Category: KERALA

തിരുവനന്തപുരം: പബ്ലിക് സർവീസ് കമ്മീഷൻ (പിഎസ്‌സി) പരീക്ഷകളുമായി ബന്ധപ്പെട്ട തട്ടിപ്പ് കേസുകളിൽ അന്വേഷണം കൂടുതൽ പേരിലേക്ക് വ്യാപിപ്പിക്കുന്നു. മുൻ പിഎസ്‌സി ചെയർമാനും സിപിഎം നേതാവുമായ എം.കെ. സക്കീറിൽനിന്നും വിവരങ്ങൾ ശേഖരിക്കാൻ പ്രത്യേക അന്വേഷണ സംഘം ഒരുങ്ങുന്നതായാണ് റിപ്പോർട്ട്. കേസുമായി ബന്ധപ്പെട്ട് സക്കീറിന് ഉടൻ നോട്ടീസ് നൽകി ചോദ്യം ചെയ്യാനുള്ള നടപടികളിലേക്ക് അന്വേഷണ സംഘം കടന്നേക്കുമെന്നാണ് വിവരം. നിലവിൽ പ്രത്യേക അന്വേഷണ സംഘം പരിശോധിക്കുന്ന നാല് കേസുകളിൽ രണ്ടെണ്ണവുമായി ബന്ധപ്പെട്ട പരീക്ഷകൾ എം.കെ. സക്കീർ പിഎസ്‌സി ചെയർമാനായിരുന്ന കാലഘട്ടത്തിലാണ് നടന്നതെന്നാണ് റിപ്പോർട്ട്. ഈ സാഹചര്യത്തിലാണ് പരീക്ഷകളുടെ നടത്തിപ്പ്, പരീക്ഷാ നടപടിക്രമങ്ങൾ, അന്നത്തെ ഭരണപരമായ തീരുമാനങ്ങൾ എന്നിവ സംബന്ധിച്ച് മുൻ ചെയർമാനിൽനിന്ന് വിവരങ്ങൾ തേടാൻ അന്വേഷണ സംഘം നീക്കം നടത്തുന്നത്. 2016 മുതൽ 2022 വരെയാണ് എം.കെ. സക്കീർ കേരള പിഎസ്‌സി ചെയർമാനായി പ്രവർത്തിച്ചത്. ഈ കാലയളവിൽ നടന്ന ഫിഷറീസ്…

Read More

തിരുവനന്തപുരം: മലയാള സാഹിത്യരംഗത്ത് പതിറ്റാണ്ടുകളായി തന്റേതായ വ്യക്തിമുദ്ര പതിപ്പിച്ച പ്രശസ്ത നോവലിസ്റ്റും കഥാകൃത്തും കവിയുമായ മേതിൽ രാധാകൃഷ്ണന് കേരള സർക്കാരിന്റെ പരമോന്നത സാഹിത്യ ബഹുമതിയായ എഴുത്തച്ഛൻ പുരസ്കാരം. മലയാള സാഹിത്യത്തിന് നൽകിയ സമഗ്ര സംഭാവനകളും ആധുനിക സാഹിത്യത്തിന്റെ ഭാവുകത്വത്തിൽ സൃഷ്ടിച്ച നിർണായക സ്വാധീനവും പരിഗണിച്ചാണ് പുരസ്കാരം പ്രഖ്യാപിച്ചത്. കേരളപ്പിറവി ദിനത്തിൽ സാംസ്കാരിക മന്ത്രി പി.സി. വിഷ്ണുനാഥാണ് പുരസ്കാര പ്രഖ്യാപനം നടത്തിയത്. മലയാള സാഹിത്യത്തിൽ വേറിട്ട ചിന്തകളും ആഖ്യാനപരീക്ഷണങ്ങളും അവതരിപ്പിച്ച മേതിൽ രാധാകൃഷ്ണനെ ‘സർവാംഗം കവി’ എന്നാണ് പുരസ്കാര നിർണയ സമിതി വിശേഷിപ്പിച്ചത്. കവിയും സാഹിത്യകാരനുമായ കെ.ജി. ശങ്കരപ്പിള്ള അധ്യക്ഷനായ സമിതിയാണ് പുരസ്കാര ജേതാവിനെ തിരഞ്ഞെടുത്തത്. പ്രമുഖ സാഹിത്യകാരന്മാരായ കൽപ്പറ്റ നാരായണൻ, കെ. സച്ചിദാനന്ദൻ, സാറാ ജോസഫ് എന്നിവർ സമിതിയിലെ അംഗങ്ങളായിരുന്നു. എം.പി. സുരേന്ദ്രനാണ് മെംബർ സെക്രട്ടറി. അഞ്ച് ലക്ഷം രൂപയും പ്രശസ്തിപത്രവും ഫലകവും അടങ്ങുന്നതാണ് എഴുത്തച്ഛൻ പുരസ്കാരം.…

Read More

തിരുവനന്തപുരം: സംസ്ഥാനത്ത് വർധിച്ചുവരുന്ന സൈബർ കുറ്റകൃത്യങ്ങൾ തടയുന്നതിനും ഡിജിറ്റൽ സുരക്ഷയെക്കുറിച്ച് പൊതുജനങ്ങളിൽ ശക്തമായ അവബോധം സൃഷ്ടിക്കുന്നതിനുമായി കേരള പൊലീസ് വിപുലമായ ബോധവത്കരണ പദ്ധതിക്ക് തുടക്കമിടുന്നു. ആഭ്യന്തര വകുപ്പിന്റെ നേതൃത്വത്തിൽ നടപ്പാക്കുന്ന ‘CLICK’ (Community Led Initiative for Cyber Resilient Keralam) എന്ന ക്യാമ്പയിനിലൂടെ സൈബർ ഭീഷണികളെ തിരിച്ചറിയാനും ഫലപ്രദമായി പ്രതിരോധിക്കാനും ശേഷിയുള്ള സമൂഹത്തെ രൂപപ്പെടുത്തുകയാണ് ലക്ഷ്യം. 2027ഓടെ സൈബർ ആക്രമണങ്ങളെ അതിജീവിക്കാൻ പ്രാപ്തമായ സമ്പൂർണ സൈബർ റെസിലിയന്റ് കേരളം യാഥാർഥ്യമാക്കുകയെന്നതാണ് പദ്ധതിയുടെ പ്രധാന ലക്ഷ്യമായി പ്രഖ്യാപിച്ചിരിക്കുന്നത്. ഡിജിറ്റൽ സാങ്കേതികവിദ്യയുടെ ഉപയോഗം അനുദിനം വർധിക്കുന്ന സാഹചര്യത്തിൽ ഓൺലൈൻ സാമ്പത്തിക തട്ടിപ്പുകൾ, വ്യാജ സന്ദേശങ്ങൾ, ഫിഷിങ് ആക്രമണങ്ങൾ, വ്യക്തിഗത വിവരങ്ങളുടെ മോഷണം, സാമൂഹികമാധ്യമങ്ങളിലൂടെയുള്ള തട്ടിപ്പുകൾ തുടങ്ങിയ സൈബർ കുറ്റകൃത്യങ്ങൾ വലിയ വെല്ലുവിളിയായി മാറുകയാണ്. ഇത്തരം ഭീഷണികളെ നേരിടാൻ പൊലീസ് സംവിധാനങ്ങളുടെ ഇടപെടൽ മാത്രം മതിയാകില്ലെന്ന തിരിച്ചറിവിലാണ് പൊതുജന പങ്കാളിത്തത്തിന്…

Read More

തിരുവനന്തപുരം: അടൂർ പൊലീസ് സ്റ്റേഷനിൽ ജനപ്രതിനിധികളുടെ നേതൃത്വത്തിൽ നടന്നതായി ആരോപിക്കപ്പെടുന്ന അതിക്രമത്തെ അതീവ ഗൗരവത്തോടെയാണ് കാണുന്നതെന്ന് സംസ്ഥാന പൊലീസ് മേധാവി റവാഡ ചന്ദ്രശേഖർ. സംഭവത്തിന്റെ യഥാർഥ സാഹചര്യങ്ങൾ വിശദമായി പരിശോധിക്കുന്നതിനായി പത്തനംതിട്ട ജില്ലാ പൊലീസ് മേധാവിയോട് അടിയന്തര റിപ്പോർട്ട് ആവശ്യപ്പെട്ടിട്ടുണ്ടെന്ന് ഡിജിപി വ്യക്തമാക്കി. പൊലീസ് ഉദ്യോഗസ്ഥരുടെ ഭാഗത്തുനിന്ന് ഏതെങ്കിലും തരത്തിലുള്ള വീഴ്ചകളോ കൃത്യവിലോപങ്ങളോ ഉണ്ടായിട്ടുണ്ടോ എന്ന കാര്യവും വിശദമായ അന്വേഷണത്തിന് വിധേയമാക്കുമെന്നും അദ്ദേഹം മാധ്യമങ്ങളോട് പറഞ്ഞു. ജനപ്രതിനിധികൾ പൊലീസ് സ്റ്റേഷനുകളിൽ എത്തുന്നതും പൊതുജനങ്ങളുമായി ബന്ധപ്പെട്ട വിഷയങ്ങളിൽ ഇടപെടുന്നതും സ്വാഭാവികമായ നടപടിയാണെന്ന് ഡിജിപി ചൂണ്ടിക്കാട്ടി. എന്നാൽ ജനപ്രതിനിധികളെന്ന നിലയിലുള്ള അധികാരപരിധിയും നിയമപരമായ ചട്ടങ്ങളും മറികടന്ന് പൊലീസ് സ്റ്റേഷന്റെ പ്രവർത്തനത്തെ തടസ്സപ്പെടുത്തുന്ന തരത്തിലുള്ള ഇടപെടലുകൾ ഉണ്ടായിട്ടുണ്ടെങ്കിൽ അത് ഗൗരവമായി പരിശോധിക്കേണ്ട വിഷയമാണ്. സ്റ്റേഷനിൽ നടന്ന സംഭവങ്ങളുടെ പൂർണമായ വിവരങ്ങൾ ശേഖരിച്ചശേഷം മാത്രമേ തുടർനടപടികളെക്കുറിച്ച് തീരുമാനമെടുക്കുകയുള്ളൂവെന്നും അദ്ദേഹം വ്യക്തമാക്കി. ശ്രീനാദേവി കുഞ്ഞമ്മ,…

Read More

കൊച്ചി: കേരളത്തിലെ കാൻസർ ചികിത്സാ-ഗവേഷണ രംഗത്ത് ശ്രദ്ധേയമായ സംഭാവനകൾ നൽകിവരുന്ന കൊച്ചിൻ കാൻസർ റിസർച്ച് സെന്ററിന്റെ (CCRC) പത്താം വാർഷികാഘോഷങ്ങൾക്ക് പ്രൗഢഗംഭീരമായ തുടക്കം. ഒക്ടോബര്‍ 31-ന് സംഘടിപ്പിച്ച വാർഷികാഘോഷ ചടങ്ങുകൾ മുഖ്യമന്ത്രി വി.ഡി. സതീശൻ ഉദ്ഘാടനം ചെയ്തു. സ്ഥാപനത്തിന്റെ പത്തു വർഷത്തെ പ്രവർത്തനങ്ങളും നേട്ടങ്ങളും അടയാളപ്പെടുത്തുന്ന സുവനീറിന്റെ പ്രകാശനവും മുഖ്യമന്ത്രി നിർവഹിച്ചു. ആരോഗ്യവകുപ്പ് മന്ത്രി കെ. മുരളീധരൻ അധ്യക്ഷത വഹിച്ച ചടങ്ങിൽ ഫിഷറീസ് വകുപ്പ് മന്ത്രി വി.ഇ. അബ്ദുൾ ഗഫൂർ മുഖ്യാതിഥിയായി പങ്കെടുത്തു. മത്സ്യത്തൊഴിലാളികൾക്കിടയിൽ വായിലെ കാൻസർ നേരത്തേ കണ്ടെത്തുന്നതിനും പ്രതിരോധ ബോധവത്കരണം ശക്തിപ്പെടുത്തുന്നതിനുമായി ആവിഷ്കരിച്ച പ്രത്യേക കാൻസർ പരിശോധനാ പരിപാടിയുടെ പ്രഖ്യാപനം ഫിഷറീസ് മന്ത്രി നിർവഹിച്ചു. തീരദേശ മേഖലയിലെ ജനങ്ങൾക്ക് കാൻസർ പരിശോധനയും തുടർചികിത്സയും കൂടുതൽ പ്രാപ്യമാക്കുകയെന്ന ലക്ഷ്യത്തോടെയാണ് പദ്ധതി നടപ്പാക്കുന്നത്. 2016 നവംബർ ഒന്നിന് എറണാകുളം ഗവൺമെന്റ് മെഡിക്കൽ കോളേജിലെ താൽക്കാലിക കെട്ടിടത്തിൽ പ്രവർത്തനം…

Read More

ഓരോടംപാലം – മാനത്ത്മംഗലം ബൈപാസ് നിർമ്മാണം വേഗത്തിലാക്കി നിശ്ചിത സമയത്തിനുള്ളിൽ പൂർത്തീകരിക്കുന്നതിനാവശ്യമായ നടപടികൾ സ്വീകരിക്കുമെന്ന വകുപ്പ് മന്ത്രി പി.കെ. ബഷീറിന്റെ പ്രഖ്യാപനം സ്വാഗതാർഹമാണെന്ന് വെൽഫെയർ പാർട്ടി. വെൽഫെയർ പാർട്ടി തുടർച്ചയായി നടത്തിയ ഇടപെടലുകളുടെയും ശക്തമായ ജനകീയ സമ്മർദങ്ങളുടെയും കൂടി ഫലമായാണ് മന്ത്രിയുടെ ഈ പ്രഖ്യാപനത്തെ കാണുന്നത്. ബൈപാസ് നിർമ്മാണത്തിലെ കാലതാമസം അവസാനിപ്പിച്ച് പ്രവൃത്തി വേഗത്തിലാക്കണമെന്നും പദ്ധതി പൂർത്തീകരിക്കുന്നതിനുള്ള സമയപരിധി വ്യക്തമാക്കണമെന്നും ആവശ്യപ്പെട്ട് മന്ത്രിക്ക് നിവേദനം നൽകുകയും ചെയ്തു. വെൽഫെയർ പാർട്ടി ജില്ലാ കമ്മിറ്റി അംഗങ്ങളായ ഖാദർ അങ്ങാടിപ്പുറം, സൈതാലി വലമ്പൂർ, അഷറഫലി കട്ടുപ്പാറ, അതീഖ് ശാന്തപുരം, അങ്ങാടിപ്പുറം പഞ്ചായത്ത് പ്രസിഡന്റ് സക്കീർ അരിപ്ര, അങ്ങാടിപ്പുറം ഗ്രാമ പഞ്ചായത്ത് മെമ്പർ രാജേന്ദ്രൻ, നൗഷാദ് അരിപ്ര എന്നിവർ ഉൾപ്പെടെയുള്ള നേതാക്കളാണ് നിവേദനം സമർപ്പിച്ചത്. പ്രദേശത്തെ ജനങ്ങളുടെ ദീർഘകാല ആവശ്യവും യാത്രാദുരിതത്തിന് പരിഹാരമാകേണ്ടതുമായ ഈ പദ്ധതി ഇനിയും അനിശ്ചിതമായി നീളാൻ പാടില്ല.…

Read More

വടക്കാങ്ങര : കേരളപ്പിറവി ദിനത്തോടനുബന്ധിച്ച് വടക്കാങ്ങര ടാലന്റ് പബ്ലിക് സ്കൂളിൽ വൈവിധ്യമാർന്ന പരിപാടികളോടെ കേരളപ്പിറവി ആഘോഷം സംഘടിപ്പിച്ചു. കേരളത്തിന്റെ തനത് വേഷവിധാനങ്ങളണിഞ്ഞ് അണിനിരന്ന കുരുന്നുകളുടെ പ്രകടനവും വിവിധ കലാ-സാംസ്കാരിക പരിപാടികളും ആഘോഷത്തിന് മാറ്റുകൂട്ടി. കേരളത്തിന്റെ സാംസ്കാരിക പൈതൃകവും ചരിത്രവും വിദ്യാർത്ഥികൾക്ക് പരിചയപ്പെടുത്തുക എന്ന ലക്ഷ്യത്തോടെ പ്രത്യേക അസംബ്ലി വിദ്യാർത്ഥികൾ അവതരിപ്പിച്ചു. കേരളത്തെക്കുറിച്ചുള്ള പ്ലക്കാർഡ് പ്രദർശനം, കേരള മാപ്പ് കളറിംഗ്, കേരളത്തെ ആസ്പദമാക്കിയുള്ള ക്വിസ് മത്സരം, ഗ്രീറ്റിംഗ് കാർഡ് നിർമ്മാണ മത്സരം തുടങ്ങി നിരവധി പരിപാടികൾ സീനിയർ, ജൂനിയർ വിഭാഗങ്ങളിലായി സംഘടിപ്പിച്ചു. കുട്ടികൾ സ്വന്തം കൈകളാൽ നിർമ്മിച്ച വിവിധ കരകൗശല വസ്തുക്കളുടെ പ്രദർശനവും ആഘോഷത്തിന്റെ ഭാഗമായി ഒരുക്കിയിരുന്നു. ആഘോഷ പരിപാടികൾ സ്കൂൾ പ്രിൻസിപ്പൽ മുഹമ്മദലി കൊടിഞ്ഞി ഉദ്ഘാടനം ചെയ്തു. വൈസ് പ്രിൻസിപ്പൽ സാഹിദ ഖാലിദ്, മലയാളം വിഭാഗം അധ്യാപകരായ ജിഷ്ണുദാസ്, നദീറ, മറീന, മോണ്ടിസോറി ഹെഡ് ആബിദ എന്നിവർ…

Read More

തിരുവനന്തപുരം: കാണികളെ അക്ഷരാര്‍ത്ഥത്തില്‍ വിസ്മയിപ്പിച്ച് സാഹസികതയും ഉദ്വേഗവും നിറഞ്ഞ രക്ഷപ്പെടല്‍ ജാലവിദ്യകളുടെ പരമ്പരയൊരുക്കി മാജിക് പ്ലാനറ്റിന്റെ പന്ത്രണ്ടാമത് വാര്‍ഷികാഘോഷം ശ്രദ്ധേയമായി. ഹാരി ഹൗഡിനിയുടെ നൂറാമത് ചരമ വാര്‍ഷികത്തില്‍ ഹൗഡിനിക്ക് പ്രണാമമര്‍പ്പിച്ച് ഇന്നലെ അരങ്ങേറിയ മില്‍ക് കാന്‍ എസ്‌കേപ്പ് ആക്ട്, സ്‌പൈക്ക് എസ്‌കേപ്പ് ആക്ട്, സാഹസിക പ്രകടനങ്ങള്‍ എന്നിവയാണ് ആഘോഷത്തിന് വേറിട്ട മാനം നല്‍കിയത്. നിരവധി കുന്തമുനകളില്‍ നിന്നും ഞൊടിയിടയില്‍ മാന്ത്രികന്‍ രക്ഷപ്പെട്ടും വെള്ളം നിറച്ച മില്‍ക് കാനില്‍ ചങ്ങലകളാല്‍ ബന്ധിതനായ മാന്ത്രികന്‍ പൂട്ടുകള്‍ ഭേദിച്ച് പുറത്തെത്തിയതും കാണികള്‍ക്ക് നവ്യാനുഭവമായി. പ്രശസ്ത കര്‍ണാടക മജീഷ്യന്‍ പ്രകാശ് ഹെമ്മാഡിയും മാജിക് പ്ലാനറ്റിലെ കലാകാരന്‍ എം.എന്‍ പ്രിയദര്‍ശനുമാണ് എസ്‌കേപ്പ് ആക്ടുകള്‍ക്ക് നേതൃത്വം നല്‍കിയത്. തുടര്‍ന്ന് ആയോധനകലാവിദഗ്ദ്ധന്‍ അഭീഷിന്റെ സാഹസിക പ്രകടനം കാണികളെ ഞെട്ടിച്ചു. നിമിഷ നേരങ്ങള്‍ക്കുള്ളില്‍ സിമെന്റ് ബ്ലോക്കുകള്‍, ഹെല്‍മെറ്റ്, കരിക്കുകള്‍, തേങ്ങകള്‍ എന്നിവ കൈമുട്ട്, തല, കാല്‍മുട്ടുകള്‍ എന്നിവ കൊണ്ട്…

Read More

കൊച്ചി:  കേരള രാഷ്ട്രീയത്തിലും നിയമസഭാ പ്രവർത്തനങ്ങളിലും തന്റേതായ വ്യക്തിമുദ്ര പതിപ്പിച്ച മികച്ച പാർലമെന്റേറിയനും ഭരണതന്ത്രജ്ഞനുമായിരുന്നു അന്തരിച്ച മുൻമന്ത്രി ടി.എം. ജേക്കബെന്ന് മുഖ്യമന്ത്രി വി.ഡി. സതീശൻ പറഞ്ഞു. നിയമസഭാ സാമാജികനെന്ന നിലയിൽ അദ്ദേഹം പുലർത്തിയിരുന്ന കൃത്യതയും വിഷയങ്ങളിലുള്ള ആഴത്തിലുള്ള അറിവും ജനാധിപത്യ സംവിധാനത്തോടുള്ള പ്രതിബദ്ധതയും ഇന്നത്തെ ജനപ്രതിനിധികൾക്ക് മാതൃകയാണെന്നും മുഖ്യമന്ത്രി അഭിപ്രായപ്പെട്ടു. കേരള കോൺഗ്രസ് (ജേക്കബ്) വിഭാഗം സംഘടിപ്പിച്ച ടി.എം. ജേക്കബിന്റെ 15-ാമത് അനുസ്മരണ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കേരളത്തിന്റെ നിയമനിർമാണ ചരിത്രത്തിൽ ശ്രദ്ധേയമായ സംഭാവനകൾ നൽകിയ നേതാക്കളിൽ ഒരാളായിരുന്നു ടി.എം. ജേക്കബ്. മികച്ച നിയമസഭാ സാമാജികൻ, കഴിവുറ്റ ഭരണാധികാരി, രാഷ്ട്രീയ നേതാവ് എന്നീ നിലകളിലെല്ലാം അദ്ദേഹം അസാധാരണമായ മികവ് പ്രകടിപ്പിച്ചു. ഏത് വിഷയവും വിശദമായി പഠിക്കുകയും അതിന്റെ എല്ലാ വശങ്ങളും മനസ്സിലാക്കിയശേഷം ആധികാരികമായി അവതരിപ്പിക്കുകയും ചെയ്യുന്നതായിരുന്നു അദ്ദേഹത്തിന്റെ പ്രത്യേകത. നിയമസഭയിലെ ചർച്ചകളിൽ കൃത്യമായ വിവരങ്ങളും…

Read More

തിരുവനന്തപുരം: ബംഗാൾ ഉൾക്കടലിൽ രൂപപ്പെട്ട ശക്തമായ ന്യൂനമർദം ചുഴലിക്കാറ്റായി മാറാൻ സാധ്യതയുണ്ടെന്ന മുന്നറിയിപ്പുമായി കേന്ദ്ര കാലാവസ്ഥാ വകുപ്പ്. അടുത്ത 24 മണിക്കൂറിനുള്ളിൽ ന്യൂനമർദം കൂടുതൽ ശക്തിപ്രാപിച്ച് ചുഴലിക്കാറ്റായി മാറിയേക്കുമെന്നാണ് കാലാവസ്ഥാ വകുപ്പിന്റെ വിലയിരുത്തൽ. ചുഴലിക്കാറ്റ് രൂപപ്പെട്ടാൽ ഇന്ത്യ നിർദേശിച്ച ‘മുരാസു’ എന്ന പേരിലായിരിക്കും അറിയപ്പെടുക. കാലാവസ്ഥാ വ്യതിയാനത്തിന്റെ പശ്ചാത്തലത്തിൽ ബംഗാൾ ഉൾക്കടലിലെ അന്തരീക്ഷ സാഹചര്യങ്ങൾ നിരീക്ഷിച്ചുവരികയാണ്. ചുഴലിക്കാറ്റ് ആന്ധ്രാപ്രദേശ് തീരത്തേക്ക് നീങ്ങാൻ സാധ്യതയുള്ളതിനാൽ കേരളമുൾപ്പെടെയുള്ള ദക്ഷിണേന്ത്യൻ സംസ്ഥാനങ്ങളിലും മഴ ശക്തമാകാനിടയുണ്ടെന്നാണ് മുന്നറിയിപ്പ്. തെക്കുകിഴക്കൻ ബംഗാൾ ഉൾക്കടൽ, ആൻഡമാൻ-നിക്കോബാർ ദ്വീപുകൾ, ആൻഡമാൻ കടൽ എന്നിവിടങ്ങൾക്ക് മുകളിലായി നിലനിൽക്കുന്ന ശക്തമായ ന്യൂനമർദമാണ് ചുഴലിക്കാറ്റായി മാറാൻ സാധ്യതയുള്ളത്. അടുത്ത ആറു മണിക്കൂറിനുള്ളിൽ ന്യൂനമർദം തീവ്ര ന്യൂനമർദമായി ശക്തിപ്രാപിക്കുമെന്നാണ് പ്രവചനം. തുടർന്ന് അനുകൂലമായ അന്തരീക്ഷ സാഹചര്യങ്ങൾ നിലനിന്നാൽ അടുത്ത 24 മണിക്കൂറിനുള്ളിൽ ചുഴലിക്കാറ്റായി രൂപാന്തരപ്പെടാനും സാധ്യതയുണ്ട്. നിലവിൽ പടിഞ്ഞാറ്-വടക്കുപടിഞ്ഞാറ് ദിശയിൽ സഞ്ചരിക്കുന്ന ന്യൂനമർദം…

Read More