Year: 2024

വാഷിംഗ്ടൺ: 2025 സാമ്പത്തിക വർഷത്തേക്കുള്ള എച്ച്-1 ബി വിസ അപേക്ഷ സമർപ്പിക്കൽ പ്രക്രിയ മാർച്ച് 6 മുതൽ ആരംഭിക്കുമെന്ന് യുഎസ് ഫെഡറൽ ഏജൻസി ചൊവ്വാഴ്ച അറിയിച്ചു. സൈദ്ധാന്തികമോ സാങ്കേതിക വൈദഗ്ധ്യമോ ആവശ്യമുള്ള പ്രത്യേക തൊഴിലുകളിൽ വിദേശ തൊഴിലാളികളെ നിയമിക്കാൻ യുഎസ് കമ്പനികളെ അനുവദിക്കുന്ന ഒരു നോൺ-ഇമിഗ്രൻ്റ് വിസയാണ് H-1B വിസ. ഇന്ത്യ, ചൈന തുടങ്ങിയ രാജ്യങ്ങളിൽ നിന്ന് ഓരോ വർഷവും പതിനായിരക്കണക്കിന് ജീവനക്കാരെ നിയമിക്കുന്നതിന് സാങ്കേതിക കമ്പനികൾ ഇതിനെ ആശ്രയിക്കുന്നു. പുതിയ സംവിധാനത്തിൽ, മറ്റ് കാര്യങ്ങൾക്കൊപ്പം, തൊഴിലുടമകളുടെ രജിസ്ട്രേഷനായി ഗുണഭോക്തൃ കേന്ദ്രീകൃത തിരഞ്ഞെടുപ്പ് പ്രക്രിയയുടെ വ്യവസ്ഥ ഉൾപ്പെടുന്നു. H-1B വിസ അപേക്ഷകൾ ഇപ്പോൾ വ്യക്തിഗത അപേക്ഷകരെ അടിസ്ഥാനമാക്കി കണക്കാക്കുകയും സ്വീകരിക്കുകയും ചെയ്യും. ഒരു വ്യക്തി വിവിധ കമ്പനികൾക്കായി ഒന്നിലധികം അപേക്ഷകൾ ഫയൽ ചെയ്‌താലും, പാസ്‌പോർട്ട് നമ്പറുകൾ പോലുള്ള അവരുടെ വ്യക്തിഗത യോഗ്യതാപത്രങ്ങളെ അടിസ്ഥാനമാക്കി അവ ഒരു അപേക്ഷയായി…

ഹൂസ്റ്റൺ : പാൻ ഡെമിക്   കാലഘട്ടത്തിൽ നിരവധി വിവാദ തീരുമാനങ്ങൾ കൈകൊണ്ടു മാധ്യമ – ദേശീയ ശ്രദ്ധ പിടിച്ചുപറ്റിയ  ഹാരിസ് കൗണ്ടി ജഡ്ജി ലിന ഹിഡാൽഗോ  താനും കാമുകൻ ഡേവിഡും വിവാഹനിശ്ചയം കഴിഞ്ഞതായി തിങ്കളാഴ്ച രാത്രി ഹിഡാൽഗോ സോഷ്യൽ മീഡിയയിൽ പോസ്റ്റ് ചെയ്തു.  ഒമ്പത് വർഷം മുമ്പാണ് താൻ തൻ്റെ ഭാവി ഭർത്താവിനെ ആദ്യമായി കാണുന്നത് എന്ന് അവർ പോസ്റ്റിൽ പറഞ്ഞു. ലിനയു ടെ സോഷ്യൽ മീഡിയ പോസ്റ്റിൽ വിവാഹ തീയതി ഉൾപ്പെടുത്തിയിരുന്നില്ല. ഫേസ്ബുക്കിലും എക്സിലും  പോസ്റ്റ് ചെയ്ത അവരുടെ പൂർണ്ണ സന്ദേശം ഇങ്ങനെ വായിക്കുന്നു, “നിങ്ങളുമായി ചില സ്വകാര്യ വാർത്തകൾ പങ്കുവെക്കുന്നതിൽ സന്തോഷമുണ്ട്! ഞങ്ങളുടെ വിവാഹനിശ്ചയം പ്രഖ്യാപിച്ചതിൽ ഡേവിഡും ഞാനും അതിയായ സന്തോഷത്തിലാണ്! 9 വർഷം മുമ്പ് ഞങ്ങൾ കണ്ടുമുട്ടി, ഈ വർഷങ്ങളിലെല്ലാം, എല്ലാത്തരം വെല്ലുവിളികളിലും,എന്നോടൊപ്പം  ഡേവിഡും ഉണ്ടായിരുന്നു. ഹിഡാൽഗോയുടെ കാമുകൻ, ഡേവിഡ് ജെയിംസ്,…

തിരുവല്ല: ചങ്ങനാശ്ശേരി ഡോക്ടേഴ്‌സ് ടവറില്‍ പ്രവര്‍ത്തിക്കുന്ന സമരിറ്റന്‍ മെഡിക്കല്‍ സെന്റർ ഡയറക്ടർ ബോർഡ് അംഗം ഡോ.ജെഫേർസൺ ജോർജ്ജ് മൈ മാസ്റ്റേർസ് മിനിസ്ട്രി പുരസ്ക്കാരത്തിന് അർഹനായി. ഫെബ്രുവരി 3-ാം തിയതി വൈകിട്ട് 6ന് തിരുവല്ല വിജയാ ഇന്റർനാഷണൽ കൺവൻഷൻ സെന്ററിൽ വെച്ച് നടക്കുന്ന പൊതുസമ്മേളനത്തിൽ പുരസ്ക്കാരം സമ്മാനിക്കും. ക്നാനയ സഭ കല്ലിശ്ശേരി മേഖല അതി ഭദ്രാസനാധിപൻ മോർ ഗ്രീഗോറിയോസ് കുറിയാക്കോസ് മെത്രാപ്പോലീത്ത ഉദ്ഘാടനം ചെയ്യും.തിരുവല്ല നഗരസഭ ചെയർപേഴ്സൺ അനു ജോർജ് അധ്യക്ഷത വഹിക്കും.ബിലീവേഴ്സ് ഈസ്റ്റേൺ ചർച്ച് കേരള അതിഭദ്രാസനം സഹായ മെത്രാൻ മാത്യൂസ് മോർ സിൽവാനിയോസ് എപ്പിസ്ക്കോപ്പ അനുഗ്രഹ പ്രഭാഷണം നടത്തും.തുടർന്ന്‌ പ്രശസ്ത പിന്നണി ഗായകരായ മധു ബാലകൃഷ്ണൻ, നിത്യാ മാമ്മൻ , ടി.എസ്. അയ്യപ്പൻ എന്നിവർ അണിനിരക്കുന്ന ക്രിസ്തീയ സംഗീത സായാഹ്നം നടക്കും. ഡോ.ജോര്‍ജ് പീഡീയേക്കല്‍, ഡോ.ലീലാമ്മ ജോര്‍ജ് ദമ്പതികളുടെ മകനായ ഡോ.ജെഫേഴ്‌സണ്‍ ജോര്‍ജ്ജ് ആലപ്പുഴ മെഡിക്കല്‍…

കൊച്ചി: കഴിഞ്ഞ ശനിയാഴ്ച കൊല്ലം നിലമേൽ ഗവർണർ ആരിഫ് മുഹമ്മദ് ഖാനെതിരെ നടത്തിയ സമരത്തെ തുടർന്നുള്ള നാടകീയമായ സംഭവവികാസങ്ങൾ ഉണ്ടായിട്ടും ഗവർണർ പ്രോട്ടോകോള്‍ ലംഘിച്ച് പ്രതിഷേധിക്കുകയും കേന്ദ്രം സുരക്ഷ ഏർപ്പെടുത്തുകയും ചെയ്തിട്ടും, സ്റ്റുഡൻ്റ്സ് ഫെഡറേഷൻ ഓഫ് ഇന്ത്യ (എസ്എഫ്ഐ) ചൊവ്വാഴ്ചയും ഗവർണർക്കെതിരായ സമരങ്ങൾ തടസ്സമില്ലാതെ തുടർന്നു. കൊച്ചി അന്താരാഷ്ട്ര വിമാനത്താവളത്തിൽ നിന്ന് ഫോർട്ട് കൊച്ചിയിലെ കോസ്റ്റ് ഗാർഡിൻ്റെ ഗസ്റ്റ് ഹൗസിലേക്ക് പോകുകയായിരുന്ന ഗവര്‍ണ്ണറെ എസ്എഫ്ഐ പ്രവർത്തകർ കരിങ്കൊടി കാണിച്ചു. കളമശ്ശേരിയിൽ രാത്രി എട്ടരയോടെയാണ് സംഭവം. ജില്ലാ സെക്രട്ടറി അർജുൻ ബാബുവിൻ്റെ നേതൃത്വത്തിൽ സ്ത്രീകളുൾപ്പെടെ നാല്പതോളം വരുന്ന എസ്എഫ്ഐ പ്രവർത്തകരാണ് പ്രതിഷേധവുമായി രംഗത്തെത്തിയത്. ബുധനാഴ്ച രാവിലെ ഫോർട്ട്കൊച്ചിയിലെ കോസ്റ്റ് ഗാർഡ് ജില്ലാ ആസ്ഥാനത്ത് റൈസിംഗ് ഡേയോട് അനുബന്ധിച്ച് നടക്കുന്ന ചടങ്ങിൽ ഗവര്‍ണ്ണര്‍ മുഖ്യാതിഥിയായിരിക്കും.

തൃശ്ശൂര്‍: ലോകമെമ്പാടുമുള്ള തൊഴിലാളി വർഗത്തെ ദുർബലപ്പെടുത്തിയാണ് ഫാസിസം തഴച്ചുവളരുന്നതെന്ന് വിഖ്യാത സാമ്പത്തിക വിദഗ്ധൻ പ്രഭാത് പട്നായിക്. ചൊവ്വാഴ്ച നടന്ന ഇൻ്റർനാഷണൽ ലിറ്ററേച്ചർ ഫെസ്റ്റിവൽ ഓഫ് കേരളയിൽ (ഐഎൽഎഫ്കെ) ‘ജനാധിപത്യം എങ്ങനെ മരിക്കുന്നു: നവലിബറലിസവും ഫാസിസവും’ എന്ന വിഷയത്തിൽ സംസാരിക്കവെ, ലോകമെമ്പാടുമുള്ള തൊഴിലാളിവർഗം പ്രതിരോധത്തിലാണെന്ന് അദ്ദേഹം പറഞ്ഞു. തൊഴിലാളി വർഗത്തിൻ്റെ പ്രഹരശേഷി ഗണ്യമായി കുറഞ്ഞു. ഒരു രാജ്യത്തെ തൊഴിലാളികൾ കൂലി വർദ്ധന ആവശ്യപ്പെട്ടാൽ, മുതലാളിമാർ രാജ്യം വിടുമെന്ന് ഭീഷണിപ്പെടുത്തുന്നു. അതുകൊണ്ട് തൊഴിലാളികൾക്ക് വിലപേശാൻ പറ്റാത്ത അവസ്ഥയിലാണെന്നും അദ്ദേഹം പറഞ്ഞു. നവ ഉദാരവൽക്കരണത്തിൻ്റെ സവിശേഷതയായ പൊതുമേഖലയെ തകർക്കുന്നത് ട്രേഡ് യൂണിയനുകളെ ദുർബലപ്പെടുത്തി, അദ്ദേഹം ചൂണ്ടിക്കാട്ടി. ജിഡിപി വളർച്ചാ നിരക്ക് നവലിബറലിസത്തിൻ്റെ വരവിനുമുമ്പ് നിലനിന്നിരുന്ന നിരക്കിനെ അപേക്ഷിച്ച് ഇരട്ടിയായെന്ന് അവകാശപ്പെടുന്നുണ്ടെങ്കിലും, വാർഷിക തൊഴിൽ വളർച്ച പകുതിയായി കുറഞ്ഞു. ക്ഷേമ നടപടികൾ പിൻവലിച്ചതിനാൽ നവലിബറലിസം കാർഷിക പ്രതിസന്ധി സൃഷ്ടിച്ചു. ഇത് നിരവധി കർഷകരെ…

കോഴിക്കോട്: മർകസ് ഖത്മുൽ ബുഖാരി, സനദ് ദാന സമ്മേളനത്തോടനുബന്ധിച്ച് മർകസ് ഐ ടി ഐയിൽ നടത്തുന്ന എക്സ്പോക്കിന് ഫെബ്രുവരി 1-ന് തുടക്കമാവും. വൈവിധ്യങ്ങളും വിസ്മയങ്ങളും ഉൾക്കൊള്ളുന്ന നവീനവും കൗതുകകരവുമായ നിരവധി യന്ത്ര സംവിധാനവും മറ്റും കാണാനും അറിയാനും അവസരമുണ്ടാകും. വയർലെസ് ഇലക്ട്രിക് വെഹിക്കിൾ ചാർജർ, ഹോം ഓട്ടോമേഷൻ, പാസ്സ്‌വേർഡ് ഹാക്കിംഗ്, നമ്പർ ട്രാക്കിംഗ് ക്യാമറ, സ്പോർട്സ് വാഹനങ്ങൾ, ഹ്യൂമൻ ഫോളോവിങ് വെഹിക്കിൾ, ഡ്രൈവറില്ലാ കാർ, ഫയർ ഫൈറ്റിങ് വാഹനം, വിവിധതരം റോബോട്ടുകൾ, ഓട്ടോമാറ്റിക് പാർക്കിംഗ് സിസ്റ്റം, ആക്സിഡൻറ് പ്രൊവിഷൻ സിസ്റ്റം, ആന്റി സ്റ്റാറ്റിക് വാന്റിഗ്രാഫ് ജനറേറ്റർ, ടെലി കമ്മ്യൂണിക്കേഷൻ സിസ്റ്റം, ഡിസ്പ്ലേ കമ്യൂണിക്കേഷൻ, ഹെൽമെറ്റ് കൂളർ, സ്മാർട്ട്ഫോൺ കൂളർ, ഐസിൽ നിന്നും വൈദ്യുതി നിർമ്മാണം തുടങ്ങിയ പഠനാർഹമായ നിരവധി പ്രവർത്തന മോഡലുകൾ സജ്ജീകരിച്ചിട്ടുണ്ട്. ഐ ടി ഐയിലെ മെക്കാനിക്ക് ഡീസൽ, വയർമാൻ, ഇലക്ട്രോണിക് മെക്കാനിക്ക്, സർവ്വേയർ, ഓട്ടോമൊബൈൽ…

കരുമാടി: രാഷ്ട്രപിതാവ് മഹാത്മാഗാന്ധി താമസിച്ച കരുമാടിയിലെ മുസാവരി ബംഗ്ലാവ് പൈതൃക ചരിത്ര സ്മാരകമാക്കണമെന്ന് എടത്വ വികസന സമിതി ആവശ്യപ്പെട്ടു. രാഷ്ട്രപിതാവ് മഹാത്മാ ഗാന്ധിജിയുടെ 76 -ാം ചരമവാർഷിക ദിനത്തിൽ മുസാവരി ബംഗ്ളാവിൽ സംഘടിപ്പിച്ച സ്മൃതി സംഗമത്തിലാണ് ആവശ്യമുന്നയിച്ചത്. കേന്ദ്ര-സംസ്ഥാന സർക്കാരുകൾ അടിയന്തിരമായി ഈ വിഷയത്തിൽ ഇടപെടണമെന്നും എടത്വ വികസന സമിതി ആവശ്യപ്പെട്ടു. ഗാന്ധി സ്മൃതി സംഗമം സമിതി പ്രസിഡന്റ് ആന്റണി ഫ്രാൻസിസ് കട്ടപ്പുറം ഉദ്ഘാടനം ചെയ്തു. രക്ഷാധികാരി അഡ്വ. പി.കെ സദാനന്ദൻ അദ്ധ്യക്ഷത വഹിച്ചു. ജനറൽ സെക്രട്ടറി ഡോ. ജോൺസൺ വി. ഇടിക്കുള പ്രമേയം അവതരിപ്പിച്ചു. വൈസ് പ്രസിഡന്റ് അഡ്വ. ഐസക് രാജു, ഷാജി മാധവൻ, കരുമാടി കുട്ടൻസ് കലാസാംസ്ക്കാരിക സംഘടന മുൻ പ്രസിഡന്റ് ബി. സജീവ് എന്നിവർ പ്രസംഗിച്ചു. തുടർന്ന് പുഷ്പാർച്ചനയും പ്രതിജ്ഞയും നടത്തി. വൈക്കം സത്യാഗ്രഹത്തിൽ പ​ങ്കെടുക്കാനായി പോകവെ ഗാന്ധിജി രാത്രി വിശ്രമിച്ചത്​ ഇവിടെയായിരുന്നു.…

മലപ്പുറം: മദ്യനിരോധന സമിതി മലപ്പുറത്ത് നടത്തുന്ന അനിശ്ചിതകാല സത്യഗ്രഹത്തിന് ഐക്യദാർഢ്യം പ്രകടിപ്പിച്ച് വെൽഫെയർ പാർട്ടി സംസ്ഥാന പ്രസിഡണ്ട് റസാഖ് പാലേരി സമര പന്തലിലെത്തി. സമ്പൂർണ മദ്യനിരോധനം എന്ന കാഴ്ചപ്പാട് കേരളത്തിൽ ഉയർന്നുവന്ന ഘട്ടത്തിൽ അതിന്റെ അടിവേരറുത്തത് ഇടതുപക്ഷ ഗവൺമെന്റ് ആണെന്ന് അദ്ദേഹം പറഞ്ഞു. മദ്യത്തിനെതിരിലുള്ള ബോധവൽക്കരണം മദ്യത്തിനെതിരായ പോരാട്ടമായി വികസിപ്പിക്കാൻ കഴിയുന്നില്ലെന്നും കേരളത്തെ വഞ്ചിക്കുന്ന നിലപാടാണ് സർക്കാർ സ്വീകരിച്ചുകൊണ്ടിരിക്കുന്നതെന്നും അദ്ദേഹം അഭിപ്രായപ്പെട്ടു. വിമുക്തി പദ്ധതി ആത്മാർത്ഥതയുള്ളതാണെങ്കിൽ മദ്യലഭ്യത 10 ശതമാനം വീതം വെട്ടിക്കുറക്കുമെന്ന മുൻ സർക്കാറിന്റെ നിലപാട് പ്രയോഗവൽക്കരിക്കാൻ സന്നദ്ധമാവണമെന്ന് അദ്ദേഹം സർക്കാറിനോട് ആവശ്യപ്പെട്ടു. ജില്ലാ സെക്രട്ടറി ആരിഫ് ചുണ്ടയിൽ, മണ്ഡലം വൈസ് പ്രസിഡണ്ട് അഫ്‌സൽ ഹുസൈൻ, മണ്ഡലം സെക്രട്ടറി മഹ്ബൂബുറഹ്‌മാൻ, മുനിസിപ്പൽ കമ്മിറ്റിയംഗം മൊയ്തീൻ മാസ്റ്റർ തുടങ്ങിയവർ അനുഗമിച്ചു. ഇയ്യച്ചേരി ഉണ്ണികൃഷ്ണൻ, ഫാദർ മാത്യൂസ് വട്ടിയാനിക്കൽ, ഖദീജ നർഗീസ് തുടങ്ങി സമര നേതാക്കൾ സത്യാഗ്രഹത്തിൽ ഉണ്ടായിരുന്നു.