Month: September 2025

കൊച്ചി:  ഭൂട്ടാനിൽ രജിസ്റ്റർ ചെയ്ത് ഇന്ത്യയിലേക്ക് അനധികൃതമായി ഇറക്കുമതി ചെയ്ത ആഡംബര വാഹനങ്ങളുടെ നികുതി വെട്ടിപ്പുമായി ബന്ധപ്പെട്ട് മലയാള സിനിമ താരങ്ങളായ പൃഥ്വിരാജിന്റെയും ദുൽഖർ സൽമാന്റെയും വീടുകളിൽ കസ്റ്റംസ് റെയ്ഡ് നടത്തി. പൃഥ്വിരാജിന്റെ തേവരയിലെ വീട്ടിലും ദുൽഖർ സൽമാന്റെ പനമ്പിള്ളി നഗറിലെ വീട്ടിലുമാണ് റെയ്ഡ് നടന്നത്. ഭൂട്ടാനിൽ നിന്ന് ആഡംബര വാഹനങ്ങൾ നികുതി വെട്ടിച്ച് ഇന്ത്യയിലേക്ക് കടത്തുന്നുവെന്ന കണ്ടെത്തലിനെ തുടർന്നാണ് കസ്റ്റംസ് രാജ്യവ്യാപകമായി അന്വേഷണം നടത്തുന്നത്. പൃഥ്വിരാജിന്റെ തിരുവനന്തപുരത്തെ വീട്ടിലും കസ്റ്റംസ് പരിശോധന നടത്തിയെങ്കിലും വാഹനങ്ങളൊന്നും കണ്ടെത്താനാകാതെ മടങ്ങി. ഇന്ത്യയിലേക്ക് ഇറക്കുമതി ചെയ്ത ആഡംബര വാഹനങ്ങള്‍ ഉൾപ്പെടുന്ന നികുതി വെട്ടിപ്പ് തടയുന്നതിനായി രാജ്യവ്യാപകമായി നടപ്പിലാക്കുന്ന ഓപ്പറേഷൻ നംഖോറിന്റെ ഭാഗമാണ് കേരളത്തിലെ കസ്റ്റംസ് വകുപ്പ് നടത്തിയ ഈ വിപുലമായ പരിശോധന. കേരള, ലക്ഷദ്വീപ് കസ്റ്റംസ് കമ്മീഷണർ-ഇൻ-ചാർജ് ആണ് പരിശോധനയ്ക്ക് നേതൃത്വം നൽകുന്നത്. ഇതുമായി ബന്ധപ്പെട്ട് നടൻ അമിത് ചക്കാലക്കലിന്റെ…

എടത്വ: ലോക സമാധാനം വ്യക്തികളിൽ നിന്നും ആരംഭിക്കണമെന്ന് ലയൺസ് ക്ലബ് ഓഫ് എടത്വ ടൗൺ ഓവർസീസ് കോർഡിനേറ്റർ ലയൺ പിവി. അനിൽകുമാർ പ്രസ്താവിച്ചു. ലോക സമാധാന ദിനത്തിൽ ലയൺസ് ക്ലബ് ഓഫ് എടത്വ ടൗൺ തെളിയിച്ച ശാന്തി ദീപം എടത്വ ജോർജിയൻ സംഘം പ്രസിഡന്റ് ബിനോയി ജോസഫിന് കൈമാറി സംസാരിക്കുകയായിരുന്നു അദ്ദേഹം. പ്രസിഡൻ്റ് ഡോ ജോൺസൺ വി.ഇടിക്കുള അദ്ധ്യക്ഷത വഹിച്ചു. സെക്രട്ടറി ബിൽബി മാത്യൂ കണ്ടത്തിൽ ലോക സമാധാന ദിന സന്ദേശം നല്‍കി. തുടര്‍ന്ന് ശാന്തി ദീപങ്ങൾ തെളിയിച്ച് മൗന പ്രാർത്ഥന നടത്തി. ചടങ്ങിൽ ലയൺസ് ക്ലബ് വൈസ് പ്രസിഡന്റ് മോഡി കന്നേൽ, കെ ജയചന്ദ്രന്‍ ,വിൽസൻ ജോസഫ്, ഷേർലി അനിൽ, മോബിൻ ജേക്കബ്, ഐപ്പ് കട്ടപ്പുറം, സുനീഷ് കറുകപറമ്പിൽ, ജോൺസൺ കല്ലറയ്ക്കല്‍, ജോജി മെതിക്കളം, ജോബിൻ ജോസഫ്, ലിജോ കല്ലൂപറമ്പിൽ, ജോമോൻ, റെജി സെബാസ്റ്റ്യൻ, സിനോജ്…

കളമശ്ശേരി: ആകര്‍ഷകമായ പലിശ വാഗ്ദാനം ചെയ്ത് 75 കോടി രൂപയോളം നിക്ഷേപ തട്ടിപ്പ് നടത്തിയ അഗ്രി ടൂറിസം മൾട്ടി സ്റ്റേറ്റ് കോ-ഓപ്പറേറ്റീവ് സൊസൈറ്റി ഉടമയും കൂട്ടാളികളും സ്ഥാപനം അടച്ചുപൂട്ടി ഒളിവില്‍ പോയതായി പോലീസ്. നിക്ഷേപകരിൽ നിന്ന് ലഭിച്ച പണം ചെയർമാനും ഡയറക്ടർമാരും ആഡംബര വീടുകളും മറ്റ് സൗകര്യങ്ങളും നിർമ്മിച്ച് ധൂർത്തടിച്ചതായാണ് റിപ്പോർട്ട്. കേന്ദ്ര സർക്കാർ അംഗീകരിച്ചതാണെന്ന് നിക്ഷേപകരെ വിശ്വസിപ്പിച്ചുകൊണ്ടാണ് സ്ഥാപനം പ്രവര്‍ത്തിച്ചിരുന്നത്. കേരളത്തിലെ വിവിധ ജില്ലകളിൽ നിന്നുള്ള ആയിരത്തിലധികം നിക്ഷേപകരെയാണ് ഇവര്‍ തട്ടിപ്പിനിരയാക്കിയത്. 2022 മുതൽ ആരംഭിച്ച ഈ സ്ഥാപനത്തിന്റെ ആസ്ഥാനം കളമശ്ശേരിയിലെ പത്തടിപ്പാലത്താണ്. കളമശ്ശേരി പോലീസ് സ്റ്റേഷനിൽ മാത്രം സ്ഥാപനത്തിന്റെ പേരില്‍ ഒമ്പത് കേസുകൾ രജിസ്റ്റർ ചെയ്തിട്ടുണ്ട്. ചെയർമാൻ അഖിൽ മുരളി, മാനേജിംഗ് ഡയറക്ടർ ആഷിക് മുരളി, വൈസ് ചെയർമാൻ/സിഇഒ പി.ആർ. മുരളീധരൻ, ഡയറക്ടർമാരായ എഴുമല, ബാലഗോവിന്ദൻ വി.വി., ഗോപാലകൃഷ്ണൻ സി.വി., അഞ്ജു കെ.എസ്., രാജേശ്വരി…

ഹൂസ്റ്റൺ:ദൈവത്തിൻറെ സ്വരൂപത്തിലും സാദൃശ്യത്തിലും സൃഷ്ടിക്കപ്പെട്ടിരിക്കുന്ന നാം ഓരോരുത്തരും ദൈവത്തിൻറെ ഐക്കണുകൾ  ആണെന്ന്  പരിശുദ്ധ കാതോലിക്കാ ബാവ തിരുമേനി  പറഞ്ഞു  . പാമ്പാടി തിരുമേനിയുടെ ഐക്കൺ പ്രതിഷ്ഠ ഹൂസ്റ്റണിലെ ഊർശ്ലെലേം അരമനച്ചാപ്പലിൽ നടത്തി സംസാരിക്കുകയായിരുന്നു ബാവ തിരുമേനി. ഐക്കണുകൾ മലങ്കര സഭയുടെ പാരമ്പര്യത്തിന്റെ ഭാഗമാണ്,ഓരോ ഐക്കണുകളും ദൈവവുമായുള്ള ബന്ധത്തെ ഓർമിപ്പിക്കുന്നതും പരിശുദ്ധിയിലും ദൈവകൃപയിലും വളരുവാൻ നമ്മെ ക്ഷണിക്കുന്നതും ആണെന്ന് തിരുമേനി പറഞ്ഞു. ജീവിത വിശുദ്ധിയും  ദൈവീക സാക്ഷ്യങ്ങളും  കൊണ്ട് പരിശുദ്ധൻ എന്നല്ലാതെ പരുമല തിരുമേനിയെയും പാമ്പാടി തിരുമേനിയെയും നമ്മുക്ക് വിളിക്കാൻ കഴിയുകയില്ലെന്ന് പരിശുദ്ധ കാതോലിക്കാ ബാവ തിരുമേനി അഭിപ്രായപെട്ടൂ . പരിശുദ്ധ പാമ്പാടി തിരുമേനിയുടെ ജീവിതവും സന്ദേശവും അടുത്ത തലമുറയിലേക്ക് പകർന്നു നൽകേണ്ടത് നമ്മുടെ ഉത്തരവാദിത്വമാണെന്ന് പ്രത്യേക സന്ദേശത്തിൽ അമേരിക്കൻ സൗത്ത് വെസ്റ്റ് ഭദ്രാസനാധിപൻ അഭിവന്ദ്യ ഡോ. തോമസ് മാർ ഇവാനിയോസ് മെത്രാപ്പോലീത്ത ഓർമ്മിപ്പിച്ചു. കോട്ടയം ഭദ്രാസനാധിപൻ അഭിവന്ദ്യ…

ന്യൂയോര്‍ക്ക്: ന്യൂയോർക്കിൽ നടന്ന ഐക്യരാഷ്ട്രസഭയുടെ പൊതുസഭാ സമ്മേളനത്തിനിടെ പ്രസിഡന്റ് ഡൊണാൾഡ് ട്രംപ് ഐക്യരാഷ്ട്രസഭയെ രൂക്ഷമായി വിമർശിച്ചു. അദ്ദേഹം കെട്ടിടത്തിലേക്ക് പ്രവേശിച്ചപ്പോൾ പെട്ടെന്ന് എസ്കലേറ്റർ നിന്നു, തുടർന്ന് അദ്ദേഹവും സംഘവും പ്രവര്‍ത്തനരഹിതമായ എസ്കലേറ്ററിന്റെ പടികള്‍ ചവിട്ടിയാണ് മുകളിലേക്ക് കയറിയത്. വേദിയില്‍ പ്രസംഗിക്കവേ ടെലിപ്രോംപ്റ്ററും നിന്നു. രണ്ട് സംഭവങ്ങളെക്കുറിച്ചും ട്രംപ് പറഞ്ഞു, “ഐക്യരാഷ്ട്രസഭയിൽ നിന്ന് എനിക്ക് രണ്ട് കാര്യങ്ങൾ മാത്രമേ ലഭിച്ചുള്ളൂ: തകർന്ന എസ്കലേറ്ററും തകർന്ന ടെലിപ്രോംപ്റ്ററും.” കെട്ടിടത്തിലേക്ക് പ്രവേശിക്കുമ്പോൾ എസ്‌കലേറ്റർ പെട്ടെന്ന് നിന്നുപോയതും അദ്ദേഹം തന്റെ പ്രസംഗത്തിൽ ഉൾപ്പെടുത്തി. അദ്ദേഹം പറഞ്ഞു, “പ്രഥമ വനിത ആരോഗ്യവതിയായിരുന്നില്ലെങ്കിൽ, അവർ വീഴുമായിരുന്നു, പക്ഷേ അവർ മികച്ച ആരോഗ്യത്തിലാണ്. ഞങ്ങൾ രണ്ടുപേരും ഞങ്ങളുടെ ധൈര്യം പിടിച്ചുനിന്നു. ഐക്യരാഷ്ട്രസഭയിൽ നിന്ന് ഞങ്ങൾക്ക് ലഭിച്ചത് ഇതാണ്: ഒരു എസ്‌കലേറ്റർ വഴിയിൽ നിർത്തി.” ഈ പരിഹാസത്തോടെ, ചെറിയ സംഭവങ്ങളെ പോലും രാഷ്ട്രീയ ആക്ഷേപഹാസ്യമാക്കി മാറ്റാൻ താൻ ഒരിക്കലും…