Month: July 2024

ലാങ്കസ്റ്റര്‍ (പെന്‍സില്‍വേനിയ) : വിന്‍ധം റിസോര്‍ട്ട്: കുടുംബക്കൂട്ടായ്മകളുടെ ആത്മീയാനുഭവങ്ങള്‍ക്കായി ലാങ്കസ്റ്റര്‍ വിന്‍ധം റിസോര്‍ട്ട് ഒരുങ്ങി. മലങ്കര ഓര്‍ത്തഡോക്‌സ് നോര്‍ത്ത് ഈസ്റ്റ് അമേരിക്കന്‍ ഭദ്രാസന ഫാമിലി ആന്‍ഡ് യൂത്ത് കോണ്‍ഫറന്‍സിന് രണ്ടാം ദിവസം. ധ്യാന സംഗമത്തിന്റെ നവ്യാനുഭവത്തിനാണ് ഇവിടം വേദിയാവുന്നത്. രാത്രി പ്രാര്‍ത്ഥനയ്ക്കും പ്രഭാതനമസ്‌കരത്തിനും ശേഷം ഭക്തിസാന്ദ്രമായ മലയാള ഭാഷയില്‍ ഫാ. ടോബിന്‍ മാത്യുവും ഇംഗ്ലീഷ് ഭാഷയില്‍ ഫാ. അനൂപ് തോമസും ഡിവോഷണല്‍ പ്രസംഗങ്ങള്‍ നടത്തി. തുടര്‍ന്ന് പ്രാതല്‍. പിന്നീട് ജോയിന്റ് സെക്രട്ടറി ഷിബു തരകന്റെ അപ്ഡേറ്റുകള്‍ ലിങ്കണ്‍ തിയേറ്ററില്‍. രണ്ടാം ദിവസം ഫാ.സെറാഫിം മജ്മുദാറിനുള്ളതായിരുന്നു. ഫാ.സെറാഫിം ഗുജറാത്തില്‍ ഹിന്ദുവായി ജനിച്ചു. നിതാന്ത് (NITHANT) എന്നായിരുന്നു പൂര്‍വാശ്രമത്തിലെ പേര് . കാലിഫോര്‍ണിയയില്‍ സാന്റാ ബാര്‍ബറയില്‍ ടീച്ചറായി. യേറുശലേമില്‍ നിന്ന് ഓര്‍ഡിനേഷന്‍ ലഭിച്ചു. ഗ്രീക്ക് ഓര്‍ത്തഡോക്‌സ് സഭയില്‍ സൈപ്രസിലും ഉണ്ടായിരുന്നു. ”ഇവിടെ നിങ്ങള്‍ എല്ലാവരും ഇന്ത്യക്കാര്‍: ഒപ്പം ഓര്‍ത്തഡോക്‌സുകാരും”, ചിരിയാരവങ്ങള്‍ക്കിടയില്‍…

യുണൈറ്റഡ് നേഷൻസ്: 2060-കളുടെ തുടക്കത്തിൽ ഇന്ത്യയുടെ ജനസംഖ്യ ഏകദേശം 1.7 ബില്യണായി ഉയരുമെന്നും പിന്നീട് 12 ശതമാനം കുറയുമെന്നും, എന്നാൽ ഈ നൂറ്റാണ്ടിലുടനീളം രാജ്യം ലോകത്തിലെ ഏറ്റവും ജനസംഖ്യയുള്ള രാജ്യമായി തുടരുമെന്ന് ഐക്യരാഷ്ട്രസഭയുടെ റിപ്പോര്‍ട്ടില്‍ പ്രവചിക്കുന്നു. വ്യാഴാഴ്ച പുറത്തിറക്കിയ വേൾഡ് പോപ്പുലേഷൻ പ്രോസ്‌പെക്‌ട്‌സ് 2024 റിപ്പോർട്ട്, വരുന്ന 50-60 വർഷങ്ങളിൽ ലോക ജനസംഖ്യ വർദ്ധിക്കുന്നത് തുടരുമെന്ന് പ്രതീക്ഷിക്കുന്നതായി പറയുന്നു. ഇത് 2080-കളുടെ മധ്യത്തിൽ 2024ലെ 8.2 ബില്യണില്‍ നിന്ന് ഏകദേശം 10.3 ബില്യൺ ആയി ഉയരും. ലോക ജനസംഖ്യ ഉയർന്നുകഴിഞ്ഞാൽ, നൂറ്റാണ്ടിൻ്റെ അവസാനത്തോടെ ക്രമേണ 10.2 ബില്യൺ ആളുകളായി കുറയാൻ തുടങ്ങുമെന്ന് പ്രവചിക്കപ്പെടുന്നു. കഴിഞ്ഞ വർഷം ലോകത്തിലെ ഏറ്റവും ജനസംഖ്യയുള്ള രാഷ്ട്രമായി ചൈനയെ മറികടന്ന ഇന്ത്യ, 2100 വരെ ആ സ്ഥാനം നിലനിർത്തും. ഈ നൂറ്റാണ്ടിലുടനീളം ലോകത്തിലെ ഏറ്റവും വലിയ ജനസംഖ്യയായി തുടരുമെന്ന് പ്രതീക്ഷിക്കപ്പെടുന്ന ഇന്ത്യയിലെ ജനസംഖ്യ,…

ന്യൂയോർക്ക്: ഫെഡറേഷന്‍ ഓഫ് ശ്രീനാരായണ ഓര്‍ഗനൈസേഷന്‍സ് – നോര്‍ത്ത് അമേരിക്ക (FSNONA) യുടെ ആഭിമുഖ്യത്തിൽ രണ്ടു വർഷത്തിലൊരിക്കൽ നടത്തിവരാറുള്ള അഞ്ചാമത് ശ്രീനാരായണ കൺവെൻഷൻ കണക്ടിക്കട്ടിലുള്ള ഹോട്ടൽ ഹിൽട്ടണിൽ സമാരംഭിച്ചു. സ്കൂൾ ഓഫ് വേദാന്ത ഡയറക്ടർ സ്വാമി മുക്താനന്ദ യതി ഭദ്രദീപം കൊളുത്തി ഉദ്‌ഘാടനം ചെയ്ത ചടങ്ങിൽ പ്രസിഡന്റ് സജീവ് ചേന്നാട്ട് അദ്ധ്യക്ഷത വഹിച്ചു. ജനറൽ സെക്രട്ടറി ശ്രീമതി രേണുക ചിറക്കുഴിയിൽ സ്വാഗത പ്രസംഗവും, ഗുരു നിത്യാനന്ദ യതിയുടെ ശിഷ്യനായ ഷൗക്കത്ത്, ടെക്സാസിലെ ജഡ്ജ് സുരേന്ദ്രൻ പട്ടേൽ, ഡോ. മോഹൻ ഗോപാൽ, FSNONA ചെയർമാൻ ഡോ. ചന്ദ്രോത്ത് പുരുഷോത്തമൻ, വൈസ് ചെയർമാൻ അഡ്വ. അനിയൻ തയ്യിൽ, അഡ്വ. വാസുദേവൻ കല്ലുവിള എന്നിവർ ആശംസാ പ്രസംഗവും നടത്തി. ട്രഷറർ രാജീവ് ഭാസ്കർ, വൈസ്പ്രസിഡന്റ് സുനിൽ കുമാർ കൃഷ്ണൻ, ജോയിന്റ് സെക്രട്ടറി ശ്രീമതി മായാ ഷൈജു, ജോയിന്റ് ട്രഷറർ സഹൃദയൻ പണിക്കർ,…

വാഷിംഗ്ടണ്‍: ഉക്രെയ്‌നിന് 225 മില്യൺ ഡോളറിൻ്റെ പുതിയ സുരക്ഷാ പാക്കേജ് അമേരിക്ക പ്രഖ്യാപിച്ചു. ഇതിൽ പാട്രിയറ്റ് മിസൈലുകൾ, പീരങ്കി റോക്കറ്റ് സംവിധാനങ്ങൾ, മിസൈലുകൾക്കുള്ള അധിക വെടിമരുന്ന് എന്നിവ ഉൾപ്പെടുന്നു. 2022 ലെ റഷ്യൻ അധിനിവേശത്തിനുശേഷം, വാഷിംഗ്ടൺ ഉക്രെയ്‌നിന് 50 ബില്യൺ ഡോളറിലധികം സൈനിക സഹായം നൽകിയിട്ടുണ്ട്. “ഞങ്ങൾ നിങ്ങളോടൊപ്പമുണ്ടാകും,” വാഷിംഗ്ടണിൽ നടക്കുന്ന നോർത്ത് അറ്റ്ലാൻ്റിക് ട്രീറ്റി ഓർഗനൈസേഷൻ (നാറ്റോ) ഉച്ചകോടിയിലെ ഉഭയകക്ഷി യോഗത്തിന് മുന്നോടിയായി യുഎസ് പ്രസിഡൻ്റ് ജോ ബൈഡൻ ഉക്രേനിയൻ പ്രസിഡൻ്റ് വോളോഡിമർ സെലെൻസ്‌കിയോട് പറഞ്ഞു. അമേരിക്കയും ഞങ്ങളുടെ അന്താരാഷ്ട്ര സഖ്യവും ഉക്രെയ്നിനൊപ്പം നിൽക്കുമെന്ന് പാക്കേജ് പ്രഖ്യാപിച്ചുകൊണ്ട് യുഎസ് സ്റ്റേറ്റ് സെക്രട്ടറി ആൻ്റണി ബ്ലിങ്കൻ പറഞ്ഞു. അതിനിടെ, റഷ്യയ്‌ക്കെതിരെ ഉക്രെയ്‌ന് ദീർഘദൂര ആയുധങ്ങൾ ഉപയോഗിക്കാൻ കഴിയാത്ത നിരോധനം നീക്കാൻ ഉക്രെയ്ൻ വ്യാഴാഴ്ച നേറ്റോയോട് ആവശ്യപ്പെട്ടു. ബുധനാഴ്ച വാഷിംഗ്ടണിൽ നടന്ന ഉച്ചകോടിയിൽ നേറ്റോ അംഗങ്ങൾ ഉക്രെയ്‌നിന് പിന്തുണ…

അമേരിക്കൻ മലയാളികളുടെ സംയുക്ത സാംസ്‌കാരിക കൂട്ടായ്മകളായ ഫൊക്കാനയും ഫോമയും 2024-ലെ കൺവെൻഷനുകൾ ജൂലൈ ഓഗസ്റ്റ് മാസങ്ങളിലായി നടത്തപ്പെടുന്ന പശ്ചാത്തലത്തിൽ തകൃതിയായി നടക്കുന്ന പ്രചരണ കോലാഹലങ്ങൾ സാമൂഹ്യ മാധ്യമങ്ങൾ നിറഞ്ഞു കവിയുന്നു. പൊതുതാല്പര്യങ്ങൾ മാത്രം ലക്ഷ്യമാക്കി ഈ സാഹചര്യങ്ങൾ നിരീക്ഷിക്കുമ്പോൾ, ഈ കൺവെൻഷനുകളുടെ പ്രധാന ഹൈലൈറ്റ് അടുത്ത ടേമിലേക്കുള്ള തിരഞ്ഞെടുപ്പ് മാത്രമാണോയെന്ന് സംശയം തോന്നും. മറ്റേതൊരു കുടിയേറ്റ സമൂഹത്തെയും പോലെ രണ്ടു ഭിന്ന സംസ്കാരങ്ങളിൽ ജീവിക്കേണ്ടി വരുന്ന സ്ഥിതിയും അമേരിക്കൻ മലയാളിക്കുണ്ട്. മലയാളി സംഘടനകളിൽ കാണിക്കുന്ന ഉത്സാഹത്തെക്കാളേറെ മുഖ്യധാരാ അമേരിക്കൻ രാഷ്ട്രീയ സാമൂഹ്യ രംഗങ്ങളിൽ അല്ലെ കുടിയേറ്റ സമൂഹം എന്ന നിലയിൽ നമ്മൾ പ്രവർത്തിക്കേണ്ടത് ? അമേരിക്കയിൽ സാഹചര്യങ്ങൾ മാറുകയാണ്. പത്തു വർഷങ്ങൾക്ക് മുൻപ് ചിന്തിക്കാൻ കഴിയാത്ത തരത്തിൽ അമേരിക്കൻ രാഷ്ട്രീയ രംഗം മാറിക്കഴിഞ്ഞിരിക്കുന്നു. അനധികൃതകുടിയേറ്റം പോലുള്ള വിഷയങ്ങൾ ഉൾപ്പടെ സാധാരണക്കാരനെപ്പോലും ബാധിക്കുന്ന വിഷയങ്ങൾ ഇന്ന് സർവ്വ തലങ്ങളിലും…

– പുരോഗതിയുടെ  പാതയിൽ, പുത്തൻ  പ്രതീക്ഷയോടെ – ഡാൽട്ടൻ (പെൻസിൽവേനിയ): മലങ്കര ഓർത്തഡോക്സ് സുറിയാനി സഭയുടെ നോർത്ത് ഈസ്റ്റ് അമേരിക്കൻ ഭദ്രാസനത്തിന്റെ ചിരകാല അഭിലാഷമായ റിട്രീറ്റ് സെന്റർ പെൻസിൽവേനിയയിൽ. ഡാൽട്ടണിലെ (ഫാത്തിമ സെന്ററിൽ) വിപുലവും ആധുനിക സജ്ജീകരണങ്ങളോടും കൂടിയ സെന്റർ സ്ഥാപിക്കാനുള്ള നിശ്ചയം ഏറെക്കാലമായി സഭയുടെ വലിയൊരു ആഗ്രഹമായിരുന്നു സ്വന്തമായി ഒരു റിട്രീറ്റ് സെന്റർ എന്നത്. ഇതിനു വേണ്ടി പലതവണ യോഗങ്ങൾ ചേർന്നു. ഒടുവിൽ 2015  ജൂണിൽ മേരിലന്റിലെ ബാൾട്ടിമൂറിൽ ചേർന്ന ഭദ്രാസന പൊതുയോഗമാണ്  നോർത്ത് ഈസ്റ്റ് അമേരിക്കൻ ഭദ്രാസനത്തിന് ഒരു റിട്രീറ്റ് സെന്റർ  വേണമെന്ന ആവശ്യം ഉയർത്തിയത്. തുടർന്ന് അനുയോജ്യമായ സ്ഥലം കണ്ടെത്താനും സെന്ററിന്റെ നിർമാണ പ്രവർത്തനങ്ങളുമായി മുന്നോട്ടു പോകുവാനും ഭദ്രാസന കൗൺസിലിനെ ചുമതലപ്പെടുത്തി. മൂന്നു വർഷക്കാലം ന്യൂ യോർക്ക് , ന്യൂ ജേഴ്‌സി, പെൻസിൽവേനിയ  എന്നിവിടങ്ങളിൽ സ്ഥലങ്ങൾ അന്വേഷിച്ചു.  ഒടുവിൽ അനുയോജ്യമായ ഇടമായി പെൻസിൽവേനിയയിലെ…

ഫിലാഡല്‍ഫിയ: സീറോമലബാര്‍ കത്തോലിക്കാ കോണ്‍ഗ്രസിന്റെ (എസ്. എം. സി. സി.) രജതജൂബിലി ആഘോഷങ്ങളോടനുബന്ധിച്ച് 2024 സെപ്റ്റംബര്‍ 27 മുതല്‍ 29 വരെ ദേശീയതലത്തില്‍ ഫിലാഡല്‍ഫിയയില്‍ നടക്കുന്ന സീറോമലബാര്‍ കുടുംബസംഗമത്തിന്റെ രജിസ്റ്റ്രേഷന്‍ കിക്ക് ഓഫ് ചിക്കാഗൊ സീറോമലബാര്‍ രൂപതയുടെ ആസ്ഥാനദേവാലയമായ മാര്‍ തോമ്മാശ്ലീഹാ കത്തീഡ്രലില്‍ ജൂലൈ 14 ഞായറാഴ്ച്ച നടക്കും. കത്തീഡ്രല്‍ വികാരി വെരി റവ. ഫാ. തോമസ് കടുകപ്പിള്ളില്‍, അസിസ്റ്റന്റ് വികാരി റവ. ഫാ. ജോയല്‍ പയസ്, ജൂബിലി കമ്മിറ്റി ചെയര്‍പേഴ്‌സണ്‍ ജോര്‍ജ് മാത്യു സി. പി. എ., എസ്. എം. സി. സി. ചാപ്റ്റര്‍/നാഷണല്‍ സെക്രട്ടറിയും, ജൂബിലി കമ്മിറ്റി കോചെയര്‍പേഴ്‌സണുമായമേഴ്‌സി കുര്യാക്കോസ്, ചിക്കാഗൊ ചാപ്റ്റര്‍ ഭാരവാഹികളായ സെബാസ്റ്റ്യന്‍ എമ്മാനുവേല്‍, ജോസഫ് ജോസഫ്, ഫാമിലി കോണ്‍ഫറന്‍സ് നാഷണല്‍ കോര്‍ഡിനേറ്റര്‍ ജോണ്‍സണ്‍ കണ്ണൂക്കാടന്‍, കത്തീഡ്രല്‍പള്ളി കൈക്കാരന്മാരായ ബിജി മാണി, ബോബി ചിറയില്‍, സന്തോഷ് കാട്ടൂക്കാരന്‍, വിവിഷ് ജേക്കബ്, എന്നിവരുടെ…

മലപ്പുറം: പ്ലസ് വൺ മതിയായ ബാച്ചുകൾ അനുവദിക്കാതെ സർക്കാർ തുടരുന്ന വിവേചനങ്ങൾക്കെതിരെ ദേശീയപാത ഉപരോധസമരം തുടർന്ന് ഫ്രറ്റേണിറ്റി മൂവ്മെൻ്റ്. പാലക്കാട് -കോഴിക്കോട് ദേശീയപാത ജില്ലാ നേതാക്കളുടെ നേതൃത്വത്തിലുള്ള ഉപരോധം കാരണം ദീർഘനേരം ഗതാഗതം തടസ്സപ്പെട്ടു. സപ്ലിമെൻ്ററി അലോട്ട്മെൻ്റിന് ശേഷവും സീറ്റ് പ്രതിസന്ധി രൂക്ഷമായി തുടരുന്ന മലപ്പുറം ജില്ലയിൽ ശാശ്വത പരിഹാരത്തിന് സർക്കാർ ഇനിയും തയ്യാറാകാത്തത് ജില്ലയിലെ ജനങ്ങളോടുള്ള വെല്ലുവിളിയാണെന്നും പുതിയ ബാച്ചുകൾ അനുവദിക്കുന്നത് വരെ അനിശ്ചിതകാല പ്രക്ഷോഭമാരംഭിക്കുമെന്നും ഫ്രറ്റേണിറ്റി മൂവ്മെൻ്റ് ജില്ലാ ജനറൽ സെക്രട്ടറി ബാസിത് താനൂർ പറഞ്ഞു. പതിനാറായിരത്തിലധികം വിദ്യാർത്ഥികളാണ് അവസരം ലഭിക്കാതെ പുറത്തു നിൽക്കുന്നത്. ഇടതു സർക്കാരിൻ്റെ വിദ്യാർത്ഥി വിരുദ്ധ നിലപാടിനെതിരെ ക്യാമ്പസുകളിൽ പ്രതിഷേധം സംഘടിപ്പിക്കുമെന്നും ഫ്രറ്റേണിറ്റി നേതാക്കൾ പറഞ്ഞു. ജില്ലാ ജനറൽ സെക്രട്ടറി ബാസിത് താനൂർ,ജില്ലാ വൈസ് പ്രസിഡന്റ് വി. ടി എസ് ഉമർ തങ്ങൾ കൊണ്ടോട്ടി മണ്ഡലം പ്രസിഡന്റ് അൻഷദ് അഹ്‌സൻ,…

മലപ്പുറം: സാഹോദര്യ രാഷ്ട്രീയത്തിന് കരുത്തേകുക എന്ന പ്രമേയത്തിൽ ഫ്രറ്റേണിറ്റി മൂവ്മെൻ്റ് സംസ്ഥാന കമ്മിറ്റി സംഘടിപ്പിക്കുന്ന പ്രവർത്തന ഫണ്ട് സമാഹരണത്തിൻ്റെ മലപ്പുറം ജില്ലാതല ഉദ്ഘാടനം ആർ.എസ്.എസ്സുകാരാൽ കൊല ചെയ്യപ്പെട്ട കൊടിഞ്ഞി ഫൈസലിൻ്റെ മാതാപിതാക്കൾ ജില്ലാ ജനറൽ സെക്രട്ടറി ബാസിത് താനൂരിന് ആദ്യ ഘഡു നൽകി കൊണ്ട് നിർവ്വഹിച്ചു. ശഹീദ് ഫൈസൽ കേസ് അനിശ്ചിതമായി നീട്ടികൊണ്ട് പോകുന്നതിലൂടെ ക്രൂരമായ നീതി നിഷേധമാണ് കേരള സർക്കാർ നടത്തുന്നത്.സംഘ് പരിവാർ ക്രിമിനലുകൾക്ക് സംരക്ഷണമൊരുക്കുന്ന പ്രവൃത്തിയാണ് അഭ്യന്തര വകുപ്പ് സ്വീകരിച്ചു പോരുന്നത്, ഇത് ദൂരവ്യാപകമായ പ്രത്യാകാതങ്ങൾ സൃഷ്ടിക്കുമെന്നും, നീതി നിഷേധം തുടരുന്ന സാഹചര്യത്തിൽ ബഹുജന പ്രക്ഷോഭങ്ങൾ ആരംഭിക്കുമെന്നും ജില്ലാ ജനറൽ സെക്രട്ടറി ബാസിത് താനൂർ പറഞ്ഞു. സംഘ് പരിവാർ പ്രവർത്തകർ പ്രതികളായി വരുന്ന എല്ലാ കേസുകളിലും ഇത്തരം നിലപാടുകൾ സർക്കാർ ആവർത്തിക്കുകയാണ്, ഒത്തുതീർപ്പ് രാഷ്ട്രീയത്തിലൂടെയുള്ള നീതി നിഷേധത്തിനെതിരെ എല്ലാ ജനാധിപത്യ വിശ്വസികളും പ്രതികരിക്കണമെന്നും അദ്ദേഹം…

മലപ്പുറം: മഞ്ചേരി മെഡിക്കൽ കോളേജിനോട് ഭരണകൂടം നിരന്തരമായി തുടർന്നുകൊണ്ടിരിക്കുന്ന അവഗണന അവസാനിപ്പിക്കണമെന്ന് വെൽഫെയർ പാർട്ടി ജില്ലാ എക്‌സിക്യൂട്ടീവ് ആവശ്യപ്പെട്ടു. നിരന്തരമായ അറ്റകുറ്റപണികൾക്ക് വേണ്ടി അടച്ചിടുന്നതുകൊണ്ട് ബെഡ് ഇല്ലാതെ രോഗികൾ നിലത്ത് കിടന്നുകൊണ്ടിരിക്കുകയാണ്. ലാബും എക്‌സ്‌റെയും കേടാണെന്ന് പറഞ്ഞു പൂട്ടിയിട്ടിട്ട് കാലങ്ങളായി. മെഡിക്കൽ കോളേജിനു മുന്നിലെ റോഡ് വഴി നടക്കാൻ പോലും കഴിയാത്ത വിധം ചെളിക്കുണ്ട് ആയി മാറിയിരിക്കുന്നു. പണം അടക്കാതെ കുടിശ്ശിക വരുത്തിയതിനാൽ ഏജൻസികൾ സ്റ്റെന്റ് അടക്കമുള്ള ഉപകരണങ്ങൾ നൽകാത്തതിനാൽ കാത്ത്‌ലാബും പ്രവർത്തനരഹിതമാണ്. തുടക്കംമുതലേ ഭരണകൂട അവഗണനയിൽ ഉഴലുന്ന മെഡിക്കൽ കോളേജിൽ ഇടപെട്ട് പ്രശ്‌നം പരിഹരിക്കാൻ അധികാരികൾ തയ്യാറാവുന്നില്ലെങ്കിൽ ശക്തമായ ജനകീയ പ്രക്ഷോഭങ്ങൾക്ക് വെൽഫെയർ പാർട്ടി നേതൃത്വം നൽകുമെന്ന് ജില്ലാ എക്‌സിക്യൂട്ടീവ് മുന്നറിയിപ്പ് നൽകി. ജില്ലാ പ്രസിഡണ്ട് നാസർ കീഴ്പറമ്പ്, ജനറൽ സെക്രട്ടറി സഫീർഷ, ട്രഷറർ മുനീബ് കാരക്കുന്ന്, വൈസ് പ്രസിഡണ്ട് കൃഷ്ണൻ കുനിയിൽ, സെക്രട്ടറിമാരായ ബിന്ദു…