Year: 2024

ഹൂസ്റ്റൺ: അഞ്ച് പതിറ്റാണ്ടുകൾ പിന്നിട്ട വിശ്വാസത്തിൻ്റെയും സേവനത്തിൻ്റെയും സാമൂഹിക ബന്ധത്തിൻ്റെയും അടയാളപ്പെടുത്തൽ ദർശിച്ച ഹൂസ്റ്റൺ ട്രിനിറ്റി മാർത്തോമാ ഇടവകയുടെ ഒരു വർഷം നീണ്ടുനിന്ന സുവർണ ജൂബിലി ആഘോഷങ്ങൾക്ക് സമാപനം. സുവർണ ജൂബിലി സമാപനത്തിന് ഓഗസ്റ്റ് 10 ശനിയാഴ്ച വൈകുന്നേരം 4:30 മണിക്ക് ഘോഷയാത്രയോടുകൂടി തുടക്കമാകും. 5 മണിക്ക് പൊതു സമ്മേളനം ആരംഭിക്കും. മാർത്തോമാ സഭ നോർത്ത് അമേരിക്ക ഭദ്രാസന അദ്ധ്യക്ഷൻ അഭിവന്ദ്യ ഡോ. ഏബ്രഹാം മാർ പൗലോസ് എപ്പിസ്കോപ്പ മുഖ്യാതിഥിയായി പങ്കെടുക്കുന്ന സമാപന സമ്മേളനത്തിൽ കോൺസൽ ജനറൽ ഡി.സി.മഞ്ജുനാഥ് , ഫോർട്ബെൻഡ് കൗണ്ടി ജഡ്ജ് കെ.പി.ജോർജ്, പെയർലാൻഡ് സിറ്റി മേയർ കെവിൻ കോൾ, മിസോറി സിറ്റി മേയർ റോബിൻ ഇലക്കാട്ട്, സ്റ്റാഫ്‌ഫോർഡ് സിറ്റി മേയർ കെൻ മാത്യു, ഡിസ്ട്രിക്ററ് കോർട്ട് ജഡ്ജ് സുരേന്ദ്രൻ.കെ.പട്ടേൽ , കോർട്ട് ജഡ്ജ് ജൂലി മാത്യു, കൗൺസിൽ വുമൺ ഡോ .ക്രോലിൻ ഷബാസ്,…

ന്യൂയോർക്ക്: വയനാട്ടിലെ ദുരിതബാധിത പ്രദേശങ്ങളുടെ പുനരുദ്ധാരണ പ്രവർത്തനങ്ങൾക്കും പുനരധിവാസത്തിനുമാവശ്യമായ ഫണ്ട് സ്വരൂപിക്കുന്നതിന് നോർത്ത് അമേരിക്ക ദദ്രാസന, ഇടവക അംഗങ്ങൾ ഉൾപ്പെടെ എല്ലാവരുടെയും ആത്മാർത്ഥമായി സഹകരണം ഡോ. മാർത്തോമാ സഭാ പരമാധ്യ്ക്ഷൻ ഡോ തിയോഡോഷ്യസ് മാർത്തോമ്മാ മെത്രാപ്പോലീത്ത അഭ്യർത്ഥിച്ചു. 2024 ജൂലൈ 30 ന് വയനാട്ടിലെ ചൂരൽമല, മുണ്ടക്കൈ പ്രദേശങ്ങളിൽ ഉണ്ടായ ഉരുൾപൊട്ടലിൽ ഇരുന്നൂറിലധികം ആളുകളുടെ ജീവൻ അപഹരിക്കുകയും നിരവധി പേർ ആശുപത്രിയിലാവുകയും ചെയ്തു. വീടുകൾ, വിദ്യാഭ്യാസ സ്ഥാപനങ്ങൾ, ഉപജീവനമാർഗങ്ങൾ എന്നിവ നഷ്ടപ്പെട്ടു. പ്രദേശം തന്നെ ഇല്ലാതാകുന്ന അവസ്ഥയാണ് നേരിടുന്നത്. അതിനാൽ, ആ പ്രദേശത്തെ ഈ അവസ്ഥയിൽ നിന്ന് വീണ്ടെടുക്കുകയും നമ്മുടെ സഹോദരങ്ങളുടെ പുനരധിവാസത്തിൽ സ്നേഹത്തിൻ്റെ സഹായഹസ്തങ്ങളായി സഹകരിക്കുകയും ചെയ്യേണ്ടത് നമ്മുടെ കടമയാണ്. ഒരു സഭ എന്ന നിലയിൽ, ആ പ്രദേശത്ത് പുനരുദ്ധാരണ പ്രവർത്തനങ്ങൾ നടത്താൻ ഞങ്ങൾ ഉദ്ദേശിക്കുന്നു. ദുരിതബാധിത പ്രദേശങ്ങളുടെ പുനരധിവാസത്തിനാവശ്യമായ ഫണ്ട് സ്വരൂപിക്കുന്നതിന് എല്ലാവരും ആത്മാർത്ഥമായി…

മൊഗാഡിഷു: സൊമാലിയയുടെ തലസ്ഥാനമായ മൊഗാഡിഷുവിലെ ബീച്ചിൽ വെള്ളിയാഴ്ച രാത്രി നടന്ന ഭീകരാക്രമണത്തില്‍ 32 പേർ മരിക്കുകയും 63 പേർക്ക് പരിക്കേൽക്കുകയും ചെയ്തു. അൽ-ഖ്വയ്ദയുമായി ബന്ധമുള്ള ജിഹാദിസ്റ്റ് ഗ്രൂപ്പായ അൽ-ഷബാബ് ഈ ഭീകരാക്രമണത്തിൻ്റെ ഉത്തരവാദിത്തം ഏറ്റെടുത്തു. സൊമാലിയയിലെ പ്രശസ്തമായ ലിഡോ ബീച്ചിലാണ് ചാവേർ ആക്രമണം നടന്നത്. ആക്രമണത്തിൽ 32ലധികം സാധാരണക്കാർ കൊല്ലപ്പെട്ടതായി പോലീസ് വക്താവ് അബ്ദിഫത അദാൻ വാർത്താ സമ്മേളനത്തിൽ പറഞ്ഞു. ഒരു ചാവേറാണ് സ്വയം പൊട്ടിത്തെറിച്ചതെന്നും 63 പേർക്ക് പരിക്കേറ്റതായും അവരിൽ ചിലരുടെ നില അതീവഗുരുതരമാണെന്നും അദ്ദേഹം പറഞ്ഞു. ബീച്ച് വ്യൂ ഹോട്ടലിൻ്റെ കവാടത്തിലാണ് ചാവേർ സ്വയം പൊട്ടിത്തെറിച്ചത്. ദൃക്‌സാക്ഷികൾ പറയുന്നതനുസരിച്ച്, മറ്റ് നിരവധി അക്രമികൾ ഹോട്ടലിലേക്ക് കടക്കാൻ ശ്രമിച്ചു. കൂടാതെ, നിരവധി താമസക്കാർ നടന്നുപോയ ബീച്ചിൽ ആളുകൾക്ക് നേരെ വെടിയുതിർത്തു. എല്ലാ അക്രമികളെയും സുരക്ഷാ സേന സംഭവസ്ഥലത്ത് തന്നെ വധിച്ചതായും സ്‌ഫോടകവസ്തുക്കൾ നിറച്ച കാർ ഓടിച്ചിരുന്ന…

മഴക്കെടുതി ദുരിതബാധിതർക്കായി മർകസിൽ പ്രത്യേക പ്രാർഥനാ സംഗമം കോഴിക്കോട്: ദുരന്തമുഖത്ത് ഒരുമിക്കേണ്ടത് മനുഷ്യന്റെ കടമയാണെന്നും വയനാടിന്റെ പുനർനിർമാണത്തിൽ സർവ്വ മനുഷ്യരും ഒന്നിക്കണമെന്നും സമസ്ത കേരള ജംഇയ്യത്തുൽ ഉലമ ജനറൽ സെക്രട്ടറി കാന്തപുരം എ പി അബൂബക്കർ മുസ്‌ലിയാർ. മഴക്കെടുതിയിലും ഉരുൾപൊട്ടലിലും മരണപ്പെട്ടവർക്കും പരിക്കേറ്റവർക്കുമായി മർകസിൽ സംഘടിപ്പിച്ച പ്രത്യേക പ്രാർഥനാ സംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സമാനതകളില്ലാത്ത ദുരന്തമാണ് വയനാടിൽ സംഭവിച്ചിരിക്കുന്നത്. ഈ വേളയിൽ ദുരിതാശ്വാസ പ്രവർത്തനങ്ങളിൽ രാഷ്ട്രീയ, ജാതിമത ഭേദമന്യേ എല്ലാവരും ഒരുമിക്കുന്ന കാഴ്ച പ്രതീക്ഷ നൽകുന്നതാണ്. ഭാവിയിലും ഈ ഒരുമ വേണമെന്നും എങ്കിൽ ഏത് പ്രതിസന്ധിയെയും അതിജയിക്കാമെന്നും അദ്ദേഹം പറഞ്ഞു. പുനരധിവാസ പ്രവർത്തനങ്ങളിൽ സർക്കാർ സംവിധാനങ്ങളുമായി ചേർന്ന് സുന്നി സംഘടനകളും മർകസും പദ്ധതികൾ ആവിഷ്കരിക്കുമെന്നും അദ്ദേഹം പറഞ്ഞു. ചടങ്ങിൽ വി പി എം ഫൈസി വില്യാപ്പള്ളി അധ്യക്ഷത വഹിച്ചു. ഡോ. മുഹമ്മദ് അബ്ദുൽ ഹകീം…

മക്കരപ്പറമ്പ : സോളിഡാരിറ്റി യൂത്ത് മൂവ്മെന്റ് മക്കരപ്പറമ്പ ഏരിയ സംഘടിപ്പിക്കുന്ന ‘യൂത്ത് കഫെ’ ആഗസ്റ്റ് 25 ന് ഞായറാഴ്ച വടക്കാങ്ങര ടാലന്റ് പബ്ലിക് സ്കൂളിൽ നടക്കും. പരിപാടിയുടെ വിജയത്തിനായി സ്വാഗതസംഘം രൂപീകരിച്ചു. എൻ.കെ അബ്ദുൽ അസീസ് ചെയർമാനും, ഇ.സി സൗദ വൈസ് ചെയർമാനും, ഷബീർ കറുമൂക്കിൽ ജനറൽ കൺവീനറും, സി.എച്ച് സമീഹ് കൺവീനറുമായി തെരെഞ്ഞെടുക്കപ്പെട്ടു. വിവിധ വകുപ്പ് കൺവീനർമാരായി അഷ്റഫ് സി (പ്രതിനിധി), സമീദ് കടുങ്ങൂത്ത് (പ്രോഗ്രാം), ലബീബ് മക്കരപ്പറമ്പ (പ്രചാരണം), അംജദ് നസീഫ് (നഗരി, ലൈറ്റ് & സൗണ്ട്), കുഞ്ഞവറ മാസ്റ്റർ (സ്റ്റേജ്), നിയാസ് തങ്ങൾ (ഭക്ഷണം), നിസാർ കൂട്ടിലങ്ങാടി (വളണ്ടിയർ), ജാബിർ പടിഞ്ഞാറ്റുമുറി (രജിസ്ട്രേഷൻ), സമീഹ് സി.എച്ച് (സാമ്പത്തികം), റബീ ഹുസൈൻ തങ്ങൾ (മീഡിയ) എന്നിവരെ തെരെഞ്ഞെടുത്തു.

നിരണം: വയനാട് പ്രകൃതിദുരന്തത്തിൽ ജീവൻ നഷ്ടപ്പെട്ട സഹോദരങ്ങൾക്ക് ആദരാഞ്ജലികൾ അർപ്പിച്ചുകൊണ്ട് നിരണം സെന്റ് തോമസ് ബിലീവേഴ്സ് ഈസ്റ്റേൺ ചർച്ച് ഇടവകയിൽ സമൂഹ പ്രാർത്ഥന നടത്തി. വിശുദ്ധ കുർബാനയ്ക്ക് ശേഷം ഇടവക വികാരി ഫാ. മർക്കോസ് പള്ളിക്കുന്നേൽ നേതൃത്വം നല്‍കി. അജോയി കെ വര്‍ഗീസ് അദ്ധ്യക്ഷത വഹിച്ചു. ഇടവക സെക്രട്ടറി ഡോ. ജോൺസൺ വി. ഇടിക്കുള അനുശോചന സന്ദേശം നല്‍കി. വിശ്വാസികൾ ചേർന്ന് മെഴുകുതിരി തെളിയിച്ചു സമൂഹ പ്രാർത്ഥനയിൽ സംബന്ധിപ്പിച്ചു. ഇടവക വികാരി ഫാ. മർക്കോസ് പള്ളിക്കുന്നേൽ ആദ്യ ദീപം തെളിയിച്ചു സെൽവരാജ് വിൻസന് കൈമാറി.ദുരിത ബാധിതരെ സഹായിക്കുന്നതിന് ലക്ഷ്യമിട്ട് ആരാധന മദ്ധ്യേ സമർപിച്ച സ്തോത്രകാഴ്ച ഇടവക ട്രസ്റ്റി റെന്നി തോമസ് തേവേരിൽ ഇടവക വികാരിക്ക് കൈമാറി.ഷാൽബിൻ മർക്കോസ്,ഡാനി വാലയിൽ, ഏബൽ റെന്നി എന്നിവർ നേതൃത്വം നല്‍കി. രക്ഷാപ്രവർത്തനം നടത്തുന്നവർക്കും സർക്കാർ സംവിധാനങ്ങൾക്കും സാധ്യമായ എല്ലാ സഹായങ്ങളും അടിയന്തിരമായി…

ധാക്ക: വാരാന്ത്യത്തിൽ ബംഗ്ലാദേശിൽ വിദ്യാർത്ഥി പ്രതിഷേധക്കാർ പോലീസുമായും ഭരണകക്ഷി അനുഭാവികളുമായുണ്ടായ ഏറ്റുമുട്ടലിൽ 93 പേർ കൊല്ലപ്പെടുകയും നൂറുകണക്കിന് പേർക്ക് പരിക്കേൽക്കുകയും ചെയ്തു. പ്രധാനമന്ത്രി ഷെയ്ഖ് ഹസീനയുടെ രാജി ആവശ്യപ്പെട്ട് പ്രകടനം നടത്തിയ പതിനായിരങ്ങളെ പിരിച്ചുവിടാൻ പോലീസ് കണ്ണീർ വാതകവും സ്റ്റൺ ഗ്രനേഡുകളും പ്രയോഗിച്ചു. ഒരു മാസത്തിലേറെയായി നിലനിൽക്കുന്ന പ്രശ്നം സംഘര്‍ഷഭരിതമാകുകയാണ്. അക്രമങ്ങള്‍ വർദ്ധിച്ചുവരുന്ന സാഹചര്യത്തില്‍, ഞായറാഴ്ച വൈകുന്നേരം 6 മണി മുതൽ സർക്കാർ അനിശ്ചിതകാല രാജ്യവ്യാപക കർഫ്യൂ പ്രഖ്യാപിച്ചു. സർക്കാർ ജോലികൾക്കായുള്ള വിവാദ ക്വാട്ട സമ്പ്രദായത്തെച്ചൊല്ലി കഴിഞ്ഞ മാസം ആരംഭിച്ച പ്രതിഷേധത്തിനിടെ ഇതാദ്യമായാണ് ഇത്തരമൊരു നടപടി നടപ്പാക്കുന്നത്. 1971-ലെ ബംഗ്ലാദേശിൻ്റെ സ്വാതന്ത്ര്യ സമരത്തിലെ വിമുക്തഭടന്മാരുടെ കുടുംബങ്ങൾക്ക് സർക്കാർ ജോലിയുടെ 30% സംവരണം ചെയ്യുന്ന ക്വാട്ട സമ്പ്രദായത്തിനെതിരെ ഒരു മാസത്തിലേറെയായി വിദ്യാർത്ഥികൾ പ്രതിഷേധത്തിലാണ്. ധാക്കയെ കേന്ദ്രമാക്കി ആവർത്തിച്ചുള്ള അക്രമങ്ങൾ കണ്ട പ്രക്ഷോഭം രാജ്യത്തുടനീളം കുറഞ്ഞത് 200 മരണങ്ങൾക്ക് കാരണമായി,…