Month: July 2024

മലപ്പുറം: പ്രകൃതിദുരന്തങ്ങൾ തുടർച്ചയായി നടന്ന്കൊണ്ടിരിക്കുന്ന കേരളത്തിൽ ജനങ്ങൾക്ക് പഞ്ചായത്ത് തലങ്ങളിൽ രക്ഷാപ്രവർത്തനങ്ങൾക്ക് വിദഗ്ധ പരിശീലനം നൽകി സർക്കാർ സംവിധാനം ശക്തിപ്പെടുത്തണമെന്ന് വെൽഫെയർ പാർട്ടി സംസ്ഥാന പ്രസിഡണ്ട് റസാഖ് പാലേരി പറഞ്ഞു.തിരൂർ ടി ഐ സിയിൽ സംഘടിപ്പിച്ച ടീം വെൽഫെയറിന്റെ സംസ്ഥാന ക്യാമ്പ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ദുരന്ത ഘട്ടത്തിൽ വിദഗ്ധ സംഘങ്ങളുടെ ലഭ്യതയുടെ പരിമിധി നമ്മൾ അനുഭവിക്കുന്നുണ്ട്.സേവനം ഒരു സംസ്കാരമായി കൊണ്ടുനടക്കുന്ന കേരളത്തിലെ ജനങ്ങളുടെ സന്നദ്ധതയെ ഉപയോഗപ്പെടുത്താൻ കഴിഞ്ഞാൽ അത് നമ്മുടെ നാടിന് ഗുണകരമാകുമെന്ന് അദ്ദേഹം പറഞ്ഞു. വെൽഫെയർ പാർട്ടി സേവന വിഭാഗം ചെയർപേഴ്സൺ പ്രേമ ജി പിഷാരടി സംസ്ഥാന ക്യാപ്റ്റൻ സാദിഖ് ഉളിയിൽ വൈസ് ക്യാപ്റ്റൻ രജിത മഞ്ചേരി സംസ്ഥാന കമ്മിറ്റി അംഗം സഫീർഷാ അശ്റഫലി കട്ടുപ്പാറ എന്നിവർ സംസാരിച്ചു. IRW സംസ്ഥാന ജനറൽ സെകട്ടറി നൗഫൽ ശാന്തപുരത്തിൻ്റെ നേതൃത്വത്തിൽ ആണ് അഞ്ച് റൈഡുകളിൽ…

തിരുവനന്തപുരം: കേരളത്തിലെ ജലമേളകൾ സാധാരണ ജനതയുടെ ജലമേളകൾ ആണെന്നും അവ നാടിന്റെ നന്മയും, സാഹോദര്യവും, സമത്വവും പരസ്പരം ബന്ധിപ്പിക്കുന്നതാണെന്നും മുൻ ഉപരാഷ്ട്രപതി വെങ്കയ്യ നായിഡു അഭിപ്രായപ്പെട്ടു. 2024 സെപ്റ്റംബർ 14ന് നീരേറ്റുപുറം പമ്പാ വാട്ടർ സ്റ്റേഡിയത്തിൽ നടക്കുന്ന 66-ാംമത് കെ സി മാമ്മൻ മാപ്പിള ട്രോഫിക്ക് വേണ്ടിയുള്ള ഉത്രാടം തിരുനാൾ പമ്പാ ജലമേളയുടെ ഭാഗമായി ഉള്ള അനുസ്മരണ സമ്മേളനവും ലോഗോ പ്രകാശനവും നിർവഹിച്ചു സംസാരിക്കുകയായിരുന്നു അദ്ദേഹം. ഉത്രാടം തിരുന്നാൾ മാർത്താണ്ഡ വർമ്മ തമ്പുരാനും കെ സി മാമ്മൻ മാപ്പിളയും സമൂഹത്തിന് മാർഗദീപങ്ങളാണെന്നും, ഭാവി തലമുറ ഇവരെ മാതൃകയാക്കണമെന്നും അദ്ദേഹം പറഞ്ഞു. ഗോവ ഗവർണർ അഡ്വ. പി.എസ് ശ്രീധരൻ പിള്ളയ്ക്ക് നല്‍കിയാണ് മുൻ ഉപരാഷ്ട്രപതി വെങ്കയ്യ നായിഡു ലോഗോ പ്രകാശനം ചെയ്തത്. വർക്കിംഗ് പ്രസിഡന്റ് വിക്ടർ ടി തോമസ് അദ്ധ്യക്ഷത വഹിച്ചു. കെസിബിസി പ്രസിഡന്റ് കർദിനാൾ ആർച്ച് ബിഷപ്പ്…

കർണാടക: ഷിരൂർ ദേശീയപാതയിലുണ്ടായ മണ്ണിടിച്ചിലിൽ കാണാതായ കോഴിക്കോട് സ്വദേശി അർജുന് വേണ്ടിയുള്ള തിരച്ചിൽ ആരംഭിച്ചിട്ട് 7 ദിവസമായി. ഇന്നും സൈന്യത്തിൻ്റെ മേൽനോട്ടത്തിലാണ് രക്ഷാദൗത്യം നടക്കുന്നത്. കരയിലെ മണ്ണിനടിയിൽ ലോറി ഉണ്ടാകാന്‍ സാധ്യതയില്ലെന്ന് കർണാടക സർക്കാർ പറയുന്നുണ്ടെങ്കിലും കരയില്‍ പരിശോധന തുടരാനാണ് സൈന്യത്തിൻ്റെ തീരുമാനം. ലോറി ഇവിടെ ഇല്ലെന്ന് ഉറപ്പാകുന്നത് വരെ മണ്ണ് നീക്കും. സമീപത്തെ ഗംഗാവലി നദിയിൽ വീണ മണ്ണ് മാറ്റി പരിശോധന നടത്തും. ഇന്ന് ഡീപ് സെർച്ച്‌ മെറ്റല്‍ ഡിറ്റക്ടർ സംവിധാനങ്ങള്‍ അടക്കം കൊണ്ട് വന്നാണ് സൈന്യം പരിശോധന നടത്തുക. കരയിലെ പരിശോധന പൂർത്തിയായ ശേഷമാകും പുഴയിലെ വിശദമായ പരിശോധന. അതേസമയം, അർജുന് വേണ്ടിയുള്ള തിരച്ചില്‍ വേഗത്തിലാക്കണമെന്ന് ആവശ്യപ്പെട്ടുള്ള ഹർജി സുപ്രീംകോടതി ഇന്ന് പരിഗണിക്കും. അടിയന്തര ഇടപെടല്‍ ആവശ്യപ്പെട്ട് അഡ്വ.സുഭാഷ് ചന്ദ്രനാണ് ഹർജി നല്‍കിയത്. കർണാടക സർക്കാരിന്റെ ഇടപെടല്‍ കാര്യക്ഷമമല്ലെന്നും ഹർജിയില്‍ പറയുന്നു. ദൗത്യം സൈന്യത്തെ…

ന്യൂഡൽഹി: പാർലമെന്റിന്റെ വർഷകാല സമ്മേളനം തുടങ്ങാൻ മണിക്കൂറുകൾ ശേഷിക്കെ ഡൽഹിയിൽ ബോംബ് സ്‌ഫോടനം നടത്തുമെന്ന് ഭീഷണി സന്ദേശം. പാർലമെന്റിലും ചെങ്കോട്ടയിലും ബോംബ് സ്‌ഫോടനം നടത്തുമെന്നാണ് ഭീഷണി സന്ദേശം ലഭിച്ചത്. കേരളത്തിൽ നിന്നുള്ള സിപിഎം രാജ്യസഭാംഗങ്ങളായ വി.ശിവദാസൻ, എ.എ റഹീം എന്നിവർക്കാണ് കഴിഞ്ഞ ദിവസം രാത്രി വൈകി ഭീഷണി സന്ദേശം ലഭിക്കുന്നത്. ‘സിഖ് ഫോർ ജസ്‌റ്റിസ്’ എന്ന ഖാലിസ്ഥാൻ തീവ്രവാദ വിഭാഗമെന്ന് അവകാശപ്പെടുന്നവരുടെ ഭീഷണിയാണ് ലഭിച്ചത്. ഖാലിസ്ഥാന് അനുകൂലമല്ലെങ്കിൽ രണ്ട് എംപിമാരും വീട്ടിലിരിക്കേണ്ടി വരുമെന്നും സന്ദേശത്തിൽ പറയുന്നു. ഇരുവരും സന്ദേശത്തെക്കുറിച്ച് ഉടൻതന്നെ ഡൽഹി പൊലീസിൽ അറിയിച്ചു. സംഭവത്തിൽ ഡൽഹി പൊലീസ് അന്വേഷണവും തുടങ്ങിയിട്ടുണ്ട്. പൊലീസ് വീട്ടിലെത്തി വി. ശിവദാസൻ എം.പിയിൽ നിന്നും വിവരശേഖരണം തേടി. പാർലമെന്റിന്റെ പുതിയ മന്ദിരത്തിന്റെ ഉദ്ഘാടന സമ്മേളനം നടന്ന് വൈകാതെ ഒരുകൂട്ടം യുവാക്കൾ പാർലമെന്റിനുള്ളിൽ അതിക്രമിച്ച് കയറി നിറങ്ങളുള്ള പൊടി വിതറിയ സംഭവം നടന്നിരുന്നു.…

വാഷിംഗ്ടൺ: പ്രസിഡൻ്റ് തിരഞ്ഞെടുപ്പിനുള്ള റിപ്പബ്ലിക്കൻ പാർട്ടി സ്ഥാനാർത്ഥി മുൻ പ്രസിഡൻ്റ് ഡൊണാൾഡ് ട്രംപിൻ്റെ പരിപാടികളിൽ സുരക്ഷ വർദ്ധിപ്പിക്കാനുള്ള റിപ്പബ്ലിക്കൻ പാർട്ടിയുടെ പ്രചാരണ ടീമിൻ്റെ ചില അഭ്യർത്ഥനകൾ നിരസിച്ചതായി ‘സീക്രട്ട് സർവീസ്’ സമ്മതിച്ചു. ജൂലൈ 13ന് പെൻസിൽവാനിയയിൽ നടന്ന റാലിക്കിടെ തോക്കുധാരി ട്രംപിന് (78) നേരെ നിരവധി തവണ വെടിവെച്ചിരുന്നു. ആക്രമണത്തിൽ ട്രംപിൻ്റെ വലതു ചെവിയിൽ വെടിയുണ്ട തുളച്ചു കയറുകയും റാലിയിൽ പങ്കെടുത്ത ഒരാൾ കൊല്ലപ്പെടുകയും രണ്ട് പേർക്ക് ഗുരുതരമായി പരിക്കേൽക്കുകയും ചെയ്തു. ആക്രമണത്തിന് തൊട്ടുപിന്നാലെ, സുരക്ഷ വർദ്ധിപ്പിക്കുന്നതിനുള്ള അഭ്യർത്ഥന നിരസിച്ചതായി യു എസ് സീക്രട്ട് സര്‍‌വ്വീസ് ഏജന്‍സി നിഷേധിച്ചതായാണ് പുറത്തുവരുന്ന വിവരം. ട്രംപിനെതിരായ വധശ്രമം നടന്ന് ഒരാഴ്ചയ്ക്ക് ശേഷംമാണ് അദ്ദേഹത്തിന്റെ പരിപാടികളിൽ സുരക്ഷ വർദ്ധിപ്പിക്കുന്നതിനുള്ള ചില അഭ്യർത്ഥനകൾ നിരസിച്ചതായി രഹസ്യാന്വേഷണ വിഭാഗം സമ്മതിച്ചത്. “രഹസ്യ സേവനത്തിൻ്റെ ദൗത്യം സങ്കീർണ്ണമാണ്,” ഏജൻസിയുടെ മുഖ്യ വക്താവ് ആൻ്റണി ഗുഗ്ലിയൽമി പറഞ്ഞു.…