Month: May 2025

ഗാർലാൻഡ് (ഡാളസ്): കോട്ടയം കൊല്ലബാംകോബിൽ ഹൗസിൽ പരേതരായ കെ.എം. സക്കറിയയുടെയും ലിസി സക്കറിയയുടെയും മകൻ ജിജു മാത്യു സക്കറിയ (50) ഡാളസിൽ അന്തരിച്ചു. പൊതുദർശനം:മെയ് 16 വെള്ളിയാഴ്ച വൈകുന്നേരം 6:30 മുതൽ രാത്രി 8:30 വരെ. സ്ഥലം : ന്യൂ ടെസ്‌മെന്റ് ചർച്ചിൽ – 2545 ജോൺ വെസ്റ്റ് റോഡ്, ഡാളസ്, TX 75228 സംസ്കാര ശുശ്രുഷ :മെയ് 17 ശനിയാഴ്ച രാവിലെ 9:30 മുതൽ ഉച്ചയ്ക്ക് 12:00 വരെ. സ്ഥലം: ന്യൂ ടെസ്‌മെന്റ് ചർച്ചു (2545 ജോൺ വെസ്റ്റ് റോഡ്, ഡാളസ്, TX 75228 തുടർന്ന് സംസ്കാരം ന്യൂ ഹോപ്പ് ഫ്യൂണറൽ ഹോം (500 യുഎസ്-80, സണ്ണിവെയ്‌ൽ, TX 75182)

കൂട്ടിലങ്ങാടി : വെൽഫെയർ പാർട്ടി സംസ്ഥാന പ്രസിഡണ്ട് റസാഖ് പാലേരി നയിക്കുന്ന സാഹോദര്യ കേരള പദയാത്രയ്ക്ക് മങ്കട മണ്ഡലത്തിൽ സ്വീകരണം നൽകുന്നതിനായി കുട്ടിലങ്ങാടിയിൽ സ്വാഗതസംഘം ഓഫീസ് തുറന്ന് പ്രവർത്തനമാരംഭിച്ചു. ഓഫീസിന്റെ ഉദ്ഘാടനം പാർട്ടി മണ്ഡലം പ്രസിഡണ്ടും സ്വാഗതസംഘം ചെയർമാനുമായ കെ പി ഫാറൂഖ് നിർവഹിച്ചു. മെയ് 14 ന് മക്കരപ്പറമ്പ് നിന്നും കൂട്ടിലങ്ങാടിയിലേക്ക് ആയിരക്കണക്കിന് പ്രതിനിധികൾ അനുഗമിക്കുന്ന പദയാത്ര വർണ്ണാഭമായ കലാ ആവിഷ്കാരങ്ങൾ കൊണ്ട് ശ്രദ്ധേയമായിരിക്കുമെന്ന് മണ്ഡലം ഭാരവാഹികൾ അറിയിച്ചു. മണ്ഡലത്തിൽ പദയാത്ര കൂട്ടിലങ്ങാടിയിലെ പൊതുസമ്മേളനത്തോടു കൂടി സമാപിക്കും. ചടങ്ങിൽ മണ്ഡലം ജനറൽ സെക്രട്ടറിയും സ്വാഗതസംഘം ജനറൽ കൺവീനറുമായ മുഖീമുദ്ദീൻ സി എച്ച് അധ്യക്ഷത വഹിച്ചു. ഹൈദരലി പി., ഉബൈബ ടീച്ചർ, സലാം മാസ്റ്റർ സി എച്ച് എന്നിവർ ആശംസ പ്രസംഗം നിർവഹിച്ചു. കൂട്ടിലങ്ങാടി പഞ്ചായത്ത് പ്രസിഡണ്ട് നാസർ മാസ്റ്റർ സ്വാഗതവും സെക്രട്ടറി ജാഫർ സി എച്ച്…

സുൽത്താൻ ബത്തേരി: വയനാട് ഡിസിസി ട്രഷറർ എൻഎം വിജയന്റെയും മകൻ ജിജേഷിന്റെയും ആത്മഹത്യയെത്തുടർന്നുണ്ടായ വിവാദങ്ങളുടെ പശ്ചാത്തലത്തിൽ സഹകരണ ബാങ്ക് നിയമന അഴിമതിയുമായി ബന്ധപ്പെട്ട് എംഎൽഎ ഐസി ബാലകൃഷ്ണനെതിരെ കേസെടുക്കാൻ വിജിലൻസ് ആൻഡ് ആന്റി കറപ്ഷൻ ബ്യൂറോ ശുപാർശ ചെയ്തു. വിജിലൻസ് ഡിവൈഎസ്പി ഷാജി വർഗീസിന്റെ നേതൃത്വത്തിൽ നടത്തിയ അന്വേഷണത്തിന്റെ അടിസ്ഥാനത്തിലാണ് ശുപാർശ. സഹകരണ ബാങ്കുകളിൽ ജോലി ലഭിക്കുന്നതിനായി കൈക്കൂലി വാങ്ങിയെങ്കിലും പിന്നീട് ജോലി ലഭിച്ചില്ലെന്ന പരാതിയുടെ അടിസ്ഥാനത്തിൽ മൂന്ന് മാസം മുമ്പ് അന്വേഷണം ആരംഭിച്ചിരുന്നു. ബാങ്ക് നിയമനങ്ങളുമായി ബന്ധപ്പെട്ട കൈക്കൂലി ആരോപണങ്ങൾ 2015 ലും 2017 ലും ഉയർന്നുവന്നിട്ടുണ്ട്. സാക്ഷി മൊഴികളുടെയും അന്വേഷണത്തിനിടെ ശേഖരിച്ച തെളിവുകളുടെയും അടിസ്ഥാനത്തിലാണ് കേസുമായി മുന്നോട്ട് പോകാനുള്ള ശുപാർശ. അന്വേഷണത്തിന്റെ ഭാഗമായി നിരവധി രാഷ്ട്രീയ നേതാക്കളെയും വ്യക്തികളെയും വിജിലൻസ് ചോദ്യം ചെയ്തു. പ്രിയങ്ക ഗാന്ധിയുമായുള്ള കൂടിക്കാഴ്ച നിഷേധിച്ചതിനെത്തുടർന്ന് എൻ.എം. വിജയന്റെ കുടുംബം കോൺഗ്രസ്…

ഇരിട്ടി: ഭൂവുടമയിൽ നിന്ന് 15,000 രൂപ കൈക്കൂലി വാങ്ങുന്നതിനിടെ സ്പെഷ്യൽ വില്ലേജ് ഓഫീസറെ വിജിലൻസ് ആൻഡ് ആന്റി കറപ്ഷൻ ബ്യൂറോ അറസ്റ്റ് ചെയ്തു. കൊല്ലം ജില്ലയിലെ കുണ്ടറ സ്വദേശിയായ ബിജു അഗസ്റ്റിനെയാണ് കൈക്കൂലി വാങ്ങുന്നതിനിടെ പിടികൂടിയത്. പായം വില്ലേജിൽ സ്പെഷ്യൽ വില്ലേജ് ഓഫീസറായി സേവനമനുഷ്ഠിച്ചു വരികയായിരുന്നു ബിജു. ഭൂമിയുടെ രേഖാചിത്രവും പ്ലാനും തയ്യാറാക്കുന്നതിനായാണ് ബിജു കൈക്കൂലി ആവശ്യപ്പെട്ടതെന്ന് വിജിലൻസ് ഉദ്യോഗസ്ഥർ പറഞ്ഞു. ഭൂവുടമയുടെ പരാതിയിൽ, ഡിവൈഎസ്പി കെ പി സുരേഷ് ബാബുവിന്റെ നേതൃത്വത്തിലുള്ള വിജിലൻസ് സംഘം അടയാളപ്പെടുത്തിയ കറൻസി നോട്ടുകൾ പരാതിക്കാരന് കൈമാറി, തുടർന്ന് അദ്ദേഹം അവ ബിജുവിന് കൈമാറി. സാധാരണ വേഷത്തിലെത്തിയ വിജിലന്‍സ് സംഘം ബിജുവിനെ കൈയ്യോടെ പിടികൂടുകയും അടയാളപ്പെടുത്തിയ നോട്ടുകൾ പിടിച്ചെടുക്കുകയും ചെയ്തു. സംഭവം സ്ഥിരീകരിക്കുന്നതിനായി സ്ഥലത്തു വെച്ചു തന്നെ രാസപരിശോധന നടത്തി. നടപടിക്രമങ്ങൾ പാലിച്ച ശേഷം, ബിജുവിനെ ഔദ്യോഗികമായി അറസ്റ്റ് ചെയ്തു.

പാലക്കാട്: പാലക്കാട് സ്പെഷ്യൽ സ്കൂളിന് ഹെഡ്ഗെവാറിന്റെ പേര് നൽകി വിദ്വേഷം പ്രചരിപ്പിക്കാൻ ആണ് സംഘ്പരിവാർ ശ്രമിക്കുന്നതെന്ന് വെൽഫെയർ പാർട്ടി സംസ്ഥാന പ്രസിഡൻ്റ് റസാഖ് പാലേരി. സാഹോദര്യ കേരള പദയാത്രയ്ക്ക് പാലക്കാട് മണ്ഡലത്തിൽ നൽകിയ സ്വീകരണത്തിൽ സംസാരിക്കുകയായിരുന്നു അദ്ദേഹം. രാജ്യത്തെ വിഭാഗങ്ങൾക്കിടയിൽ വ്യാപകമായ വിദ്വേഷം പ്രചരണം നടത്തുകയും മുസ്ലീങ്ങൾക്കും മറ്റ് പിന്നാക്ക വിഭാഗങ്ങൾക്കും എതിരെ വംശഹത്യാ പദ്ധതികൾ നടപ്പാക്കുകയും ചെയ്ത ആർഎസ്എസിന്റെ ആചാര്യൻ്റെ പേരിൽ പക വളർത്താനാണ് സംഘ്പരിവാർ ശക്തികൾ ശ്രമിക്കുന്നത്. സാംസ്കാരിക ഹിന്ദുത്വയുടെ ചിഹ്നങ്ങൾ സ്ഥാപിച്ച് വിവിധ ജനവിഭാഗങ്ങളെ അപരവൽക്കരിക്കാനുള്ള ശ്രമങ്ങളുടെ ഭാഗം തന്നെയാണ് ഈ നാമകരണവും. വിദ്യാഭ്യാസ മേഖലയിൽ ആസൂത്രിതമായി കാവിവൽക്കരണം നടത്തുന്നതിനുള്ള ശ്രമങ്ങൾ ഹിന്ദുത്വ ഭരണകൂടത്തിൻ്റെ ഏകാധിപത്യമാണ് ലക്ഷ്യമിടുന്നത്. പാoപുസ്തകങ്ങളിൽ നിന്ന് മുസ്‌ലിം സുൽത്താൻമാരുടെ മധ്യകാല ചരിത്രം മാത്രം എടുത്തു മാറ്റുന്നതിലൂടെ ചരിത്രത്തോട് തന്നെയാണ് അനീതി ചെയ്യുന്നത്. അതീവ മഹത്വം എന്ന് വിശേഷിപ്പിച്ചു കൊണ്ട്…

തിരുവനന്തപുരം: പാഠ്യപദ്ധതി പരിഷ്ക്കരണത്തിൻ്റെ പേരിൽ സ്കൂൾ പാഠപുസ്തകങ്ങളിൽ എൻ.സി.ഇ.ആർ.ടി നടപ്പിലാക്കുന്ന മാറ്റങ്ങൾ സംഘ്പരിവാറിൻ്റെ ഹിന്ദുത്വവത്ക്കരണത്തിൻ്റെ ഭാഗമാണെന്നും പുതിയ തലമുറയെ ഹിന്ദുത്വ ആശയങ്ങളുടെ പ്രചാരകരാക്കുകയാണ് അതിലൂടെ ലക്ഷ്യമിടുന്നതെന്നും ഫ്രറ്റേണിറ്റി മൂവ്മെൻ്റ് സംസ്ഥാന സെക്രട്ടറിയേറ്റ്. മുഗൾ രാജവംശത്തിൻ്റേയും ഡൽഹി സുൽത്താനേറ്റിൻ്റേയും ചരിത്രങ്ങൾ ഏഴാം ക്ലാസ് സാമൂഹ്യ ശാസ്ത്ര പാഠപുസ്തകത്തിൽ നിന്ന് ഒഴിവാക്കിയ നടപടി അതിൻ്റെ ഏറ്റവും ഒടുവിലത്തെ ഉദാഹരണമാണ്. ഗുജുറാത്തിലെ പാഠപുസ്തകങ്ങളിൽ ഹിന്ദുത്വ ആശയങ്ങൾ തിരുകിക്കയറ്റിയും ചരിത്ര സത്യങ്ങളെ വളച്ചൊടിച്ചും ഒഴിവാക്കിയും വിദ്യാലയങ്ങളെ ഹിന്ദുത്വ ലബോറട്ടറികളാക്കുന്ന നടപടി സംഘ്പരിവാർ പതിറ്റാണ്ടുകളായി ചെയ്യുന്നുണ്ട്. ഇന്ത്യൻ ജി.ഡി.പി ലോകാടിസ്ഥാനത്തിൽ ഒന്നാം സ്ഥാനത്ത് നിന്നിരുന്ന സമയമാണ് മുഗൾ കാലഘട്ടം. സാംസ്ക്കാരികം, കരകൗശലം തുടങ്ങീ മറ്റെല്ലാ മേഖലകളിലും ആ സമയത്ത് രാജ്യം ഉന്നതിയിലായിരുന്നു. ഇന്ത്യൻ ചരിത്രത്തിലെ ഈ സുവർണ ഘട്ടത്തെ ഒഴിവാക്കി കുംഭമേള പോലെയുള്ള കാര്യങ്ങൾ മാത്രം ഉൾപ്പെടുത്തുന്നത് ദുരുദ്ദ്യേശപരമാണ്. മുമ്പ് നാദുറാം ഗോഡ്സയെക്കുറിച്ചുള്ള ‘തീവ്ര…