Year: 2023

സന: യെമനിലെ എണ്ണ സമ്പന്നമായ വടക്കുകിഴക്കൻ പ്രവിശ്യയായ മാരിബിലുണ്ടായ സ്‌ഫോടനത്തിൽ നിന്ന് യെമൻ സായുധ സേനാ മേധാവി സഗീർ ബിൻ അസീസ് കഷ്ടിച്ച് രക്ഷപ്പെട്ടു. ജനറൽ അസീസിന്റെ വാഹനവ്യൂഹത്തെ അനുഗമിച്ചിരുന്ന സ്‌ഫോടകവസ്തു നിറച്ച വാഹനം പൊട്ടിത്തെറിക്കുകയും വാഹനവ്യൂഹത്തിലുണ്ടായിരുന്ന ആറ് പേർക്ക് പരിക്കേൽക്കുകയും ചെയ്തു. അദ്ദേഹം പരിക്കേൽക്കാതെ രക്ഷപ്പെട്ടതായി ഒരു പോലീസ് ഉദ്യോഗസ്ഥൻ പറഞ്ഞു. അസീസും രാജ്യത്തെ പ്രസിഡൻഷ്യൽ ലീഡർഷിപ്പ് കൗൺസിൽ അംഗങ്ങൾ ഉൾപ്പെടെയുള്ള മുതിർന്ന സൈനിക ഉദ്യോഗസ്ഥരും തമ്മിൽ മാരിബിൽ നടന്ന ഉന്നത കൂടിക്കാഴ്ചയ്ക്ക് തൊട്ടുപിന്നാലെയാണ് ആക്രമണമുണ്ടായതെന്ന് അദ്ദേഹം പറഞ്ഞു. 2021 ഒക്‌ടോബർ 3 ന് മാരിബിലെ ബിൻ അസീസിന്റെ പാർപ്പിട വളപ്പിൽ ഹൂതികൾ നടത്തിയ ആക്രമണത്തിന് ശേഷം ബിൻ അസീസിന് നേരെ നടക്കുന്ന മൂന്നാമത്തെ ആക്രമണമാണിത്. ആക്രമണത്തിന്റെ ഉത്തരവാദിത്തം ഇതുവരെ ഒരു ഗ്രൂപ്പും ഏറ്റെടുത്തിട്ടില്ല. മാരിബിലും മറ്റ് സർക്കാർ നിയന്ത്രണത്തിലുള്ള പ്രവിശ്യകളിലും സുരക്ഷാ നടപടികളും ജാഗ്രതയും…

ലാഹോർ: ജയില്‍ ശിക്ഷയനുഭവിക്കുന്ന പാക്കിസ്താന്‍ മുൻ പ്രധാനമന്ത്രി ഇമ്രാൻ ഖാന്റെ പാക്കിസ്താന്‍ തെഹ്‌രീകെ ഇൻസാഫ് പാർട്ടിയുടെ (പിടിഐ) 60 നേതാക്കളും പ്രവർത്തകരും അറസ്റ്റിലായി. പാക്കിസ്താനില്‍ പൊതുതിരഞ്ഞെടുപ്പ് പ്രഖ്യാപിച്ചതിന് പിന്നാലെ പിടിഐ നേതാക്കൾക്കും പ്രവർത്തകർക്കുമെതിരെ പൊലീസ് കുരുക്ക് മുറുക്കാന്‍ തുടങ്ങിയെന്ന് പാര്‍ട്ടി പ്രവര്‍ത്തകര്‍ പറഞ്ഞു. പതിനായിരത്തിലധികം നേതാക്കളും പ്രവർത്തകരും ജയിലിലായെന്നാണ് റിപ്പോർട്ട്. പഞ്ചാബ് പ്രവിശ്യയിൽ നിന്നാണ് ഈ നേതാക്കളെയും പ്രവർത്തകരെയും അറസ്റ്റ് ചെയ്തത്. അതേസമയം, പിടിഐ ഇതിനെ വിമർശിക്കുകയും നിയമവിരുദ്ധമായ ഫാസിസ്റ്റ് നടപടിയെന്നും വിശേഷിപ്പിക്കുകയും ചെയ്തു. 2024 ഫെബ്രുവരി 8 ന് പാക്കിസ്താനില്‍ പൊതുതെരഞ്ഞെടുപ്പ് പ്രഖ്യാപിച്ചതിന് ശേഷം, പിടിഐ നേതാക്കൾക്കും പ്രവർത്തകർക്കുമെതിരായ പോലീസ് കുരുക്ക് ശക്തമാക്കുകയും നടപടി ശക്തമാക്കുകയും ചെയ്തു. 2023 മെയ് 9 നും തൊട്ടുപിന്നാലെയും ചിലരെ പോലീസ് അറസ്റ്റ് ചെയ്തിരുന്നു. എന്നാൽ, ഇപ്പോൾ പുതിയ അറസ്റ്റുകളാണ് നടന്നുകൊണ്ടിരിക്കുന്നത്. അഴിമതിക്കേസിൽ 70 കാരനായ ഇമ്രാൻ ഖാനെ അറസ്റ്റ്…

തിരുവക്കാട്: ഭൂമിയും വിഭവങ്ങളും ഒക്കെ ഇവിടുത്തെ പിന്നോക്ക ജനവിഭാഗങ്ങൾക്ക് നിഷേധിക്കപ്പെട്ടിരിക്കുകയാണ്. ജാതി സെൻസസിലൂടെ മാത്രമേ സാമൂഹിക നീതി പുലരുകയൊള്ളൂ. പ്രതിപക്ഷ മുഖ്യമന്ത്രിമാരുള്ള പല സംസ്ഥാനങ്ങളും ജാതി സെൻസസ് നടത്തുവാൻ തീരുമാനിച്ചു കഴിഞ്ഞു. കേരളത്തിലും ഉടനെ നടപ്പിലാക്കണമെന്ന് വെൽഫെയർ പാർട്ടി മലപ്പുറം ജില്ലാ പ്രസിഡന്റ് നാസർ കീഴുപറമ്പ ആവശ്യപ്പെട്ടു. കേരളത്തിൽ ജാതി സെൻസസ് നടത്തുക, എയ്ഡഡ് നിയമനം പി.എസ്.സിക്ക് വിടുക, സർക്കാർ സർവ്വീസിൽ ആനുപാതിക പ്രാതിനിധ്യം നടപ്പാക്കുക തുടങ്ങിയ ആവശ്യങ്ങൾ ഉന്നയിച്ച് വെൽഫെയർ പാർട്ടി സംഘടിപ്പിക്കുന്ന ബഹുജന പ്രക്ഷോഭത്തോടനുബന്ധിച്ച് നടന്ന മങ്കട മണ്ഡലം നേതൃ സംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ജില്ലാ സെക്രട്ടറി ഖാദർ അങ്ങാടിപ്പുറം, മണ്ഡലം പ്രസിഡന്റ് ഫാറൂഖ് കെപി എന്നിവർ സംസാരിച്ചു. മണ്ഡലം സെക്രട്ടറി സി എച്ച് സലാം മാസ്റ്റർ സ്വാഗതവും, അഷ്റഫ് കുറുവ നന്ദിയും പറഞ്ഞു. എം. കെ ജമാലുദ്ദീൻ, നസീമ സിഎച്,…

കൊച്ചി: നടനും മിമിക്രി താരവുമായ കലാഭവൻ ഹനീഫ് (61) എറണാകുളത്ത് അന്തരിച്ചു. ശ്വാസകോശ സംബന്ധമായ അസുഖത്തെ തുടർന്ന് കൊച്ചിയിലെ സ്വകാര്യ ആശുപത്രിയിൽ ചികിത്സയിലിരിക്കെയാണ് അന്ത്യം. മട്ടാഞ്ചേരി സ്വദേശിയായ ഹനീഫ്, കൊച്ചിൻ കലാഭവനിലെ പ്രമുഖനായിരുന്നു. കൂടാതെ, നിരവധി ജനപ്രിയ സിനിമകളിൽ പ്രധാന ഹാസ്യ വേഷങ്ങൾ ചെയ്തിട്ടുണ്ട്. ഏകദേശം നൂറ്റമ്പതിലധികം ചിത്രങ്ങളില്‍ അഭിനയിച്ചിട്ടുണ്ട്. മട്ടാഞ്ചേരിയിൽ ഹംസയുടെയും സുബൈദയുടെയും മകനായാണ് ഹനീഫിന്‍റെ ജനനം. സ്‌കൂൾ പഠന കാലത്തുതന്നെ മിമിക്രിയിൽ സജീവമായിരുന്ന ഇദ്ദേഹം പിന്നീട് നാടക വേദികളിലും സജീവ സാന്നിധ്യമായി. നാടകത്തിലൂടെ തുടങ്ങിയ കലാജീവിതമാണ് ഹനീഫിനെ കലാഭവനിലേക്ക് എത്തിക്കുന്നത്. ക്രമേണ കലാഭവൻ ട്രൂപ്പിലെ പ്രധാന മിമിക്രി ആർട്ടിസ്റ്റായി ഹനീഫ് മാറി. സെയിൽസ്‌മാനായി ജോലി നോക്കവെയാണ് മിമിക്രി കലാവേദിയിലേക്ക് ഹനീഫ് കടന്നുവരുന്നത്. ചലച്ചിത്ര രംഗത്തേക്ക് കാലെടുത്തുവയ്‌ക്കുന്നത് 1990ല്‍ പുറത്തിറങ്ങിയ ‘ചെപ്പുകിലുക്കണ ചങ്ങാതി’ എന്ന സിനിമയിലൂടെയാണ്. ‘വെള്ളരിപ്രാവിന്‍റെ ചങ്ങാതി’, ‘ഈ പറക്കും തളിക’, ‘കട്ടപ്പനയിലെ ​ഹൃത്വിക്…

എറണാകുളം: ആലുവയിൽ അഞ്ചു വയസ്സുകാരിയെ പീഡിപ്പിച്ച് കൊലപ്പെടുത്തിയ കേസിലെ പ്രതി അസ്ഫാഖ് ആലമിന്റെ ശിക്ഷ എറണാകുളം പോക്‌സോ കോടതി ഇന്ന് പരിഗണിക്കും. നവംബർ 14 ന് കോടതി ശിക്ഷ വിധിച്ചേക്കും. കേസിലെ ഏക പ്രതിയായ അസ്‌ഫാഖ് ആലം കുറ്റക്കാരനാണെന്നാണ് എറണാകുളം പോക്സോ കോടതി ജഡ്‌ജ് കെ സോമനാണ് വിധി പറഞ്ഞത്. പ്രതിക്കെതിരെ ചുമത്തിയ എല്ലാ വകുപ്പുകളും നിലനിൽക്കുമെന്ന് കോടതി വ്യക്തമാക്കി. ഇന്ത്യൻ ശിക്ഷാ നിയമത്തിലെയും പോക്സോ നിയമത്തിലെയും വിവിധ വകുപ്പുകൾ പ്രകാരമാണ് കോടതി പ്രതിയെ കുറ്റക്കാരനായി കണ്ടത്തിയത്. ക്രൂര കൊലപാതകം നടന്ന് നൂറാം ദിവസമാണ് കേസിൽ വിധിപറഞ്ഞത്. 36 ദിവസം കൊണ്ട് കുറ്റപത്രം സമര്‍പ്പിച്ച കേസില്‍ 26 ദിവസം കൊണ്ടാണ് വിചാരണ പൂര്‍ത്തിയാക്കിയത്. പോക്സോ കേസുകളില്‍ നൂറ് ദിവസത്തിനുള്ളില്‍ വിചാരണ പൂര്‍ത്തിയാക്കുന്ന ആദ്യ കേസ് കൂടിയാണിത്. തട്ടിക്കൊണ്ടുപോകൽ, ബലാത്സംഗം, കൊലപാതകം, തെളിവ് നശിപ്പിക്കൽ തുടങ്ങിയ 16 കുറ്റങ്ങളിലും…

ഇടുക്കി: നെടുങ്കണ്ടത്ത് ഭാര്യയുടെ പിതാവിനെ മരുമകൻ വെട്ടിക്കൊന്നു. നെടുങ്കണ്ടം കവുന്തി സ്വദേശി പുതുപ്പറമ്പിൽ ടോമിയാണ് മരിച്ചത്. മരുമകന്‍ മാവടി സ്വദേശി ജോബിൻസാണ് കൊലപാതകം നടത്തിയതെന്ന് പോലീസ് പറഞ്ഞു. പ്രതിയെ പോലീസ് കസ്റ്റഡിയിലെടുത്തു. ഫോറൻസിക് വിദഗ്ധരും വിരലടയാള വിദഗ്ധരും ഡോഗ് സ്ക്വാഡും സ്ഥലത്തെത്തി പരിശോധന നടത്തി. മൃതദേഹം ഇൻക്വസ്റ്റ് നടപടികൾക്കായി മാറ്റി. ഇന്നലെ രാത്രി 11 മണിയോടെയാണ് സംഭവം. വെട്ടേറ്റ ടോമിയെ ഉടൻ തന്നെ നെടുങ്കണ്ടം താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഭാര്യ ടിന്റുവിനെയും ജോബിന്‍സ്‌ വെട്ടിപ്പരിക്കേല്‍പ്പിച്ചിട്ടുണ്ട്‌. ഗുരുതരമായി പരിക്കേറ്റ ടിന്റു ഇടുക്കി മെഡിക്കല്‍ കോളജില്‍ ചികിത്സയിലാണ്‌. രാത്രി ടോമിയുടെ വീട്ടിലെത്തിയ പ്രതി, വീടിന്‌ ചുറ്റും നടന്ന്‌ ജനല്‍ ചില്ലുകള്‍ തകര്‍ത്തു ഭീകരാന്തരീക്ഷം സൃഷ്ടിക്കുകയായിരുന്നു. മുറ്റത്ത്‌ ഉണ്ടായിരുന്ന ഓട്ടോറിക്ഷയും അടിച്ചു തകര്‍ത്തു. തുടർന്ന് വാതിൽ തകർത്ത് അകത്ത് കടന്ന പ്രതി ഇരുവരെയും വെട്ടിപ്പരിക്കേൽപ്പിക്കുകയായിരുന്നു. കത്തി വീശി ഭീകരാന്തരീക്ഷം…