Category: AMERICA

ലബ്ബക്ക്, ടെക്സസ്: വെസ്റ്റ് ടെക്സസിലെ ലബ്ബക്കിൽ മലയാളി സമൂഹം ഒത്തുകൂടി ഓണാഘോഷം 2026 മനോഹരമായി ആഘോഷിച്ചു. ക്രിസ്റ്റ് ദി കിംഗ് സ്കൂൾ ഓഡിറ്റോറിയത്തിൽ വെച്ച് നടന്ന ചടങ്ങിൽ കേരളത്തിന്റെ തനിമയും സംസ്കാരവും സൗഹൃദവും ആവോളം നിറഞ്ഞുനിന്നു. അങ്കണത്തിൽ ‘2026’ എന്ന് മധ്യത്തിൽ ആലേഖനം ചെയ്ത മനോഹരമായ അത്തപ്പൂക്കളം ഒരുക്കിയിരുന്നു. മുതിർന്ന അംഗങ്ങളും പുരോഹിതന്മാരും വിശിഷ്ടാതിഥികളും ചേർന്ന് ഭദ്രദീപം (നിലവിളക്ക്) തെളിയിച്ചതോടെയാണ് ചടങ്ങുകൾക്ക് തുടക്കമായത്. ബിജു, ലെജോ എന്നിവർ അവതാരകരായ സാംസ്കാരിക സന്ധ്യയിൽ ഷീബ, ജെല്ലി, അഞ്ജു എന്നിവരുടെ പ്രാർത്ഥനാഗാനത്തോടെ തുടക്കമായി. ജിജി സ്വാഗതം ആശംസിച്ചു. ലബ്ബക്ക് മാർത്തോമ്മാ ചർച്ച് വികാരി റവ. ഫാദർ ജെയിംസ് കെ. ജോൺ ഓണസന്ദേശം നൽകി. വിളവെടുപ്പ്ത്സവം, സാമൂഹിക ഐക്യം, മൂല്യങ്ങൾ കാത്തുസൂക്ഷിക്കൽ എന്നിവയുടെ പ്രതീകമാണ് ഓണമെന്ന് അദ്ദേഹം ഓർമ്മിപ്പിച്ചു. ഐക്യം, നന്ദി, പരസ്പര സ്നേഹം എന്നിവ നിലനിർത്താൻ അദ്ദേഹം ആഹ്വാനം ചെയ്തു.…

ഹ്യൂസ്റ്റൺ : സനാതന ധർമ്മ പ്രചാരണത്തിലും സംഘടനാ പ്രാവീണ്യത്തിലും മുൻപന്തിയിൽ നിൽക്കുന്ന മെട്രോ ഹ്യൂസ്റ്റൺ പ്രദേശത്തെ കെ എച്ച് എൻ എ പ്രവർത്തകരുടെ നേതൃയോഗം കെ എച്ച് എൻ എ പ്രസിഡന്റ് ടി ഉണ്ണികൃഷ്ണൻ ഉത്‌ഘാടനം ചെയ്തു. രജതജൂബിലി പിന്നിട്ട സംഘടനയുടെ രണ്ടു കൺവൻഷനുകൾക്കു ആതിഥേയത്വം നൽകി മികവ് പുലർത്തിയ ഹൂസ്റ്റണിലെ ഇരുപത്തിയഞ്ചോളം മുൻനിര പ്രവർത്തകരാണ് യോഗത്തിൽ പങ്കെടുത്തത്. 2027 ൽ ഫ്ളോറിഡയിൽ നടക്കുന്ന ഗ്ലോബൽ ഹിന്ദു സംഗമത്തിന്റെ മുന്നൊരുക്കങ്ങളെക്കുറിച്ചും കെ എച്ച് എൻ എ നടത്തിവരുന്ന വിവിധ കർമ്മ പദ്ധതികളെക്കുറിച്ചും പ്രസിഡന്റ് തന്റെ ഉത്‌ഘാടന പ്രസംഗത്തിൽ സവിസ്തരം പ്രതിപാദിച്ചു. കേവലമായ ആചാര അനുഷ്ഠാനങ്ങളിൽ മാത്രമൊതുങ്ങാതെ വേദപഠന കളരിപോലുള്ള ജ്ഞാനസമ്പാദന യജ്ഞങ്ങളും സാങ്കേതിക മികവോടെ വളരുന്ന യുവതലമുറയിൽ ധാർമ്മികത സന്നിവേശിപ്പിക്കുന്ന സാമൂഹ്യ പഠന വേദികളും സംഘടന രാജ്യവ്യാപകമായി ദൃശ്യ മാധ്യമങ്ങളിലൂടെ നടത്തിവരുന്നതായും ടി ഉണ്ണികൃഷ്ണൻ പറഞ്ഞു. മുൻ…

ഹ്യൂസ്റ്റണ്‍: സൗത്ത് ഇന്ത്യന്‍ യു.എസ്. ചേംബര്‍ ഓഫ് കൊമേഴ്സിന്റെ നേതൃത്വത്തില്‍ ഹ്യൂസ്റ്റണ്‍ മേഖലയിലെ പ്രഥമ ഓണാഘോഷവും സംഘടനയുടെ 15-ാം വാര്‍ഷികാഘോഷങ്ങളുടെ ഔദ്യോഗിക ഉദ്ഘാടനവും വര്‍ണാഭമായി നടന്നു. സംസ്‌കാരത്തിന്റെയും ബിസിനസ് കൂട്ടായ്മയുടെയും സന്ദേശം ഉയര്‍ത്തിപ്പിടിച്ച ചടങ്ങില്‍ ഹൂസ്റ്റണിലെ സാമുദായിക-വ്യാപാരി രംഗത്തെ പ്രമുഖരും ചേംബര്‍ അംഗങ്ങളും കുടുംബാംഗങ്ങളും പങ്കെടുത്തു. മഹാബലിയെ എഴുന്നള്ളിച്ച് ആനയിച്ചതോടെയാണ് പരിപാടികള്‍ക്ക് തുടക്കമായത്. ശശിധരന്‍ നായരാണ് മഹാബലിയുടെ വേഷത്തിലെത്തി ഓണസന്ദേശം നല്‍കിയത്. തുടര്‍ന്ന് നടന്ന ദീപം കൊളുത്തുന്ന ചടങ്ങില്‍ സ്റ്റാഫോര്‍ഡ് സിറ്റി മേയര്‍ കെന്‍ മാത്യു, ഫോമാ പ്രസിഡന്റ് ബേബി മണക്കുന്നേല്‍, മലയാളി അസോസിയേഷന്‍ ഓഫ് ഗ്രേറ്റര്‍ ഹൂസ്റ്റണ്‍ പ്രസിഡന്റ് റോയ് മാത്യു, സൗത്ത് ഇന്ത്യന്‍ യു.എസ്. ചേംബര്‍ ഓഫ് കൊമേഴ്സ് എക്‌സിക്യൂട്ടീവ് കമ്മിറ്റി അംഗങ്ങള്‍ എന്നിവര്‍ പങ്കെടുത്തു. ചേംബര്‍ പ്രസിഡന്റ് ഡോ. ജോര്‍ജ് കാക്കനാട്ട് ചടങ്ങില്‍ അധ്യക്ഷത വഹിച്ചു. സ്‌നേഹം, സമത്വം, പങ്കുവെക്കല്‍, ഐക്യം തുടങ്ങിയ…

ഹ്യൂസ്റ്റണ്‍: വിസ തട്ടിപ്പ് ആരോപണങ്ങൾ സോഷ്യൽ മീഡിയയിൽ ഉയർന്നതിനെത്തുടർന്ന് ഹ്യൂസ്റ്റണില്‍ താമസിക്കുന്ന ഇന്ത്യൻ-അമേരിക്കൻ ബയോമെഡിക്കൽ എഞ്ചിനീയർ സാധന ഗുല്ലപുടി വിവാദത്തിൽ അകപ്പെട്ടു. 2014 മുതൽ സാധന യുഎസിൽ സ്റ്റുഡന്റ് വിസയിലാണ് താമസിക്കുന്നതെന്നും, ഈ സമയത്ത് നിയമവിരുദ്ധമായി ജോലി ചെയ്യുകയായിരുന്നുവെന്നുമാണ് ഒരു സോഷ്യൽ മീഡിയ അക്കൗണ്ടില്‍ അവകാശപ്പെട്ടത്. എന്നാല്‍, ഹ്യൂസ്റ്റണിലെ ഒരു അഭിഭാഷകൻ ഈ അവകാശവാദങ്ങൾ നിഷേധിച്ചു, സാധന സ്റ്റുഡന്റ് വിസയിലല്ല, മറിച്ച് ഒരു അമേരിക്കൻ പൗരയാണെന്ന് വ്യക്തമാക്കി. ടെക്സസിലെ ഹൂസ്റ്റണിൽ താമസിക്കുന്ന സാധന ഗുല്ലപ്പുടി എന്ന സ്ത്രീ വളരെക്കാലം എഫ്-1 സ്റ്റുഡന്റ് വിസ ഉപയോഗിച്ച് വിവിധ വിദ്യാഭ്യാസ പരിപാടികളിൽ തുടർച്ചയായി ചേർന്നുവെന്നും, അവർ അമേരിക്കയിൽ തന്നെ തുടരുകയാണെന്നും ആരോപിച്ചാണ് ഒരു പോസ്റ്റ് പ്രസിദ്ധീകരിച്ചത്. അവർ ഒരു നർത്തകിയും ക്യാഷ് ട്യൂട്ടറുമായി ജോലി ചെയ്യുന്നുണ്ടെന്നും ഇത് വിസ നിയമങ്ങൾക്ക് വിരുദ്ധമാണെന്നും പോസ്റ്റിൽ അവകാശപ്പെട്ടു. അവർ കുച്ചിപ്പുടി നൃത്തം ചെയ്യുന്നതിന്റെ…

മാനസിക സമ്മര്‍ദ്ദം ഒഴിവാക്കാന്‍ ഓണ്‍ലൈനിലൂടെ ഏകദേശം 2.58 ബില്യൺ ഡോളർ മൂല്യമുള്ള സാധനങ്ങള്‍ ഓര്‍ഡര്‍ നല്‍കി പിന്നീട് റദ്ദാക്കുന്ന ശീലമുള്ള സ്ത്രീയെ പോലീസ് അറസ്റ്റ് ചെയ്തു. ജപ്പാനിലാണ് സംഭവം നടന്നത്. രണ്ട് വർഷത്തിനിടെ 2,100-ലധികം ഓൺലൈൻ ഓർഡറുകൾ 32 കാരിയായ മയൂ യോഷിദ നല്‍കിയതായി ആരോപിക്കപ്പെടുന്നു. ഇത് 2.58 ബില്യണ്‍ ഡോളര്‍ (ഏകദേശം 258 കോടി രൂപ) വിലമതിക്കുന്നതാണ്. എന്നാല്‍, ഈ ഓർഡറുകളിൽ നിന്ന് സാധനങ്ങൾ സ്വീകരിക്കുക എന്നതായിരുന്നില്ല അവരുടെ ഉദ്ദേശ്യം. ഓർഡറുകൾ നൽകിയ ശേഷം, ഏതെങ്കിലും രീതിയിലൂടെ അവ റദ്ദാക്കുമായിരുന്നു. മാധ്യമ റിപ്പോർട്ടുകൾ പ്രകാരം യോഷിദ ഒരു റസ്റ്റോറന്റിൽ ജോലി ചെയ്യുന്നുണ്ട്. അന്വേഷണത്തിനിടെ, തന്റെ ദൈനംദിന ജീവിതത്തിൽ വളരെയധികം സമ്മർദ്ദം നേരിടുന്നുണ്ടെന്ന് അവർ കോടതിയെ അറിയിച്ചു. ഓൺലൈൻ സ്റ്റോറുകളിൽ ആനിമേഷൻ കഥാപാത്രങ്ങളെ അവതരിപ്പിക്കുന്ന ഉൽപ്പന്നങ്ങൾ കാണുകയും ഓർഡർ ചെയ്യുകയും ചെയ്യുന്നത് അവർക്ക് മാനസിക ആശ്വാസം നൽകി.…

ചൈനയിലെ ഹെനാൻ പ്രവിശ്യയിലെ ലാവോജുൻ പർവതത്തിൽ ഒരു അതുല്യമായ തൊഴിൽ അവസരം യുവാക്കളുടെ ശ്രദ്ധ പിടിച്ചുപറ്റി. “ക്ലൗഡ് നിരീക്ഷകൻ” സ്ഥാനത്തേക്ക് 3,600-ലധികം പേരാണ് അപേക്ഷിച്ചത്. എന്നാൽ, 22 വയസ്സുള്ള കണ്ടന്റ് ക്രിയേറ്റര്‍ ലി സിച്ചെന്‍ തിരഞ്ഞെടുക്കപ്പെട്ടു. പർവതങ്ങളെയും മേഘങ്ങളെയും ക്യാമറകളെയും നിങ്ങൾ ഇഷ്ടപ്പെടുന്നുണ്ടെങ്കിൽ, ചൈനയിൽ നിന്നുള്ള ഈ വാർത്ത നിങ്ങളെ അത്ഭുതപ്പെടുത്തിയേക്കാം. ഓഫീസിലെ കസേരയിൽ ഇരിക്കുന്നതിനു പകരം പർവതങ്ങളുടെ മുകളിൽ ജോലി ചെയ്യേണ്ട ജോലിക്ക് ആയിരക്കണക്കിന് യുവാക്കളാണ് അപേക്ഷിച്ചത്. ലളിതവും മനോഹരവുമായ ജോലിയാണെന്ന് തോന്നുമെങ്കിലും, വളരെ വെല്ലുവിളി നിറഞ്ഞതാണ് ജോലി. മാറിക്കൊണ്ടിരിക്കുന്ന കാലാവസ്ഥയ്ക്കിടയിൽ ഉദ്യോഗാര്‍ത്ഥികള്‍ മേഘങ്ങളെ ക്യാമറയില്‍ പകർത്തുകയും സോഷ്യൽ മീഡിയയിൽ തുടർച്ചയായി ഉള്ളടക്കം പോസ്റ്റ് ചെയ്യുകയും വേണം. ചൈനയിലെ ഹെനാൻ പ്രവിശ്യയിലെ പ്രശസ്തമായ ലാവോജുൻ പർവതത്തിൽ നിന്നാണ് ഈ ജോലി ആരംഭിച്ചത്. സമുദ്രം പോലുള്ള മേഘപാളികൾക്കും അതിശയിപ്പിക്കുന്ന പ്രകൃതിദൃശ്യങ്ങൾക്കും പേരുകേട്ടതാണ് ഈ പർവ്വതം. 3,600-ലധികം പേർ…