Year: 2024

കോഴിക്കോട്: ഉത്തർപ്രദേശിലെ സംഭലിൽ ഷാഹി മസ്ജിദിന്റെ സംരക്ഷണത്തിന് തെരുവിലിറങ്ങിയ മുസ്‌ലിങ്ങളെ കൂട്ടക്കൊല ചെയ്ത യോഗീ സർക്കാറിനെതിരെ പ്രതിഷേധം ഉയരണമെന്ന് സോളിഡാരിറ്റി സംസ്ഥാന പ്രസിഡന്റ് സി.ടി. സുഹൈബ്. കോടതികൾ കർസേവക്ക് നേതൃത്വം നൽകിക്കൊണ്ടിരിക്കുമ്പോൾ തെരുവിലിറങ്ങാതെ വഴിയില്ല. കഴിഞ്ഞ ചൊവ്വാഴ്ചയാണ് സംഭൽ കോടതി എതിർഭാഗത്തെ കേൾക്കാൻ പോലും തയാറാകാതെ ഷാഹി മസ്ജിദ് സർവേ ചെയ്യാൻ അഡ്വക്കറ്റ് കമ്മീഷണറെ ചുമതലപ്പെടുത്തുന്നത്. ഹരജി സമർപ്പിച്ചു കേവലം മൂന്ന് മണിക്കൂർ കൊണ്ട് തന്നെ കോടതി സർവേ നടത്താൻ അനുമതി നൽകി. അന്ന് വൈകീട്ട് തന്നെ സർവേ ആരംഭിക്കുകയും ചെയ്യുകയായിരുന്നു. ഇത്രയും തിടുക്കപ്പെട്ട് സുപ്രധാനമായ സംഭവത്തിൽ ഇടപെടൽ നടത്തുന്ന ജഡ്ജിമാരെ നിലക്കുനിർത്താൻ സുപ്രീം കോടതി തയാറാകണം. ജീവൻ നൽകിയും ആരാധനാലയങ്ങൾ സംരക്ഷിക്കാൻ നാം ബാധ്യസ്ഥരാണ്. ശഹീദുകൾക്ക് പ്രാർഥനകൾ അർപ്പിക്കുകയാണ്. ഇന്ത്യൻ മുസ്‌ലിമിന്റെ ചരിത്ര പൈതൃകങ്ങൾ നശിപ്പിച്ചു തീർക്കാമെന്നത് സംഘ് പരിവാറിന്റെ വ്യാമോഹമാണെന്നും അദ്ദേഹം പറഞ്ഞു.

കാരന്തൂർ: മർകസ് അനാഥ സംരക്ഷണ കേന്ദ്രമായ റൈഹാൻ വാലിയിലെ ലൈഫ് ഫെസ്റ്റിവൽ ആയ യൂഫോറിയയുടെ ഭാഗമായി സൗജന്യ നേത്ര പരിശോധനാ ക്യാമ്പ് നടത്തി. താമരശ്ശേരി വി ട്രസ്റ്റ് കണ്ണാശുപത്രിയുമായി ചേർന്ന് നടത്തിയ ക്യാമ്പ് മർകസ് ഗ്രൂപ് ഓഫ് സ്കൂൾ സി എ ഓ റശീദ് സഖാഫി വി എം ഉദ്‌ഘാടനം ചെയ്തു. ഇരുനൂറോളം പേർ ക്യാമ്പ് ഉപയോഗപ്പെടുത്തി. ഈ മാസം 29 മുതൽ ഡിസംബർ 1 വരെ നടക്കുന്ന ലൈഫ് ഫെസ്റ്റിവലിന്റെ ഭാഗമായി വിവിധ കലാ-സാംസ്കാരിക-വൈജ്ഞാനിക പരിപാടികളും സാമൂഹ്യക്ഷേമ പദ്ധതികളും നടക്കുന്നുണ്ട്. ക്യാമ്പ് ഉദ്ഘാടന ചടങ്ങിൽ റൈഹാൻ വാലി പ്രിൻസിപ്പൽ സഈദ് ശാമിൽ ഇർഫാനി അധ്യക്ഷത വഹിച്ചു. ഡോ. മിൻഹാജ്, ഇസ്മാഈൽ മദനി, ലിജോ തോമസ്, മൊയ്തീൻ കുട്ടി സഖാഫി, മുഹമ്മദ് അഹ്‌സനി, റിയാസ് ചുങ്കത്തറ, സമദ് യൂണിവേഴ്‌സിറ്റി സംബന്ധിച്ചു.

ഇടവഴി നടവഴി തൊടിവഴി നടന്നു ഇടം വലം ചെടി കൊടി വള്ളിച്ചെടി ഇടം കൈ വാഴത്തളിരില തലോടി വലം കൈ വർണപ്പൂക്കൾ തലോടി.. ഇടമിഴി ഇനിയൊരു മറുവഴിയിൽ ഇലഞ്ഞിക്കനികൾ കുല കുലയായ് ആഞ്ഞിലി ഇലഞ്ഞി തുടു തുടു കനികൾ! മാവിൽ മാമ്പൂ കുലനിരകൾ… കാണാൻ കൊതിച്ചൂ മിഴി-നടയായ്…. വലം മിഴി മെല്ലെ തുടിച്ചു ചെന്നു- തെങ്ങോല മേഞ്ഞൊരാ ചേലുള്ള വീട്, മുറ്റത്തെ ചെന്തെങ്ങിൽ ചെങ്കുടങ്ങൾ! ഇടമിഴി മറുവഴി നടന്നു നീളേ…. ഇരു നിര നിരയായ് കരിമ്പനകൾ- പനയിൽ തൂങ്ങും നൊങ്കിൻ കുലകൾ, തൂങ്ങിത്തുടിപ്പൂ തുരന്നു നുണയാൻ …. വരമ്പിൽ നിര! നിര! വയൽപ്പൂക്കൾ! ഇരുമിഴി , ഇടം വലം കാറ്റിലാടും- വയൽച്ചെടിപ്പൂക്കൾ വരമ്പത്തിരുവശം, ചാഞ്ചാടി ചാഞ്ചാടി നൃത്തമാടിടുന്നൂ… നിറകതിർ പാടങ്ങൾ കുണുങ്ങിയാടും പൊന്നലക്കാഴ്ച കണ്ടു മനം കുളിച്ചും കാഞ്ചനപ്രഭയിൽ മിഴിനടനീട്ടി ഞാൻ, നോക്കെത്താ നടവരമ്പിൽ നടന്നുപോയീ…

വത്തിക്കാന്‍: ഫ്രാൻസിസ് മാർപാപ്പ ഡിസംബർ 15-ന് ഫ്രഞ്ച് ദ്വീപായ കോർസിക്ക സന്ദർശിക്കാൻ ഒരുങ്ങുന്നു. ഇത് ചരിത്രപരമായ ഒരു സന്ദർഭം അടയാളപ്പെടുത്തുന്നു. കാരണം, ഇത് ദ്വീപിലേക്കുള്ള ആദ്യത്തെ പാപ്പാ സന്ദർശനമായിരിക്കും. തലസ്ഥാന നഗരമായ അജാസിയോ സന്ദർശിക്കാനുള്ള ഫ്രഞ്ച് സിവിൽ, ചർച്ച് അധികാരികളുടെ ക്ഷണം മാർപ്പാപ്പ സ്വീകരിച്ചതായി വക്താവ് മാറ്റിയോ ബ്രൂണി അറിയിച്ചതായി വത്തിക്കാൻ വാർത്ത സ്ഥിരീകരിച്ചു. ഫ്രാൻസിസ് മാർപാപ്പയുടെ 47-ാമത് വിദേശ അപ്പസ്തോലിക യാത്രയും ഫ്രഞ്ച് പ്രദേശത്തേക്കുള്ള അദ്ദേഹത്തിൻ്റെ മൂന്നാമത്തെ സന്ദർശനവുമാണ് ഇത്. അദ്ദേഹം മുമ്പ് 2014-ൽ സ്ട്രാസ്ബർഗും 2023-ൽ മാർസെയിലും സന്ദർശിച്ചിട്ടുണ്ട്. ഒരു അജപാലന ദൗത്യമെന്ന നിലയിൽ മാത്രമല്ല, കുടിയേറ്റക്കാരോടും തീരദേശ സമൂഹങ്ങളോടും ഐക്യദാർഢ്യത്തിൻ്റെ പ്രാധാന്യം എടുത്തു കാണിച്ച മാർപ്പാപ്പയുടെ മെഡിറ്ററേനിയൻ മേഖലയുമായുള്ള ഇടപഴകലിൻ്റെ തുടർച്ച എന്ന നിലയിലും ഈ സന്ദർശനം പ്രാധാന്യമർഹിക്കുന്നു. മുൻകാലങ്ങളിൽ, ലാംപെഡൂസ, ലെസ്ബോസ്, മാൾട്ട എന്നിവിടങ്ങളിലേക്ക് അദ്ദേഹം സമാനമായ യാത്രകൾ നടത്തിയിട്ടുണ്ട്. അതിശയകരമായ…

റോക്ക് വാൾ (ഡാളസ് ): ഡൊണാൾഡ് ട്രംപിന്റെ ചരിത്ര വിജയം അമേരിക്കയുടെ ഭരണഘടനയും അമേരിക്കൻ മൂല്യങ്ങളും സംരക്ഷിക്കപ്പെടണമെന്ന് ആഗ്രഹിക്കുന്ന ജനങ്ങൾ നൽകിയ അംഗീകാരമാണെന്ന് റിപ്പബ്ലിക്കൻ പാർട്ടി ടെക്സാസ് സംസ്ഥാന അദ്ധ്യക്ഷനും മലയാളിയുമായ എബ്രഹാം ജോർജ് പറഞ്ഞു അമേരിക്കന്‍ പ്രസിഡണ്റ്റായി ഡൊണാള്‍ഡ്‌ ട്രമ്പ്‌ വീണ്ടും തിരഞ്ഞെടുക്കപ്പെട്ടതിൻറെ വിജയഘോഷത്തിനായി റോക്ക് വാൾ എവെന്റ്റ് സെന്ററിൽ ഞായറാഴ്ച വൈകീട്ട് 7 മണിക് ചേര്‍ന്ന മലയാളി റിപ്പബ്ളിക്കന്‍ ഫോറം ഓഫ്‌ ടെക്സാസ്‌ ഡാളസ് ചാപ്റ്ററിന്റെ സമ്മേളത്തിൽ മുഖ്യപ്രഭാഷണം നടത്തുകയായിരുന്നു എബ്രഹാം ജോർജ്.അമേരിക്കയുടെ ചരിത്രത്തിലെ ഏറ്റവും മോശമായ ഒന്നായിരുന്നു ബൈഡന്‍-ഹാരിസ്‌ ഭരണമെന്നും അതിനു ജനങ്ങള്‍ നല്‍കിയ തിരിച്ചടിയാണ്‌ ഡെമോക്രറ്റിക്‌ പാര്‍ട്ടിക്ക്‌ പൊതു തിരഞ്ഞെടുപ്പില്‍ നേരിട്ടതെന്നും അദ്ദേഹം കൂട്ടിച്ചേർത്തു. പാസ്റ്റർ ഷാജി കെ ഡാനിയേലിന്റെ പ്രാര്ഥനയോടെയാണ് സമ്മേളനം ആരംഭിച്ചത് .ലിയ നെബു ദേശീയഗാനം ആലപിച്ചു. ടെക്സസ് കൺസർവേറ്റീവ് ഫോറം ഡാളസ് മേഖല പ്രസിഡന്റ് നെബു കുര്യാക്കോസ്…

ചിക്കാഗോ: ചിക്കാഗോയിലെ അപ്പസ്‌തോലിക സഭകളുടെ കൂട്ടായ്മയായ ചിക്കാഗോ എക്യുമെനിക്കല്‍ കൗണ്‍സിലിന്റെ ആഭിമുഖ്യത്തില്‍ ക്രൈസ്തവ സഭകളെയെല്ലാം പങ്കെടുപ്പിച്ചുകൊണ്ട് സണ്‍ഡേ സ്‌കൂള്‍ ഫെസ്റ്റിവല്‍ നവംബര്‍ 16നു ചിക്കാഗോയിലെ ബെന്‍സന്‍വില്ലില്‍ നടത്തി. സേക്രഡ്ഹാര്‍ട്ട് ക്‌നാനായ കത്തോലിക്കാ ഫൊറോനാ ദേവാലയമാണ് ഈ കലാമേളയ്ക്ക് ആതിഥ്യമരുളിയത്. നൂറു കണക്കിനു കുട്ടികള്‍പങ്കെടുത്ത സണ്‍ഡേ സ്‌കൂള്‍ ഫെസ്റ്റിവലില്‍ ബെന്‍സന്‍വില്ല തിരുഹൃദയ ക്‌നാനായ കത്തോലിക്ക ഇടവക മിന്നും പ്രകടനം കാഴ്ചവെച്ചു. റവ. തോമസ് മാത്യു, റ്റീന തോമസ് നെടുവാമ്പുഴ എന്നിവര്‍ ക്രമീകരണങ്ങള്‍ക്ക് നേതൃത്വം നല്‍കി. കുഞ്ഞുങ്ങളുടെ ക്രൈസ്തവ വിശ്വാസ ജീവിതത്തെ ആഴപ്പെടുത്താന്‍ ഉപകരിക്കുന്ന മത്സരയിനങ്ങളാണ് ഈ കലാമേളയില്‍ ഉള്‍പ്പെടുത്തിയിരിരുന്നത്. മാര്‍ ജേക്കബ് അങ്ങാടിയത്ത്, മാര്‍ ജോയി ആലപ്പാട്ട് എന്നിവര്‍ രക്ഷാധികാരികളായ എക്യുമെനിക്കല്‍ കൗണ്‍സിലിന് ഇപ്പോള്‍ നേതൃത്വം നല്‍കുന്നത് റവ. സഖറിയാ തേലാപ്പിള്ളില്‍ കോര്‍ എപ്പിസ്‌കോപ്പ (പ്രസിഡന്റ്), റവ. ജോ വര്‍ഗീസ് മലയില്‍ (വൈസ് പ്രസി), പ്രേംജിത്ത് വില്യം (സെക്രട്ടറി),…

കാലിഫോർണിയ: ഫ്രെസ്‌നോ ആസ്ഥാനമായുള്ള റോ ഫാം ഡയറിയിൽ നിന്നുള്ള അസംസ്‌കൃത പാലിൻ്റെ റീട്ടെയിൽ സാമ്പിളിൽ പക്ഷിപ്പനി വൈറസ് കണ്ടെത്തിയതായി സംസ്ഥാന ആരോഗ്യ ഉദ്യോഗസ്ഥർ പറഞ്ഞു. സാൻ്റാ ക്ലാര കൗണ്ടി പബ്ലിക് ഹെൽത്ത് ഓഫീസിലെ ഉദ്യോഗസ്ഥരാണ് സാമ്പിൾ ശേഖരിച്ചത്, അവർ റീട്ടെയിൽ സ്റ്റോറുകളിൽ നിന്നുള്ള അസംസ്കൃത പാൽ ഉൽപന്നങ്ങൾ “ഉപഭോക്തൃ സംരക്ഷണത്തിൻ്റെ രണ്ടാം നിരയായി” പരീക്ഷിച്ചു. സംസ്ഥാനത്തുനിന്നും കൗണ്ടിയിൽ നിന്നുമുള്ള പ്രസ്താവനകൾ പ്രകാരം നവംബർ 21 ന് “ഒരു റീട്ടെയിൽ ഔട്ട്‌ലെറ്റിൽ നിന്ന് വാങ്ങിയ അസംസ്കൃത പാലിൻ്റെ ഒരു സാമ്പിളിൽ” കൗണ്ടി ഉദ്യോഗസ്ഥർ വൈറസ് തിരിച്ചറിഞ്ഞു. കൗണ്ടി വെള്ളിയാഴ്ച സ്റ്റോറുകളുമായി ബന്ധപ്പെടുകയും അസംസ്കൃത പാൽ വിൽപ്പനയിൽ നിന്ന് പിൻവലിക്കാൻ ശുപാർശ ചെയ്യുകയും ചെയ്തു. യുസി ഡേവിസിലെ കാലിഫോർണിയ അനിമൽ ഹെൽത്ത് ആൻഡ് ഫുഡ് സേഫ്റ്റി ലബോറട്ടറി സിസ്റ്റം ശനിയാഴ്ച പരിശോധനാ ഫലങ്ങൾ സ്ഥിരീകരിച്ചു. കാലിഫോർണിയയിലുടനീളം, 29 പേർ വൈറസിന്…

യു കെ: കേരളത്തിലെ ഉപതെരഞ്ഞെടുപ്പിൽ യു ഡി എഫ് സ്ഥാനാർഥികൾ നേടിയ അവിസ്മരണീയ വിജയത്തിൽ ഓ ഐ സി സി (യു കെ) യുടെ ആഭിമുഖ്യത്തിൽ യു കെയിലെ വിവിധ സ്ഥലങ്ങളിൽ ആഹ്ലാദ പ്രകടനങ്ങളും മധുര വിതരണവും സംഘടിപ്പിച്ചു. പലയിടങ്ങളിലും പ്രവർത്തകർ കേക്ക് മുറിച്ചു സന്തോഷം പങ്കിടുകയും കൊടിതോരണങ്ങളും മുദ്രാവാക്യം വിളികളുമായി ആഹ്ലാദപ്രകടനം സംഘടിപ്പിക്കുകയും ചെയ്തു. യു കെയിലെ മാഞ്ചസ്റ്ററിലും ബാസിൽഡണിലും സംഘടിപ്പിച്ച വിജയാഘോഷ പരിപാടികൾ ഒ ഐ സി സി (യു കെ) നാഷണൽ പ്രസിഡന്റ്‌ ഷൈനു ക്ലെയർ മാത്യൂസ് ഉദ്ഘാടനം ചെയ്തു. മാഞ്ചസ്റ്റർ റീജിയന്റെ ആഭിമുഖ്യത്തിൽ ബോൾട്ടനിൽ സംഘടിപ്പിച്ച ആഘോഷങ്ങൾക്ക് ഒ ഐ സി സി (യു കെ) ഔദ്യോഗിക വക്താവ് റോമി കുര്യാക്കോസ് നേതൃത്വം നൽകി. നാഷണൽ കമ്മിറ്റി അംഗം ബേബി ലൂക്കോസ്, റീജിയൻ പ്രതിനിധികളായ ജിപ്സൺ ജോർജ് ഫിലിപ്സ്, സജി വർഗീസ്…