Year: 2023

ന്യൂഡൽഹി: സംസ്ഥാന സർക്കാരിന്റെ പ്രവർത്തനത്തിൽ കടുത്ത അതൃപ്തി രേഖപ്പെടുത്തി ഗവർണർ ആരിഫ് മുഹമ്മദ് ഖാൻ. ഭരണഘടനാപരമായ കടമകൾ സർക്കാർ അവഗണിക്കുകയാണെന്ന് അദ്ദേഹം ആരോപിച്ചു, സംസ്ഥാനത്തിനുള്ളിൽ നിലനിൽക്കുന്ന സാമ്പത്തിക പ്രതിസന്ധിയുടെ പ്രാഥമിക കാരണം സർക്കാരിന്റെ നയങ്ങളാണെന്ന് അദ്ദേഹം എടുത്തുപറഞ്ഞു. ഡൽഹിയിൽ മാധ്യമങ്ങളോട് സംസാരിക്കവെയാണ് സർക്കാരിന്റെ ഫണ്ട് മാനേജ്മെന്റിനെക്കുറിച്ച് അദ്ദേഹം ആശങ്ക പ്രകടിപ്പിച്ചത്. രണ്ടു വർഷത്തെ സർവീസുള്ള മിനിസ്റ്റീരിയൽ സ്റ്റാഫിന് ഇത്തരം ആനുകൂല്യങ്ങൾ നൽകുമ്പോൾ വർഷങ്ങളോളം സർക്കാരിൽ സേവനമനുഷ്ഠിച്ചവർക്ക് പെൻഷൻ നൽകാൻ സർക്കാരിന് സാധിക്കാത്തത് അദ്ദേഹം എടുത്തുപറഞ്ഞു. മുഖ്യമന്ത്രിയും മന്ത്രിമാരും നടത്തിയ നവകേരള സദസ് യാത്രയുടെ കാര്യക്ഷമതയും ലക്ഷ്യവും ഗവർണർ ഖാൻ ചോദ്യം ചെയ്തു. പരാതികൾ സ്വീകരിക്കുന്നതിനുള്ള ഒരു വേദി മാത്രമാണിതെന്നും എന്നാൽ അവ ഫലപ്രദമായി പരിഹരിക്കുന്നതിൽ പരാജയപ്പെട്ടെന്നും അദ്ദേഹം വിമർശിച്ചു. തന്റെ വാഹനത്തിന് നേരെ എസ്എഫ്‌ഐ പ്രവർത്തകർ നടത്തിയ ആക്രമണത്തെക്കുറിച്ച് സമഗ്രമായ റിപ്പോർട്ട് തയ്യാറാക്കാൻ ഗവർണർ ഖാൻ തീരുമാനിച്ചു.…

തിരുവനന്തപുരം: വിമാനത്താവളത്തിലേക്കുള്ള യാത്രയ്ക്കിടെ മൂന്നിടത്ത്‌ വാഹനം തടയുകയും വാഹനത്തിന്‌ കേടുപാടുകള്‍ വരുത്തുകയും ചെയ്ത എസ്‌എഫ്‌ഐക്കെതിരെ ഗവര്‍ണര്‍ നിലപാട്‌ കടുപ്പിക്കാനൊരുങ്ങുന്നു. കേന്ദ്രത്തിന്‌ വിശദമായ റിപ്പോര്‍ട്ട് നല്‍കുമെന്നാണ് സൂചന. വിഷയത്തില്‍ സംസ്ഥാന സര്‍ക്കാരിന്റെ റിപ്പോര്‍ട്ട ലഭിച്ച ശേഷം തുടര്‍നടപടി സ്വീകരിക്കും. സംസ്ഥാനത്തിന്റെ ക്രമസമാധാന നില സംബന്ധിച്ച പ്രതിമാസ റിപ്പോര്‍ട്ടിന്‌ പുറമെ പ്രതിഷേധങ്ങളെക്കുറിച്ചുള്ള പ്രത്യേക റിപ്പോര്‍ട്ടും അദ്ദേഹം സമര്‍പ്പിക്കാനാണ്‌ സാധ്യത. നവംബര്‍ 10, 11 തീയതികളില്‍ തനിക്കെതിരെ നടന്ന പ്രതിഷേധങ്ങളെക്കുറിച്ചും സംസ്ഥാന സര്‍ക്കാര്‍ സ്വീകരിച്ച നടപടികളെക്കുറിച്ചും ഗവര്‍ണര്‍ റിപ്പോര്‍ട്ട് തേടിയിട്ടുണ്ട്‌. ചീഫ്‌ സെക്രട്ടറിയോടും സംസ്ഥാന പോലീസ്‌ മേധാവിയോടും റിപ്പോര്‍ട്ട് തേടിയിട്ടുണ്ട്. അതേസമയം, ഗവര്‍ണര്‍ക്കെതിരെ പ്രതിഷേധിച്ച ഏഴ്‌ എസ്‌എഫ്‌ഐ പ്രവര്‍ത്തകര്‍ക്കെതിരെ ഐപിസി 124 ഉള്‍പ്പെടെയുള്ള വകുപ്പുകള്‍ ചുമത്തിയിട്ടുണ്ട്‌. ഏഴു വര്‍ഷം വരെ തടവുശിക്ഷ ലഭിക്കാവുന്ന കുറ്റമാണിത്. ഈ വകുപ്പുകള്‍ ചുമത്തണമെന്ന്‌ രാജ്ഭവന്‍ പോലീസ്‌ മേധാവിയോടും ചീഫ്‌ സെക്രട്ടറിയോടും ആവശ്യപ്പെടുകയും തുടര്‍ന്ന്‌ ചില മാറ്റങ്ങള്‍…

ന്യൂയോർക് :ക്രിസ്തുവിന്റെ മനുഷ്യാവതാരത്തെ ആഘോഷിക്കുവാൻ തയാറെടുക്കുന്ന ഈ സന്ദർഭത്തിൽ സ്വന്തം ജീവിതത്തിലൂടെ ക്രിസ്‌തുവിനെ മറ്റുള്ളവർക് പരിചയപെടുത്തുവാൻ  നിയോഗം ലഭിച്ചവരാണ് നാമെന്നുള്ള  യാഥാർഥ്യം വിസ്മരിക്കരുതെന്നു അമേരിക്ക യൂറോപ്പ് മാർത്തോമാ ഭദ്രാസനാധിപൻ റൈറ്റ് റവ.ഡോ ഐസക് മാർ ഫിലക്‌സിനോസ് എപ്പിസ്‌കോപ്പ ഉദ്‌ബോദിപ്പിച്ചു . മാനവരാശിയുടെ ഉദ്ധാരണത്തിനായി ക്രിസ്തുയേശുവിനെ ദാനമായി നൽകിയതിലൂടെ .പൂർവ്വ പിതാക്കന്മാർക്ക് നൽകിയ വാഗ്ദാനം നിറവേറ്റിയ ദൈവം തുടർന്നുള്ള തന്റെ വാഗ്നത്വങ്ങളും  നിറവേറ്റുവാൻ വിശ്വസ്തനായി നമ്മോടു്  കൂടെ ഉണ്ടെന്നുള്ളത് ഓരോരുത്തർക്കും പ്രത്യാശ നൽകുന്നതാണെന്നും തിരുമേനി ഓർമിപ്പിച്ചു. ഇന്റർ  നാഷണൽ പ്രയർ ലയൻ ഡിസംബർ 12 ചൊവാഴ്‌ച സംഘടിപ്പിച്ച  500 -മത് പ്രത്യേക സമ്മേളനത്തിൽ മുഖ്യ സന്ദേശം നൽകുകയായിരുന്നു എപ്പിസ്‌കോപ്പ . ഹാർവെസ്റ്റ് ഇവാഞ്ചലിക്കൽ ചർച്ച്, ഹൂസ്റ്റൺ വികാരി റവ. കെ.ബി. കുരുവിളയുടെ  പ്രാരംഭ പ്രാർത്ഥനയോടെ യോഗം ആരംഭിച്ചു. വിവിധ രാജ്യങ്ങളിലുള്ളവർ എല്ലാ ആഴ്ചയിലും ഓൺലൈൻ പ്ലാറ്റുഫോമിൽ പ്രാർഥനയ്ക്കായി ഒത്തുചേരുന്ന പൊതുവേദിയാണ്…

ഡാളസ്: ഡിസംബർ 16 ശനിയാഴ്ച രാവിലെ ഒമ്പത് മുതൽ വൈകുന്നേരം അഞ്ച് വരെ അസോസിയേഷൻ ഹാളിൽ വച്ച് നടക്കുന്ന ഡാളസ് കേരള അസോസിയേഷൻ തിരെഞ്ഞെടുപ്പിൽ ഹരിദാസ് തങ്കപ്പന്റെ നേതൃത്വത്തിലുള്ള പാനലിന് ഒന്നടങ്കം വോട്ട് രേഖപ്പെടുത്തി വിജയിപ്പിക്കണമെന്ന് ഇലക്ഷൻ ക്യാമ്പയിൻ ചെയർമാനും ആദ്യകാല പ്രവർത്തകനുമായ ഐ വർഗീസ് അഭ്യർത്ഥിച്ചു. പ്രസ്താവനയുടെ പൂർണരൂപം കേരള അസോസിയേഷൻറെ 2024 2025 പ്രവർത്തന വർഷങ്ങളിലേക്കുള്ള ഭാരവാഹികളെ ഇത്തവണ അംഗങ്ങളുടെ വോട്ടെടുപ്പിലൂടെ തെരഞ്ഞെടുക്കേണ്ട സാഹചര്യം ഇതിനോടകം അറിഞ്ഞു കാണുമല്ലോ തിരഞ്ഞെടുപ്പിൽ നിങ്ങളുടെ പരിഗണനയ്ക്കായി ഹരിദാസ് തങ്കപ്പന്റെ നേതൃത്വത്തിൽ ഉള്ള പാനലിനെ അഭിമാനപൂർവ്വം അവതരിപ്പിച്ചു കൊള്ളട്ടെ. കേരള അസോസിയേഷൻറെ ചരിത്രത്തിൽ ചുരുക്കം ചില അവസരങ്ങളിൽ മാത്രമേ തെരഞ്ഞെടുപ്പ് വേണ്ടി വന്നിട്ടുള്ളൂ. തികച്ചും ജനാധിപത്യ രീതിയിൽ രഹസ്യ ബാലറ്റിലൂടെയുള്ള തെരഞ്ഞെടുപ്പിൽ കേരള അസോസിയേഷൻ ഗുണപരമായ പ്രവർത്തനങ്ങൾക്ക് ശക്തി പകരാൻ പ്രാപ്തരായ സ്ഥാനാർഥികളെ തെരഞ്ഞെടുക്കേണ്ടത് അംഗങ്ങളായ നമ്മുടെ കടമയാണ്.…