Category: MIDDLE EAST/GULF

അബൂദബി: ഇന്ത്യയും പാകിസ്ഥാനുമിടയിലെ നിലവിലെ സംഘർഷാവസ്ഥ കൂടുതൽ സങ്കീർണമായി നിരപരാധികളായ മനുഷ്യരുടെ ജീവിതവും ഇന്ത്യയിലെ സ്വസ്ഥ സാമൂഹികാന്തരീക്ഷവും നഷ്ടപ്പെടാതിരിക്കാനും സമാധാനം പുലരുന്നതിനും ഇന്ന് ജുമുഅക്ക് ശേഷം പള്ളികളിൽ പ്രാർഥന നടത്തണമെന്ന് ഗ്രാൻഡ് മുഫ്തിയും സമസ്ത കേരള ജംഇയ്യത്തുൽ ഉലമ ജനറൽ സെക്രട്ടറിയുമായ കാന്തപുരം എ പി അബൂബക്കർ മുസ്‌ലിയാർ ആവശ്യപ്പെട്ടു. തീവ്രവാദത്തിനും ഭീകരവാദത്തിനുമെതിരായ ഇന്ത്യയുടെ നീക്കങ്ങളും ശ്രമങ്ങളും വിജയത്തിലെത്തേണ്ടതുണ്ട്. കഴിഞ്ഞ ദിവസത്തെ നടപടികൾ ആ അർഥത്തിൽ രാജ്യത്തിന്റെ കരുത്തും ശക്തിയും വിളംബരം ചെയ്യുന്നതാണ്. അതേസമയം, മനുഷ്യരാശിയുടെ നിലനിൽപ്പിനും സുസ്ഥിര ജീവിതത്തിനും യുദ്ധങ്ങളും സംഘർഷങ്ങളും ഇല്ലാത്ത സാഹചര്യം ഉണ്ടാവണം. നയതന്ത്ര ഉദ്യമങ്ങളിലൂടെയും ആഗോള സഹകരണങ്ങളിലൂടെയും സമ്മർദ്ദങ്ങളിലൂടെയും ഭീകരവാദത്തെ അടിച്ചമർത്തുന്നതിലാണ് രാജ്യം വരും നാളുകളിൽ കൂടുതൽ കൂടുതൽ ശ്രദ്ധ പുലർത്തേണ്ടത്. യുദ്ധം കാരണം സാധാരണക്കാരായ സിവിലിയന്മാർ കഷ്ടപ്പെടുന്ന സാഹചര്യം ഒഴിവാക്കപ്പെടേണ്ടതുണ്ടെന്നും കാന്തപുരം പ്രസ്താവനയിൽ പറഞ്ഞു.

ശ്വസന പ്രയാസം നേരിടുന്ന മൂന്നു വയസ്സുള്ള മകളെ രക്ഷിക്കാന്‍ പലസ്തീനിലെ ഒരു അമ്മ താൽക്കാലിക ഇൻഹേലർ കണ്ടെത്തി. തുടക്കത്തിൽ, ഗുരുതരമായ ആസ്ത്മ അറ്റാക്ക് ബാധിച്ച പെൺകുട്ടിയെ ഡോക്ടർമാർക്ക് രക്ഷിക്കാൻ കഴിഞ്ഞു. ഡോക്ടർമാരുടെ ശ്രമങ്ങൾക്കിടയിലും, ആസ്ത്മയ്ക്ക് ദീർഘകാല പരിഹാരം ആവശ്യപ്പെട്ട് ഗാസയിലെ ഫീൽഡ് ആശുപത്രിയിൽ അമ്മ ആകാംക്ഷയോടെ കാത്തിരിക്കുമ്പോൾ, 3 വയസ്സുള്ള മാരാം മന എന്ന പെണ്‍കുട്ടി ശ്വസിക്കാൻ ബുദ്ധിമുട്ടുകയായിരുന്നു. ഡോക്ടർ വാട്ടർ ബോട്ടിലിൽ ഉറപ്പിച്ച ഇൻഹേലറുമായി തിരിച്ചെത്തിയപ്പോൾ ആ അമ്മ ആശ്വാസം കൊണ്ടു. ഗാസയിലേക്കുള്ള അവശ്യസാധനങ്ങൾ ഇസ്രായേൽ രണ്ട് മാസത്തിലേറെയായി തടഞ്ഞിരിക്കുകയാണ്, വൈദ്യശാസ്ത്രപരമായി അംഗീകൃത ഉപകരണങ്ങൾ തീർന്നുപോയതിനാൽ ഡോക്ടർമാർ ഇപ്പോൾ ബദലുകൾ തേടുകയാണ്. രണ്ട് മാസത്തിലേറെയായി ഗാസയിലേക്ക് മെഡിക്കൽ സാമഗ്രികൾ ഉൾപ്പെടെയുള്ള എല്ലാ സാധനങ്ങളും സഹായങ്ങളും ഇസ്രായേൽ തടഞ്ഞതോടെ , കാലഹരണപ്പെട്ട മെഡിക്കൽ ഉപകരണങ്ങൾക്ക് പകരം ഡോക്ടർമാർ ഇപ്പോൾ തീർത്തും ബദലുകൾ തേടുകയാണ്. മൂന്ന് വയസ്സുള്ള മകൾ…

ജിദ്ദ: വിസിറ്റ് വിസയിലെത്തി ഹജ്ജ് കര്‍മ്മം നിര്‍‌വ്വഹിക്കാനൊരുങ്ങിയ 42 പേരെ 2025 ലെ ഹജ്ജ് നിയമങ്ങൾ ലംഘിച്ചതിന് അറസ്റ്റ് ചെയ്തതായി സൗദി അറേബ്യയുടെ ആഭ്യന്തര മന്ത്രാലയം മെയ് 5 തിങ്കളാഴ്ച അറിയിച്ചു. നിയമലംഘകരെ ബന്ധപ്പെട്ട അധികാരികൾക്ക് റഫർ ചെയ്തിട്ടുണ്ട്. നിയമലംഘനം സംബന്ധിച്ച ശിക്ഷകൾ അവർ തീരുമാനിക്കും. ഹജ്ജ് നിയന്ത്രിക്കുന്നതിനുള്ള ശ്രമത്തിൽ, സൗദി അധികാരികൾ നിരീക്ഷണവും നടപ്പാക്കലും ശക്തമാക്കിയിട്ടുണ്ട്. ഏപ്രിൽ 29 (ദുൽ-ഖിഅ്ദ 1) മുതൽ ദുൽ-ഹജ്ജ് 14 (ജൂൺ 10 അല്ലെങ്കിൽ 11 തീയതികളിൽ വരുമെന്ന് പ്രതീക്ഷിക്കുന്നു) വരെ, സന്ദർശന വിസ ഉടമകൾക്ക് മക്കയിൽ പ്രവേശിക്കുന്നതിനോ താമസിക്കുന്നതിനോ വിലക്കുണ്ട്. ഹജ്ജ് നിർവഹിക്കുന്നതോ ശ്രമിക്കുന്നതോ പിടിക്കപ്പെടുന്നവർക്ക് 20,000 സൗദി റിയാൽ പിഴ ചുമത്തും. അനുമതിയില്ലാതെ ഹജ്ജ് നിർവഹിക്കാൻ ഉദ്ദേശിക്കുന്ന മറ്റൊരാളുടെ പേരിൽ സന്ദർശന വിസയ്ക്ക് അപേക്ഷിക്കുകയോ, നിയന്ത്രിത കാലയളവിൽ മക്കയിൽ പ്രവേശിക്കാൻ അവരെ സഹായിക്കുകയോ ചെയ്താൽ 100,000 റിയാൽ…

ദോഹ: ജീവിതം മുഴുവന്‍ മനുഷ്യ സേവനത്തിനായി ഉഴിഞ്ഞുവെച്ച് സ്വദേശത്തും വിദേശത്തും ജനഹൃയങ്ങള്‍ കീഴടക്കി ഈ ലോകത്തോട് വിട പറഞ്ഞ കെ.മുഹമ്മദ് ഈസ എന്ന ഈസക്കയെക്കുറിച്ച് ലിപി പബ്‌ളിക്കേഷന്‍സ് പ്രസിദ്ധീകരിച്ച ഓര്‍മ പുസ്തകം ഈസക്ക എന്ന വിസ്മയം പാണക്കാട് സാദിഖലി ശിഹാബ് തങ്ങള്‍ പ്രകാശനം ചെയ്തു. മനുഷ്യ സ്‌നേഹത്തിന്റേയും സേവനത്തിന്റേയും ഉജ്വല മാതൃകയായിരുന്നു ഈസക്കയെന്നും ആ ജീവിതത്തിന്റെ ഓരോ ഏടുകളും പാഠപുസ്തകമാണെന്നും പ്രകാശനം ചെയ്ത് സംസാരിക്കവേ സാദിഖലി തങ്ങള്‍ പറഞ്ഞു. ഖത്തറിലെ സാമൂഹ്യ സാംസ്‌കാരിക വ്യാപാര മേഖലകളില്‍ സജീവമായിരുന്നതോടൊപ്പം കേരളത്തിന്റെ മുക്കുമൂലകളിലെ ജീവകാരുണ്യ പ്രവര്‍ത്തനങ്ങളിലും ഈസക്കയുടെ സാന്നിധ്യമുണ്ടായിരുന്നുവെന്ന് തങ്ങള്‍ അനുസ്മരിച്ചു. മുതിര്‍ന്ന മാധ്യമ പ്രവര്‍ത്തകനും ചന്ദ്രിക മുന്‍ പത്രാധിപരുമായിരുന്ന നവാസ് പൂനൂര്‍ പുസ്തകത്തിന്റെ ആദ്യ പ്രതി ഏറ്റുവാങ്ങി. റിയാസ് മങ്കട, പുസ്‌കത്തിന്റെ എഡിറ്റര്‍ ഡോ.അമാനുല്ല വടക്കാങ്ങര, ലിപി അക്ബര്‍ എന്നിവര്‍ സംബന്ധിച്ചു. പാണക്കാട് സാദിഖലി ശിഹാബ് തങ്ങള്‍, ഇ.ടി.മുഹമ്മദ്…

ദോഹ : ഉപജീവനാവശ്യാർത്ഥം തൊഴിൽ തേടി പ്രവാസഭൂമികയിൽ എത്തുകയും പ്രവാസത്തിൽ നാല് പതിറ്റാണ്ട് പൂർത്തിയാക്കുകയും ചെയ്ത സി.ഐ.സി. റയ്യാൻ സോണൽ പ്രവർത്തകരെ അന്തർദേശീയ തൊഴിലാളി ദിനത്തോടനുബന്ധിച്ച് സെന്റർ ഫോർ ഇന്ത്യൻ കമ്മ്യൂണിറ്റി ഖത്തർ – റയ്യാൻ സോൺ സംഘടിപ്പിച്ച പ്രത്യേക ചടങ്ങിൽ വെച്ച് ആദരിച്ചു. ഖത്തറിൽ 48 വർഷം പിന്നിട്ട തൃശൂർ ജില്ലയിലെ പാടൂർ സ്വദേശി കെ. എച്ച് കുഞ്ഞിമുഹമ്മദ്‌, നാല്പത്തി ഏഴര വർഷം പൂർത്തിയാക്കിയ പെരുമ്പാവൂർ സ്വദേശി പി.കെ. മുഹമ്മദ്‌ തുടങ്ങി കൂരിക്കളകത്ത ഹാരിസ് (കണ്ണൂർ, പാപിനിശ്ശേരി), എൻ.പി. അഷ്‌റഫ്‌ (തൃശൂർ, പുതുമനശ്ശേരി), അബ്ദുൽ സത്താർ (തൃശൂർ, കരുവന്നൂർ), എ.ടി. അബ്ദുൽ സലാം (മലപ്പുറം, പെരുമ്പടപ്പ്), റസാഖ് കാരാട്ട് (കോഴിക്കോട്, കൊടുവള്ളി), പി.വി. അബ്ദുൽ സലാം (കോഴിക്കോട്, രാമനാട്ടുകര), അബ്ദുൽ ജലീൽ എം. എം (തൃശൂർ, വെങ്കിടങ്ങ്), അമീർ ടി.കെ (തൃശൂർ, എറിയാട്), വിമൺ ഇന്ത്യ…

ദോഹ: ‘നാടിന്റെ നന്മക്ക് നമ്മളൊന്നാവണം’ എന്ന പ്രമേയത്തില്‍ പ്രവാസി വെൽഫെയർ ആൻഡ് കൾച്ചറൽ ഫോറം സംഘടിപ്പിക്കുന്ന സാഹോദര്യ കാലത്തിന്‌ തുടക്കമായി. പ്രവാസി വെല്‍ഫെയര്‍ സ്ഥാപക ദിനമായ മെയ് രണ്ടിന് നടന്ന പരിപാടിയിൽ സാഹോദര്യക്കാലത്തിന്റെ പ്രഖ്യാപനം വെൽഫെയർ പാർട്ടി സംസ്ഥാന പ്രസിഡണ്ട് റസാഖ് പാലേരി വീഡിയോ കോൺഫറൻസിലൂടെ നിർവഹിച്ചു. നമ്മുടെ രാജ്യം ഉയർത്തിപ്പിടിക്കുന്ന സാഹോദര്യത്തിന്റെ നന്മകൾ പ്രവാസി സമൂഹത്തിൽ പ്രസരിപ്പിക്കാൻ നമുക്ക് സാധിക്കണമെന്ന് അദ്ദേഹം പറഞ്ഞു. നമ്മുടെ നാടിനെയും സമൂഹത്തെയും ഗ്രസിച്ച് കൊണ്ടിരിക്കുന്ന വംശീയതയുടെ വിദ്വേഷത്തിന്റെയും തിന്മകളെ പ്രതിരോധിക്കുകയും പ്രവാസ ലോകത്തെ സാമൂഹ്യ സൗഹാർദത്തിന്റെ മാതൃകകൾ ഉയർത്തിക്കാണിക്കുകയുമാണ് സാഹോദര്യകാല പ്രവർത്തനങ്ങളിലൂടെ ലക്ഷ്യം വെക്കുന്നത്. മെയ്‌ ഒന്നു മുതൽ സെപ്റ്റംബർ 30 വരെ നീണ്ടു നിൽക്കുന്ന സാഹോദര്യകാല പ്രചരണ ഘട്ടത്തിൽ സമകാലിക സാമൂഹ്യ വിഷയങ്ങളിൽ വിശിഷ്യാ പ്രവാസി വിഷയങ്ങളിൽ വിവിധ പരിപാടികൾ സംഘടിപ്പിക്കും. തൊഴില്‍ രംഗത്തെ അഭിവൃധിക്കും വ്യക്തിത്വ വികാസത്തിനുമുതകുന്ന…

ബഹ്റൈന്‍: കൊല്ലം പ്രവാസി അസോസിയേഷൻ ലോക തൊഴിലാളി ദിനം കിംഗ് ഹമദ് യൂണിവേഴ്സിറ്റി ഹോസ്പിറ്റലിൽ വെച്ച് സംഘടിപ്പിച്ച കെ.പി.എ സ്നേഹസ്പർശം 17-ാമത് രക്തദാന ക്യാമ്പ്, വനിതാ വിഭാഗം പ്രവാസിശ്രീയുടെ നേതൃത്വത്തിൽ ജുർദാബിൽ വനിതാ തൊഴിലാളികളോടൊപ്പവും, ഹമദ് ടൗൺ ഏരിയ കമ്മിറ്റിയുടെ ആഭിമുഖ്യത്തിൽ സർവാൻ ഫൈബർ ഗ്ലാസ് ഫാക്ടറി തൊഴിലാളികളോടൊപ്പവും വിവിധ പരിപാടികളോടെ അതിവിപുലമായി രീതിയിൽ ആഘോഷിച്ചു. മെയ് ഒന്നിന് രാവിലെ കിംഗ് ഹമദ് യൂണിവേഴ്സിറ്റി ഹോസ്പിറ്റലിൽ വെച്ച് സംഘടിപ്പിച്ച കെ.പി.എ സ്നേഹസ്പർശം 17 -മതു രക്തദാന ക്യാമ്പിൽ 60-ൽപരം പ്രവാസികൾ രക്തദാനം നടത്തി. ക്യാമ്പ് ഗുരുദേവ സോഷ്യൽ സൊസൈറ്റി ചെയർമാൻ സനീഷ് കൂറുമുള്ളിൽ ഉത്‌ഘാടനം ചെയ്യ്തു. കെപിഎ പ്രസിഡന്റ് അനോജ് മാസ്റ്റർ അദ്ധ്യക്ഷത വഹിച്ച ചടങ്ങിൽ, ബ്ലഡ് ഡൊണേഷൻ കൺവീനർ വിഎം പ്രമോദ് സ്വാഗതവും, കെ പി എ ജനറൽ സെക്രട്ടറി പ്രശാന്ത് പ്രബുദ്ധൻ, വൈസ് പ്രസിഡന്റ്…

സി.ഐ.സി  വിദ്യാഭ്യാസ ബോർഡിന് കീഴില്‍  ഖത്തറിലെ വ്യത്യസ്ത ഭാഗങ്ങളില്‍ നടന്ന് വരുന്ന അല്‍ മദ്രസ അല്‍ ഇസ്‌ലാമിയ മലയാളം, ഇംഗ്ലീഷ് മീഡിയം മദ്രസകളിലെ പുതിയ അദ്ധ്യയന വർഷം മെയ് രണ്ടാം വാരം  ആരംഭിക്കും. ദോഹ (അബൂഹമൂർ), ശാന്തി നികേതന്‍ ഇന്ത്യന്‍ സ്കൂൾ, അല്‍ ഖോര്‍, ബിന്‍ ഉമ്രാന്‍,  വക്ര ജാസിം സ്കൂള്‍ എന്നീ മലയാളം മീഡിയം  മദ്രസകളിലും,   വക്ര, മദീന ഖലീഫ എന്നിവിടങ്ങളിലുള്ള  ഇഗ്ലീഷ് മീഡിയം മദ്രസകളിലും അഡ്മിഷന്‍ തുടരുന്നതായി ഭാരവാഹികള്‍ അറിയിച്ചു. മൂന്ന് പതിറ്റാണ്ടുകാലായി  വിപുലമായ സൌകര്യങ്ങളോട് കൂടി  ഖത്തറില്‍ വ്യവസ്ഥാപിതമായി നടന്നു വരുന്ന മദ്രകളില്‍ അറബിക്ക്, ഖുര്‍ആന്‍, ഹദീസ് , ഇസ്‌ലാമിക പാഠങ്ങള്‍ കൂടാതെ കുട്ടികളുടെ ഇസ്ളാമിക വ്യക്തി വികാസത്തിനുള്ള പരിശീലനങ്ങളും നടത്തി വരുന്നു. പുതിയ അധ്യയന വര്‍ഷത്തില്‍ കെ.ജി മുതല്‍ 10 വരെയുള്ള ക്ലാസുകളിലേക്ക് അഡ്മിഷന്‍ ആവശ്യമുള്ളവര്‍ ദോഹ (55839378), വക്ര…

ദുബൈ: യൂണിയൻ കോപ് ദുബായ് നദ് അൽ ഷെബ മാളിൽ പുതിയ ഷോറൂം തുടങ്ങി. റീട്ടെയിൽ മേഖലയിലെ പ്രമുഖ ബ്രാൻഡായ യൂണിയൻ കോപിന്റെ 28-ാമത് ശാഖയാണിത്. യൂണിയൻ കോപ് ചെയർമാൻ മജീദ് ഹമദ് റഹ്മ അൽ ശംസി, സി.ഇ.ഒ മുഹമ്മദ് അൽ ഹഷെമി എന്നിവർ പുതിയ ശാഖ ഉദ്ഘാടനം ചെയ്തു. പുതിയ, ആധുനിക രീതിയിലുള്ള ശാഖ യു.എ.ഇയുടെ റീട്ടെയിൽ വികസനത്തിന് ഉതകുന്നതാണെന്ന് അൽ ഹഷെമി പറഞ്ഞു. ദുബായിലെ ഉപയോക്താക്കളുടെ പ്രതീക്ഷകൾക്ക് അനുസരിച്ച് പ്രവർത്തന മികവ് പുലർത്താൻ തങ്ങൾക്ക് കഴിയുമെന്നും അദ്ദേഹം പറഞ്ഞു. നദ് അൽ ഷെബ 2,3,4 മേഖലകളിലും ചുറ്റുമുള്ളവർക്കും ശാഖ പ്രയോജനപ്പെടുത്താനാകും.