Category: AMERICA

ഹൂസ്റ്റൺ: ഐ പി സി എൻ എ ഹൂസ്റ്റൺ ചാപ്റ്റർ മുൻ പ്രസിഡണ്ട് ജോർജ്ജ് തെക്കേമലയുടെ സഹോദരീ ഭർത്താവ് ആറന്മുള മല്ലപ്പുഴശ്ശേരി കിടങ്ങാലില്‍ പറങ്കിമാംമൂട്ടിൽ പി.എൻ. തോമസ് (രാജൻ-76, റിട്ട.ക്യൂ.എച്ച്.ടാൽ ബ്രോസ് ഫരീദാബാദ്) അന്തരിച്ചു. ഭാര്യ വത്സമ്മ തോമസ് തെക്കേമല തൈക്കൂട്ടത്തിൽ കുടുംബാംഗമാണ്. മക്കൾ: അനു (ദോഹ), അഞ്ജു (ബാംഗ്ലൂർ) മരുമക്കൾ: കൈപ്പട്ടൂർ പാറയിൽ ബിച്ചു (ദോഹ), ഇലന്തൂർ കാലായിൽ പരേതനായ എബി. കൊച്ചുമക്കൾ: ജോആൻ, ജോഷ്വാ, ഇവാൻ. സംസ്കാര ശുശ്രൂഷ ജൂൺ 2 ചൊവ്വാഴ്ച രാവിലെ 11:30 ന് മാരാമൺ മാർത്തോമ്മാ പള്ളി സെമിത്തേരിയിൽ നടത്തും.

വാഷിംഗ്ടൺ:കുടിയേറ്റക്കാരെയും അമേരിക്കയിലെ പൗരന്മാരെയും നിരീക്ഷിക്കുവാൻ അമേരിക്കയിലെ ഓരോ സംസ്ഥാനത്തോടും തങ്ങളുടെ പൗരന്മാരുടെ സമ്പൂർണ്ണ ലിസ്റ്റ് അഥവാ ‘സ്റ്റേറ്റ് സിറ്റിസൺഷിപ്പ് ലിസ്റ്റ്’ നിർബന്ധമായും തയ്യാറാക്കുവാൻ ഉത്തരവിട്ടുകൊണ്ടുള്ള പുതിയ എക്സിക്യൂട്ടീവ് ഓർഡറിൽ പ്രസിഡന്റ് ട്രംപ് ഒപ്പിട്ടു. അമേരിക്കയിൽ ജീവിക്കുന്ന ലക്ഷക്കണക്കിന് കുടിയേറ്റക്കാരെ ആശങ്കയിലാക്കുന്ന പുതിയ നീക്കവുമായി ഡൊണാൾഡ് ട്രംപ്. കടുത്ത സുരക്ഷാ നീക്കമാണ് ട്രംപ് ഇപ്പോൾ നടത്തിയിരിക്കുന്നത്. കുടിയേറ്റക്കാരെ ട്രാക്ക് ചെയ്യാനും അനധികൃത വോട്ടർമാരെ കണ്ടെത്താനുമാണ് ട്രംപ് ഭരണകൂടം ഇപ്പോൾ നീക്കം നടത്തിയിരിക്കുന്നത്. നിലവിലെ സാഹചര്യത്തിൽ അമേരിക്കയിൽ കുടിയേറ്റക്കാരെയും പൗരന്മാരെയും നിരീക്ഷിക്കാൻ ‘നാഷണൽ ഐഡി’ കാർഡോ അല്ലെങ്കിൽ കേന്ദ്രീകൃത ‘നാഷണൽ ഡാറ്റാബേസോ’ അമേരിക്കയ്ക്കില്ല. ഈ ഒരു പരിമിതി മറികടക്കാനാണ് ട്രംപ് ഇപ്പോൾ നീക്കം നടത്തിയിരിക്കുന്നത്. എന്നാൽ ട്രംപിന്റെ ഈ നീക്കം യുഎസിൽ വലിയ ചർച്ചയ്ക്ക് വഴിയൊരുക്കിയിരിക്കുകയാണ്. ഒരു വ്യക്തി അമേരിക്കൻ പൗരനാണെന്ന് തെളിയിക്കാൻ നിലവിൽ വ്യത്യസ്ത രേഖകളെയാണ് ആശ്രയിക്കുന്നത്. ഏറ്റവും…

ന്യൂവർക്ക് (ന്യൂജേഴ്‌സി): ഡെലാനി ഹാൾ ഇമിഗ്രേഷൻ തടങ്കൽ കേന്ദ്രത്തിന് പുറത്ത് തുടർച്ചയായ രണ്ടാം രാത്രിയിലും പ്രതിഷേധക്കാരും ന്യൂജേഴ്‌സി സ്റ്റേറ്റ് പൊലീസും തമ്മിൽ ശക്തമായ ഏറ്റുമുട്ടലുണ്ടായി. ബാരിക്കേഡുകൾ തകർത്ത പ്രതിഷേധക്കൂട്ടത്തിന് നേരെ പൊലീസ് കണ്ണീർവാതകം പ്രയോഗിച്ചു. തടങ്കൽ കേന്ദ്രത്തിനുള്ളിലെ മോശം സാഹചര്യങ്ങൾക്കെതിരെ ഇമിഗ്രേഷൻ വിരുദ്ധ ഗ്രൂപ്പുകളും അനുകൂലികളും തമ്മിൽ ശനിയാഴ്ച പകൽ വലിയ പ്രതിഷേധ പ്രകടനങ്ങൾ നടന്നിരുന്നു. തുടർന്ന് രാത്രിയോടെ സ്ഥിതിഗതികൾ നിയന്ത്രണാതീതമായി. ആയുധങ്ങളുമായി ചിലരെ പൊലീസ് അറസ്റ്റ് ചെയ്ത പശ്ചാത്തലത്തിൽ, പൊതുജനസുരക്ഷ മുൻനിർത്തി തടങ്കൽ കേന്ദ്രത്തിന് ചുറ്റുമുള്ള അര മൈൽ പരിധിയിൽ രാത്രികാല കർഫ്യൂ (രാത്രി 9 മുതൽ പുലർച്ചെ 6 വരെ) പ്രഖ്യാപിച്ചു. ന്യൂവർക്ക് മേയർ റാസ് ജെ. ബരാക്ക. ശനിയാഴ്ച രാത്രിയോടെയാണ് മേയർ ഈ കർശന ഉത്തരവ് പുറപ്പെടുവിച്ചത് . സമാധാനപരമായി പ്രതിഷേധിക്കാൻ ഗവർണർ ജനങ്ങളോട് ആവശ്യപ്പെട്ടിട്ടുണ്ട്.

ന്യൂയോർക്ക്: മലങ്കര ഓർത്തഡോക്സ് സഭ നോർത്ത് ഈസ്റ്റ് അമേരിക്കൻ ഭദ്രാസന വാർഷിക ഫാമിലി ആൻഡ് യൂത്ത് കോൺഫറൻസിന്റെ രജിസ്ട്രേഷന് ടാപ്പൻ സെന്റ് പീറ്റേഴ്സ് ആൻഡ് സെന്റ് പോൾസ് ഓർത്തഡോൿസ് ദേവാലയത്തിൽ ഉജ്വല തുടക്കം. 2026 ജൂലൈ 15 മുതൽ 18 വരെ പെൻസിൽവേനിയയിലെ ലാങ്കസ്റ്ററിലാണ്   കോൺഫറൻസ് സംഘടിപ്പിച്ചിരിക്കുന്നത് . “കൃപയുടെ പാത്രങ്ങൾ” എന്നതാണ് ചിന്താ വിഷയം. (2 തിമോത്തി 2:20-22 – എന്നാൽ ഒരു വലിയ വീട്ടിൽ പൊന്നും വെള്ളിയും കൊണ്ടുള്ള സാമാനങ്ങൾ മാത്രമല്ല, മരവും മണ്ണുംകൊണ്ടുള്ളവയും ഉണ്ടു; ചിലതു മാന്യകാര്യത്തിന്നും ചിലതു ഹീനകാര്യത്തിന്നും ഉപയോഗിക്കുന്നു. ഇവയെ വിട്ടകന്നു തന്നെത്താൻ വെടിപ്പാക്കുന്നവൻ വിശുദ്ധവും ഉടമസ്ഥന്നു ഉപയോഗവുമായി നല്ല വേലെക്കു ഒക്കെയും ഒരുങ്ങിയിരിക്കുന്ന വിശിഷ്ട പാത്രം ആയിരിക്കും അതുകൊണ്ട് യൗവനമോഹങ്ങളെ വിട്ടോടുക; എന്നാൽ ശുദ്ധഹൃദയത്തിൽ നിന്ന് കർത്താവിനെ വിളിച്ചപേക്ഷിക്കുന്നവരോടു കൂടെ നീതിയും വിശ്വാസവും സ്നേഹവും സമാധാനവും പിന്തുടരുക).…

ഡാളസ്: ഡാളസ് സ്കൂൾ ഓഫ് തിയോളജി അലുംനി അസോസിയേഷന്റെ (Dallas School of Theology Alumni Association) വാർഷിക പൊതുയോഗം ഭക്തിനിർഭരമായ അന്തരീക്ഷത്തിൽ വിജയകരമായി സംഘടിപ്പിച്ചു. 2026 മേയ് 31 ഞായറാഴ്ച വൈകുന്നേരം 5:00 മണി മുതൽ 7:00 മണി വരെ റിച്ചാർഡ്സൺ ഗ്രേസ് ക്രിസ്ത്യൻ അസംബ്ലി ചർച്ചിലായിരുന്നു സമ്മേളനം. “സേവനത്തിനായി വിളിക്കപ്പെട്ടവർ: ക്രിസ്തീയ ശുശ്രൂഷയിലെ ആഹ്വാനങ്ങളും വെല്ലുവിളികളും” (“Called to Serve: The Call and Challenges of Christian Ministry”) എന്നതായിരുന്നു ഈ വർഷത്തെ മുഖ്യ ചിന്താവിഷയം. പാസ്റ്റർ മാത്യു സാമുവൽ അധ്യക്ഷത വഹിച്ച യോഗം ബ്രദർ ജോൺസൺ സാമുവലിന്റെ പ്രാരംഭ പ്രാർത്ഥനയോടെയാണ് ആരംഭിച്ചത്. പാസ്റ്റർ ജസ്റ്റിൻ വർഗീസ് ആരാധനയ്ക്ക് നേതൃത്വം നൽകി. ബ്രദർ ബാബു സൈമൺ യോഗത്തിൽ പങ്കെടുത്തവർക്ക് സ്വാഗതമാശംസിക്കുകയും സമ്മേളനത്തിന്റെ ലക്ഷ്യങ്ങളെക്കുറിച്ച് ആമുഖ പ്രഭാഷണം നടത്തുകയും ചെയ്തു. തുടർന്ന് നടന്ന സെമിനാറിൽ…

ഡാലസ്: നോർത്ത് അമേരിക്കൻ-യൂറോപ്പ് ഭദ്രാസന യൂത്ത് ചാപ്ലിനായി ചുമതലയേറ്റ ശേഷം ആദ്യമായി സന്ദർശനത്തിനെത്തിയ റവ. അരുൺ സാമുവൽ വർഗീസിനും ഷാരോൺ കൊച്ചമ്മയ്ക്കും ഡാലസ് സെന്റ് പോൾസ് മാർത്തോമാ ഇടവകയുടെ നേതൃത്വത്തിൽ ഊഷ്മളമായ സ്വീകരണം നൽകി. മെയ് 31 ഞായറാഴ്ച ഇടവകയിൽ നടന്ന വിശുദ്ധ കുർബാനയ്ക്ക് അരുൺ അച്ചൻ മുഖ്യ കാർമികത്വം വഹിച്ചു. ഇടവക വികാരി റവ. റെജിൻ രാജു,മുതിർന്ന പട്ടക്കാരൻ  റവ. ടി. ജെ. ജോസഫ് എന്നിവർ സഹകാർമികരായിരുന്നു. വിശുദ്ധ കുർബാനയ്ക്ക് ശേഷം നടന്ന ലളിതമായ സ്വീകരണച്ചടങ്ങിൽ ഇടവക സെക്രട്ടറി സോജി സ്കറിയ സ്വാഗതം ആശംസിച്ചു. വികാരി റവ.  റെജിൻ രാജു അധ്യക്ഷത വഹിച്ചു.ഡാലസിൽ വളരുകയും ഡാലസ് ഫാർമേഴ്സ് ബ്രാഞ്ച് മാർത്തോമാ ഇടവകാംഗവുമായിരുന്ന അരുൺ അച്ചൻ, യു.എൻ.ടി സർവകലാശാലയിൽ നിന്ന് എൻജിനീയറിങ് ബിരുദം നേടിയ ശേഷം കുറച്ചു വർഷങ്ങൾ ജോലി ചെയ്തിരുന്നു. തുടർന്ന് പ്രാദേശികമായും മെക്സിക്കോയിലും സഭയുടെ…

അറ്റ്ലാന്റ: ജോർജിയയിലെ ഡോസൺ കൗണ്ടിയിൽ ഒരു ആഘോഷ വിവാഹദിനം ദുരന്തമായി മാറി. നവദമ്പതികൾ സഞ്ചരിച്ചിരുന്ന ഹെലികോപ്റ്റർ തകർന്നുവീണ് വരനും പൈലറ്റും മരിക്കുകയും വധുവിനെ ആശുപത്രിയിൽ പ്രവേശിപ്പിക്കുകയും ചെയ്തു. മരിച്ച വരൻ അറ്റ്ലാന്റ നിവാസിയും ഡെൽറ്റ എയർലൈൻസിലെ പൈലറ്റുമായ ഡേവ് ഫിജിയാണെന്ന് തിരിച്ചറിഞ്ഞിട്ടുണ്ട്. പൈലറ്റിന്റെ ഐഡന്റിറ്റി ഇതുവരെ ഔദ്യോഗികമായി പുറത്തുവിട്ടിട്ടില്ല. മെയ് 29 ന് ഡേവിന്റെയും ജെസ്നിയുടെയും വിവാഹ ചടങ്ങിന് തൊട്ടുപിന്നാലെയാണ് സംഭവം നടന്നതെന്ന് പ്രാദേശിക റിപ്പോർട്ടുകൾ പറയുന്നു. ഡോസൺവില്ലയിലെ 24 മൗണ്ട് വെർനോൺ ഡ്രൈവിന് സമീപമാണ് ദമ്പതികൾ സഞ്ചരിച്ച റോബിൻസൺ ആർ 66 ഹെലികോപ്റ്റര്‍ തകര്‍ന്നു വീണത്. ഡേവിനും പൈലറ്റിനും മാരകമായ പരിക്കേറ്റതായും സംഭവസ്ഥലത്ത് തന്നെ മരിച്ചതായും ആദ്യം പ്രതികരിച്ചവർ പറഞ്ഞു. വധു ജെസ്നിയെ പരിക്കുകളോടെ അടുത്തുള്ള ആശുപത്രിയിലേക്ക് കൊണ്ടുപോയി. അവര്‍ അവിടെ ചികിത്സയിലാണ്. ഔദ്യോഗിക കാരണം കണ്ടെത്തിയിട്ടില്ലെങ്കിലും, പ്രദേശത്തെ മോശം കാലാവസ്ഥയായിരിക്കാം അപകടത്തിന് കാരണമെന്ന് പ്രാദേശിക…

മിസൂറി സിറ്റി (ടെക്സസ്): കടൽ കടന്നെത്തിയ കാരുണ്യത്തിന് കാൽ നൂറ്റാണ്ടിന്റെ സഫല യാത്ര. മിഷണറി സിസ്റ്റേഴ്സ് ഓഫ് മേരി ഇമ്മാക്കുലേറ്റ് (MSMI) സന്യാസിനീ സമൂഹം അമേരിക്കയിലെ സാന്നിധ്യത്തിന്റെയും ശുശ്രൂഷയുടെയും രജതജൂബിലി, ടെക്സസിലെ മിസൂറി സിറ്റിയിലുള്ള സെന്റ് ജോസഫ് സിറോ-മലബാർ കാത്തലിക് ചർച്ച് ഓഫ് ഹൂസ്റ്റണിൽ ആഘോഷിച്ചപ്പോൾ അത് സേവനത്തിന്റെ പാതയിൽ അവർ നടന്നു തീർത്ത യാത്രയുടെ കൂടി ഓർമ പങ്കുവയ്ക്കലായി. കൃതജ്ഞതാ ബലിയോടെയും പൊതുസമ്മേളനത്തോടെയും ഭക്തിപൂർവ്വം നടന്ന ആഘോഷങ്ങൾ മലയാളികൾ ഉൾപ്പെടുന്ന സമൂഹത്തിന്റെ കൂടി സാന്നിധ്യത്താൽ ശ്രദ്ധേയമായി. ചിക്കാഗോ സെന്റ് തോമസ് സിറോ-മലബാർ രൂപതാധ്യക്ഷൻ മാർ ജോയ് ആലപ്പാട്ടിന്റെ മുഖ്യകാർമ്മികത്വത്തിലാണ് വിശുദ്ധ കുർബാന അർപ്പിക്കപ്പെട്ടത്. മുൻ രൂപതാധ്യക്ഷൻ മാർ ജേക്കബ് അങ്ങാടിയത്ത്, നിരവധി വൈദികർ എന്നിവർ സഹകാർമ്മികരായിരുന്നു. അമേരിക്കയിലെ സിറോ-മലബാർ സഭയുടെ വളർച്ചയിൽ എം.എസ്.എം.ഐ സിസ്റ്റേഴ്സ് വഹിച്ച സുപ്രധാന പങ്കിനെക്കുറിച്ച് മാർ ജോയ് ആലപ്പാട്ട് തന്റെ വചനസന്ദേശത്തിൽ…