കൊച്ചി: യുവനടിയെ പീഡിപ്പിച്ച കേസിൽ വിദേശത്ത് ഒളിവിൽ കഴിയുന്ന നടനും നിർമ്മാതാവുമായ വിജയ് ബാബു തിരിച്ചെത്തിയാലുടൻ പോലീസ് പിടിയിലാകും. അതേസമയം വിജയ് ബാബുവിന് ക്രെഡിറ്റ് കാർഡുകളും മറ്റും കൈമാറിയ യുവനടനെ ചോദ്യം ചെയ്യുമെന്ന് പോലീസ് പറഞ്ഞു. ഉപതെരഞ്ഞെടുപ്പിന് ശേഷമായിരിക്കും ചോദ്യം ചെയ്യല്. വിജയ് ബാബുവിന്റെ ദുബായിലെ ഒളിത്താവളം കണ്ടെത്താനാന് ഇത് ഉപകരിക്കും എന്നാണ് പോലീസിന്റെ കണക്കുകുട്ടല്. അതേസമയം, വിജയ് ബാബു ഉടൻ നാട്ടിലേക്ക് മടങ്ങില്ലെന്ന് സൂചനയുണ്ട്. മെയ് 30-ന് നാട്ടിലെത്തുമെന്നാണ് വിജയ് ബാബു ഹൈക്കോടതിയെ അറിയിച്ചിരിക്കുന്നത്. എന്നാല്, വിമാന ടിക്കറ്റ് റദ്ദാക്കി യാത്ര നീട്ടിവയ്ക്കുമോയെന്നും പൊലീസ് സംശയിക്കുന്നുണ്ട്. യുവനടനെ കൂടാതെ മറ്റു ചിലരും വിജയ് ബാബുവിന് സഹായം എത്തിച്ചതായി പൊലീസ് കണ്ടെത്തിയിട്ടുണ്ട്. ഇവരെയെല്ലാം അടുത്ത ദിവസങ്ങളിൽ ചോദ്യം ചെയ്യും. വിജയ് ബാബുവിന്റെ സുഹൃത്തായ നടിയേയും ചോദ്യം ചെയ്യും. വിവാഹ മോചിതായായ ഇവർ കേസ് അട്ടിമറിക്കാൻ ശ്രമിച്ചുവെന്നാണ് ആരോപണം.…
ദുബായില് നിന്ന് തിരിച്ചെത്തുന്ന വിജയ് ബാബുവിനെ അറസ്റ്റു ചെയ്യാന് തയ്യാറായി പോലീസ്
