Category: POLITICS

വാഷിംഗ്ടൺ ഡി.സി.: അമേരിക്കൻ ഇടക്കാല തിരഞ്ഞെടുപ്പിൽ റിപ്പബ്ലിക്കൻ പാർട്ടിക്കുണ്ടായ തിരിച്ചടിക്ക് പിന്നാലെ പ്രസിഡന്റ് ഡൊണാൾഡ് ട്രംപിന്റെ ഭരണകൂടത്തിൽ ഉന്നതതല രാജി. യുഎസ് നീതിന്യായ വകുപ്പിലെ സിവിൽ റൈറ്റ്സ് ഡിവിഷൻ മേധാവിയും അസിസ്റ്റന്റ് അറ്റോർണി ജനറലുമായ ഇന്ത്യൻ വംശജ ഹർമീത് ധില്ലൺ (Harmeet Dhillon) സ്ഥാനമൊഴിഞ്ഞു. നവംബർ അഞ്ചിന് അറ്റോർണി ജനറൽ ടോഡ് ബ്ലാഞ്ചാണ് രാജി സ്ഥിരീകരിച്ചത്. നവംബർ മൂന്നിന് നടന്ന ഇടക്കാല തിരഞ്ഞെടുപ്പിൽ ഡെമോക്രാറ്റുകൾ കോൺഗ്രസിന്റെ ഇരുസഭകളിലും ഭൂരിപക്ഷം തിരിച്ചുപിടിച്ചതിനു പിന്നാലെയാണ് രാജിവാർത്ത പുറത്തുവന്നത്. തിരഞ്ഞെടുപ്പിനുശേഷം ട്രംപ് ഭരണകൂടത്തിൽനിന്ന് സ്ഥാനമൊഴിയുന്ന ആദ്യ ഉന്നത ഉദ്യോഗസ്ഥരിൽ ഒരാളാണ് ധില്ലൺ. 2025 ഏപ്രിലിൽ ചുമതലയേറ്റ ധില്ലൺ നീതിന്യായ വകുപ്പിന്റെ സിവിൽ റൈറ്റ്സ് വിഭാഗത്തിൽ വ്യാപകമായ നയപരമായ മാറ്റങ്ങൾ നടപ്പാക്കിയിരുന്നു. സർവകലാശാലകളിലെ വിവേചനാരോപണങ്ങൾ, യഹൂദവിരുദ്ധ പ്രവർത്തനങ്ങൾ, മതസ്വാതന്ത്ര്യം, വോട്ടർ പട്ടികകളുടെ പരിശോധന, തോക്ക് കൈവശം വയ്ക്കാനുള്ള ഭരണഘടനാപരമായ അവകാശം തുടങ്ങിയ വിഷയങ്ങളിൽ…

Read More

ചിക്കാഗോ:  അന്താരാഷ്ട്ര കായികവേദികളിൽ അമേരിക്കയ്ക്കുവേണ്ടി രണ്ട് പാരാലിമ്പിക് സ്വർണമെഡലുകൾ നേടിയ വീൽചെയർ ബാസ്കറ്റ്ബോൾ താരം ജോഷ് ട്യൂറെക് ഇനി അമേരിക്കൻ സെനറ്റിലേക്ക്. നവംബർ മൂന്നിന് നടന്ന ഇടക്കാല തിരഞ്ഞെടുപ്പിൽ അയോവ സംസ്ഥാനത്തുനിന്ന് ഡെമോക്രാറ്റിക് സ്ഥാനാർഥിയായി മത്സരിച്ച ട്യൂറെക്, പ്രസിഡന്റ് ഡൊണാൾഡ് ട്രംപിന്റെ പിന്തുണയുണ്ടായിരുന്ന റിപ്പബ്ലിക്കൻ സ്ഥാനാർഥി ആഷ്‌ലി ഹിൻസണെ പരാജയപ്പെടുത്തിയാണ് ചരിത്രനേട്ടം കൈവരിച്ചത്. അമേരിക്കൻ വാർത്താ ഏജൻസിയായ അസോസിയേറ്റഡ് പ്രസ് നവംബർ മൂന്നിന് രാത്രി ട്യൂറെക്കിന്റെ വിജയം പ്രഖ്യാപിച്ചു. നവംബർ നാലിന് പുലർച്ചെ ലഭ്യമായ അനൗദ്യോഗിക കണക്കുകൾ പ്രകാരം ട്യൂറെക്കിന് ഏകദേശം 50.5 ശതമാനവും ഹിൻസണിന് 46.4 ശതമാനവും വോട്ടുകൾ ലഭിച്ചു. ലിബർട്ടേറിയൻ സ്ഥാനാർഥി തോമസ് ലെയ്നും മത്സരരംഗത്തുണ്ടായിരുന്നു. റിപ്പബ്ലിക്കൻ സെനറ്റർ ജോണി ഏൺസ്റ്റ് വീണ്ടും മത്സരിക്കേണ്ടതില്ലെന്ന് തീരുമാനിച്ചതിനെത്തുടർന്ന് ഒഴിവുവന്ന സീറ്റിലേക്കായിരുന്നു തിരഞ്ഞെടുപ്പ്. ട്യൂറെക്കിന്റെ വിജയത്തോടെ ഒരു പതിറ്റാണ്ടിലധികത്തിനുശേഷമാണ് അയോവയിൽനിന്ന് ഒരു ഡെമോക്രാറ്റ് അമേരിക്കൻ സെനറ്റിലേക്ക് തിരഞ്ഞെടുക്കപ്പെടുന്നത്.…

Read More

വാഷിങ്ടൺ ഡി.സി.: അമേരിക്കൻ ഇടക്കാല തിരഞ്ഞെടുപ്പിൽ റിപ്പബ്ലിക്കൻ പാർട്ടിക്ക് കനത്ത തിരിച്ചടി നേരിട്ടതിനു പിന്നാലെ ജനപ്രതിനിധിസഭയിലെ സ്പീക്കർ മൈക്ക് ജോൺസൺ പാർട്ടിയുടെ നേതൃസ്ഥാനത്തുനിന്ന് പിന്മാറാൻ തീരുമാനിച്ചു. അടുത്ത കോൺഗ്രസിൽ റിപ്പബ്ലിക്കൻ പാർട്ടിയുടെ ന്യൂനപക്ഷ നേതാവ് (House Minority Leader) സ്ഥാനത്തേക്ക് മത്സരിക്കില്ലെന്ന് ബുധനാഴ്ച രാവിലെ അദ്ദേഹം തന്റെ ജീവനക്കാരെ അറിയിച്ചു. നവംബർ മൂന്നിന് നടന്ന തിരഞ്ഞെടുപ്പിൽ ഡെമോക്രാറ്റിക് പാർട്ടി ജനപ്രതിനിധിസഭയുടെയും സെനറ്റിന്റെയും നിയന്ത്രണം നേടിയതോടെയാണ് റിപ്പബ്ലിക്കൻ നേതൃത്വത്തിൽ അഴിച്ചുപണിക്ക് വഴിയൊരുങ്ങിയത്. പ്രസിഡന്റ് ഡൊണാൾഡ് ട്രംപുമായി സംസാരിച്ചതിനു പിന്നാലെയാണ് ജോൺസൺ തീരുമാനം അറിയിച്ചതെന്നാണ് റിപ്പോർട്ടുകൾ. അതേസമയം, മൈക്ക് ജോൺസൺ കോൺഗ്രസ് അംഗത്വം രാജിവയ്ക്കുന്നില്ല. ലൂസിയാനയിലെ നാലാം കോൺഗ്രസ് മണ്ഡലത്തിൽനിന്ന് ഏകദേശം 58.5 ശതമാനം വോട്ടുകൾ നേടി അദ്ദേഹം വീണ്ടും വിജയിച്ചു. ജനുവരി മൂന്നിന് ആരംഭിക്കുന്ന പുതിയ കോൺഗ്രസിലും അദ്ദേഹം സാധാരണ അംഗമായി തുടരുമെന്നാണ് പ്രതീക്ഷിക്കുന്നത്. 2023 ഒക്ടോബറിൽ കെവിൻ…

Read More

ചിക്കാഗോ: കേരളത്തിലെ തിരഞ്ഞെടുപ്പുകളിൽ പരിചിതമായ ‘അപരൻ’ പ്രതിഭാസം അമേരിക്കൻ തിരഞ്ഞെടുപ്പിലും വലിയ രാഷ്ട്രീയ വിവാദത്തിന് വഴിയൊരുക്കിയിരിക്കുകയാണ്. അലാസ്കയിലെ അമേരിക്കൻ സെനറ്റ് തിരഞ്ഞെടുപ്പിൽ നിലവിലെ റിപ്പബ്ലിക്കൻ സെനറ്റർ ഡാൻ സള്ളിവന്റെ അതേ പേരിൽ മറ്റൊരു സ്ഥാനാർഥി മത്സരിച്ചതാണ് ദേശീയശ്രദ്ധ നേടിയിരിക്കുന്നത്. തിരഞ്ഞെടുപ്പിൽ ഇരുവരും വോട്ടുകൾ നേടിയതോടെ വോട്ടർമാരെ തെറ്റിദ്ധരിപ്പിക്കാൻ ബോധപൂർവമായ ശ്രമം നടന്നിട്ടുണ്ടോയെന്ന ചോദ്യം ഉയർന്നിരിക്കുകയാണ്. റിപ്പബ്ലിക്കൻ പാർട്ടിയുടെ നിലവിലെ സെനറ്റർ ഡാനിയൽ എസ്. സള്ളിവൻ വീണ്ടും തിരഞ്ഞെടുപ്പിനെ നേരിടുമ്പോഴാണ് വിരമിച്ച അധ്യാപകനായ ഡാനിയൽ ജെ. സള്ളിവൻ ജൂനിയർ മത്സരരംഗത്തെത്തിയത്. ഒരേ പേരിലുള്ള രണ്ട് സ്ഥാനാർഥികൾ വോട്ടിങ് പേപ്പറിൽ ഇടംപിടിച്ചതോടെ തിരഞ്ഞെടുപ്പിന്റെ സുതാര്യതയെക്കുറിച്ച് ചോദ്യങ്ങൾ ഉയർന്നു. നവംബർ മൂന്നിന് നടന്ന തിരഞ്ഞെടുപ്പിന്റെ നവംബർ നാലിലെ അനൗദ്യോഗിക കണക്കുകൾ പ്രകാരം ഡെമോക്രാറ്റിക് സ്ഥാനാർഥിയും മുൻ കോൺഗ്രസ് അംഗവുമായ മേരി പെൽറ്റോള നിലവിലെ സെനറ്റർ ഡാൻ സള്ളിവനെക്കാൾ 626 വോട്ടുകൾക്ക് മുന്നിലാണ്.…

Read More

വാഷിംഗ്ടൺ: അമേരിക്കൻ ഇടക്കാല തിരഞ്ഞെടുപ്പിൽ റിപ്പബ്ലിക്കൻ പാർട്ടിക്കുണ്ടായ കനത്ത തിരിച്ചടിക്കു പിന്നാലെ, ഇറാനെതിരായ എട്ടുമാസം നീണ്ട യുദ്ധത്തിന്റെ ഭാവിയെക്കുറിച്ച് നിർണായക തീരുമാനമെടുക്കേണ്ട സാഹചര്യത്തിലാണ് പ്രസിഡന്റ് ഡൊണാൾഡ് ട്രംപ്. അമേരിക്കൻ ജനതയ്ക്കിടയിൽ യുദ്ധത്തിനെതിരായ അതൃപ്തി ശക്തമായിരിക്കെ, സൈനിക നടപടികൾ കടുപ്പിക്കണോ അതോ നയതന്ത്ര പരിഹാരത്തിലേക്ക് നീങ്ങണോ എന്നതാണ് ട്രംപിനു മുന്നിലുള്ള പ്രധാന ചോദ്യം. അമേരിക്കൻ തിരഞ്ഞെടുപ്പ് പൂർത്തിയായശേഷവും ഇറാൻ അംഗീകരിക്കാവുന്ന വ്യവസ്ഥകളിൽ ധാരണയിലെത്തിയില്ലെങ്കിൽ ശക്തമായ ബോംബാക്രമണം പുനരാരംഭിക്കുമെന്ന് ട്രംപ് കഴിഞ്ഞ ഏതാനും ആഴ്ചകളായി മുന്നറിയിപ്പ് നൽകിയിരുന്നു. എന്നാൽ തിരഞ്ഞെടുപ്പിൽ ഡെമോക്രാറ്റുകൾ നേടിയ വൻവിജയം അദ്ദേഹത്തിന്റെ കണക്കുകൂട്ടലുകളെ സങ്കീർണമാക്കിയിരിക്കുകയാണ്. യുദ്ധം റിപ്പബ്ലിക്കൻ പാർട്ടിയുടെ തിരഞ്ഞെടുപ്പ് സാധ്യതകളെ പ്രതികൂലമായി ബാധിച്ചുവെന്ന വൈസ് പ്രസിഡന്റ് ജെ.ഡി. വാൻസിന്റെ വിലയിരുത്തലിനോട് ട്രംപ് ബുധനാഴ്ച വലിയൊരളവിൽ യോജിച്ചു. ഇന്ധനവിലയിലുണ്ടായ വർധനയാണ് തിരഞ്ഞെടുപ്പ് തിരിച്ചടിക്ക് കാരണമായതെന്ന് അദ്ദേഹം സമ്മതിച്ചു. “അത് ഏറെക്കുറെ ശരിയാണ്. കാരണം യുദ്ധം പെട്രോളിയം…

Read More

വാഷിംഗ്ടൺ ഡി.സി.: 2026 നവംബർ മൂന്നിന് നടന്ന അമേരിക്കൻ ഇടക്കാല തിരഞ്ഞെടുപ്പിൽ ഡെമോക്രാറ്റിക് പാർട്ടിയിലെ വനിതാ സ്ഥാനാർത്ഥികൾ കൈവരിച്ച വിജയങ്ങൾ അമേരിക്കൻ രാഷ്ട്രീയചരിത്രത്തിൽ പുതിയ അധ്യായം കുറിക്കുന്നു. ജോർജിയ, ടെക്സസ്, ന്യൂ മെക്സിക്കോ, ഒഹായോ തുടങ്ങിയ സംസ്ഥാനങ്ങളിൽ ചരിത്രപരമായ നേട്ടങ്ങൾ കൈവരിച്ച വനിതകൾ രാഷ്ട്രീയ നേതൃത്വത്തിൽ സ്ത്രീകളുടെ വർധിച്ചുവരുന്ന സ്വാധീനം വ്യക്തമാക്കുന്നു. ജോർജിയയിൽ മുൻ അറ്റ്ലാന്റ മേയർ കീഷ ലാൻസ് ബോട്ടംസ് ഗവർണറായി തിരഞ്ഞെടുക്കപ്പെട്ടതോടെ അമേരിക്കൻ ചരിത്രത്തിൽ ഒരു സംസ്ഥാനത്തിന്റെ ഗവർണറായി തിരഞ്ഞെടുക്കപ്പെടുന്ന ആദ്യ ആഫ്രിക്കൻ അമേരിക്കൻ വനിതയെന്ന നേട്ടം സ്വന്തമാക്കി. റിപ്പബ്ലിക്കൻ സ്ഥാനാർത്ഥി റിക്ക് ജാക്സണെയാണ് അവർ പരാജയപ്പെടുത്തിയത്. രണ്ട് പതിറ്റാണ്ടിലേറെ നീണ്ട റിപ്പബ്ലിക്കൻ ഭരണത്തിന് ഇതോടെ ജോർജിയയിൽ വിരാമമായി. ടെക്സസിൽ ഡെമോക്രാറ്റിക് സ്ഥാനാർത്ഥി ജീന ഹിനോഹോസ നിലവിലെ റിപ്പബ്ലിക്കൻ ഗവർണർ ഗ്രെഗ് അബോട്ടിനെ പരാജയപ്പെടുത്തി ചരിത്രവിജയം നേടി. ടെക്സസിന്റെ ചരിത്രത്തിലെ ആദ്യ ലാറ്റിന വംശജയായ…

Read More

വാഷിംഗ്ടൺ: അമേരിക്കൻ രാഷ്ട്രീയചരിത്രത്തിൽ നിർണായകമായ മറ്റൊരു നാഴികക്കല്ല് കുറിക്കാൻ ഡെമോക്രാറ്റിക് പാർട്ടിയുടെ പ്രമുഖ നേതാവ് ഹക്കീം ജെഫ്രീസ് ഒരുങ്ങുന്നു. ഇടക്കാല തെരഞ്ഞെടുപ്പിൽ റിപ്പബ്ലിക്കൻ പാർട്ടിയെ പരാജയപ്പെടുത്തി ജനപ്രതിനിധിസഭയുടെ നിയന്ത്രണം ഡെമോക്രാറ്റുകൾ സ്വന്തമാക്കിയെന്ന റിപ്പോർട്ടുകൾക്കിടെ, രാജ്യത്തിന്റെ ചരിത്രത്തിലെ ആദ്യ കറുത്തവർഗക്കാരനായ ഹൗസ് സ്പീക്കറായി ജെഫ്രീസ് തെരഞ്ഞെടുക്കപ്പെടാനുള്ള സാധ്യതയാണ് രാഷ്ട്രീയവൃത്തങ്ങളിൽ ചർച്ചയാകുന്നത്. ജനുവരി മൂന്നിന് പുതിയ കോൺഗ്രസ് സമ്മേളിക്കുമ്പോൾ നടക്കുന്ന സ്പീക്കർ തെരഞ്ഞെടുപ്പിൽ ജെഫ്രീസ് വിജയിച്ചാൽ, അമേരിക്കൻ ജനാധിപത്യത്തിന്റെ ചരിത്രത്തിൽ അതൊരു സുപ്രധാന സംഭവമായി മാറും. രാജ്യത്തിന്റെ ഭരണഘടനാപരമായ അധികാരഘടനയിൽ അതീവ പ്രാധാന്യമുള്ള പദവിയാണ് ജനപ്രതിനിധിസഭാ സ്പീക്കറുടേത്. പ്രസിഡന്റിന്റെ പിൻഗാമിത്വക്രമത്തിൽ വൈസ് പ്രസിഡന്റിന് തൊട്ടുപിന്നിലാണ് സ്പീക്കറുടെ സ്ഥാനം. നിയമനിർമാണ നടപടികൾ നിയന്ത്രിക്കുന്നതിലും ഭരണകൂടത്തിന്റെ പ്രവർത്തനങ്ങൾക്ക് മേൽനോട്ടം വഹിക്കുന്നതിലും ദേശീയ രാഷ്ട്രീയ അജണ്ട രൂപപ്പെടുത്തുന്നതിലും സ്പീക്കർ നിർണായക പങ്കുവഹിക്കുന്നു. അമേരിക്കയുടെ കാപ്പിറ്റോൾ മന്ദിരത്തിന്റെ നിർമാണചരിത്രം ആഫ്രിക്കൻ അമേരിക്കക്കാരുടെ അടിമവേലയുമായി ബന്ധപ്പെട്ടിരിക്കുന്നുവെന്ന പശ്ചാത്തലത്തിൽ,…

Read More

2026 നവംബർ 3-ന് നടന്ന അമേരിക്കൻ മിഡ്‌ടേം തിരഞ്ഞെടുപ്പിൽ ഡെമോക്രാറ്റിക് പാർട്ടി കോൺഗ്രസിന്റെ ഇരുസഭകളിലും വിജയം നേടിയത് രാജ്യത്തിന്റെ രാഷ്ട്രീയ ദിശയിൽ നിർണായകമായ മാറ്റത്തിന് വഴിയൊരുക്കിയിരിക്കുകയാണ്. പരമ്പരാഗതമായി റിപ്പബ്ലിക്കൻ പാർട്ടിക്ക് ശക്തമായ പിന്തുണയുണ്ടായിരുന്ന സംസ്ഥാനങ്ങളിലും ഡെമോക്രാറ്റുകൾ നേട്ടമുണ്ടാക്കി. ജീവിതച്ചെലവിലെ വർധന, സാമ്പത്തിക അനിശ്ചിതത്വം, ഭരണനയങ്ങളോടുള്ള അതൃപ്തി തുടങ്ങിയവ വോട്ടർമാരുടെ തീരുമാനത്തെ സ്വാധീനിച്ചതായി വിലയിരുത്തപ്പെടുന്നു. അതേസമയം, ഇടതുപക്ഷ-സോഷ്യലിസ്റ്റ് ആശയങ്ങൾക്കും സർക്കാരിന്റെ അധിക ഇടപെടലിനും കൂടുതൽ പ്രാധാന്യം നൽകുന്ന രാഷ്ട്രീയ നിലപാടുകളുടെ ദീർഘകാല പ്രത്യാഘാതങ്ങളെക്കുറിച്ച് ഗൗരവമായ ചർച്ച ആവശ്യമാണ്. അമേരിക്കയുടെ ശക്തി ഭരണഘടന, വ്യക്തിസ്വാതന്ത്ര്യം, നിയമവാഴ്ച, സ്വകാര്യ സംരംഭകത്വം, സാമ്പത്തിക അവസരങ്ങൾ എന്നിവയിലാണ് അധിഷ്ഠിതമായിരിക്കുന്നത്. അധികാരത്തിലെത്തുന്നവർ പാർട്ടി താൽപര്യങ്ങൾക്കപ്പുറം രാജ്യത്തിന്റെ താൽപര്യങ്ങൾക്കും ഭരണഘടനയ്ക്കും ജനങ്ങളുടെ അവകാശങ്ങൾക്കും മുൻഗണന നൽകണം. ഈ തിരഞ്ഞെടുപ്പ് റിപ്പബ്ലിക്കൻ പാർട്ടിക്കും ഒരു മുന്നറിയിപ്പാണ്. ജനങ്ങളുടെ സാമ്പത്തിക ആശങ്കകൾക്കും ഭരണത്തോടുള്ള അതൃപ്തിക്കും ഫലപ്രദമായ പരിഹാരങ്ങൾ നൽകുന്നതിൽ പാർട്ടി…

Read More

ഫ്ലോറിഡ: അമേരിക്കൻ ഇടക്കാല തിരഞ്ഞെടുപ്പിൽ ചരിത്രനേട്ടവുമായി റിപ്പബ്ലിക്കൻ നേതാവ് ബൈറൺ ഡൊണാൾഡ്സ് ഫ്ലോറിഡയുടെ ഗവർണറായി തിരഞ്ഞെടുക്കപ്പെട്ടു. സംസ്ഥാനത്തിന്റെ ചരിത്രത്തിൽ ഗവർണർ സ്ഥാനത്തേക്ക് തിരഞ്ഞെടുക്കപ്പെടുന്ന ആദ്യ കറുത്തവർഗക്കാരനാണ് ഡൊണാൾഡ്സ്. അമേരിക്കയുടെ ചരിത്രത്തിൽ തിരഞ്ഞെടുപ്പിലൂടെ ഗവർണർ പദവിയിലെത്തുന്ന ആദ്യ കറുത്തവർഗക്കാരനായ റിപ്പബ്ലിക്കൻ നേതാവെന്ന റെക്കോർഡും അദ്ദേഹത്തിന് സ്വന്തമായി. നവംബർ മൂന്നിന് നടന്ന തിരഞ്ഞെടുപ്പിൽ ഡെമോക്രാറ്റിക് സ്ഥാനാർഥിയും മുൻ കോൺഗ്രസ് അംഗവുമായ ഡേവിഡ് ജോളിയെയാണ് ഡൊണാൾഡ്സ് പരാജയപ്പെടുത്തിയത്. നവംബർ നാലിലെ പ്രാഥമിക കണക്കുകൾ പ്രകാരം ഡൊണാൾഡ്സിന് 50.02 ശതമാനവും ജോളിക്ക് 48.71 ശതമാനവും വോട്ടുകൾ ലഭിച്ചു. ഏകദേശം 1.08 ലക്ഷം വോട്ടുകളുടെ ഭൂരിപക്ഷത്തിലാണ് വിജയം. അമേരിക്കൻ ജനപ്രതിനിധിസഭയിൽ ഫ്ലോറിഡയെ പ്രതിനിധീകരിച്ചിരുന്ന ഡൊണാൾഡ്സ് പ്രസിഡന്റ് ഡൊണാൾഡ് ട്രംപിന്റെ പിന്തുണയോടെയാണ് ഗവർണർ സ്ഥാനത്തേക്ക് മത്സരിച്ചത്. തുടർച്ചയായി രണ്ട് കാലാവധി പൂർത്തിയാക്കിയതിനാൽ വീണ്ടും മത്സരിക്കാൻ കഴിയാതിരുന്ന നിലവിലെ ഗവർണർ റോൺ ഡിസാന്റിസിന്റെ പിൻഗാമിയായാണ് അദ്ദേഹം അധികാരമേൽക്കുന്നത്.…

Read More

വാഷിംഗ്ടൺ :ഭരണകൂടത്തിനെതിരെയുള്ള ജനങ്ങളുടെ വ്യക്തമായ ജനവിധിയാണെന്ന് മുൻ വൈസ് പ്രസിഡന്റ് കമല ഹാരിസ്.”തിരഞ്ഞെടുപ്പ് ദിനത്തിൽ അമേരിക്കൻ ജനത ഉറക്കെയും വ്യക്തമായും തങ്ങളുടെ നിലപാട് വ്യക്തമാക്കിയിരിക്കുന്നു: വൈറ്റ് ഹൗസിൽ നിന്നുള്ള അഴിമതിയും അപ്രാപ്തിയും ക്രൂരതയും, റിപ്പബ്ലിക്കൻ നേതാക്കളുടെ കീഴടങ്ങലും കണ്ട് അവർ മടുത്തിരിക്കുന്നു,” ബുധനാഴ്ച രാവിലെ പുറപ്പെടുവിച്ച പ്രസ്താവനയിൽ കമല ഹാരിസ് വ്യക്തമാക്കി. വിവിധ സംസ്ഥാനങ്ങളിലെ പ്രചാരണങ്ങളിൽ പങ്കെടുത്ത കാര്യം ഓർമ്മിപ്പിച്ചുകൊണ്ട്, “വേദനകളെ ലക്ഷ്യബോധമുള്ളതും കോപത്തെ പ്രവർത്തനവുമാക്കി മാറ്റാനുള്ള ജനങ്ങളുടെ നിശ്ചയദാർഢ്യം ഞാൻ നേരിട്ട് കണ്ടു” എന്ന് അവർ കൂട്ടിച്ചേർത്തു.ഗവർണർ പദവികളിലും സംസ്ഥാന നിയമസഭകളിലും യു.എസ് കോൺഗ്രസിന്റെ ഇരു സഭകളിലും ഭൂരിപക്ഷം നേടിയ സാഹചര്യത്തിൽ, ജനങ്ങൾക്ക് നൽകിയ വാഗ്ദാനങ്ങൾ പാലിക്കുന്നതിൽ പാർട്ടി ശ്രദ്ധ കേന്ദ്രീകരിക്കണമെന്ന് ഹാരിസ് ആവശ്യപ്പെട്ടു. സാധാരണക്കാരായ കുടുംബങ്ങൾക്ക് സാമ്പത്തിക ആശ്വാസം നൽകാനും ഭരണകൂടത്തിന്റെ അഴിമതിക്കെതിരെ ശക്തമായി നിലകൊള്ളാനും ജനങ്ങൾ ആവശ്യപ്പെടുന്നുവെന്ന് അവർ പറഞ്ഞു.കോൺഗ്രസിന്റെ ഇരുസഭകളിലും ഭൂരിപക്ഷം…

Read More