Year: 2023

കോട്ടയം: പുതുപ്പള്ളി ഉപതെരഞ്ഞെടുപ്പിലെ സഹതാപ തരംഗത്തെ എൽഡിഎഫ് സ്ഥാനാർത്ഥി ജെയ്ക് സി തോമസ് മുതലാക്കുമെന്ന് മന്ത്രി വിഎൻ വാസവൻ. മുമ്പ് രണ്ട് തവണ തോൽവി ഏറ്റുവാങ്ങിയ ജയിക്കിന് വോട്ടര്‍മാര്‍ ഇത്തവണ വീണ്ടും അവസരം നൽകാനാണ് ആഗ്രഹിക്കുന്നതെന്നും, അത് എൽഡിഎഫിന്റെ വിജയത്തിന് സാധ്യതയുണ്ടെന്നും വാസവൻ ഊന്നിപ്പറഞ്ഞു. കൂടാതെ, പുതുപ്പള്ളിയിലെ സഹതാപ തരംഗം എൽഡിഎഫിന് അനുകൂലമായി പ്രവർത്തിക്കുമെന്നും മന്ത്രി ചൂണ്ടിക്കാട്ടി. മുഖ്യമന്ത്രി പിണറായി വിജയന്റെ തിരഞ്ഞെടുപ്പ് പ്രചാരണ പരിപാടികളിൽ ആയിരക്കണക്കിന് ആളുകൾ പങ്കെടുത്ത ശ്രദ്ധേയമായ ജനപങ്കാളിത്തം അദ്ദേഹം എടുത്തുപറഞ്ഞു. ഉപതിരഞ്ഞെടുപ്പിന് ദിവസങ്ങൾ മാത്രം ബാക്കി നിൽക്കെ, വിജയപ്രതീക്ഷയോടെ പുതുപ്പള്ളിയിൽ തങ്ങളുടെ മുന്നണികൾക്കു വേണ്ടി ശക്തമായ പ്രചാരണത്തിലാണ് ഉന്നത നേതാക്കൾ. കേന്ദ്ര മന്ത്രിമാരായ വി മുരളീധരനും രാജീവ് ചന്ദ്രശേഖറും ബിജെപിക്ക് വേണ്ടിയും മുഖ്യമന്ത്രി പിണറായി വിജയൻ സിപിഐഎമ്മിന് വേണ്ടിയും രമേശ് ചെന്നിത്തല, വി ഡി സതീശൻ എന്നിവർ കോൺഗ്രസിനെ പ്രതിനിധീകരിച്ചും പ്രചാരണത്തിനിറങ്ങിയിട്ടുണ്ട്.

തിരുവനന്തപുരം: പിണറായി വിജയന്റെ ഗൾഫ് രാജ്യങ്ങളിലെ ബിനാമി ബിസിനസ് ബന്ധങ്ങളെ കുറിച്ചുള്ള സ്വപ്ന സുരേഷിന്റെ വെളിപ്പെടുത്തല്‍ പുറത്തുവന്നതിനു പിന്നാലെ മുഖ്യമന്ത്രിക്കെതിരെ രൂക്ഷ വിമർശനവുമായി ബിജെപി നേതാവ് ശോഭാ സുരേന്ദ്രൻ രംഗത്ത്. കേരളത്തിൽ പണം ഒളിപ്പിച്ചാൽ പ്രധാനമന്ത്രി മോദി കണ്ടുപിടിക്കുമെന്ന് പിണറായി വിജയന് പേടിയാണെന്ന് ശോഭാ സുരേന്ദ്രൻ പറഞ്ഞു. അതുകൊണ്ടാണ് വിദേശത്ത് ബിനാമി കമ്പനികൾ സ്ഥാപിക്കുന്നത്. മാധ്യമ പ്രവർത്തകരോട് സംസാരിക്കവെയാണ് ശോഭാ സുരേന്ദ്രൻ തന്റെ നിലപാട് വ്യക്തമാക്കിയത്. എൽഡിഎഫ് സർക്കാരിനെ ഫലപ്രദമായി ചോദ്യം ചെയ്യാനുള്ള കഴിവിനെക്കുറിച്ച് സംശയം പ്രകടിപ്പിച്ചുകൊണ്ട് അവർ കേരളത്തിലെ പ്രതിപക്ഷത്തിന്റെ ദുർബലമായ അവസ്ഥ എടുത്തുപറഞ്ഞു. പരമ്പരാഗത വ്യവസായങ്ങൾ തകർച്ചയും തൊഴിലില്ലായ്മ പ്രതിസന്ധിയും നേരിടുന്ന കേരള സർക്കാരിന്റെ അവഗണന മൂലം സംസ്ഥാനത്തെ വിവിധ മേഖലകൾ തകർന്നുവെന്നും അവര്‍ കൂട്ടിച്ചേർത്തു. കേരളത്തിലെ ഇന്നത്തെ അവസ്ഥയ്ക്ക് ഉത്തരവാദികൾ ഇടത് വലത് രാഷ്ട്രീയ മുന്നണികളാണെന്നും ശോഭ സുരേന്ദ്രന്‍ ആരോപിച്ചു. ജീവൻ രക്ഷാ…

തൃപ്രയാര്‍: നാട്ടിക എസ്‌.എന്‍ ട്രസ്റ്റ് ഹയര്‍ സെക്കന്‍ഡറി സ്‌കൂളിലെ വിദ്യാര്‍ത്ഥിക്ക്‌ സേവാഭാരതിയുടെ നേതൃത്വത്തില്‍ നടന്‍ സുരേഷ്‌ ഗോപി ‘ഗോവിന്ദം’ എന്ന്‌ പേരിട്ടു നിര്‍മ്മിച്ചു നല്‍കിയ വീടിന്റെ താക്കോല്‍ദാന കര്‍മ്മം സുരേഷ്‌ ഗോപി നിര്‍വഹിച്ചു. എ.കെ.ജി കോളനിയിലെ കണ്ണനും കുടുംബത്തിനുമാണ്‌ വീട് നിര്‍മ്മിച്ച് നല്‍കിയത്. പുതിയ വീട്ടിലേക്ക്‌ ഭഗവാന്‍ കൃഷ്ണന്റെ വിഗ്രഹവുമായി പ്രവേശിച്ച സുരേഷ്ഗോപി നിലവിളക്ക്‌ കൊളുത്തി പാലുകാച്ചല്‍ ചടങ്ങ്‌ നടത്തി. പാല്‍പ്പായസം ഗണപതി ഭഗവാന് സമര്‍പ്പിച്ചു. വീടു പണിക്ക്‌ വന്ന മുഴുവന്‍ തൊഴിലാളികള്‍ക്കും ഓണക്കോടി സമ്മാനിച്ചു. സേവാഭാരതി ജില്ലാ പ്രസിഡന്റ്‌ പി.എന്‍ ഉണ്ണിരാജന്‍ അദ്ധ്യക്ഷത വഹിച്ചു. എസ്‌.എന്‍ ട്രസ്റ്റ് സ്കൂളിലെ എന്‍.എസ്‌.എസ്‌ പ്രോഗ്രാം ഓഫീസര്‍ ശലഭജ്യോതിഷ്‌, ബി.ജെ.പി ജില്ലാ പ്രസിഡന്റ്‌ അഡ്വ.കെ.കെ അനീഷ്കുമാര്‍, ഭഗീഷ്‌ പൂരാടന്‍, രശ്മി ഷിജോ, ഗ്രീഷ്യ സുഖലേഷ്‌, സെന്തില്‍ കുമാര്‍, സുരേഷ്‌ ഇയ്യാനി, എസ്‌ എന്‍.ഡി.പി യോഗം നാട്ടിക യൂണിയന്‍ പ്രസിഡന്റ്‌ ഉണ്ണിക്കൃഷ്ണന്‍…

തിരുവനന്തപുരം: രാജ്യത്ത്‌ ഗുരുക്കന്മാര്‍ ഒരുപാടുണ്ടെങ്കിലും ഗുരു എന്നാല്‍ നമുക്ക്‌ ശ്രീനാരായണ ഗുരുദേവന്‍ മാത്രമാണെന്ന്‌ മുഖ്യമന്ത്രി പിണറായി വിജയന്‍ പറഞ്ഞു. 169-ാമത് ഗുരുദേവ ജയന്തിയോടനുബന്ധിച്ച്‌ ചെമ്പഴന്തി ഗുരുകുലത്തില്‍ ജയന്തി മഹാസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. കാലത്തിന്‌ മായ്ക്കാനാവാത്തതാണ്‌ ഗുരുവചനങ്ങള്‍. കേരളത്തിന്റെ ചരിത്രത്തിന്‌ ശ്രീനാരായണഗുരുവിന്റെ ചരിത്രത്തില്‍ നിന്ന്‌ വേറിട്ട്‌ നിലനില്‍പ്പില്ല. എല്ലാം ഒന്നേയുള്ളൂ എന്ന മനുഷ്യത്വ സമീപനത്തിലൂടെ ഒരുജാതി, ഒരുമതം എന്ന്‌ പ്രഖ്യാപിച്ച മഹാമനീഷിയാണ്‌ ഗുരുദേവന്‍. അന്ധകാര നിബിഢമായിരുന്ന കേരളത്തെ അദ്ദേഹം വെളിച്ചത്തിലേക്ക്‌ നയിച്ചു. മാറ്റിനിറുത്തപ്പെട്ടവര്‍ക്ക്‌ മനുഷ്യത്വം നല്‍കി. അവര്‍ണര്‍ക്ക്‌ തൊട്ടുകൂടായയയ്ക്ക്‌ പുറമെ വലിയ നികുതിയും പേറേണ്ടിവന്നു. മഹാഭൂരിപക്ഷത്തിനും ജീവിതം അസമത്വം നിറഞ്ഞതായിരുന്നു. അതിനെയാണ്‌ ഗുരു മാറ്റിമറിച്ചത്‌. രാജ്യത്തിന്റെ പലഭാഗത്തും മതവിദ്വേഷവും വംശഹത്യയും തുടരുന്ന കാലമാണിത്‌. ജാതി ആക്രമണങ്ങള്‍ നടക്കുന്നു. വംശവിദ്വേഷത്തില്‍ സ്ത്രീകളെ ബലാത്സംഗം ചെയുന്നു, നഗ്നരാക്കി നടത്തുന്നു. ഇതൊക്കെ കേരളത്തില്‍ സംഭവിക്കാത്തതിന്‌ പിന്നില്‍ ശ്രീനാരായണ ഗുരുദേവന്‍ അടക്കമുള്ള നവോത്ഥാന…

ഫിലാഡല്‍ഫിയ: കടമ്പനാട് വത്സ നിവാസില്‍ മറിയാമ്മ തങ്കച്ചന്‍ (ഓമന, 83) ഫിലാഡല്‍ഫിയയില്‍ അന്തരിച്ചു. പരേത പുല്ലാട്ട് ഹൗസ് കുടുംബാംഗമാണ്. ഭര്‍ത്താവ് പി.എല്‍ തങ്കച്ചന്‍ (പ്രിന്‍സ്). മക്കള്‍: ബിനു തങ്കച്ചന്‍, ബൈനിസ് തങ്കച്ചന്‍, ബെന്‍ തങ്കച്ചന്‍. മരുമക്കള്‍: ലവ്‌ലി ബിനു, ലിസ്. കൊച്ചുമക്കള്‍: Jason, Juli, JordanLiliana, Beniah. സഹോദരങ്ങള്‍: ഗീവര്‍ഗീസ് കുരുവിള, ഏലിയാമ്മ, സാറാമ്മ. പൊതുദര്‍ശനം സെപ്റ്റംബര്‍ അഞ്ചാം തീയതി രാവിലെ 9.30-ന് ഡെലവെയര്‍വാലി സെന്റ് തോമസ് മാര്‍ത്തോമാ ചര്‍ച്ചില്‍ (St. Thomas Marthoma Church of Delaware Valley, 130 Grubb RD, Malvern, PA 19355). സംസ്‌കാരം സെന്റ് പീറ്റര്‍ ആന്‍ഡ് പോള്‍ സെമിത്തേരിയിലും(St. Peter and Paul Cemetry, 1600 Sproul Road, Springfield, Pennsylavaina 19064) നടക്കും. കൂടുതല്‍ വിവരങ്ങള്‍ക്ക്: ലവ്‌ലി (610 772 5208) വാര്‍ത്ത അയച്ചത്: സാംകുട്ടി കുഞ്ഞച്ചന്‍…

ചിക്കാഗോ: ലോകമെമ്പാടുമുള്ള മലയാളികളുടെ മനസ്സില്‍ മായാത്ത ദൃശ്യവിസ്മയമൊരുക്കുകയും അമേരിക്കന്‍ മലയാളികളുടെ നിറഞ്ഞ ഹൃദയത്തുടിപ്പുകള്‍ അവോളം ഏറ്റുവാങ്ങിക്കൊണ്ടിരിക്കുകയും ചെയ്യുന്ന ഫ്‌ളവേഴ്‌സ് ടി.വി യു.എസ്.എയുടെ ആറാം വാര്‍ഷിക ആഘോഷങ്ങള്‍ക്കും മെഗാസ്റ്റാര്‍ ഷോയ്ക്കുമൊപ്പം ലെറ്റ്‌സ് ഡാന്‍സ് അമേരിക്കയുടെ വര്‍ണവേദിയില്‍ വച്ച് വിവിധ മേഖലകളില്‍ അവിസ്മരണീയമായ നേട്ടങ്ങള്‍ സംഭാവന ചെയ്ത പത്ത് കമ്മ്യൂണിറ്റി ഹീറോസിനെ പുരസ്‌കാരങ്ങള്‍ നല്‍കി ആദരിക്കുന്നു. ഇന്ത്യന്‍ സിനിമയുടെ ജനപ്രിയ താരങ്ങളും നര്‍ത്തകരും ഗായകരും, അമേരിക്കന്‍ മലയാളികളായ കലാസാംസ്‌കാരിക പ്രതിഭകള്‍ക്കൊപ്പം അണി നിരക്കുന്ന മോഹന വേദിയിലാണ് അവാര്‍ഡുകള്‍ സമ്മാനിക്കപ്പെടുക. ഷിക്കാഗോയുടെ സബേര്‍ബ് ആയ നേപ്പര്‍ വില്‍ യെല്ലോ ബോക്‌സ് തീയേറ്ററില്‍ സെപ്റ്റംബര്‍ 30-ാം തീയതി ശനിയാഴ്ച വൈകുന്നേരം അഞ്ചു മണി മുതല്‍ ആണ് പ്രേക്ഷകരെ ആവേശക്കൊടുമുടിയില്‍ എത്തിക്കുന്ന വിവിധ പരിപാടികള്‍ അരങ്ങേറുന്നത്. അമേരിക്കന്‍ മലയാളികളുടെ ആശിര്‍വാദങ്ങള്‍ ഹൃദയത്തില്‍ ഏറ്റിക്കൊണ്ടാണ് ഫ്‌ളവേഴ്‌സ് ടി.വി യു.എസ്.എ ആറാം വാര്‍ഷികം വര്‍ണാഭമായി കൊണ്ടാടുന്നത്. സാമൂഹിക…

ന്യൂയോർക്ക്: മാർത്തോമ്മാ സന്നദ്ധ സുവിശേഷക സംഘം നോർത്ത്-ഈസ്റ്റ് റീജിയന്റെ രണ്ടാമത് ഏകദിന സമ്മേളനം ന്യൂയോർക്ക് സെന്റ് തോമസ് മാർത്തോമ്മാ പള്ളിയിൽ വെച്ച് നടത്തപ്പെട്ടു. റീജിയണിലെ പതിമൂന്ന് പള്ളികളിൽ നിന്നുമുള്ള നൂറിലധികം പ്രതിനിധികൾ പങ്കെടുത്ത സമ്മേളനത്തിൽ റവ. ടി എസ്സ് ജോസ് അദ്ധ്യക്ഷം വഹിച്ചു. മോശയിലൂടെയുള്ള ഇസ്രായേലിന്റെ വിടുതൽ എന്നതിനെ ആസ്പദമാക്കി റവ. ഡോ. പ്രമോദ് സഖറിയ മുഖ്യ പ്രഭാഷണം നടത്തി. പ്രതികൂലങ്ങളുടെ നടുവിൽ പ്രത്യാശാ നിർഭയരായി മുന്നേറുവാൻ പ്രാപ്‌തി നൽകുന്ന ദൈവ സാന്നിധ്യം തിരിച്ചറിയുവാൻ സാധിക്കണമെന്ന് ഓർമ്മപ്പെടുത്തി. റവ. ജോൺ ഫിലിപ്പിന്റെ പ്രാരംഭ പ്രാർത്ഥനയോടെ ആരംഭിച്ച ഏകദിന സമ്മേളനത്തിൽ സെന്റ് തോമസ് ഇടവക മിഷൻ വൈസ് പ്രസിഡന്റ് തങ്കച്ചൻ വർഗ്ഗീസ് സ്വാഗതവും റീജിയണൽ സെക്രട്ടറി ഏബ്രഹാം കെ ദാനിയേൽ നന്ദിയും രേഖപ്പെടുത്തി. സെന്റ് തോമസ് ഇടവക മിഷൻ ഗായകസംഘം ഗാനശുശ്രൂഷയ്ക്ക് നേതൃത്വം നൽകിയ സമ്മേളനത്തിൽ ഭദ്രാസന സെക്രട്ടറി…