Category: MIDDLE EAST/GULF

ജൈവ കൃഷിയേയും അടുക്കളത്തോട്ടങ്ങളെയും പ്രോത്സാഹിപ്പിക്കുന്നതിൻ്റെ ഭാഗമായി നടുമുറ്റം ഖത്തർ മലയാളി വനിതാ കർഷകരെ ആദരിച്ചു. വീട്ടുമുറ്റങ്ങളിലും പരിമിതമായ സ്ഥലങ്ങളിലും ബാൽക്കണികളിലുമടക്കം ജൈവ പച്ചക്കറി കൃഷി ചെയ്യുന്ന നടുമുറ്റം പ്രവർത്തകരായ വനിതകളെയാണ് നടുമുറ്റം ആദരിച്ചത്. നുഐജയിൽ വെച്ച് നടന്ന ചടങ്ങിൽ അഗ്രികൾച്ചർ വിഭാഗത്തിൽ ഗൾഫ് മാധ്യമം ഷി ക്യു അവാർഡ് ജേതാവ് അങ്കിത റായ് ചോക്സി, നമ്മുടെ അടുക്കളത്തോട്ടം ദോഹ കൂട്ടായ്മ ഫൌണ്ടർ മെമ്പർ ജിഷ കൃഷ്ണ, എൺവിറോൺമെൻ്റൽ സയൻസ് ഗവേഷക ഡോ. രസ്ന നിഷാദ് എന്നിവർ മുഖ്യാതിഥികളായി. നടുമുറ്റം പ്രസിഡൻ്റ് സന നസീം അധ്യക്ഷത വഹിച്ചു. മുഖ്യാതിഥികളും നടുമുറ്റം കേന്ദ്ര കമ്മിറ്റി ഭാരവാഹികളും കർഷകരെ ആദരിച്ചു. പരിപാടിയോടനുബന്ധിച്ച് കാർഷിക വിളകളുടെ പ്രദർശനവും നടന്നിരുന്നു. പരിപാടിയിൽ നടുമുറ്റം ജനറൽ സെക്രട്ടറി ഫാത്വിമ തസ്നിം നന്ദി അറിയിച്ചു. ഖത്തർ നാഷണൽ ഡേയോടനുബന്ധിച്ച് നടുമുറ്റം ഖത്തർ സംഘടിപ്പിച്ച ഫോട്ടോഗ്രഫി മത്സരങ്ങളുടെ സമ്മാനങ്ങളും…

ബഹ്റൈന്‍: കൊല്ലം പ്രവാസി അസോസിയേഷന്‍റെ സാഹിത്യ വിഭാഗമായ സൃഷ്ടിയുടെ നേതൃത്വത്തില്‍ ഓര്‍മ്മകളില്‍ എം.ടി എന്ന ശീര്‍ഷകത്തില്‍ അന്തരിച്ച പ്രശസ്ത സാഹിത്യകാരന്‍ എം.ടി വാസുദേവന്‍നായരുടെ അനുസ്മരണം സംഘടിപ്പിച്ചു. കെപിഎ ടുബ്ലി ഹാളില്‍ സംഘടിപ്പിച്ച അനുസ്മരണം കെപിഎ വൈസ് പ്രസിഡന്‍റ് കോയിവിള മുഹമ്മദ്‌ ഉത്ഘാടനം ചെയ്തു. കെപിഎ ജനറല്‍ സെക്രട്ടറി പ്രശാന്ത്‌ പ്രബുദ്ധന്‍ സ്വാഗതം ആശംസിച്ചു. അനുസ്മരണ പ്രമേയം സൃഷ്ടി സാഹിത്യ വേദി കണ്‍വീനര്‍ വിനു ക്രിസ്റ്റി അവതരിപ്പിച്ചു. നിസാര്‍ കൊല്ലം മോഡറേറ്റര്‍ ആയിരുന്ന സമ്മേളനത്തില്‍ വൈക്കം മുഹമ്മദു ബഷീര്‍ അവാര്‍ഡ്‌ ജേതാവും പ്രവാസി സാഹിത്യകാരനുമായ നാസര്‍ മുതുകാട് മുഖ്യ അനുസ്മരണ പ്രഭാഷണം നടത്തി. അക്ഷരവേദി ബഹ്‌റൈന്‍ കോഓര്‍ഡിനേറ്ററും സാഹിത്യകാരനുമായ ജോര്‍ജ് വര്‍ഗീസ്‌, അക്ഷരവേദി സാഹിത്യ പ്രവര്‍ത്തകന്‍ സാബു പാല എന്നിവര്‍ അനുസ്മരണ പ്രഭാഷണം നടത്തി. ഇതിഹാസ തുല്യമായ ജീവിതമായിരുന്നു എം.ടി യുടേതെന്നു നാസര്‍ മുതുകാട് അഭിപ്രായപെട്ടു. ലളിതമായ ഭാഷ…

ദോഹ (ഖത്തര്‍): ഇസ്രായേലും ഹമാസും തമ്മിലുള്ള വെടിനിർത്തൽ സംബന്ധിച്ച് ധാരണയിലെത്തിയതായും ഞായറാഴ്ച മുതൽ ഗാസയിൽ അത് പ്രാബല്യത്തിൽ വരുമെന്നും ഖത്തർ വിദേശകാര്യ മന്ത്രാലയം ഔദ്യോഗികമായി അറിയിച്ചു. അതേസമയം, 735 ഫലസ്തീനികളെ മോചിപ്പിക്കുമെന്ന് ഇസ്രായേലും അറിയിച്ചു. പകരമായി ഹമാസ് ചില ഇസ്രായേലി ബന്ദികളെ മോചിപ്പിക്കും. ഞായറാഴ്ച രാവിലെ 8.30 മുതൽ ഈ വെടിനിർത്തൽ പ്രാബല്യത്തിൽ വരുമെന്ന് ഖത്തർ വിദേശകാര്യ മന്ത്രാലയത്തിന്റെ ഔദ്യോഗിക അറിയിപ്പില്‍ പറയുന്നു. നേരത്തെ ഇസ്രായേൽ സർക്കാർ ഈ കരാറിന് അംഗീകാരം നൽകിയിരുന്നു. ഈ കരാറിനെ അനുകൂലിച്ച് 24 വോട്ടും എതിർത്ത് 8 വോട്ടും ലഭിച്ചു. എല്ലാ കക്ഷികളോടും സംയമനം പാലിക്കാനും ജാഗ്രത പാലിക്കാനും ഖത്തർ അഭ്യർത്ഥിച്ചു. അവസാന ദിവസങ്ങളിൽ നടന്ന ചർച്ചകൾ നിർണായകമായെന്ന് ഖത്തർ പ്രധാനമന്ത്രി ഷെയ്ഖ് മുഹമ്മദ് ബിൻ അബ്ദുൽറഹ്മാൻ അൽ താനി പറഞ്ഞു. ഈ കരാർ പ്രകാരം 735 ഫലസ്തീനികളെ ജയിലിൽ നിന്ന്…

ദോഹ: ഡോ. അമാനുല്ല വടക്കാങ്ങരയുടെ മോട്ടിവേഷണല്‍ പരമ്പരയായ വിജയമന്ത്രങ്ങള്‍ക്ക് പ്രവാസി ഭാരതി പുരസ്‌കാരം. പ്രവാസികളേയും അല്ലാത്തവരേയും ഏറ്റവും സ്വാധീനിച്ച മോട്ടിവേഷണല്‍ പരമ്പര എന്ന നിലക്കാണ് വിജയമന്ത്രങ്ങള്‍ളെ  പ്രവാസി ഭാരതീയ പുരസ്‌കാരത്തിന് തെരഞ്ഞെടുത്തതെന്ന് പ്രവാസി ഭാരതി ന്യൂസ് ബുള്ളറ്റിന്‍ എഡിറ്ററും എന്‍.ആര്‍. ഐ കൗണ്‍സില്‍ ഓഫ് ഇന്ത്യ ചെയര്‍മാനുമായ പ്രവാസി ബന്ധു ഡോ. എസ് അഹമ്മദ് പറഞ്ഞു. ഇരുപത്തി മുന്നാമത് പ്രവാസി ഭാരതീയ ദിനാഘോഷത്തിന്റെ ഭാഗമായി തിരുവനന്തപുരം പത്മ കഫേയില്‍ നടന്ന പ്രവാസി സെമിനാറില്‍ വെച്ച്  പ്രവാസി ബന്ധു ഡോ. എസ് അഹമ്മദ് പുരസ്‌കാരം സമ്മാനിച്ചു.    പ്രചോദനം ഓരോരുത്തരേയും അനിവാര്യമായ മാറ്റങ്ങള്‍ക്ക് നിര്‍ബന്ധിക്കുന്നു. മാറ്റമാണ് പുരോഗതിയുടെ വഴിയെന്നും നാം ഓരോരുത്തരും വിചാരിച്ചാല്‍ മാറ്റം സാധ്യമാണെന്നും തിരിച്ചറിയുന്നതോടെ ലക്ഷ്യത്തിലേക്കുള്ള മുന്നേറ്റത്തിന് വേഗത കൂടുമെന്നും അദ്ദേഹം പറഞ്ഞു. വ്യത്യസ്ത ജീവിത സാഹചര്യങ്ങളെ ക്രിയാത്മകമായി അഭിമുഖീകരിക്കുവാനും ജീവിതവിജയം നേടാനും പ്രചോദനമാകുന്ന പാഠങ്ങളാല്‍…

ബഹ്റൈന്‍: കൊല്ലം പ്രവാസി അസ്സോസിയേഷൻ ബഹ്‌റൈൻ അംഗങ്ങൾക്കും, കുടുംബാംഗങ്ങൾക്കുമായി സാഖീർ ടെന്റിൽ വച്ച് ഡെസേർട്ട് വിന്റർ ക്യാമ്പ് സംഘടിപ്പിച്ചു. രാത്രി 9 മണി മുതൽ പുലർച്ചെ 3 മണി വരെ നീണ്ടു നിന്ന 200 ൽ പരം അംഗങ്ങൾ പങ്കെടുത്ത ക്യാമ്പ് കെ.പി.എ പ്രസിഡന്റ് അനോജ് മാസ്റ്റർ ഉത്‌ഘാടനം ചെയ്തു. യോഗത്തിനു ജനറൽ സെക്രട്ടറി പ്രശാന്ത് പ്രബുദ്ധൻ സ്വാഗതവും, ക്യാമ്പ് കൺവീനർ സജീവ് ആയൂർ നന്ദിയും അറിയിച്ചു. സെക്രെട്ടറിയേറ്റ് കമ്മിറ്റി അംഗങ്ങളായ മനോജ് ജമാൽ, കോയിവിള മുഹമ്മദ്, അനിൽ കുമാർ, രജീഷ് പട്ടാഴി, ക്യാമ്പ് കൺവീനർമാരായ നവാസ് കരുനാഗപ്പള്ളി, ജഗത് കൃഷ്ണകുമാർ, കിഷോർ കുമാർ, രാജ് കൃഷ്ണൻ, സന്തോഷ് കാവനാട് , വിഎം.പ്രമോദ്, വിനു ക്രിസ്ടി, എന്നിവർ സന്നിഹിതരായിരുന്നു. സൃഷ്ടി കലാകാരന്മാരുടെ വിവിധ കലാപരിപാടികളും, കുട്ടികൾക്കും മുതിർന്നവർക്കുമായി സംഘടിപ്പിച്ചിരുന്ന വിവിധ തരത്തിലുള്ള മത്സരങ്ങളും ക്യാമ്പിനെ ആവേശകരമാക്കി .…

ദോഹ: ശൈത്യകാല അവധിയോടനുബന്ധിച്ച് വിദ്യാർത്ഥികൾക്കായി സ്റ്റുഡൻ്റ്സ് ഇന്ത്യ ഖത്തർ ‘ഉഖുവ്വ’ എന്ന തലക്കെട്ടിൽ ദ്വിദിന വിൻ്റർ ക്യാമ്പ് സംഘടിപ്പിച്ചു. സെൻ്റർ ഫോർ ഇന്ത്യൻ കമ്മ്യൂണിറ്റി പ്രസിഡണ്ട് ടി.കെ ഖാസിം ഫ്ലാഗ് ഓഫ് നിർവഹിച്ചു. ഉംസലാലിലെ റിസോർട്ടിൽ വെച്ച് നടന്ന ക്യാമ്പിൽ എട്ടു മുതൽ പന്ത്രണ്ട് വരെ ക്ലാസുകളിലെ വിദ്യാർത്ഥികൾ പങ്കെടുത്തു. ‘കാലം തേടുന്ന കൗമാരം’ എന്ന വിഷയത്തിൽ ഡോ. താജ് ആലുവ ഇൻ്ററാക്റ്റിവ് സെഷൻ നയിച്ചു. ‘പുതിയകാലത്തെ മാധ്യമപ്രവർത്തനം : സാധ്യതകൾ, വെല്ലുവിളികൾ’ എന്ന വിഷയത്തിൽ ഷഹീൻ അബ്ദുല്ല (മക്തൂബ് മീഡിയ) സംസാരിച്ചു. ‘കാലടികൾ’ എന്ന തലക്കെട്ടിൽ റിയാസ് ടി റസാഖ്, ‘മാനസിക വികാസം’ എന്ന വിഷയത്തിൽ സിജി ഖത്തർ ചീഫ് കോർഡിനേറ്റർ റുക്നുദ്ദീൻ എന്നിവർ ക്ലാസെടുത്തു. പാട്ടും പറച്ചിലും നടനവുമായി വിദ്യാർഥികളുടെ സർഗശേഷികൾ പങ്കുവെച്ചു കൊണ്ടുള്ള ആർട്സ് സെഷൻ കെ. മുഹമ്മദ് സക്കരിയ്യ നിയന്ത്രിച്ചു. സ്റ്റുഡൻ്റ്സ്…

ദുബായിലെ എല്ലാ യൂണിയൻ കോപ് ബ്രാഞ്ചുകളിലും ഈ ഓഫറുകൾ ലഭ്യമാകും. ദുബൈ: ജനുവരി മാസം പുതിയ എട്ട് പ്രൊമോഷനുകൾ അവതരിപ്പിച്ച് യൂണിയൻ കോപ്. തെരഞ്ഞെടുത്ത 2000 സാധനങ്ങൾക്ക് 50% വരെ കിഴിവ് ലഭിക്കും. അവശ്യ സാധനങ്ങൾ, ഭക്ഷ്യവസ്തുക്കൾ, ഹോം അപ്ലയൻസുകൾ, പേഴ്സണൽ കെയർ, ട്രാവൽ എസൻഷ്യൽസ്, മഞ്ഞുകാലത്തേക്ക് ആവശ്യമായ സാധനങ്ങൾ എന്നിവയിൽ ഇളവ് നേടാം. ദുബായിലെ എല്ലാ യൂണിയൻ കോപ് ബ്രാഞ്ചുകളിലും ഈ ഓഫറുകൾ ലഭ്യമാകും. ജനുവരി മാസം മുഴുവൻ ലഭ്യമായ ഈ ഓഫറുകളിൽ പ്രാദേശിക ഉൽപ്പന്നങ്ങളും അന്താരാഷ്ട്ര ഉൽപ്പന്നങ്ങളും വിലക്കിഴിവിൽ വാങ്ങാം. ന്യൂ ഇയർ ബി​ഗ് ഡീൽ, വീക്കെൻഡ് സൂപ്പർ സേവർ തുടങ്ങിയ പ്രൊമോഷനുകളും നടക്കുന്നുണ്ട്. ഇതിനൊപ്പം ഷ്രിംപ് ഫെസ്റ്റിവൽ, സിട്രസ് ഫെസ്റ്റിവൽ എന്നിവയും ആരംഭിക്കുന്നുണ്ട്. ഉയർന്ന ​ഗുണമേന്മയുള്ള ഉൽപ്പന്നങ്ങൾ മികച്ച വിലയിൽ ലഭ്യമാക്കുകയാണ് ലക്ഷ്യം. എല്ലാാ ആഴ്ച്ചയും പുതിയ ഡിസ്കൗണ്ടുകളും പ്രൊമോഷനുകളും ഓരോ പുതിയ…