Category: MIDDLE EAST/GULF

യൂണിലിവറിനൊപ്പം യൂണിയൻ കോപ് സംഘടിപ്പിച്ച ബാക് ടു സ്കൂൾ പ്രചാരണപദ്ധതിയുടെ വിജയികളെ പ്രഖ്യാപിച്ചു. വിവിധ രാജ്യങ്ങളിൽ നിന്നുള്ളവർ നറുക്കെടുപ്പിൽ വിജയികളായി. അൽ വർഖാ സിറ്റി മാളിൽ സംഘടിപ്പിച്ച പ്രത്യേക പരിപാടിയിലാണ് വിജയികളെ പ്രഖ്യാപിച്ചത്. ദുബായ് ഇക്കണോമി ആൻഡ് ടൂറിസം വകുപ്പിൽ നിന്നുള്ള പ്രതിനിധികളും ഭാ​ഗമായി. ​ഗ്രാൻഡ് പ്രൈസായ ടെസ്ല കാർ അറബ് പൗരനാണ് ലഭിച്ചത്. ഇതിന് പുറമെ 17 പേർക്ക് കൂടെ സമ്മാനങ്ങൾ നേടാനായി. ഐപാഡ്, 1000 ദിർഹത്തിന്റെ ഷോപ്പിങ് വൗച്ചറുകൾ എന്നിവയും സമ്മാനമായി നൽകി.

വയനാട് ചൂരൽമലയിലെ നൊമ്പരക്കാഴ്ചകളെ കളത്തിൽ ചിത്രീകരിച്ച് നടുമുറ്റം ഓണക്കള മത്സരം.മാനവീയ കേരളം വയനാടിനൊപ്പം എന്ന ആശയത്തിലായിരുന്നു മത്സരം സംഘടിപ്പിച്ചത്. നിരവധി ടീമുകൾ പങ്കെടുത്ത മത്സരത്തിൽ വയനാട് ചൂരൽമല ഉരുൾപൊട്ടലിൽ രാത്രിയിൽ കുടുംബത്തിനു കാവൽ നിന്ന ആനയും കുഞ്ഞിനെ ശരീരത്തിലേക്ക് ചേർത്തുകെട്ടിയ സൈനികനുമടക്കം കളങ്ങളിൽ നിറഞ്ഞു. പൂക്കളോടൊപ്പം പുനരുപയോഗ വസ്തുക്കൾ കൂടി ഉൾപ്പെടുത്തിയാണ് മത്സരം നിശ്ചയിച്ചത്. പുനരുപയോഗ വസ്തുക്കളുപയോഗിച്ചുള്ള ഓണക്കളം കാഴ്ചക്കാരിലും വ്യത്യസ്ത അനുഭവമാണ് സൃഷ്ടിച്ചത്. അവസാന വർഷ ഓണത്തോടനുബന്ധിച്ചും നടുമുറ്റം ഇതേ മാതൃകയിലായിരുന്നു മത്സരം സംഘടിപ്പിച്ചത്. ഓണാഘോഷത്തിനായി ലഭിച്ച സ്പോൺസർഷിപ്പ് തുകയിലൊരു ഭാഗം നടുമുറ്റം വയനാട് ദുരിതാശ്വാസ ഫണ്ടിലേക്ക് കൈമാറും. മത്സരത്തിൽ എം എ എം ഒ അലുംനി ഒന്നാം സ്ഥാനം കരസ്ഥമാക്കി. തിരുവോണം സഖി ടീം രണ്ടാം സ്ഥാനവും മുശെരി ടീം മൂന്നാംസ്ഥാനവും നേടി. സയൻസ് എജ്യുക്കേഷൻ സെൻ്റർ മുഖ്യ പ്രായോജകരായി ഏഷ്യൻടൌണിലെ ഗ്രാൻ്റ്മാൾ ഹൈപ്പർ…

ദോഹ: ആത്മീയ-ധാർമിക രംഗങ്ങളിൽ മാത്രമല്ല, സാമൂഹിക-രാഷ്ട്രീയ പ്രതിസന്ധികളെയും വെല്ലുവിളികളെയും തന്ത്രപരമായി സമീപിക്കുന്നതിലും അതിജീവിക്കുന്നതിലും മുഹമ്മദ് നബിയുടെ ജീവിതം മാതൃകയാണെന്ന് അന്താരാഷ്ട്ര മുസ്‌ലിം പണ്ഡിതസഭ അംഗം ഹുസൈൻ കടന്നമണ്ണ അഭിപ്രായപ്പെട്ടു. സെൻ്റർ ഫോർ ഇന്ത്യൻ കമ്യൂണിറ്റി (സി.ഐ.സി) മദീന ഖലീഫ സോൺ സംഘടിപ്പിച്ച ‘ഇത്തിബാഉ റസൂൽ’ സംഗമത്തിൽ മുഖ്യപ്രഭാഷണം നിർവഹിക്കുകയായിരുന്നു അദ്ദേഹം. “ഇത്തിബാഉ റസൂൽ” എന്ന വിഷയത്തിൽ സി.ഐ.സി കേന്ദ്ര സമിതിയംഗം ഷാജഹാൻ മുണ്ടേരി സംസാരിച്ചു. പ്രവാചക മൂല്യങ്ങളും അധ്യാപനങ്ങളും ജീവിതത്തിൽ പ്രയോഗവൽകരിച്ചുകൊണ്ടും വൈജ്ഞാനികമായി കരുത്താർജിച്ചുകൊണ്ടുമാണ് പ്രവാചകനെതിരായ വിമർശനങ്ങളെ വിശ്വാസികൾ നേരിടേണ്ടതെന്ന് “പ്രവാചക വിമർശനം – ഉമ്മത്തിന്റെ ബാധ്യത” എന്ന വിഷയമവതരിപ്പിച്ച അൻവർ അലി ഹുദവിയും ഖത്തർ കേരള ഇസ്‌ലാഹി സെന്റർ പ്രസിഡൻ്റ് കെ.ടി ഫൈസൽ മൗലവിയും പറഞ്ഞു. സി.ഐ.സി മദീന ഖലീഫ സോൺ വൈസ് പ്രസിഡന്റ് അബ്ദുൽ ജബ്ബാർ അധ്യക്ഷത വഹിച്ചു. അബ്ദുസ്സമദ് സ്വാഗതവും മുജീബ് റഹ്‌മാൻ…

ദോഹ (ഖത്തര്‍): അധിനിവേശ വെസ്റ്റ് ബാങ്കിലെ റമല്ലയിലുള്ള തങ്ങളുടെ ഓഫീസ് ഞായറാഴ്ച ഇസ്രായേൽ സൈന്യം റെയ്ഡ് ചെയ്യുകയും 45 ദിവസത്തെ അടച്ചുപൂട്ടൽ ഉത്തരവ് പുറപ്പെടുവിക്കുകയും ചെയ്തതായി ഖത്തരി ബ്രോഡ്കാസ്റ്റർ അൽ ജസീറ പറഞ്ഞു. ഇസ്രായേലിനുള്ളിൽ ചാനൽ പ്രവർത്തിക്കുന്നത് നിരോധിച്ച് നാല് മാസത്തിന് ശേഷം രാജ്യത്തെ അൽ ജസീറ മാധ്യമ പ്രവർത്തകരുടെ പ്രസ് ക്രെഡൻഷ്യലുകൾ റദ്ദാക്കുന്നതായി ഇസ്രായേൽ സർക്കാർ കഴിഞ്ഞ ആഴ്ച പ്രഖ്യാപിച്ചിരുന്നു. “അൽ ജസീറ 45 ദിവസത്തേക്ക് അടച്ചിടാൻ കോടതി വിധിയുണ്ട്,” ഒരു ഇസ്രായേൽ സൈനികൻ അൽ ജസീറയുടെ വെസ്റ്റ് ബാങ്ക് ബ്യൂറോ ചീഫ് വാലിദ് അൽ-ഒമാരിയോട് പറഞ്ഞതായി തത്സമയം സംപ്രേക്ഷണം ചെയ്ത സംഭാഷണം ഉദ്ധരിച്ച് നെറ്റ്‌വർക്ക് റിപ്പോർട്ട് ചെയ്തു. കനത്ത ആയുധധാരികളും മുഖംമൂടി ധരിച്ചതുമായ സൈനികർ ഓഫീസിലേക്ക് പ്രവേശിച്ച് എല്ലാ ക്യാമറകളും എടുത്ത് ഈ നിമിഷം ഓഫീസിൽ നിന്ന് പുറത്തുപോകാൻ ആവശ്യപ്പെട്ടതായി അല്‍ ജസീറ പറഞ്ഞു.…

കൊല്ലം പ്രവാസി അസോസിയേഷൻ പൊന്നോണം 2024 ഓണാഘോഷത്തിന്റെ ഭാഗമായി സൽമാനിയ ഏരിയ കമ്മിറ്റിയുടെ നേതൃത്വത്തിൽ കെ.പി. എ ആസ്ഥാനത്തു വച്ച് സംഘടിപ്പിച്ച പായസ മത്സരത്തിൽ മെറീന വിനീത് (ഒന്നാം സ്ഥാനം), ജയലക്ഷ്‍മി ജയകുമാർ (രണ്ടാം സ്ഥാനം) , ഡോ. എലിസബത്ത് പ്രിൻസ് (മൂന്നാം സ്ഥാനം) എന്നിവർ വിജയികളായി. കെ.പി.എ പ്രസിഡന്റ് അനോജ് മാസ്റ്റർ ഉത്‌ഘാടനം ചെയ്‌ത പരിപാടി സൽമാനിയ ഏരിയ പ്രസിഡന്റ് ജയകുമാർ അദ്ധ്യക്ഷനായിരുന്നു. ഏരിയ സെക്രട്ടറി ജിബി ജോൺ സ്വാഗതവും ട്രെഷറർ സന്തോഷ് കുമാർ നന്ദിയും പറഞ്ഞു. ജനറൽ സെക്രട്ടറി പ്രശാന്ത് പ്രബുദ്ധൻ , ട്രെഷറർ മനോജ് ജമാൽ , വൈ . പ്രസിഡന്റ് കോയിവിള മുഹമ്മദ് , സെക്രെട്ടറിമാരായ അനിൽ കുമാർ , രജീഷ് പട്ടാഴി , അസ്സി . ട്രെഷറർ കൃഷ്ണകുമാർ , മുൻ സെക്രെട്ടറിയേറ്റ് കമ്മിറ്റി അംഗങ്ങളായ നിസാർ കൊല്ലം ,…

ദോഹ: ഡോ. എബ്രഹാം പെരുമാള്‍ ഫിലിപ്പിന് യു.കെ.പാര്‍ലമെന്റ് അവാര്‍ഡ് . കാര്‍ഡിയോതൊറാസിക്, വാസ്‌കുലര്‍ സര്‍ജറി വിഭാഗങ്ങളിലെ ശ്രദ്ധേയ പ്രവര്‍ത്തനങ്ങളടക്കം വൈദ്യശാസ്ത്ര രംഗത്തെ മികച്ച പ്രവര്‍ത്തനങ്ങള്‍ പരിഗണിച്ചാണ് പുരസ്‌കാരം. ഒക്ടോബര്‍ 8 ന് യു.കെ. പാര്‍ലമെന്റില്‍ നടക്കുന്ന ഇന്തോ യുകെ ബിസിനസില്‍മീറ്റിനോടനുബന്ധിച്ച് നടക്കുന്ന ചടങ്ങില്‍ ബ്രിട്ടീഷ് എം.പി. പത്മശ്രീ ബോബ് ബ്‌ളാക് മാന്‍ പുരസ്‌കാരം സമ്മാനിക്കും. ദോഹ ബ്യൂട്ടി സെന്റര്‍ മാനേജിംഗ് ഡയറക്ടര്‍ ഡോ. ശീല ഫിലിപ്പോസിന്റേയും അബ്രഹാം ഫിലിപ്പിന്റേയും മകനായ ഡോ. എബ്രഹാം പെരുമാള്‍ ഫിലിപ്പ് ഖത്തറിലാണ് പ്‌ളസ് ടു വരെ പഠിച്ചത്. 10, 12 ക്ലാസുകളില്‍ ഉന്നതവിജയം നേടിയ അദ്ദേഹത്തെ ദോഹ ഇമ്മാനുവല്‍ മാര്‍ത്തോമ്മാ ക്രിസ്ത്യന്‍ ചര്‍ച്ച്, പള്ളിയിലെ വിദ്യാര്‍ത്ഥികളില്‍ ഏറ്റവും കൂടുതല്‍ സ്‌കോറര്‍ എന്ന നിലയില്‍ രണ്ട് വര്‍ഷങ്ങളിലും സ്വര്‍ണ്ണ മെഡലുകള്‍ നല്‍കി ആദരിച്ചിരുന്നു. 2019 ല്‍ അമൃത സ്‌കൂള്‍ ഓഫ് മെഡിസിനില്‍ നിന്നും…

റിയാദ്: സൗദി അറേബ്യയിലെ മക്ക ഉൾപ്പെടെയുള്ള വിവിധ പ്രദേശങ്ങളിൽ കനത്ത മഴയുണ്ടാകുമെന്ന് സൗദി സിവിൽ ഡിഫൻസ് ഡിപ്പാർട്ട്മെൻ്റ് മുന്നറിയിപ്പ് നല്‍കി. ബുധനാഴ്ച മുതൽ ഞായറാഴ്ച വരെ ശക്തമായ മഴയ്ക്ക് സാധ്യതയുള്ളതിനാൽ അൽ-ജുമും, മെയ്‌സാൻ, തായിഫ്, അദം, അൽ-അർദിയാത്ത്, അൽ-കാമിൽ എന്നിവിടങ്ങളിൽ താമസിക്കുന്നവർ ജാഗ്രത പാലിക്കണമെന്ന് നിർദ്ദേശിച്ചിട്ടുണ്ട്. സുരക്ഷ ഉറപ്പാക്കാൻ, പ്രാദേശിക കാലാവസ്ഥാ അപ്‌ഡേറ്റുകൾ പിന്തുടരാനും അധികാരികളുടെ ഉപദേശ നിര്‍ദ്ദേശങ്ങള്‍ പാലിക്കാനും ആവശ്യപ്പെട്ടു. നജ്‌റാൻ, മദീന മേഖലകളിൽ നേരിയതോ മിതമായതോ ആയ മഴയും അൽ-ബഹ, അസീർ, ജസാൻ എന്നിവിടങ്ങളിൽ മിതമായതോ കനത്തതോ ആയ മഴ ലഭിക്കുമെന്ന് സിവിൽ ഡിഫൻസ് പ്രവചിക്കുന്നു. കാലാവസ്ഥാ മുന്നറിയിപ്പിൻ്റെ വെളിച്ചത്തിൽ, സുരക്ഷിതമായ സ്ഥലങ്ങളിൽ തുടരാനും താഴ്‌വരകളും താഴ്ന്ന പ്രദേശങ്ങളും പോലുള്ള വെള്ളപ്പൊക്ക സാധ്യതയുള്ള പ്രദേശങ്ങൾ ഒഴിവാക്കാനും സിവിൽ ഡിഫൻസ് താമസക്കാരോട് അഭ്യർത്ഥിച്ചു. സുരക്ഷാ മാർഗനിർദേശങ്ങൾക്കായി മഴക്കാലത്ത് മാധ്യമങ്ങളിലൂടെയും സോഷ്യൽ നെറ്റ്‌വർക്കിംഗ് സൈറ്റുകളിലൂടെയും പ്രക്ഷേപണം ചെയ്യുന്ന…

ഖത്തര്‍: എക്സ്പാറ്റ്സ് സ്പോര്‍ട്ടീവിന്‌ ഇന്ത്യന്‍ എമ്പസിക്ക് കീഴിലെ അപക്സ് ബോഡിയായ ഇന്ത്യന്‍ സ്പോര്‍ട്സ് സെന്ററിന്റെ ഔദ്യോഗിക അംഗീകാരം. വര്‍ഷങ്ങളായി ഖത്തര്‍ പ്രവാസികള്‍ക്കിടയില്‍ പുതിയൊരു കായിക സംസ്കാരം വളര്‍ത്തിയെടുക്കാന്‍ പ്രവര്‍ത്തിച്ച് വരികയാണ്‌ എക്സ്പാറ്റ്സ് സ്പോര്‍ട്ടീവ്. എല്ലാ വര്‍ഷവും ദേശീയ കായിക ദിനത്തോടനുബന്ധിച്ച് അത്‌ലറ്റിക്സും ഗെയിംസും ഉള്‍പ്പെടുത്തി ഖത്തറിലെ ഏറ്റവും വലിയ പ്രവാസി കായിക മേളയായ ഇന്ത്യന്‍ കമ്മ്യൂണിറ്റി സ്പോര്‍ട്സ് മീറ്റ് വിജയകരമായി നടത്തി വരുന്നു. വേള്‍ഡ് മാസ്റ്റേര്‍സ് ടൂര്‍ണ്ണമെന്റടക്കമുള്ളവയിലേക്ക് മെഡലിസ്റ്റുകളെ സംഭാവന ചെയ്യാന്‍ ഇതിന്‌ സാധിച്ചിട്ടുണ്ട്. കൂടാതെ, വര്‍ഷം തോറും വെയ്റ്റ് ലോസ് ചലഞ്ച്, വിവിധ കായിക ടൂര്‍ണ്ണമെന്റുകള്‍ ഒക്കെ സംഘടിപ്പിച്ച് വരുന്നു. കായിക രംഗത്തെ സ്തുത്യര്‍ഹ സേവനത്തിനുള്ള അംഗീകാരമാണ് ഈ ഔദ്യോഗിക അംഗീകാരം. ഐ.സി.സിയില്‍ വച്ച് നടന്ന ചടങ്ങില്‍ ഇന്ത്യന്‍ എമ്പസി ഫസ്റ്റ് സെക്രട്ടറി സച്ചിന്‍ ദിനകറില്‍ നിന്ന് എക്സ്പാറ്റ്സ് സ്പോര്‍ട്ടീവ് പ്രസിഡന്റ് അബ്ദുല്‍ ഗഫൂര്‍ എ.ആര്‍…

കേരളത്തിനകത്ത് മത സൗഹാർദ്ദത്തിലും സമാധാനത്തിലും സാഹോദര്യത്തിലും ഏറെ പാരമ്പര്യമുള്ള മലപ്പുറം ജില്ലയെ മന:പൂർവ്വം കുറ്റകൃത്യങ്ങളുടെ ഹബ്ബാക്കി മാറ്റാൻ ഉന്നത പോലീസ് ഉദ്യോഗസ്ഥർ ശ്രമിച്ചതിനെതിരെ നടപടികളുണ്ടാവണമെന്ന് പ്രവാസി വെൽഫെയർ മലപ്പുറം ജില്ലാ നേതൃസംഗമം ആവശ്യപ്പെട്ടു. മലപ്പുറം ജില്ലയിലെ ജില്ലാ – മണ്ഡലം ഭാരവാഹികളെ സംഘടിപ്പിച്ച് ‘ഓണക്കൂട്ട് 2024 ‘ എന്ന പേരിൽ നടത്തിയ നേതൃസംഗമം നേതൃ സംഗമം സംസ്ഥാന പ്രസിഡൻ്റ് ആർ ചന്ദ്രമോഹൻ ഉദ്ഘാടനം ചെയ്തു. ജില്ലയെ മനപൂർവ്വം കരിവാരിത്തേക്കാൻ സംസ്ഥാനത്തിൻ്റെയും ജില്ലയുടെയും ക്രമസമാധാന ചുമതലയുള്ള ഉന്നത പോലീസ് ഉദ്യോഗസ്ഥർ തന്നെ ശ്രമിച്ചു എന്ന വാർത്തകൾ തെളിവു സഹിതം പുറത്തു വന്നത് ഏറെ ഭീതിപ്പെടുത്തുന്നതാണ്. ആരോപണ വിധേയരായ പോലീസ് ഉദ്യോഗസ്ഥർക്കെതിരെ കൃത്യമായ സ്വതന്ത്ര അന്വേഷണങ്ങളുണ്ടാവണമെന്നും ആരോപണ വിധേയരുടെ ഉദ്യോഗകാലത്ത് രേഖപ്പെടുത്തപ്പെട്ടിട്ടുള്ള കുറ്റ കൃത്യങ്ങളുടെയും കസ്റ്റഡി മരണങ്ങളുടേയുമുൾപ്പെടെയുള്ള പുനരന്വേഷണങ്ങൾ നടക്കേണ്ടതുണ്ടെന്നും സംഗമത്തില്‍ സംസാരിച്ചവര്‍ ആവശ്യപ്പെട്ടു. പ്രവാസി വെൽഫെയർ ജില്ലാ പ്രസിഡൻ്റ്…