Day: October 6, 2025

തിരുവനന്തപുരം: ശബരിമലയിലെ സ്വർണ്ണപ്പാളിയുമായി ബന്ധപ്പെട്ട ഇപ്പോഴത്തെ വിവാദം അയ്യപ്പ ഭക്തരുടെ കണ്ണീരിനുള്ള പ്രതികാരമാണെന്ന് ഹിന്ദു ഐക്യവേദി മുഖ്യ രക്ഷാധികാരി കെ പി ശശികല ടീച്ചർ പറഞ്ഞു. അഖില കേരള തന്ത്രി മണ്ഡലം തിരുവനന്തപുരം ജില്ലാ മണ്ഡലത്തിന്റെ പതിനൊന്നാമത് ജില്ലാ വാർഷിക സമ്മേളനവും ആചാര്യ കുടുംബ സംഗമവും ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അവര്‍. 2018-19 കാലയളവിൽ അയ്യപ്പ ഭക്തര്‍ ഒഴുക്കിയ കണ്ണുനീര്‍ വെറുതെയായില്ലെന്ന് തുടർച്ചയായ വിവാദങ്ങൾ തന്നെ വിശ്വസിപ്പിച്ചെന്നും ശശികല ടീച്ചർ വ്യക്തമാക്കി. ശബരിമലയിലെ കള്ളക്കളി പുറത്തുവരുമെന്ന ഭയം കാരണം ദേവസ്വം ബോർഡ് ഹിന്ദു സംഘടനകളെ ശബരിമലയിലേക്ക് അടുപ്പിച്ചിട്ടില്ല. പരസ്യമായി പറയാൻ കഴിയാത്ത പല കാര്യങ്ങളും ശബരിമലയിൽ നടക്കുന്നുണ്ടെന്ന് മുൻ മേല്‍‌ശാന്തി എന്നോട് വെളിപ്പെടുത്തിയിരുന്നു. ദേവസ്വം ഉദ്യോഗസ്ഥർ പല പേരുകളിൽ വൗച്ചറുകൾ ഒപ്പിട്ട് പണം മുഴുവൻ കൈക്കലാക്കുന്നുണ്ടെന്നും, അനീതി കണ്ടാൽ എതിർക്കുന്നവരെ ദേവസ്വം ബോര്‍ഡ് അകറ്റി നിർത്തുന്നുണ്ടെന്നും ശശികല…

എടത്വ : ലയൺസ് ക്ലബ് ഓഫ് എടത്വ ടൗൺ വിവിധ മേഖലകളിൽ വ്യക്തിമുദ്ര പതിപ്പിച്ചവർക്ക് വേണ്ടി ഏർപ്പെടുത്തിയ ലൈഫ് ടൈം അച്ചീവ്മെന്റ് അവാഡിന് എടത്വ ചുടുക്കാട്ടിൽ ജിജി മാത്യൂവും മണിലാൽ ശബരിമലയും അർഹരായി. ഒക്ടോബര്‍ 5ന് വൈകിട്ട് 7മണിക്ക് എടത്വ പാഷൻസ് ഹോട്ടലിൽ നടക്കുന്ന സ്ഥാനാരോഹണ ചടങ്ങില്‍ ലയൺസ് ക്ലബ് ഡിസ്ട്രിക്ട് 318ബി വൈസ് ഡിസ്ട്രിക്ട് ഗവർണർ മാർട്ടിൻ ഫ്രാന്‍സിസ് അവാര്‍ഡ് സമ്മാനിക്കും.റീജിയൺ ചെയർമാൻ സുരേഷ് ബാബു,സോൺ ചെയർമാൻ ജൂണി തോമസ് കുതിരവട്ടം എന്നിവർ മുഖ്യാതിഥികൾ ആയിരിക്കും. ലയൺസ് ക്ലബ് ഓഫ് എടത്വ ടൗൺ പ്രസിഡൻ്റ് ഡോ ജോൺസൺ വി.ഇടിക്കുള അധ്യക്ഷത വഹിക്കും. ക്യാബിനറ്റ് സെക്രട്ടറി ജേക്കബ് ജോർജ് , റീജിയണൽ ചെയർമാൻ സുരേഷ് ബാബു, സോൺ ചെയർമാൻ ജൂണി തോമസ് കുതിരവട്ടം എന്നിവർ ഉൾപ്പെടെ ഡിസ്ട്രിക്ട് 318ബി ഭാരവാഹികൾ മുഖ്യാതിഥിയായി പങ്കെടുക്കുമെന്ന് സെക്രട്ടറി ബിൽബി മാത്യൂ…

എടത്വ : തലവടി കുന്തിരിക്കൽ വാലയിൽ ക്ഷീര കർഷകൻ വി.ഇ. ഈപ്പന്റെ പശുക്കിടാവിനെ നായ കടിച്ചു കൊന്നു. അയൽവാസി അനധികൃതമായി വളർത്തുന്ന നായ്ക്കൾ ആണ് കടിച്ചത്. വി. ഇ ഈപ്പൻ നല്‍കിയ പരാതിയെ തുടര്‍ന്ന് എടത്വ പോലീസ് സ്ഥലത്തെത്തി. ചില ആഴ്ചകൾക്ക് മുമ്പ് നായ് കുറുകെ ചാടി സ്കൂട്ടർ യാത്രക്കാരനായ വാലയിൽ സാം മാത്യു അപകടത്തിൽപെട്ട് പരുക്കേറ്റ് ഒരാഴ്ചയോളം ചികിത്സയിലായിരുന്നു. എടത്വ കളങ്ങര പെയിന്റ് ഹൗസിലെ ജീവനക്കാരനും സമാനരീതിയിൽ അപകടത്തിൽപെട്ടിരുന്നു. എടത്വ പാലത്തിനടിവശം, കെഎസ്ആർടിസി ഡിപ്പോ എന്നിവിടങ്ങൾ നായ്ക്കളുടെ താവളമാണ്. ബസിൽ കയറാൻ എത്തുന്ന യാത്രക്കാരെ നായ് കടിച്ച സംഭവം ഉൾപ്പെടെ ഉണ്ടായിട്ടുണ്ട്. റോഡിന്റെ വശങ്ങളിലും തുറസായ സ്ഥലത്തും മാലിന്യം നിക്ഷേപിക്കുന്നതിനാൽ നായ്ക്കൾക്ക് ഭക്ഷണത്തിന് ക്ഷാമമില്ല. എടത്വയിലും, തലവടിയിലും സമീപ പ്രദേശങ്ങളിലും തെരുവ് നായ്ക്കളുടെ ശല്യം രൂക്ഷം ആയ സാഹചര്യത്തിൽ അടിയന്തിര നടപടി സ്വീകരിക്കണമെന്നാവശ്യപ്പെട്ട് എടത്വാ വികസന…

പിറ്റ്സ്ബർഗിൽ 51 കാരനായ ഇന്ത്യൻ വംശജനായ മോട്ടൽ മാനേജർ രാകേഷ് എഹാഗ്ബാൻ വെടിയേറ്റ് മരിച്ചു. അക്രമി സ്റ്റാൻലി വെസ്റ്റ് ആദ്യം ഒരു സ്ത്രീയെ ആക്രമിക്കുകയും പിന്നീട് തർക്കത്തിൽ ഇടപെട്ട എഹാഗ്ബനെ കൊലപ്പെടുത്തുകയും ചെയ്തു. ഏറ്റുമുട്ടലിൽ ഒരു പോലീസ് ഉദ്യോഗസ്ഥന് പരിക്കേറ്റത് ഇന്ത്യൻ സമൂഹത്തിൽ ആശങ്ക ഉയർത്തി. പെന്‍സില്‍‌വാനിയ: പെൻസിൽവാനിയയിലെ പിറ്റ്സ്ബർഗിൽ വെള്ളിയാഴ്ച ഉച്ചകഴിഞ്ഞ്, റോബിൻസൺ ടൗൺഷിപ്പിലെ “പിറ്റ്സ്ബർഗ് മോട്ടൽ” മാനേജരായിരുന്ന 51 കാരനായ ഇന്ത്യൻ വംശജനായ മോട്ടൽ ഉടമയെ വെടിവച്ചു കൊന്നു. മോട്ടലിൽ താമസിച്ചിരുന്ന സ്റ്റാൻലി യൂജിൻ വെസ്റ്റ് (37) ആണ് രാകേഷ് എഹാഗ്ബാനെ കൊലപ്പെടുത്തിയതെന്ന് ലോക്കൽ പോലീസ് പറഞ്ഞു. മോട്ടൽ പരിസരത്ത് വെടിയൊച്ച കേട്ട് എഹാഗ്ബാൻ പുറത്തേക്ക് ഓടിവന്ന് സ്റ്റാന്‍ലിയോട് “സുഹൃത്തേ, സുഖമാണോ?” എന്ന് ചോദിച്ചപ്പോഴാണ് സംഭവം. അക്രമി അടുത്തെത്തി വെടിയുതിർത്തു, രാകേഷിന്റെ തലയിലേക്ക് നേരിട്ട് നിറയൊഴിച്ചതിനെത്തുടര്‍ന്ന് അദ്ദേഹം സംഭവസ്ഥലത്തുവെച്ചുതന്നെ മരിച്ചു. മുഴുവൻ സംഭവവും മോട്ടലിന്റെ…

ഇന്ത്യയും പാക്കിസ്താനും തമ്മിലുള്ള യുദ്ധം ഉൾപ്പടെ ലോകമെമ്പാടുമുള്ള ഏഴ് യുദ്ധങ്ങൾ നിർത്തിവച്ചതായി അവകാശപ്പെടുന്ന യുഎസ് പ്രസിഡന്റ് ഡൊണാൾഡ് ട്രംപ്, സമാധാനത്തിനുള്ള നോബേൽ സമ്മാനം നേടണമെന്ന് അതിയായി ആഗ്രഹിക്കുന്നുണ്ട്. ലോകമെമ്പാടും സമാധാനം പ്രോത്സാഹിപ്പിക്കുന്നതിനുള്ള തന്റെ ശ്രമങ്ങൾക്ക് സമാധാനത്തിനുള്ള നോബേൽ സമ്മാനം അർഹിക്കുന്നുവെന്ന് അദ്ദേഹം പറയുന്നു. എന്നാൽ, അദ്ദേഹത്തിന്റെ ഈ ആഗ്രഹം സഫലമാകാൻ സാധ്യതയില്ല. 2025 ലെ നോബേല്‍ വാരം ഇന്ന്, ഒക്ടോബർ 6 ന് ആരംഭിച്ചു. സമാധാനത്തിനുള്ള നോബേൽ സമ്മാനാര്‍ഹരായവരുടെ പേരുകളും ഇന്ന് പ്രഖ്യാപിക്കും. സമ്മാന ജേതാവിന് 1.1 മില്യൺ ഡോളറാണ് ലഭിക്കുക. ലോകത്ത് സമാധാനം പ്രോത്സാഹിപ്പിക്കുകയും ശത്രുതയെ മറികടന്ന് സൗഹൃദത്തിനായി വാദിക്കുകയും ചെയ്യുന്നവർക്കാണ് ഈ അവാർഡ് നൽകുന്നത്. ഇന്ത്യയും പാക്കിസ്താനും തമ്മിലുള്ള യുദ്ധം ഉൾപ്പടെ ലോകമെമ്പാടുമുള്ള ഏഴ് യുദ്ധങ്ങൾ താന്‍ നിർത്തി വെച്ചതായി അവകാശപ്പെടുന്ന യുഎസ് പ്രസിഡന്റ് ഡൊണാൾഡ് ട്രംപ്, സമാധാനത്തിനുള്ള നോബേൽ സമ്മാനത്തിന് അര്‍ഹനാണെന്നാണ് പറഞ്ഞുകൊണ്ടിരിക്കുന്നത്.…