Month: February 2026

കാലിഫോർണിയ:അമേരിക്കയിലെ ഏറ്റവും വലിയ കായിക മാമാങ്കമായ ‘സൂപ്പർ ബൗൾ’  നടക്കുമ്പോൾ, വിദേശികളെ വേട്ടയാടുന്ന ഇമിഗ്രേഷൻ ഏജൻസിക്ക് (ICE) എതിരെ പ്രതിഷേധവുമായി യു.എസ്. ജനപ്രതിനിധി റോ ഖന്ന രംഗത്തിറങ്ങി. കാലിഫോർണിയയിലെ സാന്താ ക്ലാരയിലുള്ള ലെവിസ് സ്റ്റേഡിയത്തിന് പുറത്താണ് അദ്ദേഹം പ്രതിഷേധക്കാർക്കൊപ്പം ചേർന്നത്. ആഡംബരത്തിലിരുന്ന് കളി കാണുന്നതിന് പകരം തന്റെ മണ്ഡലത്തിലെ ജനങ്ങളുടെ ആശങ്കകൾക്കൊപ്പം നിൽക്കാനാണ് താൻ ആഗ്രഹിക്കുന്നതെന്ന് സിലിക്കൺ വാലി എം.പിയായ റോ ഖന്ന പറഞ്ഞു. കളി കാണാൻ എത്തുന്നവരിൽ നിന്നും വിദേശികളെ പിടികൂടാൻ ഐസ്  ഏജന്റുമാരെ വിന്യസിക്കുമെന്ന ട്രംപ് ഭരണകൂടത്തിന്റെ സൂചനകൾ പ്രദേശവാസികളിൽ വലിയ ഭീതിയുണ്ടാക്കിയിരുന്നു. ഇമിഗ്രേഷൻ ഏജന്റുമാരെ ഭയന്ന് നിരവധി ആളുകൾ എം.പിയുടെ ഓഫീസുമായി ബന്ധപ്പെട്ടിരുന്നു. ഇതിനെത്തുടർന്ന് സൂപ്പർ ബൗൾ ഞായറാഴ്ച തന്റെ ഓഫീസ് തുറന്നു പ്രവർത്തിപ്പിക്കാൻ അദ്ദേഹം നിർദ്ദേശം നൽകി. “ICE Out” എന്നെഴുതിയ ബോർഡുകളുമായി പ്രതിഷേധക്കാർ സ്റ്റേഡിയത്തിന് പുറത്ത് അണിനിരന്നു. ഐസിന് പുതിയ…

ലാസ് വേഗസ്: പ്രസിഡന്റ് ട്രംപിന്റെ തിരഞ്ഞെടുപ്പ് വാഗ്ദാനമായ ഡിസ്‌കൗണ്ട് ഫാർമ പദ്ധതി (TRUMP-Rx) നിലവിൽ വന്നു. ആരോഗ്യ ഇൻഷുറൻസ് ഇല്ലാത്ത ദശലക്ഷക്കണക്കിന് അമേരിക്കക്കാർക്ക് പ്രയോജനപ്രദമാകും വിധം നിത്യോപയോഗ മരുന്നുകളുടെ വില ഗണ്യമായി കുറയുമെന്ന് ഇത് സംബന്ധിച്ചുള്ള വൈറ്റ്ഹൗസ് പത്രക്കുറിപ്പിൽ അറിയിച്ചു. ആരോഗ്യ ഇൻഷുറൻസ് ഉള്ളവർ ചെറിയ ഒരു തുക കൊടുത്ത് വാങ്ങുന്ന ഇത്തരം മരുന്നുകൾ, ഇൻഷുറൻസ് ഇല്ലാത്ത ഒരു വ്യക്തിക്ക് പുറത്ത് നിന്നും വാങ്ങുവാനോ, അതിന്റെ വില താങ്ങുവാനോ കഴിയുമായിരുന്നില്ല. പ്രമുഖ ബ്രാൻഡഡ് മരുന്നുകളുടെ തത്യുല്യമായ ജനറിക് മരുന്നുകൾ 90 ശതമാനം വരെ വില കുറച്ച് മാർക്കറ്റിൽ എത്തിക്കുക എന്നതാണ് ഇതിന്റെ ഉദ്ദേശലക്ഷ്യം. ഡയബറ്റിക് മരുന്നുകൾക്കും ശരീരഭാരം കുറയ്ക്കുവാനുള്ള മരുന്നുകൾക്കുമാണ് ആദ്യഘട്ടത്തിൽ സഹായവില പ്രഖ്യാപിച്ചിട്ടുള്ളത്. വൈകാതെ തന്നെ മറ്റ് രോഗങ്ങൾക്കുള്ള മരുന്നുകളും ഇതിൽ ഉൾപ്പെടുത്തും എന്ന് അറിയിച്ചിട്ടുണ്ട്. അമേരിക്കയിൽ ലഭ്യമാകുന്ന മരുന്നുകൾക്ക്, മറ്റ് രാജ്യങ്ങളിൽ വിൽക്കുന്ന വിലയേക്കാൾ…

വാഷിംഗ്‌ടൺ ഡി സി :അമേരിക്കയെയും കാനഡയെയും ബന്ധിപ്പിക്കുന്ന പുതിയ ‘ഗോർഡി ഹോവ്’ അന്താരാഷ്ട്ര പാലത്തിന്റെ നിർമ്മാണവുമായി ബന്ധപ്പെട്ട് കാനഡയ്‌ക്കെതിരെ രൂക്ഷവിമർശനവുമായി യുഎസ് പ്രസിഡന്റ് ഡൊണാൾഡ് ട്രംപ്. പാലത്തിന്റെ പകുതി ഉടമസ്ഥാവകാശം അമേരിക്കയ്ക്ക് നൽകണമെന്നും അല്ലാത്തപക്ഷം പാലം തുറക്കാൻ അനുവദിക്കില്ലെന്നുമാണ് ട്രംപിന്റെ ഭീഷണി. കാനഡയുടെ പൂർണ്ണ സാമ്പത്തിക സഹായത്തോടെ നിർമ്മിക്കുന്ന ഈ പാലത്തിന്റെ ഉടമസ്ഥാവകാശം കാനഡയ്ക്കാണ്. എന്നാൽ ഇത് അമേരിക്കയെ ചൂഷണം ചെയ്യലാണെന്നും പാലത്തിന്റെ പകുതി പങ്ക് യുഎസിന് വേണമെന്നും ട്രംപ് വാദിക്കുന്നു. പാലം പണിയാൻ അമേരിക്കൻ ഉരുക്ക് (Steel) ഉപയോഗിക്കാതെ കാനഡയ്ക്ക് ഇളവ് നൽകിയ മുൻ പ്രസിഡന്റ് ബരാക് ഒബാമയുടെ നടപടിയെ ട്രംപ് ‘വിഡ്ഢിത്തം’ എന്ന് വിശേഷിപ്പിച്ചു. കാനഡ ചൈനയുമായി വ്യാപാര കരാറിൽ ഏർപ്പെടാൻ നീക്കം നടത്തുകയാണെന്ന് ട്രംപ് ആരോപിച്ചു. ചൈനയുമായുള്ള ഈ ബന്ധം കാനഡയിലെ ഐസ് ഹോക്കി കളി തന്നെ ഇല്ലാതാക്കുമെന്നും വിഖ്യാതമായ ‘സ്റ്റാൻലി കപ്പ്’…

കോട്ടയം: കേരള കോൺഗ്രസ് (എം) ചെയർമാൻ ജോസ് കെ മാണിക്കെതിരെ പാലാ എംഎൽഎ മാണി സി കാപ്പൻ ശക്തമായി രംഗത്തെത്തി. യുഎഡിഎല്ലിൽ ചേരാൻ ജോസ് കെ മാണി കോൺഗ്രസ് നേതാക്കളെ കണ്ടുവെന്ന് മാണി സി കാപ്പൻ ആരോപിച്ചു. എന്നാൽ, പാലായിൽ ജയിക്കുമെന്ന ജോസ് കെ മാണിയുടെ സ്വപ്നം പൂവണിയില്ലെന്നും, താനീ പറയുന്നത് നിഷേധിക്കാൻ ജോസിന് കഴിയുമോ എന്നും മാണി സി കാപ്പൻ വെല്ലുവിളിച്ചു. ജോസ് കെ മാണി കണ്ട നേതാക്കളെ ഞാന്‍ ഇപ്പോള്‍ പറയുന്നില്ല. കുരിശ് പള്ളി മാതാവിനെ മുന്നില്‍ വെച്ച് കണ്ടില്ലെന്ന് പറഞ്ഞാല്‍, ജോസ് കെ മാണി പറയുന്നതെന്നും ഞാന്‍ ചെയ്യും. തന്ത്രങ്ങളോ മന്ത്രങ്ങളോ പ്രയോഗിക്കുന്നതില്‍ അര്‍ത്ഥമില്ല. പാലായിലെ ജനങ്ങള്‍ അത് തിരിച്ചറിയും. പാലായില്‍ ജയിക്കുമെന്ന് ജോസ് കെ മാണി സ്വപ്നം പോലും കാണരുതെന്ന് അദ്ദേഹം വ്യക്തമാക്കി. പാലായിലെ വികസന പ്രവർത്തനങ്ങളിൽ എംഎൽഎ വേണ്ടത്ര ഇടപെട്ടിട്ടില്ലെന്ന്…

കൊച്ചി: കള്ളപ്പണം വെളുപ്പിക്കൽ തടയൽ നിയമം (പിഎംഎൽഎ), ഫോറിൻ എക്സ്ചേഞ്ച് മാനേജ്മെന്റ് നിയമം (ഫെമ) എന്നിവ പ്രകാരമുള്ള ലംഘനങ്ങളെക്കുറിച്ചുള്ള അഭ്യൂഹങ്ങൾ കോൺഫിഡന്റ് ഗ്രൂപ്പ് മാനേജിംഗ് ഡയറക്ടർ ടിഎ ജോസഫ് തിങ്കളാഴ്ച ശക്തമായി നിഷേധിച്ചു. കമ്പനിക്ക് യാതൊരു ബാധ്യതയുമില്ലെന്നും കേരളത്തിലും മറ്റിടങ്ങളിലുമുള്ള അവരുടെ എല്ലാ പദ്ധതികളും തടസ്സമില്ലാതെ പുരോഗമിക്കുന്നുണ്ടെന്നും അദ്ദേഹം പറഞ്ഞു. ഗ്രൂപ്പിന്റെ സ്ഥലത്ത് ആദായനികുതി (ഐടി) നടത്തിയ പരിശോധനകൾ പതിവാണെന്നും നികുതി അധികാരികളുടെ പീഡന ആരോപണങ്ങൾ തള്ളിക്കളഞ്ഞുകൊണ്ട് ഇവിടെ ഒരു പത്രസമ്മേളനത്തിൽ സംസാരിച്ച ജോസഫ് പറഞ്ഞു. “എന്റെ അറിവിൽ, കോൺഫിഡന്റ് ഗ്രൂപ്പ് ഐടി ഉദ്യോഗസ്ഥരിൽ നിന്ന് ഒരു പീഡനവും നേരിട്ടിട്ടില്ല. അവർ ഞങ്ങളോട് ബഹുമാനത്തോടെയാണ് പെരുമാറിയത്. മുൻകാലങ്ങളിലും പതിവ് ജിഎസ്ടി പരിശോധനകൾ നടന്നിട്ടുണ്ട്,” അദ്ദേഹം പറഞ്ഞു. കോൺഫിഡന്റ് ഗ്രൂപ്പ് ചെയർമാൻ സി ജെ റോയിയുടെ മരണത്തെക്കുറിച്ച് കർണാടകയിലെ പ്രത്യേക അന്വേഷണ സംഘത്തിന്റെ (എസ്‌ഐടി) കർശനമായ നിർദ്ദേശങ്ങൾ ചൂണ്ടിക്കാട്ടി…

തിരുവനന്തപുരം: തിരുവനന്തപുരം ജവഹർ നഗറിൽ അമേരിക്കയില്‍ സ്ഥിര സ്ഥിര താമസമാക്കിയിട്ടുള്ള ഒരു സ്ത്രീയുടെ 10 കോടിയിലധികം വിലയുള്ള സ്ഥലവും വീടും അനധികൃതമായി കൈവശപ്പെടുത്താൻ വ്യാജരേഖകൾ നിർമ്മിക്കാൻ ഗൂഢാലോചന നടത്തിയ സബ് രജിസ്ട്രാറെ മ്യൂസിയം പോലീസ് അറസ്റ്റ് ചെയ്തു. കള്ളിക്കാട് സ്വദേശിയും ശാസ്തമംഗലം സബ് രജിസ്ട്രാറുമായ കെ. ലക്ഷ്മിയാണ് അറസ്റ്റിലായത്. ആധാരം എഴുതുന്നയാൾ ഉൾപ്പെടെയുള്ള ഒരു സംഘവുമായി ആൾമാറാട്ടം നടത്താനും വ്യാജ രേഖകൾ നിർമ്മിക്കാനും അവയിൽ കൃത്രിമം കാണിക്കാനും ലക്ഷ്മി ഗൂഢാലോചന നടത്തിയതായി കണ്ടെത്തിയതിനെ തുടർന്നാണ് അറസ്റ്റ്. 10 ലക്ഷം രൂപയും 10 മൊബൈൽ ഫോണുകളുമാണ് പാരിതോഷികമായി അവര്‍ക്ക് ലഭിച്ചത്. കേസിൽ ആധാരമെഴുത്തുകാരനും മുൻ ഡിസിസി അംഗവുമായ അനന്തപുരി മണികണ്ഠൻ, വ്യവസായി അനിൽ തമ്പി എന്നിവരുൾപ്പെടെ എട്ട് പേരെ നേരത്തെ അറസ്റ്റ് ചെയ്തിരുന്നു. വ്യാജ രേഖയിൽ ഒപ്പിട്ടവരിൽ അനിൽ തമ്പി ഒഴികെ മൂന്ന് പേർ ആൾമാറാട്ടക്കാരായിരുന്നു. തട്ടിപ്പിനെക്കുറിച്ച് മറ്റുള്ളവർ…