Year: 2023

പാലക്കാട്: അട്ടപ്പാടി ഷോളയൂർ പ്രീമെട്രിക്ക് ഹോസ്റ്റലിൽ ആദിവാസി വിദ്യാർത്ഥിനികളുടെ വസ്ത്രം ഹോസ്റ്റൽ ജീവനക്കാർ പരസ്യമായി അഴിപ്പിച്ച സംഭവത്തിൽ പ്രതികളായ ജീവനക്കാരെ സർവീസിൽ നിന്ന് പിരിച്ചുവിടണമെന്ന് ഫ്രറ്റേണിറ്റി മൂവ്മെന്റ് ജില്ല കമ്മിറ്റി അട്ടപ്പാടി ഐ.ടി.ഡി.പി ഉദ്യോഗസ്ഥരോട് ആവശ്യപ്പെട്ടു. പോലീസ് കേസെടുത്തിട്ടുണ്ടെങ്കിലും പ്രതികളായ കസ്തൂരി, കൗസല്യ, സുജ, ആതിര എന്നിവർക്കെതിരെ പട്ടിക വർഗ പീഡന നിരോധന നിയമപ്രകാരമുള്ള വകുപ്പുകൾ തന്നെ ചുമത്തണം. സംഭാവം പുറത്തുവരാതിരിക്കാൻ വിദ്യാർത്ഥിനികളെ റൂമിൽ പൂട്ടിയിട്ട് ഭീഷണിപ്പെടുത്തി. ത്വക്ക് രോഗം പരിശോധിച്ചതാണെന്നേ പുറത്തുപറയാവൂ എന്നാണ് പ്രതികൾ വിദ്യാർത്ഥിനികളോട് പറഞ്ഞത്. ഇത്രയും ഭീകരമായ ജാതി വിവേചനവും പീഡനവും നടന്നിട്ടും സംഭവത്തെ നിസാരവത്ക്കരിക്കുന്നത് അംഗീകരിക്കാനാവില്ലെന്നും പ്രതികൾക്കെതിരെ കർശന നടപടികളുണ്ടാകുന്നില്ലെങ്കിൽ ശക്തമായ പ്രതിഷേധം സംഘടിപ്പിക്കും. പ്രതികൾ വിദ്യാർത്ഥിനികളോട് പരസ്യമായി മാപ്പ് പറയണമെന്നും ഫ്രറ്റേണിറ്റി നേതാക്കൾ ചൂണ്ടിക്കാട്ടി.

കൊച്ചി: വ്യാജ മയക്കുമരുന്ന് കേസിൽ കുടുക്കപ്പെട്ട് 72 ദിവസം തടവിൽ കഴിഞ്ഞ ചാലക്കുടിയിലെ ബ്യൂട്ടി പാർലർ ഉടമ ഷീല സണ്ണിയുടെ കേസിൽ ഹൈക്കോടതി ഇടപെടുന്നു. ഷീല സണ്ണിയെ കള്ളക്കേസിൽ കുടുക്കിയ സംഭവത്തിൽ ബന്ധു ലിഡിയയുടെ അറസ്റ്റ് ഹൈക്കോടതി സ്റ്റേ ചെയ്തു. കേസിൽ എക്സൈസ്, ക്രൈംബ്രാഞ്ച് എന്നിവരോട് കോടതി വിശദീകരണം തേടിയിട്ടുണ്ട്. വിശദീകരണം ലഭിച്ചശേഷം തുടർനടപടി സ്വീകരിക്കും. തന്നെ കള്ളക്കേസിൽ കുടുക്കാൻ എക്സൈസ് ശ്രമിക്കുന്നുവെന്നാരോപിച്ച് ലിഡിയ ഹൈക്കോടതിയിൽ സമർപ്പിച്ച മുൻകൂർ ജാമ്യാപേക്ഷയെ തുടർന്നാണ് അറസ്റ്റ് തടഞ്ഞത്. തന്നെ ബലം പ്രയോഗിച്ച് കേസിൽ പ്രതിയാക്കുമെന്നും അങ്ങനെ അറസ്റ്റ് ചെയ്യുമെന്നും അന്വേഷണ സംഘം തന്നെ ഭീഷണിപ്പെടുത്തുന്നതായി ലിഡിയയുടെ ജാമ്യാപേക്ഷയിൽ പറയുന്നു. നേരത്തെ രണ്ട് തവണ സംഘം ഇവരെ ചോദ്യം ചെയ്തിരുന്നു. അതേ സമയം, ഷീല സണ്ണിക്കെതിരെ ഗുരുതര ആരോപണങ്ങളാണ് ലിഡിയ ഉന്നയിക്കുന്നത്. ഷീല തന്റെ സഹോദരിയോട് പണം ആവശ്യപ്പെട്ടിരുന്നതായി അവർ അവകാശപ്പെട്ടു.…

ഏറ്റുമാനൂര്‍: മാലിന്യമുക്തം നവകേരളം പദ്ധതിയിലൂടെ ഏറ്റുമാനൂർ നിയോജകമണ്ഡലത്തിൽ നടത്തുന്ന വൃത്തി കാമ്പയിന്റെ ഭാഗമായി വിദ്യാർഥികൾക്കുള്ള പരിശീലനത്തിന്റെ ഉദ്ഘാടനം ആർപ്പൂക്കരയിലെ മെഡിക്കൽ കോളജ് ഗവൺമെന്റ് ഹൈസ്‌കൂളിൽ മന്ത്രി വി.എൻ. വാസവൻ നിർവഹിച്ചു. ‘എന്റെ മാലിന്യം എന്റെ ഉത്തരവാദിത്തം’ എന്ന സന്ദേശം ഉൾക്കൊണ്ടും ഇവ എല്ലാവരിലുമെത്തിച്ചും വൃത്തി കാമ്പയിൻ മുന്നോട്ടു കൊണ്ടുപോകണമെന്ന് മന്ത്രി പറഞ്ഞു. ഒക്ടോബർ ഒന്നിന് മാലിന്യനിർമാർജനവുമായി ബന്ധപ്പെട്ട് മെഡിക്കൽ കോളജിൽ നിന്നും ആരംഭിക്കുന്ന കാമ്പയിന് മെഡിക്കൽ കോളജ് ഗവൺമെന്റ് ഹൈസ്‌കൂളിലെ വിദ്യാർഥികളും ഭാഗമാകണം. മാലിന്യസംസ്‌ക്കരണത്തിന്റെ ആദ്യപടികൾ കുട്ടികളിൽ നിന്നാണ് ഉയർന്നുവരേണ്ടത്. മാലിന്യം നിക്ഷേപിക്കണ്ട സ്ഥലങ്ങളിൽ മാത്രം നിക്ഷേപിക്കുക, പരിസര പ്രദേശങ്ങൾ വൃത്തിയായി സൂക്ഷിക്കാനുള്ള അവബോധമുണ്ടാകുക, മാലിന്യങ്ങൾ വലിച്ചെറിയാതിരിക്കുക തുടങ്ങിയ ബാലപാഠങ്ങൾ പഠിക്കുന്നതിന്റെ ഭാഗമാണ് പരിശീലന പരിപാടിയെന്നും മന്ത്രി പറഞ്ഞു. എന്റെ മാലിന്യം എന്റെ ഉത്തരവാദിത്വം എന്ന സന്ദേശം ഉയർത്തിയുള്ള പ്രതിജ്ഞ മന്ത്രി വിദ്യാർഥികൾക്ക് ചൊല്ലിക്കൊടുത്തു. ഏറ്റുമാനൂർ മണ്ഡലത്തിലെ…

കൊല്ലം: ആസാദി കാ അമൃത് മഹോത്സവത്തിന്‍റെ സമാപനത്തോടനുബന്ധിച്ച് കേന്ദ്രസർക്കാർ സംഘടിപ്പിക്കുന്ന “മേരാ മാട്ടി മേരാ ദേശ് – അമൃത് കലശ് യാത്ര”യുടെ ഭാഗമായി ശൂരനാട് എസ്.എം.എച്ച്.എസ്.എസ് പതാരം സ്കൂളിൽ ഇന്ത്യൻ ബാങ്കിന്‍റെ നേതൃത്വത്തിൽ കലശ് യാത്ര സംഘടിപ്പിച്ചു. പഞ്ചപ്രാൺ പ്രതിജ്ഞ എടുത്തശേഷം കലശങ്ങളിൽ മണ്ണ് ശേഖരിച്ചാണ് യാത്ര ആരംഭിച്ചത്. ശൂര്യനാട് സൗത്ത് ഗ്രാമപഞ്ചായത്ത് പ്രസിഡന്‍റ്, എസ്.എം.എച്ച്.എസ് മാനേജർ എന്നിവർ ചടങ്ങിൽ വിശിഷ്ടാതിഥികളായി. ബാങ്കിനെ പ്രതിനിധീകരിച്ച് റൂറൽ ബാങ്കിംഗ് ഡിവിഷൻ അസിസ്റ്റന്റ് ജനറൽ മാനേജർ എൻ.രാജേഷ്, കൊല്ലം ലീഡ് ഡിസ്ട്രിക്ട് മാനേജർ അരുണിമ.വി.ടി എന്നിവർ പങ്കെടുത്തു. രാജ്യത്തിനായി ജീവത്യാഗം ചെയ്ത ധീരരെ അനുസ്മരിക്കുന്നതിനോടൊപ്പം പൗരന്മാരിൽ ദേശീയവബോധം വളർത്താനും ലക്ഷ്യമിടുന്നതാണ് പദ്ധതി. ഇതിൻ്റെ ഭാഗമായി രാജ്യത്തെ എല്ലാ ഗ്രാമങ്ങളിൽ നിന്നും വാർഡുകളിൽ നിന്നും ശേഖരിക്കുന്ന മണ്ണ് ‘അമൃതകലശ’ങ്ങളിൽ ന്യൂഡൽഹിയിലേക്ക് കൊണ്ടുപോകുകയും പ്രധാനമന്ത്രി ‘അമൃത് വാടിക’യിൽ സ്ഥാപിക്കുകയും ചെയ്യും.

എടത്വ: തലവടി ഗ്രാമപഞ്ചായത്ത് 12-ാം വാർഡിൽ സൗഹൃദ നഗറിലെ സാൽവേഷൻ ആർമി പള്ളി – പൊയ്യാലുമാലിൽ പടി റോഡിലെ പ്രദേശവാസികളുടെ യാത്ര ക്ലേശം, കഴിഞ്ഞ മൂന്ന് പതിറ്റാണ്ടുകളായി ഉള്ള ശുദ്ധജല ക്ഷാമം,വഴിവിളക്ക് സ്ഥാപിക്കുന്നതുമായി ബന്ധപ്പെട്ട പ്രവർത്തനങ്ങളുടെ പുരോഗതി വിലയിരുത്തുവാൻ ഡിസ്ടിക്ട് ലീഗൽ സർവ്വീസസ് അതോറിറ്റി സെക്രട്ടറി സബ് ജഡ്ജ് പ്രമോദ് നാരായണൻ്റെ സാന്നിധ്യത്തിൽ തലവടി ഗ്രാമ പഞ്ചായത്ത് ഓഫീസിൽ അദാലത്ത് നടന്നു. അദാലത്തിൽ തലവടി ഗ്രാമപഞ്ചായത്ത് പ്രസിഡൻ്റ് ഗായത്രി ബി നായർ, സെക്രട്ടറി ജി.വി.വിനോദ് കുമാർ, വില്ലേജ് ഓഫീസർ റെജി പോൾ, ഗ്രാമ പഞ്ചായത്ത് അംഗം ബിന്ദു ഏബ്രഹാം, അഡ്വ. കെ.ആർ ശ്രീകുമാർ, പൊതുപ്രവർത്തകൻ ഡോ. ജോൺസൺ വി. ഇടിക്കുള, സാൽവേഷൻ ആർമി ചർച്ച് കോർ ഹെൽപർ എൻ.എസ് പ്രസാദ്, റോഡ് സമ്പാദക സമിതി കൺവീനർ മനോജ് മണക്കളം ,സി.കെ സുരേന്ദ്രൻ,കെ.വി റോഷൻ ,ജനീഷ് പാലപറമ്പിൽ, എൻ.…

തിരുവനന്തപുരം: കേരളം പുതിയൊരു ഭരണ സംസ്ക്കാരത്തിലേക്ക് മാറ്റപ്പെടുകയാണെന്നും, ഭരണ നിർവഹണം കൂടുതൽ വേഗത്തിലാക്കാൻ ഉദ്യോഗസ്ഥർ ജാഗ്രത പുലർത്തണമെന്നും മുഖ്യമന്ത്രി നിര്‍ദ്ദേശിച്ചു. ജിമ്മി ജോർജ് ഇൻഡോർ സ്റ്റേഡിയത്തിൽ മുഖ്യമന്ത്രി പിണറായി വിജയന്റെയും മന്ത്രിമാരുടേയും നേതൃത്വത്തിൽ നടന്ന മേഖലാതല അവലോകന യോഗത്തില്‍ സംസാരിക്കുകയായിരുന്നു അദ്ദേഹം. അനാവശ്യ കാലതാമസം ഇല്ലാതാക്കി, എല്ലാ പദ്ധതികളും സമയബന്ധിതമായി പൂർത്തീകരിക്കപ്പെടണം. ജോലിയുടെ ഭാഗമായി കിട്ടുന്ന സംതൃപ്തി ഏറ്റവും വലിയ പ്രതിഫലമായി കാണണമെന്നും അദ്ദേഹം പറഞ്ഞു. കേരളം പുതിയൊരു ഭരണ സംസ്‌കാരത്തിലേക്കു മെല്ലെ മാറുകയാണെന്നു മുഖ്യമന്ത്രി ചൂണ്ടിക്കാട്ടി. ലോകത്തിന്റെ വിവിധ ഭാഗങ്ങളിൽ ജോലി ചെയ്യുന്ന മലയാളികളെ ഏറെ പുകഴ്ത്തിയാണ് അവിടങ്ങളിലുള്ളവർ പറയുന്നത്. എന്നാൽ നാട്ടിൽ ജോലി ചെയ്യുന്നവരെക്കുറിച്ച് ഇങ്ങനെ പറയുന്നില്ല. പ്രത്യേകിച്ചു സർക്കാർ സർവീസിലാകുമ്പോൾ. ഈ രീതിക്കു മാറ്റം കൊണ്ടുവരാൻ ജീവനക്കാർ ശ്രദ്ധിക്കണം. നാടിന് ഏറ്റവും ആശ്രയിക്കാവുന്ന കേന്ദ്രങ്ങളാണു സർക്കാർ ഓഫിസുകൾ. അവിടേയ്ക്കെത്തുന്നവർ ദയയ്ക്കു വേണ്ടി വരുന്നവരാണെന്നു…

തൃശ്ശൂര്‍: കരുവന്നൂർ സർവീസ് സഹകരണ ബാങ്ക് വായ്പാ തട്ടിപ്പ് കേസിൽ കള്ളപ്പണം വെളുപ്പിച്ച കേസിൽ വടക്കാഞ്ചേരി നഗരസഭ ആരോഗ്യ സ്റ്റാൻഡിംഗ് കമ്മിറ്റി ചെയർമാൻ പി ആർ അരവിന്ദാക്ഷനെ എൻഫോഴ്സ്മെന്റ് ഡയറക്ടറേറ്റ് (ഇഡി) ചൊവ്വാഴ്ച അറസ്റ്റ് ചെയ്തു. അഴിമതിക്കേസിലെ മുഖ്യപ്രതി പി.സതേഷ് കുമാറുമായി അരവിന്ദാക്ഷന് അടുത്ത ബന്ധമുണ്ടെന്നാണ് സൂചന. സിപിഐ എം ലോക്കൽ കമ്മിറ്റി അംഗവും മുൻ മന്ത്രി എ സി മൊയ്തീന്റെ അടുത്ത അനുയായിയുമായ അരവിന്ദാക്ഷനാണ് അഴിമതിക്കേസിൽ അറസ്റ്റിലായ ആദ്യ സിപിഐഎം നേതാവ്. ചൊവ്വാഴ്ച ഉച്ചയോടെ വടക്കാഞ്ചേരിയിലെ വീട്ടിൽ നിന്നാണ് ഇഡി ഉദ്യോഗസ്ഥർ അരവിന്ദാക്ഷനെ അറസ്റ്റ് ചെയ്ത് കൊച്ചിയിലേക്ക് കൊണ്ടുപോയത്. കരുവന്നൂർ സർവീസ് സഹകരണ ബാങ്കിലെ മുൻ അക്കൗണ്ടന്റായ ജിൽസിനേയും ഇഡി ചൊവ്വാഴ്ച അറസ്റ്റ് ചെയ്തു. നേരത്തെ ഇഡി ചോദ്യം ചെയ്ത അരവിന്ദാക്ഷന്‍, ചോദ്യം ചെയ്യുന്നതിനിടെ ഇഡി ഉദ്യോഗസ്ഥർ തന്നെ ശാരീരികമായി ഉപദ്രവിച്ചതായി പരാതിപ്പെട്ടിരുന്നു. എറണാകുളം സെൻട്രൽ…