Month: January 2026

ഗ്രീൻലാൻഡുമായി ബന്ധപ്പെട്ട് യുഎസ് പ്രസിഡന്റ് ഡൊണാൾഡ് ട്രംപിന്റെ പ്രസ്താവന ഡെന്‍‌മാര്‍ക്കിലും മറ്റു യൂറോപ്യന്‍ രാജ്യങ്ങളിലും ആശങ്കയുയര്‍ത്തി. വാഷിംഗ്ടണ്‍: ട്രംപ് സമാധാനത്തിനല്ല, യുദ്ധത്തിനാണ് ആഗ്രഹിക്കുന്നതെന്ന് അദ്ദേഹത്തിന്റെ സമീപകാല നടപടികള്‍ സൂചിപ്പിക്കുന്നു. 2025-ല്‍ താന്‍ നോബേല്‍ സമ്മാനത്തിന് അര്‍ഹനാണെന്ന് നിരന്തരം പറഞ്ഞുകൊണ്ടിരുന്ന അദ്ദേഹം അതിന് കാരണമായി പറഞ്ഞിരുന്നത് ഇന്ത്യ-പാക്കിസ്താന്‍ സംഘര്‍ഷം അവസാനിപ്പിക്കാന്‍ മുന്‍‌കൈ എടുത്തെന്നും കൂടാതെ എട്ട് യുദ്ധങ്ങള്‍ അവസാനിപ്പിച്ചെന്നുമാണ്. എന്നാല്‍, അതേ ട്രം‌പ് തന്നെ ഇപ്പോള്‍ ഒരു ‘യുദ്ധക്കൊതിയനായി’മാറിയ അവസ്ഥയിലാണ്. വെനിസ്വേലയില്‍ അധിനിവേശം നടത്തി പ്രസിഡന്റ് നിക്കോളാസ് മഡുറോയേയും ഭാര്യയേയും പിടികൂടി ന്യൂയോര്‍ക്കിലെ തടവറയില്‍ അടച്ചതിനു ശേഷം ഗ്രീന്‍ലാന്‍ഡിലേക്കാണ് അദ്ദേഹം കണ്ണുവെച്ചിരിക്കുന്നത്. ശനിയാഴ്ച വൈറ്റ് ഹൗസിൽ നടന്ന ഒരു യോഗത്തിൽ ട്രംപ് ഒരു മുന്നറിയിപ്പ് നൽകി. ഈ ദ്വീപിന്റെ കാര്യത്തിൽ യുഎസ് വെറുതെ ഇരിക്കില്ലെന്ന് അദ്ദേഹം വ്യക്തമായി പ്രസ്താവിച്ചു. ട്രംപിന്റെ പ്രസ്താവന അന്താരാഷ്ട്ര രാഷ്ട്രീയത്തിൽ കോളിളക്കം സൃഷ്ടിച്ചിട്ടുണ്ട്. റഷ്യയുടെയും…

മിനസോട്ട : മിനസോട്ടയിൽ എൻഫോഴ്‌സ്‌മെന്റ് (ICE) ഉദ്യോഗസ്ഥന്റെ വെടിയേറ്റ് നിക്കോൾ റെനീ ഗുഡ് എന്ന യുവതി കൊല്ലപ്പെട്ട സംഭവത്തിൽ, അന്വേഷണം എഫ്.ബി.ഐ (FBI) ഏറ്റെടുത്തത് വലിയ രാഷ്ട്രീയ വിവാദത്തിന് വഴിവെച്ചു. അന്വേഷണ തർക്കം: മിനസോട്ട പൊലീസിനെ അന്വേഷണത്തിൽ നിന്ന് മാറ്റിനിർത്തിക്കൊണ്ട് എഫ്.ബി.ഐ അധികാരം കൈപ്പിടിയിലൊതുക്കിയതിനെതിരെ മിനസോട്ട ഗവർണർ ടിം വാൾസും മേയർ ജേക്കബ് ഫ്രേയും രംഗത്തെത്തി. ഇത് അധികാര ദുർവിനിയോഗമാണെന്ന് അവർ ആരോപിച്ചു. രാഷ്ട്രീയ പോര്: സംഭവത്തെ വൈസ് പ്രസിഡന്റ് ജെ.ഡി. വാൻസ് “ഇടതുപക്ഷ പ്രത്യയശാസ്ത്രത്തിന്റെ ഇര” എന്ന് വിശേഷിപ്പിച്ചത് ഡെമോക്രാറ്റുകളെ ചൊടിപ്പിച്ചു. ഭരണകൂടത്തിന്റെ തീവ്രമായ കുടിയേറ്റ നയമാണ് കൊലപാതകത്തിന് കാരണമെന്ന് ഹക്കീം ജെഫ്രീസ് തിരിച്ചടിച്ചു. ആരോപണം: ഇമിഗ്രേഷൻ ഏജന്റായ ജോനാഥൻ റോസ് ആണ് വെടിവെപ്പ് നടത്തിയത്. തെളിവുകളിലേക്ക് പ്രവേശനം നിഷേധിച്ചതിനാൽ മിനസോട്ട ബ്യൂറോ ഓഫ് ക്രിമിനൽ അപ്രഹെൻഷൻ (BCA) അന്വേഷണത്തിൽ നിന്ന് പിന്മാറി. ഫെഡറൽ ഏജന്റുമാർ…

ഫിലാഡല്‍ഫിയ: പമ്പ അസോസിയേഷന്റെ നേതൃത്വത്തില്‍ സംഘടിപ്പിച്ച ന്യൂ ഇയര്‍ പരിപാടി അംഗങ്ങളുടെയും അതിഥികളുടെയും സാന്നിധ്യത്തില്‍ ആഘോഷപൂര്‍ണ്ണമായി നടന്നു. വിവിധ സാമൂഹിക-സാംസ്‌കാരിക നേതാക്കള്‍ പങ്കെടുത്ത ചടങ്ങ് ഐക്യത്തിന്റെയും സൗഹൃദത്തിന്റെയും സന്ദേശം പകര്‍ന്നു. ചടങ്ങിന് ജനറല്‍ സെക്രട്ടറി ജോര്‍ജ് ഒലിക്കല്‍ സ്വാഗതം ആശംസിക്കുകയും യോഗ നിയന്ത്രണവും നിര്‍വഹിക്കുകയും ചെയ്തു. പമ്പ അസോസിയേഷന്‍ പ്രസിഡന്റ് ജോണ്‍ പണിക്കര്‍ അധ്യക്ഷത വഹിച്ചു. തന്റെ പ്രസിഡന്‍ഷ്യല്‍ പ്രസംഗത്തില്‍ സംഘടനയുടെ പോയ വര്‍ഷത്തെ പ്രവര്‍ത്തനങ്ങളില്‍ ഭാഗവാക്കായ എല്ലാ അംഗങ്ങള്‍ക്കും നന്ദി അറിയിച്ചു. ന്യൂ ഇയര്‍ സന്ദേശം റവ. ഫിലിപ്‌സ് മോടയില്‍ നല്‍കി. പുതുവര്‍ഷം പ്രത്യാശയുടെയും സഹകരണത്തിന്റെയും കാലമാകട്ടെയെന്ന് അദ്ദേഹം ആശംസിച്ചു. പരിപാടിയുടെ മുഖ്യാതിഥിയായി ഫൊക്കാന പ്രസിഡന്റ് സജിമോന്‍ ആന്റണി പങ്കെടുത്തു. അദ്ദേഹം പ്രവാസി സമൂഹത്തിന്റെ ഐക്യവും സംഘടനകളുടെ പങ്കും സംബന്ധിച്ച് പ്രചോദനാത്മകമായ പ്രസംഗം നടത്തി. പമ്പ പ്രസിഡന്റ്-ഇലക്ട് അലക്‌സ് തോമസ് സംഘടനയുടെ പ്രവര്‍ത്തനങ്ങളും ഭാവി പദ്ധതികളും…

ലോസ് ഏഞ്ചൽസ്: 98-ാമത് അക്കാദമി അവാർഡിനുള്ള (ഓസ്കാർ) യോഗ്യതാ പട്ടിക പുറത്തുവിട്ടു. മികച്ച ചിത്രത്തിനുള്ള  മത്സരവിഭാഗത്തിൽ അഞ്ച് ഇന്ത്യൻ ബന്ധമുള്ള ചിത്രങ്ങൾ ഇടംപിടിച്ചു. ഋഷഭ് ഷെട്ടിയുടെ ‘കാന്താര: എ ലെജൻഡ് ചാപ്റ്റർ 1’, അനുപം ഖേർ സംവിധാനം ചെയ്ത ‘തൻവി ദി ഗ്രേറ്റ്’, അനിമേഷൻ ചിത്രം ‘മഹാവതാര നരസിംഹ’, തമിഴ് ചിത്രം ‘ടൂറിസ്റ്റ് ഫാമിലി’, രാധിക ആപ്‌തെയുടെ ‘സിസ്റ്റർ മിഡ്‌നൈറ്റ്’ എന്നിവയാണ് പട്ടികയിലുള്ളത്. മറ്റ് വിഭാഗങ്ങൾ: മികച്ച വിദേശഭാഷാ ചിത്രത്തിനുള്ള പട്ടികയിൽ നീരജ് ഘൈവാൻ സംവിധാനം ചെയ്ത ‘ഹോംബൗണ്ട്’ (Homebound) അവസാന 15 ചിത്രങ്ങളിൽ ഇടംനേടിയിട്ടുണ്ട്. നടപടിക്രമം: ഈ പട്ടികയിലുള്ള ചിത്രങ്ങൾ വോട്ടിംഗിലൂടെ വേണം നോമിനേഷൻ നേടാൻ. മികച്ച ചിത്രത്തിനുള്ള വിഭാഗത്തിൽ 10 സിനിമകളാകും അവസാനഘട്ടത്തിൽ മത്സരിക്കുക. മാർച്ച് 15-നാണ് ഓസ്കാർ പുരസ്കാര ചടങ്ങ് നടക്കുന്നത്.

തിരുവല്ല: കഴിഞ്ഞ ദിവസം വീണ് പരിക്കേറ്റ് കാല്‍മുട്ടിന്റെ ശസ്ത്രക്രിയ കഴിഞ്ഞ് ആശുപത്രിയില്‍ കഴിയുന്ന തലവടി വാലയിൽ ബെറാഖാ ഭവനിൽ ബെൻ ഇടിക്കുള ജോൺസന്റെ ചോദ്യവും അതിനുള്ള ഡോക്ടറുടെ മറുപടിയുമാണ് സമൂഹ മാധ്യമങ്ങളിൽ തരംഗമായിരിക്കുന്നത്. “ഡോക്ടറേ.. എനിക്ക് ഫുട്ബാള്‍ കളിക്കാൻ പറ്റുമോ?” എന്ന് ആകാംക്ഷയോടെയുള്ള ബെൻ ജോൺസന്റെ ചോദ്യത്തിന് മറുപടിയായിട്ടാണ് “എന്തുകൊണ്ട് പറ്റുകയില്ല…. വെറും 9 മാസം കാത്തിരിക്കൂ… മോന് എല്ലാം പറ്റും…” എന്ന് ഡോക്ടര്‍ മറുപടി പറഞ്ഞത്. ജോലിക്ക് പോകുന്നതിന് മുകളിലത്തെ നിലയില്‍ നിന്നും താഴേക്ക് ഇറങ്ങിയപ്പോള്‍ ഗോവണിപ്പടികളില്‍ കാലിടറി വീണാണ് ബെൻ ജോൺസന്റെ വലത് കാല്‍മുട്ടിന് പരിക്കു പറ്റിയത്. വിദഗ്ദ്ധ ചികിത്സ തേടി ഡോ. ജെഫഴ്സൺ പി ജോർജിനെ സമീപിക്കുമ്പോള്‍ ആശങ്കകളും സംശയങ്ങളും ധാരാളമായിരുന്നു. ശസ്ത്രക്രിയയ്ക്ക് ശേഷം ഐസിയുവിൽ നിന്നും മുറിയിലെത്തിയ ബെൻ ഇടിക്കുളയ്ക്ക് ഡോക്ടർ പരമാവധി ധൈര്യം പകർന്നു. “നഷ്ടപ്പെട്ടതിനെക്കുറിച്ച് വിലപിക്കുന്നതിനേക്കാൾ, നമ്മുടെ കഴിവുകളോ…

തിരുവനന്തപുരം: ശബരിമല അയ്യപ്പ ക്ഷേത്രത്തിന്റെ വാതിൽപ്പടിയിലെ സ്വർണ്ണം പൂശിയ ചെമ്പ് ആവരണങ്ങൾ, ശിലാ ഫലകങ്ങൾ, ശില്പങ്ങൾ എന്നിവയുടെ ദുരുപയോഗവുമായി ബന്ധപ്പെട്ട അന്വേഷണത്തിന്റെ ഭാഗമായി കേരള ഹൈക്കോടതി നിയമിച്ച പ്രത്യേക അന്വേഷണ സംഘം (എസ്‌ഐടി) ശബരിമല മുതിർന്ന തന്ത്രി (മുഖ്യ പൂജാരി) കണ്ഠരര് രാജീവരരെ അറസ്റ്റ് ചെയ്തു. കഴിഞ്ഞ നവംബറിൽ തന്ത്രി രാജീവരരുടെ മൊഴി രേഖപ്പെടുത്തിയ എസ്.ഐ.ടി, വെള്ളിയാഴ്ച പുലർച്ചെ തിരുവനന്തപുരത്തുള്ള തങ്ങളുടെ “സുരക്ഷിത കേന്ദ്രങ്ങളിൽ” ഒന്നിലേക്ക് അദ്ദേഹത്തെ വിളിപ്പിച്ചു. നീണ്ട ചോദ്യം ചെയ്യലിനുശേഷം, എസ്.ഐ.ടി രാജീവരരെ തിരുവനന്തപുരത്തെ ഇഞ്ചയ്ക്കലിലുള്ള കേരള സ്റ്റേറ്റ് പോലീസ് ക്രൈംബ്രാഞ്ച് ഓഫീസിലേക്ക് കൊണ്ടുപോയി, അറസ്റ്റ് ഔദ്യോഗികമായി രേഖപ്പെടുത്തി. രാജീവരര്‍ കസ്റ്റഡിയിലുള്ള വിവരം എസ്.ഐ.ടി അദ്ദേഹത്തിന്റെ കുടുംബത്തെയും അറിയിച്ചു. തുടർന്ന്, എസ്.ഐ.ടി രാജീവരരെ മെഡിക്കൽ പരിശോധനയ്ക്കായി ജനറൽ ആശുപത്രിയിലേക്ക് കൊണ്ടുപോയി. കൊല്ലം ജില്ലയിലെ വിജിലൻസിലെ അന്വേഷണ കമ്മീഷണറുടെയും പ്രത്യേക ജഡ്ജിയുടെയും മുമ്പാകെ എസ്.ഐ.ടി അദ്ദേഹത്തെ…

ഫ്രറ്റേണിറ്റി റാലിയും പൊതുസമ്മേളനവും ഞായറാഴ്ച കോഴിക്കോട്: മാറാട് കലാപ പരാമർശത്തിലൂടെ വിദ്വേഷ പ്രചരണം നടത്തിയ എ.കെ.ബാലനെതിരെ കേസെടുക്കണമെന്ന് ഫ്രറ്റേണിറ്റി മൂവ്മെൻ്റ് നേതാക്കൾ ആവശ്യപ്പെട്ടു. സംഘ്പരിവാർ ഉയർത്തുന്ന ഹിന്ദുത്വ ആശയങ്ങളുടെ പ്രചാരകരായി കേരളത്തിലെ സി.പി.എം നേതാക്കൾ മാറിയിരിക്കുകയാണ്. യു.ഡി.എഫ് അധികാരത്തിലെത്തിയാൽ ജമാഅത്തെ ഇസ് ലാമിയാകും ആഭ്യന്തരം കൈകാര്യം ചെയ്യുകയെന്നും അങ്ങനെ മാറാട് ആവർത്തിക്കുമെന്നുമുള്ള എ.കെ.ബാലൻ്റെ പ്രസ്താവന അതിൻ്റെ ഒടുവിലത്തെ ഉദാഹരണമാണ്. അധികാരത്തുടർച്ചക്ക് വേണ്ടി വർഗീയ-ഇസ് ലാമോഫോബിയ രാഷ്ട്രീയം പയറ്റുന്ന സി.പി.എം ബി.ജെ.പിക്ക് വഴിതുറന്ന് കൊടുക്കുകയാണെന്നും നേതാക്കൾ ചൂണ്ടിക്കാട്ടി. ‘വിദ്വേഷ നാവുകളോട് No, സാഹോദര്യ മുന്നേറ്റത്തോട് Yes’ എന്ന തലക്കെട്ടിൽ ഫ്രറ്റേണിറ്റി മൂവ്മെൻ്റ് സംസ്ഥാന കമ്മിറ്റി ജനു. 11 ഞായറാഴ്ച 4 മണിക്ക് കോഴിക്കോട്ട് സംഘടിപ്പിക്കുന്ന റാലിയും പൊതുസമ്മേളനവും വിശദീകരിച്ച് പ്രസ് ക്ലബ്ബിലെ വാർത്ത സമ്മേളനത്തിൽ സംസാരിക്കുകയായിരുന്നു അവർ. നവോത്ഥാനത്തിൻ്റെ പൈതൃകമുയർത്തുന്ന ശ്രീനാരായണീയ പ്രസ്ഥാനത്തിൻ്റെ നേതൃത്വത്തിലിരുന്ന് നിരന്തരം വർഗീയ വിഷം…