Month: July 2024

തിരുവനന്തപുരം: സംസ്ഥാനത്ത് അടുത്ത 5 ദിവസത്തേക്ക് വ്യാപകമായ മഴ തുടരുമെന്ന് കേന്ദ്ര കാലാവസ്ഥ വകുപ്പ്. വടക്കൻ കേരളതീരം മുതൽ മഹാരാഷ്‌ട്ര തീരം വരെ സ്ഥിതിചെയ്യുന്ന ന്യൂനമർദ്ദ പാത്തിയുടേയും മധ്യപടിഞ്ഞാറൻ ബംഗാൾ ഉൾക്കടലിലെ ചക്രവാതച്ചുഴിയുടേയും സ്വാധീന ഫലമായാണ് മഴ ശക്തമാവുക. ബുധനാഴ്ച വരെ വിവിധ ജില്ലകളില്‍ തീവ്രമഴ കണക്കിലെടുത്ത് ഓറഞ്ച് അലര്‍ട്ടും യെല്ലോ അലര്‍ട്ടും പ്രഖ്യാപിച്ചു.ശനിയാഴ്ച ആലപ്പുഴ, പാലക്കാട് ജില്ലകളിലൊഴികെ മറ്റ് എല്ലായിടത്തും ശക്തമായ മഴ പെയ്യുമെന്നാണ് മുന്നറിയിപ്പ്. കോഴിക്കോട്, കണ്ണൂര്‍, കാസര്‍കോട് ജില്ലകളില്‍ തീവ്രമഴ കണക്കിലെടുത്ത് ഓറഞ്ച് അലര്‍ട്ട് പ്രഖ്യാപിച്ചു. ഞായറാഴ്ച മലപ്പുറം, കോഴിക്കോട്, കണ്ണൂര്‍, കാസര്‍കോട് ജില്ലകളില്‍ ഓറഞ്ച് അലര്‍ട്ടും തിരുവനന്തപുരം, കൊല്ലം, പാലക്കാട് ഒഴികെയുളള ജില്ലകളില്‍ യെല്ലോ അലര്‍ട്ടുമാണ്. തിങ്കള്‍, ചൊവ്വ ദിവസങ്ങളില്‍ മലപ്പുറം, കോഴിക്കോട്, കണ്ണൂര്‍, കാസര്‍കോട് ജില്ലകളില്‍ ഓറഞ്ച് അലര്‍ട്ടും പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശൂര്‍, പാലക്കാട്, വയനാട്…

ബട്ട്ലർ (പെൻസിൽവാനിയ): പെൻസിൽവാനിയയിലെ ബട്‌ലറിൽ നടന്ന ഒരു റിപ്പബ്ലിക്കന്‍ റാലിയിൽ മു യു എസ് പ്രസിഡന്റ് ഡോണാള്‍ഡ് ട്രം‌പ് സംസാരിക്കുന്നതിനിടെ ഒന്നിലധികം തവണ വെടിവെപ്പ് നടന്നതിനെത്തുടര്‍ന്ന് അദ്ദേഹത്തെ വേദിയില്‍ നിന്ന് സീക്രട്ട് സര്‍‌വ്വീസ് ഉദ്യോഗസ്ഥരും അംഗരക്ഷകരും ചേര്‍ന്ന് മാറ്റി. ട്രംപിൻ്റെ മുഖത്തും ചെവിയിലും രക്തം പുരണ്ട ചിത്രങ്ങൾ വിവിധ ചാനലുകളുടെ സായാഹ്ന വാര്‍ത്തകളില്‍ സം‌പ്രേക്ഷണം ചെയ്തു. രഹസ്യാന്വേഷണ വിഭാഗത്തിൻ്റെ അകമ്പടിയോടെ വാഹനത്തിലേക്ക് കൊണ്ടുപോകുമ്പോൾ ട്രംപ് മുഷ്ടി ഉയർത്തുന്ന വീഡിയോ ദൃശ്യങ്ങളും കാണിച്ചു. അദ്ദേഹം “സുഖമായിരിക്കുന്നു” എന്ന് അദ്ദേഹത്തിൻ്റെ പ്രചാരണത്തിൽ നിന്നുള്ള പ്രസ്താവനയിൽ പറഞ്ഞു. “ഈ ഹീനമായ പ്രവൃത്തിയ്ക്കിടെ പെട്ടെന്നുള്ള നടപടിക്ക് പോലീസിനോടും രഹസ്യാന്വേഷണ ഉദ്യോഗസ്ഥരോടും ആദ്യം പ്രതികരിച്ചവരോടും നന്ദി പറയുന്നു,” പ്രചാരണ വക്താവ് സ്റ്റീവൻ ച്യൂങ് പ്രസ്താവനയിൽ പറഞ്ഞു. “അദ്ദേഹം സുഖമായിരിക്കുന്നു, ഇപ്പോള്‍ ഒരു പ്രാദേശിക മെഡിക്കൽ സ്ഥാപനത്തിൽ പരിശോധനക്ക് വിധേയനാകുകയാണ്. കൂടുതൽ വിശദാംശങ്ങൾ പിന്നീട് അറിയിക്കും,”…

കാനഡയെ കുറച്ചുസമയത്തേക്ക് കേരളമാക്കി മാറ്റി ഇന്ത്യന്‍-കനേഡിയന്‍ യുവതികളുടെ മെഗാതിരുവാതിര. നൂറ്റിപ്പത്ത് യുവതികള്‍ ചുവടുവച്ച മെഗാ തിരുവാതിര വാന്‍കൂവര്‍ ഐലന്‍ഡില്‍ പുതുചരിത്രമായി. വിക്ടോറിയ ഹിന്ദു പരിഷത് ആന്‍ഡ് കള്‍ച്ചറല്‍ സെന്റര്‍ സംഘടിപ്പിച്ച ഫെസ്റ്റിവല്‍ ഓഫ് ഇന്ത്യ എന്ന പരിപാടിയുടെ ഭാഗമായാണ് മെഗാ തിരുവാതിര അരങ്ങേറിയത്. കേരളത്തിന്റെ പ്രാദേശിക കലാരൂപത്തില്‍ നിന്നും ഉപരിയായി കനേഡിയന്‍ വംശജരും, ഇന്ത്യയുടെ പല സംസ്ഥാനങ്ങളില്‍ നിന്നുള്ളവരുമാണ് മെഗാ തിരുവാതിരയില്‍ പങ്കെടുത്തത്. ഇത്രയുമധികം ആളുകള്‍ പങ്കെടുക്കുന്ന തിരുവാതിര വാന്‍കൂവറിന്റെ ചരിത്രത്തില്‍ തന്നെ ആദ്യമാണ്. ര്‍ത്തകിയായ ജ്യോതി വേണു ആണ് ചുവടുകള്‍ ചിട്ടപ്പെടുത്തിയത്. ഒരു മാസത്തിലേറെ നീണ്ടു നിന്ന പരിശീലനവും ഏകോപനവുമാണ് ജ്യോതിയുടെ നേതൃത്വത്തില്‍ നടന്നത്. ഐലന്റിലെ വിവിധ സ്ഥലങ്ങളിലായി ടീമുകളായി തിരിഞ്ഞ് ടീം ലീഡുകളുടെ നേതൃത്വത്തില്‍ ആയിരുന്നു പരിശീലനം. നനൈമോ, ഡന്‍കന്‍, വാന്‍കൂവര്‍ എന്നിങ്ങനെ ബ്രിട്ടീഷ് കൊളംബിയ പ്രൊവിന്‍സിന്റെ വിവിധ ഭാഗങ്ങളില്‍ നിന്നുള്ളവരായിരുന്നു പങ്കെടുത്തവര്‍. എട്ട്…

വാഷിംഗ്ടണ്‍: “റസ്റ്റ്” എന്ന സിനിമയുടെ ന്യൂ മെക്സിക്കോ സെറ്റിൽ വച്ച് ഛായാഗ്രാഹക ഹലീന ഹച്ചിൻസ് വെടിയേറ്റ് കൊല്ലപ്പെട്ട് ഏകദേശം മൂന്ന് വർഷത്തിന് ശേഷം അലക് ബാൾഡ്‌വിനെതിരെ ചുമത്തപ്പെട്ട പ്രോസിക്യൂഷന്‍ കേസ് കോടതി തള്ളിക്കളഞ്ഞു. വിധി കേട്ട ബാള്‍ഡ്‌വിന്‍ കോടതി മുറിയില്‍ പൊട്ടിക്കരഞ്ഞു. വിചാരണയുടെ നാലാം ദിവസത്തിൽ വന്ന വിധി, ഇതിനകം ഒരു തവണ ഒഴിവാക്കിയ കേസിന് അപ്രതീക്ഷിതമായ അന്ത്യമായിരുന്നു. ജഡ്ജിയുടെ വിധി ബാൾഡ്‌വിനെ വീണ്ടും വിചാരണ ചെയ്യുന്നതിൽ നിന്ന് തടയുന്നു. മനഃപൂർവമല്ലാത്ത നരഹത്യയ്ക്കാണ് ബാൾഡ്‌വിനെതിരെ ചുമത്തിയിരുന്ന കുറ്റം. കുറ്റം തെളിഞ്ഞാൽ 18 മാസം വരെ തടവ് അനുഭവിക്കേണ്ടിവരുമായിരുന്നു. 2021 ഒക്ടോബറിൽ ബോണൻസ ക്രീക്ക് റാഞ്ചിലെ സിനിമാ സെറ്റിലെ ഒരു ചെറിയ പള്ളിയിലെ റിഹേഴ്സലിനിടെ ഹോളിവുഡ് താരവും സഹനിർമ്മാതാവുമായ ബാൾഡ്‌വിന്‍  ഛായാഗ്രാഹക ഹച്ചിൻസിന് നേരെ ചൂണ്ടിയ റിവോൾവറില്‍ നിന്നുള്ള വെടിയേറ്റ് ഹച്ചിന്‍സിനെയും സംവിധായകൻ ജോയൽ സൂസയെയും പരിക്കേൽപ്പിച്ചു. ഹച്ചിന്‍സ്…

ലാങ്കസ്റ്റര്‍ (പെന്‍സില്‍വേനിയ): വിശ്വാസത്തിന്റെ എല്ലാ നദികളും വിന്‍ധം റിസോര്‍ട്ടിലെ ”പാരഡൈസ് ” ”ലാങ്കസ്റ്റര്‍” കോണ്‍ഫറന്‍സ് ഹാളുകളിലെ വിശുദ്ധിയുടെ സമുദ്രത്തില്‍ ലയിക്കുന്ന അനുഭവത്തിനാണ് മൂന്നാം ദിനം സാക്ഷ്യം വഹിച്ചത്. ആത്മീയ നിറവിലൂറി വന്ന ഭക്തിസാന്ദ്രതയുടെ നീരുറവ വിശ്വാസത്തിന്റെ നദിയില്‍ ലയിച്ച് മൂല്യങ്ങളുടെ സമുദ്രത്തിലേക്ക് ചെന്നെത്തുകയായിരുന്നു. ആത്മബോധത്തിന്റെ സമുദ്രത്തിലേക്ക് മിഴി തുറന്ന മൂന്നാം പകല്‍ വിശ്വാസികളുടെ ആത്മവിശുദ്ധിയില്‍ ധന്യമാവുകയും ചെയ്തു. വിന്‍ധം റിസോര്‍ട്ട് സാക്ഷ്യം വഹിച്ചത് ആത്മ വിശുദ്ധീകരണത്തിന്റെ സാക്ഷാത്കാരത്തിനും വരാന്‍ പോകുന്ന തലമുറകളുടെ വിശ്വാസത്തെ. ശീമാ നമസ്‌കാരത്തിനു ശേഷം മലയാളത്തില്‍ ഫാ. ബോബി വറുഗീസും ഇംഗ്ലീഷില്‍ കൃപയാ വര്‍ഗീസും ധ്യാനപ്രസംഗങ്ങള്‍ നടത്തി. ഗായക സംഘാംഗങ്ങളുടെ ഗാനാലാപനത്തെ തുടര്‍ന്ന് ജോയിന്റ് ട്രഷറാര്‍ ഷോണ്‍ എബ്രഹാം ഈ ദിവസത്തെ അപ് ഡേറ്റുകള്‍ നല്‍കി. മൂന്നാം ദിവസം ടെക്സസില്‍ നിന്നെത്തിയ ഫാ. ജോയല്‍ മാത്യുവിന്റേതായിരുന്നു. പല കോണ്‍ഫറന്‍സുകളില്‍ പങ്കെടുത്തിട്ടുണ്ടെങ്കിലും ലാങ്കസ്റ്ററിലെ ഈ കോണ്‍ഫറന്‍സ്…

ബ്രിട്ടീഷ് പാര്‍ലമെന്റിലെ പ്രഥമ മലയാളി സാന്നിധ്യമായി ചരിത്ര തെരഞ്ഞെടുപ്പ് വിജയം കൈവരിച്ച സോജന്‍ ജോസഫിന് ക്‌നാനായ അസോസിയേഷന്‍ ഓഫ് നോര്‍ത്ത് അമേരിക്കയുടെ ഹൃദയംഗമമായ അഭിനന്ദനങ്ങള്‍. കൈപ്പുഴ ഗ്രാമത്തില്‍ ജനിച്ചുവളര്‍ന്ന്, അവിടെ തന്നെ ഹൈസ്‌കൂള്‍ വിദ്യാഭ്യാസവും പൂര്‍ത്തിയാക്കിയ ക്‌നാനായ സമുദായാംഗം കൂടിയായ സോജന്‍ ജോസഫിന്റെ വിജയം കൈപ്പുഴ ഗ്രാമവാസികള്‍ക്കൊപ്പം ക്‌നാനായ സമുദായത്തിനും അഭിമാനിക്കാന്‍ വകയേറെയുള്ളതാണ്. കൂടാതെ മലയാളി യുവാക്കള്‍ വ്യാപകമായി വിദേശ രാജ്യങ്ങളിലേക്ക് കുടിയേറുന്ന ഈ കാലഘട്ടത്തില്‍, നിരവധി മലയാളികള്‍ക്ക് തങ്ങള്‍ വസിക്കുന്ന ദേസങ്ങളിലെ പൊതുജീവിതത്തില്‍ സജീവമാകുന്നതിനും, തെരഞ്ഞെടുപ്പുകളില്‍ മത്സരിക്കുന്നതിനും സോജന്‍ ജോസഫിന്റെ തെരഞ്ഞെടുപ്പ് വിജയം പ്രേരകമാകും. ബ്രിട്ടണില്‍ പുതുതായി കുടിയേറുന്ന നഴ്‌സുമാര്‍, കെയര്‍ ഗിവേഴ്‌സ്, സ്റ്റുഡന്റ്‌സ് എന്നിവര്‍ അഭിമൂഖീകരിക്കുന്ന തൊഴില്‍പരവും സാമൂഹികവുമായ പ്രശ്‌നങ്ങള്‍ പുതിയ പ്രധാനമന്ത്രി കിയാ സ്റ്റാമറിന്റേയും വകുപ്പ് മേധാവികളുടേയും ശ്രദ്ധയില്‍ കൊണ്ടുവന്ന് അവയ്ക്ക് പരിഹാരം കാണുവാന്‍ നഴ്‌സിംഗ് പശ്ചാത്തലം കൂടിയുള്ള സോജന്‍ ജോസഫിന് കഴിയട്ടെ…