Year: 2023

ഷിക്കാഗോ: ഇന്ത്യന്‍ അസോസിയേഷന്‍ ഓഫ് എന്‍ജിനീയേഴ്‌സ് ഓഫ് ഇന്ത്യന്‍ ഒറിജിന്റെ ആനുവല്‍ ഗാല ഓക്ക് ബ്രൂക്ക് മാരിയറ്റിന്റെ ഗ്രാന്റ് ബാള്‍റൂമില്‍ വച്ച് യു.എസ് കോണ്‍ഗ്രസ്മാന്‍ ഷോണ്‍ കാസ്റ്റണ്‍ ഉദ്ഘാടനം ചെയ്തു. അസോസിയേഷന്‍ പ്രസിഡന്റും, ജി.ഇയുടെ നോര്‍ത്ത് അമേരിക്കന്‍ ഡയറക്ടറുമായ ഗ്ലാഡ്‌സണ്‍ വര്‍ഗീസ് തന്റെ പ്രസിഡന്‍ഷ്യല്‍ അഡ്രസില്‍ സംഘടനയുടെ കഴിഞ്ഞ മൂന്നു വര്‍ഷത്തെ നേട്ടങ്ങള്‍ വിവരിച്ചു. പുതിയ ചാപ്റ്ററുകള്‍ വാഷിംഗ്ടണ്‍ ഡി.സിയിലും, അറ്റ്‌ലാന്റയിലും ഉടന്‍ തുടങ്ങുമെന്നും വിവിധ യൂണിവേഴ്‌സിറ്റികളില്‍ എന്‍ജിനീയറിംഗ് സ്റ്റുഡന്റ് ചാപ്റ്ററുകള്‍ തുടങ്ങുമെന്നും അറിയിച്ചു. യു.എസ് കോണ്‍ഗ്രസിലെ സയന്‍സ്, സ്‌പെയ്‌സ്, ടെക്‌നോളജി കമ്മിറ്റി മെമ്പര്‍ കൂടിയായ കോണ്‍ഗ്രസ്മാന്‍ ഷോണ്‍ കാസ്റ്റണ്‍ ഇന്ത്യന്‍ എന്‍ജിനീയേഴ്‌സ് അസോസിയേഷനുമായി ചേര്‍ന്ന് വിവിധ പ്രൊജക്ടുകള്‍ (സയന്‍സ്, ടെക്‌നോളജി) രംഗത്ത് തുടങ്ങാന്‍ ശ്രമിക്കുമെന്നും അറിയിച്ചു. സമ്മേളനത്തിന്റെ തുടക്കത്തില്‍ സംഘടനയുടെ ബോര്‍ഡ് അംഗങ്ങളായ പവ്വര്‍ പ്ലാന്റ് കോര്‍പറേഷന്‍ സി.ഇ.ഒ മാന്നി ഗാന്ധി, പ്രോബീസ് കോര്‍പറേഷന്‍ പ്രസിഡന്റ്…

പടിഞ്ഞാറ്റുമുറി: മനഷ്യാവകാശ ദിനത്തോടനുബന്ധിച്ച് ഡയലോഗ് സെന്റർ മക്കരപറമ്പ ചാപ്റ്റർ പടിഞ്ഞാററുമുറിയിൽ ടേബിൾ ടോക്ക് സംഘടിപ്പിച്ചു. മാധ്യമ പ്രവർത്തകൻ ഐ സമീൽ വിഷയമവതരിപ്പിച്ചു. സുഭാഷ്, കെ.എം കോയ, എൻ.കെ അബ്ദുൽ അസീസ്, പി.കെ അബ്ദുൽ ഗഫൂർ തങ്ങൾ, ഗോപകുമാർ, രാജൻ, വി.കെ കബീർ, പി.പി ഹൈദരലി എന്നിവർ സംസാരിച്ചു.

കോട്ടയം: ഞായറാഴ്ച ഇവിടെ പാർട്ടി ദേശീയ ജനറൽ സെക്രട്ടറി ഡി. രാജയുടെ അദ്ധ്യക്ഷതയിൽ ചേർന്ന സിപിഐ സംസ്ഥാന എക്സിക്യൂട്ടീവിന്റെ യോഗമാണ് പാർട്ടിയുടെ കേരളത്തിലെ സംസ്ഥാന കമ്മിറ്റി സെക്രട്ടറിയായി മുതിർന്ന നേതാവ് ബിനോയ് വിശ്വത്തെ നാമനിർദേശം ചെയ്തത്. ഡിസംബർ 28ന് ചേരുന്ന പാർട്ടി സംസ്ഥാന കൗൺസിൽ സംസ്ഥാന എക്‌സിക്യൂട്ടീവിന്റെ തീരുമാനം അംഗീകരിച്ചാലുടൻ സിപിഐ ദേശീയ സെക്രട്ടറിയേറ്റ് അംഗം വിശ്വം ചുമതലയേൽക്കും. വിശ്വത്തിന്റെ നാമനിർദ്ദേശം ഏകകണ്ഠമായിരുന്നുവെന്ന് മാധ്യമങ്ങളെ അഭിസംബോധന ചെയ്ത് രാജ അറിയിച്ചു. “ചർച്ചയ്ക്ക് മറ്റ് പേരുകളൊന്നും വന്നില്ല. മികച്ച സംഘടനാ വൈദഗ്ധ്യമുള്ള ശക്തനായ നേതാവാണ് വിശ്വം. പാർട്ടിയെ ശക്തിപ്പെടുത്താനും നയിക്കാനുമുള്ള കഴിവ് അദ്ദേഹത്തിനുണ്ട്,” രാജ പറഞ്ഞു. നിലവിൽ സി പി ഐ നാഷണൽ സെക്രട്ടറിയും എ ഐ ടി യു സിയുടെ വർക്കിംഗ് പ്രസിഡന്റും കൂടിയാണ് ബിനോയ് വിശ്വം. 2006-2011 കാലത്ത് സംസ്ഥാന വനം വകുപ്പ് മന്ത്രിയായിരുന്നു. 2018…

സമസ്ത കേരള ജംഇയ്യത്തുല്‍ ഉലമാ ഉപാദ്ധ്യക്ഷനും പ്രമുഖ പണ്ഡിതനുമായിരുന്ന മര്‍ഹൂം നെടിയനാട് സി അബ്ദുറഹ്‌മാന്‍ മുസ്‌ലിയാരുടെ ഭാര്യയും സംസ്ഥാന ഹജ്ജ് കമ്മിറ്റി ചെയര്‍മാനും മർകസ് ഡയറക്ടർ ജനറലുമായ സി മുഹമ്മദ് ഫൈസിയുടെ മാതാവുമായ പന്നൂര്‍ ചാലില്‍ നഫീസ ഹജ്ജുമ (97) മരണപ്പെട്ടു. വാര്‍ധക്യസഹജമായ രോഗങ്ങളെ തുടര്‍ന്ന് കഴിഞ്ഞ രണ്ട് ദിവസമായി കൊടുവള്ളിയിലെ സ്വകാര്യ ആശുപത്രിയിൽ ചികിത്സയിലിരിക്കെ ഞായറാഴ്ച രാത്രി 8: 15 നായിരുന്നു അന്ത്യം. വിഖ്യാത പണ്ഡിതനും സൂഫി വര്യനുമായിരുന്ന വാവൂർ മലയിൽ ബീരാൻ കുട്ടി മുസ്‌ലിയാരുടെ ഏക മകളാണ് നഫീസ ഹജ്ജുമ്മ. മക്കള്‍: സി മുഹമ്മദ് ഫൈസി, അബ്ദു റസാഖ്, അബ്ദുല്‍ ലത്തീഫ് ഫൈസി, ആയിശ കുട്ടി, റുഖിയ. മരുമക്കള്‍: മൊയ്തീന്‍ കുട്ടി കത്തറമ്മല്‍, ആലി മുസ്‌ലിയാര്‍ വട്ടോളി, മൈമൂന, റുഖിയ, റംലത്ത്. ജനാസ നിസ്കാരം തിങ്കളാഴ്ച രാവിലെ 9 മണിക്ക് കോഴിക്കോട് കൊടുവള്ളിക്കടുത്ത പന്നൂർ…

മലപ്പുറം: അടുത്തിടെ നടന്ന മധ്യപ്രദേശ്, രാജസ്ഥാൻ, ഛത്തീസ്ഗഢ് നിയമസഭാ തെരഞ്ഞെടുപ്പുകളിൽ പാർട്ടി നേടിയ വൻ വിജയത്തെ തുടർന്ന് കേരളത്തിലെ ബിജെപി പ്രവർത്തകരുടെ ആത്മവിശ്വാസം മൂന്നിരട്ടിയായെന്ന് ബിജെപി സംസ്ഥാന ജനറൽ സെക്രട്ടറി സി. കൃഷ്ണകുമാർ ഞായറാഴ്ച ഇവിടെ പറഞ്ഞു. ബിജെപിയുടെ വിജയം പ്രതിപക്ഷ മുന്നണികളിൽ വിള്ളലുണ്ടാക്കിയതായി ബിജെപി ജില്ലാ നേതൃയോഗം ഉദ്ഘാടനം ചെയ്തുകൊണ്ട് കൃഷ്ണകുമാർ പറഞ്ഞു. 2024ൽ പ്രധാനമന്ത്രി നരേന്ദ്ര മോദിയുടെ തുടർച്ചയായ മൂന്നാം വിജയത്തിനായി രാജ്യം ഒരുങ്ങുകയാണെന്നും അദ്ദേഹം പറഞ്ഞു. ബിജെപി ജില്ലാ പ്രസിഡന്റ് രവി തേലത്ത് അദ്ധ്യക്ഷനായി. സംസ്ഥാന കമ്മിറ്റിയംഗം കെ.സദാനന്ദൻ, കെ.രാമചന്ദ്രൻ, സോണൽ ജനറൽ സെക്രട്ടറി എം.പ്രേമൻ, വൈസ് പ്രസിഡന്റ് ടി.കെ.അശോക് കുമാർ, ജില്ലാ ജനറൽ സെക്രട്ടറിമാരായ പി.ആർ.രശ്മിൽനാഥ്, ബി.രതീഷ്, ട്രഷറർ കെ.പി.ബാബുരാജ് എന്നിവർ പ്രസംഗിച്ചു.

കണ്ണൂര്‍: മഞ്ഞപ്പിത്തം ബാധിച്ച യുവാവിന് ചികിത്സ നൽകാൻ കാലതാമസം നേരിട്ടതായി ബന്ധുക്കൾ ആരോപിച്ചു. കണ്ണൂർ കുടുകപ്പാറ സ്വദേശിയായ 22 കാരനായ ഗോത്രവർഗക്കാരന്റെ മരണത്തെതുടര്‍ന്നാണ് കുടുംബത്തിന്റെ ആരോപണം. ഇരിട്ടി താലൂക്ക് ആശുപത്രിയിലും കണ്ണൂർ സർക്കാർ മെഡിക്കൽ കോളജ് ആശുപത്രിയിലും (എംസിഎച്ച്) കാലതാമസം ഉണ്ടായതായി മരിച്ച രാജേഷ് എന്നയാളുടെ കുടുംബം പറഞ്ഞു. രോഗം മൂർച്ചിച്ചതിനെ തുടർന്ന് ഇരിട്ടി താലൂക്ക് ആശുപത്രിയിലും പരിയാരം മെഡിക്കൽ കോളേജ് ആശുപത്രിയിലുമാണ് യുവാവ് ചികിത്സ തേടിയത്. ആദ്യം ഇരിട്ടി താലൂക്ക് ആശുപത്രിയിൽ ആയിരുന്നു യുവാവ് എത്തിയത്. ഇവിടെ രക്തപരിശോന ഫലമുൾപ്പെടെ വൈകി. പരിശോധനാ ഫലം വൈകിയതിനാൽ മണിക്കൂറുകളോളം അവിടെ തുടരേണ്ടിവന്നതായി ബന്ധുക്കൾ ആരോപിച്ചു. ഛർദ്ദി, വയറിളക്കം തുടങ്ങിയ ഗുരുതരമായ രോഗലക്ഷണങ്ങൾ ഉണ്ടായിട്ടും മെഡിക്കൽ സ്റ്റാഫ് രാജേഷിനെ ഉടൻ പരിശോധിച്ചില്ലെന്ന് സഹോദരി പറഞ്ഞു. ആരോഗ്യനില വഷളായതിനെ തുടർന്ന് ഇവിടെ നിന്നും പരിയാരം മെഡിക്കൽ കോളേജിൽ എത്തിച്ചു. ഇവിടെ…