കുന്ന കാര്യങ്ങളെയും സ്വന്തം കുടുംബത്തെയും സുഹൃത്തുക്കളെയുമാണ് താൻ പ്രതിനിധീകരിക്കുന്നതെന്നും താരം കൂട്ടിച്ചേർത്തു. തന്റെ രാജ്യത്തെ പ്രതിനിധീകരിക്കുന്നില്ലെന്ന് പറയുന്ന ഒരാൾ ടീമിൽ ഇടം പിടിക്കാൻ…

പ്ലാനോ(ഡാലസ്) : തന്റെ മകൻ വംശീയമായ അതിക്രമത്തിന് ഇരയായെന്ന് സമൂഹമാധ്യമങ്ങളിലൂടെ തെറ്റായ പ്രചരണം നടത്തിയ അമ്മയ്ക്കും അഭിഭാഷകയ്ക്കുമെതിരെ കോടതിയുടെ വിധി. പ്ലാനോ സ്വദേശിയായ ആഷർ വാൻ (18) നൽകിയ പരാതിയിൽ, സമ്മർ സ്മിത്ത്, അഭിഭാഷകയായ കിം ടി. കോൾ എന്നിവർ 3.2 ദശലക്ഷം ഡോളർ (ഏകദേശം 26.5 കോടി രൂപ) നഷ്ടപരിഹാരം നൽകാനാണ് കോടതി ഉത്തരവിട്ടത്. 2021-ൽ ഒരു ഉറക്കത്തിനിടയിൽ (sleepover) ആഷർ വാനും സുഹൃത്തുക്കളും ചേർന്ന് സമ്മർ സ്മിത്തിന്റെ മകന് മൂത്രം കലർത്തിയ പാനീയം നൽകിയെന്നതായിരുന്നു വിവാദം. ഇതിനെ വംശീയ അതിക്രമമായും ക്രൂരമായ മർദ്ദനമായും ചിത്രീകരിച്ച് സമ്മർ സ്മിത്ത് സോഷ്യൽ മീഡിയയിൽ ക്യാമ്പയിൻ നടത്തി. ഇത് ആഗോളതലത്തിൽ ശ്രദ്ധിക്കപ്പെടുകയും ആഷറിനും കുടുംബത്തിനുമെതിരെ വലിയ തോതിലുള്ള ഭീഷണികൾക്കും ആക്രമണങ്ങൾക്കും കാരണമാവുകയും ചെയ്തു. കുട്ടികൾ തമ്മിലുണ്ടായ മോശം തമാശയെ വംശീയ അതിക്രമമായി ചിത്രീകരിച്ച് ആഷറിന്റെ ജീവിതം തകർത്തുവെന്ന് കോടതി…

ചിക്കാഗോ: ചിക്കാഗോ മലയാളി അസ്സോസിയേഷന്റെ ഈ വർഷത്തെ കലാമേള ‘കലോത്സവ് 2026’ 2026 മാർച്ച് 28 ന് ബെൽവുഡ് സിറോ മലബാർ ചർച്ച് ഓഡിറ്റോറിയത്തിൽ വെച്ച് നടക്കും. കലാമേള രജിസ്‌ട്രേഷൻ ഫെബ്രുവരി 15 ന് ആരംഭിക്കുമെന്ന് സംഘാടകർ അറിയിച്ചു. നോർത്ത് അമേരിക്കയിലെ ഏറ്റവും വലിയ കലാമാമാങ്കമായ ചിക്കാഗോ മലയാളി അസോസിയേഷന്റെ കലാമേള, മൽസരാർഥികളുടെ എണ്ണം കൊണ്ടും ജനപങ്കാളിത്തം കൊണ്ടും ഏറ്റവും ശ്രദ്ധേയമായ ഒരു പരിപാടിയാണ് .ഇത്തവണത്തെ കലാമേളയിലും കൂടുതൽ മൽസരാർഥികളെ പ്രതീക്ഷിക്കുന്നതായി സംഘാടകർ പറഞ്ഞു .കലാമേളയുടെ വിജയത്തിനായി വിവിധ കമ്മിറ്റികൾ പ്രവർത്തനങ്ങൾ ആരംഭിച്ചു. കലാമേളയുടെ നിയമാവലി,രെജിസ്ട്രേഷൻ എന്നിവ സംബന്ധിച്ച വിവരങ്ങൾ എന്നിവ ചിക്കാഗോ മലയാളി അസോസിയേഷന്റെ വെബ് സൈറ്റിൽ ലഭ്യമാണ് .രെജിസ്ട്രേഷൻ ഫീസ് cma2025.27@gmail.com എന്ന ഈമെയിലിൽ Zelle ചെയ്യാവുന്നതാണ് .കലാമേളയെക്കുറിച്ചുള്ള എല്ലാ അന്വേഷണങ്ങൾക്കും kalamela 2026@chicagomalayaleeassociation.com എന്ന ഇമെയിൽ വിലാസത്തിൽ ബന്ധപ്പെടാവുന്നതാണ്. ഈ കലാമേളയിലേക്ക് എല്ലാ…

ഗാർലാൻഡ് (ഡാലസ്): കലയും സാഹിത്യവും സിനിമയും ഒത്തുചേർന്ന അവിസ്മരണീയമായ ഒരു സന്ധ്യയിൽ, ഡാലസിലെ കേരള ലിറ്റററി സൊസൈറ്റിയുടെ 2026-ലെ പ്രവർത്തന ഉദ്ഘാടനം വിജയകരമായി നടന്നു. ഫെബ്രുവരി 8 ഞായറാഴ്ച ഉച്ചകഴിഞ്ഞ് 3 മണിക്ക് ഗാര്‍‌ലാന്‍ഡിലെ ഡാളസ് കേരള അസോസിയേഷൻ കോൺഫറന്‍സ് ഹാളിൽ നടന്ന ചടങ്ങിൽ സാംസ്കാരിക – സാമൂഹിക രംഗത്തെ പ്രമുഖർ പങ്കെടുത്തു. ലിയ നെബു, അൽസ്റ്റാർ മാമ്പിള്ളി എന്നിവർ ആലപിച്ച അമേരിക്കൻ, ഇന്ത്യൻ ദേശീയ ഗാനങ്ങളോടെയാണ് പരിപാടികൾക്ക് തുടക്കമായത്. സംഘടനയുടെ സെക്രട്ടറി ബാജി ഓടംവേലി സ്വാഗതം ആശംസിച്ചു. സൊസൈറ്റിയുടെ 2026 ലെ ഇയർ പ്ളാൻ സെക്രട്ടറി അവതരിപ്പിച്ചു. പ്രസിഡന്റ് അനശ്വർ മാമ്പിള്ളി അദ്ധ്യക്ഷപ്രസംഗം നടത്തി. പ്രശസ്ത സിനിമാ സംവിധായകൻ ഷാജി എം. ഭദ്രദീപം കൊളുത്തി പ്രവർത്തന ഉദ്ഘാടനം നിർവ്വഹിച്ചു. സാഹിത്യവും കലയും പ്രവാസ ജീവിതത്തിൽ ചെലുത്തുന്ന സ്വാധീനത്തെക്കുറിച്ച് അദ്ദേഹം തന്റെ ഉദ്ഘാടന പ്രസംഗത്തിൽ സംസാരിച്ചു. ചടങ്ങിന്…

തിരുവനന്തപുരം: കോണ്‍ഗ്രസ് വനിതാ നേതാവ് എംഎ ഷഹനാസ് തന്നെ മോശക്കാരനായി ചിത്രീകരിച്ചു എന്നാരോപിച്ച് രാഹുല്‍ മാങ്കൂട്ടത്തില്‍ എം എല്‍ എ പത്തു കോടി നഷ്ടപരിഹാരം ആവശ്യപ്പെട്ട് വക്കീല്‍ നോട്ടീസയച്ചു. ഇക്കഴിഞ്ഞ മൂന്നാം തീയതി നടത്തിയ പത്രസമ്മേളനത്തിനിടെയാണ് രാഹുല്‍ തന്നെ ലൈംഗികമായി പീഡിപ്പിച്ചുവെന്ന് ഷഹനാസ് ആരോപിച്ചത്. . ഷഹനാസ് ഉന്നയിച്ച ആരോപണങ്ങൾ അടിസ്ഥാനരഹിതമാണെന്നും, നഷ്ടപരിഹാരമായി പത്തു കോടി രൂപ നല്‍കണമെന്നും രാഹുലിന്റെ നോട്ടീസിൽ പറയുന്നു. നഷ്ടപരിഹാരമായി ലഭിക്കുന്ന തുക 100 പാവപ്പെട്ടവർക്ക് വീട് നിർമ്മിക്കാനുള്ള പദ്ധതിക്കായി ഉപയോഗിക്കുമെന്നും രാഹുൽ വ്യക്തമാക്കിയിട്ടുണ്ട്. ബലാത്സംഗ കേസിൽ ജാമ്യത്തിലിറങ്ങിയ ശേഷം രാഹുൽ നടത്തിയ ചില പരാമർശങ്ങൾക്കെതിരെ ഷഹനാസ് ശക്തമായി രംഗത്തെത്തിയിരുന്നു. രാഹുലുമായി തനിക്ക് സൗഹൃദമില്ലെന്നും അദ്ദേഹത്തോടൊപ്പം ഒരു സെൽഫി പോലും എടുത്തിട്ടില്ലെന്നും ഷഹനാസ് കോഴിക്കോട് നടന്ന പത്രസമ്മേളനത്തിൽ പറഞ്ഞു. സാഹിത്യോത്സവത്തിൽ പങ്കെടുക്കാൻ ക്ഷണിച്ചുവെന്ന രാഹുലിന്റെ വാദം പൂർണ്ണമായും തെറ്റാണെന്നും അവർ വ്യക്തമാക്കി. രാഹുൽ…